https://www.facebook.com/103628825540022/

صبحيه الزيبق- Subhieh Al Zaibak, Riyadh (2025)

12/05/2023

🔴 #عاااجل || تم إصلاح خلل فيسبوك، يمكنك الآن زيارة صفحات المحبين دون قلق 🙂🖤

11/02/2023

⛔⚠️تنبيه⚠️⛔

ياجماعه هاد الرابط لا تفوتو عليه أبدا ازا وصلكم عالواتس .. في ناس انسرق كل الرصيد اللي معهن بس فاتو عليه لأن بيخليك تبعت رسالة فيها معلوماتك بدون ما تنتبه

06/02/2023

⛔⚠️ انتبهو ⚠️⛔
في تسجيل صوتي عم يتداولوه الناس عالواتساب الشخص عم يقول بالتسجيل (اجهزة رصد الزلا زل بالسفن رصدت حدوث زلزال بكرة بين الساعه 6 و 8 وبقوة 9.3 )

طيب هل تعلم انو اذا قوته 9.3 بتنمحا البلد عن وش الأرض؟ مابعرف شو الغايه من هالغباء هاد🙂

اذا وصلكم هيك مقطع لاتساهمو بنشره وتخويف العباد أكتر .. والله في ناس مومتحملة حالها

⚠️ خلي العالم تعرف تنام

27/12/2022

⚠️ الإمارات تمنح الموظفين إجازة مدتها سنة للتفرغ للعمل الحر ولمساعدة الموظف الإماراتي لتأسيس مشروعه الخاص مع استمرار راتبه وفي حال الفشل بإمكانه العودة للوظيفة.

ماتعليقك ؟ 🙂

12/11/2022

حصل ؟ 🙂

03/11/2022

تمام؟ 🙂

28/05/2022

🔴مطلوب فتاة للعمل ( أون لاين ) لصالح شركه تصميم داخلي في دمشق

المؤهلات :
➖خريجه ادارة اعمال

➖ شاطرة وعندها خبرة بالحسابات وتقديم التقارير بالوقت المحدد

➖ مارح قلكن تتحمل ضغط العمل 🙂 لأن الشغل كتير مريح وساعات العمل قليله ( وغير مقيده)

➖وجود لاب توب وانترنت

➖الأفضل تكون مقيمه بدمشق كرمال تداوم بحال صار مقر الشركه جاهز على أرض الواقع فيما بعد

🔴بالنسبه للراتب ممتاز و يحدد بعد المقابله

ياليت يلي عندها المؤهلات تخبرنا بالكومنت لنتواصل معها .وياليت ترفعولنا البوست لغيركم يستفيد 🖤

22/05/2022

🔴الربح عن طريق منصه الفيديوهات
facebook for media
وهو هو نظام اعلاني اطلقته فيسبوك بالفترة السابقه لحتى تعرض الاعلانات على مقاطع الفيديو يلي بتنشرها انت .. وهيك شركه الفيسبوك رح تربح من مشاهدات الاعلانات ورح يكون الك جزء من هاد الربح ..
وتقريبا نظام هي المنصه بيشبه كتير نظام الربح من YouTube ..

_كل يلي عليك تعمله انك تشترك بالمنصه وبعدها رح يقوم facebook بوضع اعلانات على الفيديوهات

⚠️ طيب شو المطلوب منك وشو الشروط لتقدر تفعل هالميزة؟
1️⃣ لازم تحتوي صفحتك اقل شي على 10 الاف متابع
2️⃣ لازم تحصل على 30000 مشاهده آخر 60 يوم
3️⃣ انك تكون ضمن البلدان المتاحه فيهم هي الميزة
4️⃣انك تكون مؤهل للربح .. يعني عندك محتوى مناسب وغير مخالف للمعايير وانو يكونو المشاهدات والاعجابات حقيقيه

⚠️طيب شو البلدان يلي متاحه فيها هالميزة؟
متاحه تقريبا بجميع البلدان الأجنبيه .. انا بالنسبه للبلدان العربيه رح نذكر منها ( مصر ، العراق ، الأردن ، السعوديه ، الامارات ... )

🔺️أما اذا كنت بسوريا .... بما انها من الدول المحظورة
فالحل انم تخلي حدا خارج البلد يفتحلك الصفحه ويديرها من عنده بدون اي تدخل منك ( ممكن حدا بيقربك أو وسيط بياخد نسبه رمزيه من ارباحك )

🔴الخلاصه:
اذا كان عندك صفحه بتحقق هالشروط وعندك محتوى وعدد متابعين ..لاتستنا ولاتضيع هالفرصه .

أي سؤال فيكم تكتبوه بكومنت ورح جاوبكن .

06/04/2022

🔴على طلب الأغلب رح نبدا بتطبيق #الفيسبوك
البوست طويل شوي بس شامل وبفيدك ياريت تكمل للآخر

⚠️كيف فيني استغل تطبيق الفيسبوك بمجال ( العمل عبر الانترنت) ؟
في عنا اكتر من طريقه ورح خبركن عنهم ويلي بيحتاج شرح اكثر وتفصيل رح اشرحو ببوستات مفصله:

🔺️اول طريقه:
انك تفعل الربح من الفيديوهات يلي بتنشرها على صفحتك وهالشي بصير عن طريق منصه فيسبوك الجديده ( Facebook For Media )
وتقريبا هالطريقه فيها شبه لطريقه الربح من يوتيوب
___________
🔺️ثاني طريقه:
انك تسوق خدمات ومنتجات وهالشي بصير بعدة طرق:
1/ انك تعمل صفحه او مجموعه وتبدا تنشر عليها منتجاتك او خدماتك المختلفه يلي بتقدمها وتحاول تسوقلها لتحصل على اكبر عدد من العملاء

2/ انك تسوق لمتاجر الكترونيه مشهورة مثل ( she in) وغيرها... وتاخد نسبه معينه من الربح
وبما انو الشراء من هالمتاجر مرغوب كتير ومنتشر ..رح تحقق ربح ممتاز منها .

3/ تعمل صفحه او مجموعه وتبدأ تروج لمنتجات اشخاص آخرين او شركات مقابل انك تحصل على نسبه من الربح وهي من اسهل الطرق يلي ممكن تجنيلك كتير ارباح بدون ماتحط اي رأس مال منك
___________
🔺️ثالث طريقه:
انك تتعامل مع شركه رفع ملفات
وهالطريقه بتصير بانك تشوف الملفات يلي بيبحثو عنها اعضاء صفحتك او مجموعتك او اصدقاءك بشكل كبير وبعدها تشترك مع احد الشركات المختصه بهالنوع من الملفات وتصير تنشرلهن روابط التحميل
الشي الي رح تستفيدو انت من هي العمليه ..هو انو الشركه رح تدفعلك عموله مقابل كل عمليه تحميل بتصير لهي الملفات
وكمان فيك ترفع هي الملفات على حسابك على موقع هي الشركه لانك كمان ممكن تحقق ربح من الاعلانات يلي بتحطها هي الشركه على صفحه التحميل وهيك انت بتستفيد من كل مستخدم رح يسجل زيارة عالصفحه
____________
🔺️رابع طريقه:
الربح من اختصار الروابط
هالطريقه بيتبعوها كتار لانها سهله ومابتحتاج يكون عندك خبرة
اول شي لازم تعمله هو انك تشترك مع وحده من شركات اختصار الروابط وبعدها بتصير تختصر كل رابط بتعطيك ياه الشركه ( وهالشي بتعملو عن طريق برنامج مخصص لاختصار الروابط ) ورح اشرح عنها بالبوستات الجايه
تاني شي بتعمله بعد ماتختصر الرابط هو انك تشاركه على الفيسبوك وكل شخص من اصدقاءك او متابعيك او غيرهم رح يكبس عهاد الرابط رح تحصل بعدها على عموله وهالشي بصير لأن الشركه رح تعرض اعلاناتها عليه
________________
🔺️خامس طريقه:
بما انو في كتير مواقع عملت اشتراك بالأدسنس المختص بعرض اعلانات جوجل على المواقع او المدونات او غيرها وحققت ربح من خلال عدد الزوار الكبير والنقرات على الاعلانات
ف انت هون ممكن انك تحقق ربح بطريقتين:
_اول وحده انك تعمل مدونه وتفعل عليها الربح من الاعلانات وتصير انت تنشر روابطها على الفيسبوك لتحقق اكبر عدد من الزيارات
_ او انك تتفق مع شخص عنده مدونه او موقع او قناة يوتيوب وتنشرله هي الروابط وتضيف عليها عناوين مشوقه لحتى الناس تدخل وتقرأ ..طبعا بمقابل مادي متفق عليه او نسبه معينه من الارباح
__________
🔺️سادس طريقه:
انك تعمل صفحات وتكبرها ( تزيد متابعيها وتقوي التفاعل فيها بطرح منشورات قيمه) وبعدين تبيعها
_______
🔺️سابع طريقه:
اذا كان عندك متابعين واصدقاء كتير على صفحتك الشخصيه او كان عندك صفحه عامه فيها عدد متابعين مثلا اكتر من 10 الاف شخص
ف بامكانك انك تتواصل مع اصحاب الصفحات يلي لسا معموله من جديد وتعرض عليهم انك تعمللهم اعلان عندك او تروجلهم لصفحاتن
________
🔺️ثامن طريقه :
الربح عن طريق لعب الالعاب الفوريه
_ممكن انك تصمم لعبه وتطورها اذا كان عندك خبرة بلغه البرمجه html 5 وبعدها تضيفها لقائمه الالعاب الفوريه على منصه فيسبوك وبعدها رح يقوم التطبيق بوضع اعلانات عليها وتجني الارباح من خلالها

✅اترك تعليق على البوست وشاركه لحتى غيرك يستفيد🙏

وأي سؤال عندكم كتبولي ياه بالكومنتات لجاوبكم عليه

23/03/2022

مساء الخير🖤
⚠️لاحظت انو موضوع سحب الارباح بسوريا يشكل العائق الأكبر أمام اكثر الناس وعم يخليكم تغضو النظر عن العمل عبر الانترنت ..
لذلك حبيت خبركم أنو يلي بدو يشتغل مافي عائق ممكن يوقف قدامه..
رغم انه بسوريا انحظر ربط الحسابات بالفيزا من عده سنوات ولكن (سحب الارباح مانو صعب ولامستحيل)

🔺️لهيك رح خبركم اكثر من طريقه تقدرو تستلمو فيها ارباحكم من يوتيوب او المدونات او مواقع العمل الحر او اي تطبيق بيحتاج لحساب بايبال وانتو داخل سوريا :

1️⃣اكيد اغلبنا عنا شخص بنوثق فيه مسافر برا البلد ( أخ او صديق ...) بعد مانجمع ارباح ببساطه فينا نخبره يسحبلنا ياهم عن طريق حسابه .

2️⃣اليوم بسبب اهميه انتشار العمل عبر الانترنت داخل سوريا ( صار موجود كتير اشخاص بيشتغلو ك وسيط " partner" ليسحبلك ارباحك مقابل انك تعطيه نسبه معينه من هذا الربح تقريبا 10% او أكثر على حسب الشخص يلي عم تتعامل معه) وفي شركات موثوقه كمان بتقدملك هالخدمه

3️⃣وفي طريقه ثالثه عن طريق الشيكات رح اشرحها ببوست مفصل

🔺️ومثل ماحكيت قبل انو الربح والعمل على الانترنت مومقتصر بس على التطبيقات او المدونات .. فيك تشتغل بمهنتك ك فري لانسر و تستلم فلوسك كاش من الشخص يلي انت عم تشتغل له لما بتكون عم تشتغل وتتعامل بشكل مباشر مع العميل

⚠️ :
لاتحاول تتلاعب على بايبال لأنهم اذكى مني ومنك وتقنياتهم رح تقدر تكتشف هالتلاعب حتى لو تأخرو ..
لذلك اختصر عحالك من البدايه لحتى ماتخسر حسابك وتخسر كل الارباح يلي جمعتها واستخدم الطرق الصحيحه يلي خبرتك عنها ..
لأنه بالنهايه ..العموله يلي رح تدفعها للشخص كرمال يسحبلك ارباحك ارخص بكتير من انك تخسر كل شي🙂
___________________________________
رح جاوب على أي سؤال عندكم 🖤

21/02/2022

⚠️اذا كنت مبتدئ وموعرفان كيف تبدأ وعم تشعر باليأس والصعوبه.. هي فرصتك لتحط حالك بأول الطريق.. ✅الموضوع لا سحر ولا حظ بل اجتهاد ومثابرة

اول شي رح نحكي عنه هو طرق العمل ( والربح) عبر الانترنت وبعدها رح ابدأ اشرحلكم كل طريقه لحالها لتقدرو تختارو وتحددو شو الأنسب لكل شخص فيكم :

🔺️طرق العمل أو( الربح ) عبر الانترنت كل فترة بتتزايد بشكل كبير ولكن أشهرها :

1- الربح عن طريق انستغرام
2- الربح عن طريق الفيسبوك
3- الربح عن طريق اليوتيوب
4- الربح عن طريق التدوين وجوجل ادسنس
5- الربح عن طريق التجارة الالكترونيه
6- الربح عن طريق مواقع العمل الحر
7- الربح عن طريق انشاء مشروعك الخاص
8- الربح عن طريق التسويق بالعموله
9- الربح عن طريق ادارة صفحات التواصل الاجتماعي للشركات او الانشطه التجاريه
10- الربح عن طريق تصاميم الجرافيك ومونتاج مقاطع الفيديو
11- الربح عن طريق كتابه المحتوى وتحسين محركات البحث ( سيوSEO )
12_ الربح عن طريق الترجمه

وأكيد في طرق ثانيه بنحكي عنها بوقت لاحق لأنها ممكن تكون صعبه عليك كشخص مبتدئ..

🔺️خبروني بالتعليقات شو الطريقه يلي بتحبو نبدأ فيها؟

🔺و️فيك تطرح أي سؤال لجاوبك عليه 👇

11/02/2022

✅بدك تشتغل عالنت وتطلع مصاري متل الكل بس ماعم تظبط معك ولاعم تعرف كيف تبدأ؟ ومن وين؟ 🤔

⚠️بالبدايه خلينا متفقين انو العمل عبر الانترنت هو عالم مبني على المعرفه والعلم بالدرجه الاولى ..يعني مافيك تعتمد على انو 1+1= ربح ❌

أهم النقاط يلي لازم تمشي عليها لما بدك تقرر تشتغل عبر الإنترنت : إفهمها منيح وركز👌

1/ التعرف على سوق العمل ومتطلباته..
يعني ببدايه مشوارك بدك تحط خطط واساسات صحيحه لتسعى للنجاح ومن ثم بتبدأ تفكر بكميه الربح ..
أما إذا دخلت المجال وانت فقط عم تفكر بالمصاري للأسف رح يكون مصيرك الفشل يعني ((تحمس ..لكن مو بالقدر يلي يخليك تفقد ايمانك بالنجاح عند أول مطب))

2/ دراسه خبراتك وتحديد الخبرة الأصح للبدء..
إذا كان عندك أكثر من مهاره ( كتابه محتوى ، تسويق، ترجمه، تصميم ...إلخ) لازم ترتب أولوياتك وتحدد بشو بدك تبدأ ..شو الشي يلي انت أشطر فيه وممكن تبدع فيه أكثر ؟
وطبعا ببدايه الأمر ( انك تختار مجال واحد تبدع فيه ..افضل بمراحل من انك تدخل بأكثر من مجال مرة وحده لأنك رح تتعرض للتشويش وعدم التركيز) واذا ماكان عندك ولامجال بتعرف فيه .. فلازم تختار واحد وتبدأ تتعلمه

3/ لاتدخل مجال لاتحبه لمجرد اعتقادك انه يدر الأرباح أكثر من غيره..
هالشي حتما رح يعرضك للفشل ..لأن العمل عبر الانترنت هو ابداع بالدرجه الاولى ..ومستحيل تبدع بشي مابتحبه

4/ البدء تدريجيا خطوه خطوة وعدم استباق المراحل..
اذا كنت مبتدئ .. لاتدخل مجال بيحتاج لرأس مال كبير لأنك ببدايه الطريق دائما انت معرض للخسارة ولما رح تكون الخسائر كبيرة رح تتعرض للاحباط ورح يصير صعب انك ترجع تبدأ من الصفر
( لذلك اختار العمل يلي مابيعتمد عرأس المال ..او اذا لابد فيكون بيحتاج شي قليل)

5/ لازم تتعلم عده أمور أساسيه بتساعدك وبتسهل عليك العمل مثل ( التعامل مع تطبيقات التواصل ،اساليب التعامل مع العملاء ، التسويق الذكي لنفسك .. )

🔺️تأكد ..
بس تمشي خطوة خطوة بالشكل الصحيح .. هون انت رح تكون حطيت رجلك بأول الطريق .. ودائما خلي عندك ايمان بالنجاح ولاتحبط نفسك ولاتقلل من قدراتك
🔺️تذكر ..
🖤

25/01/2022

أهلا وسهلا بالجميع 🖤
بالوقت يلي انت قاعد هلأ عم تفكر شو بدك تشتغل! وكيف بدك تسحب مصروف! في غيرك عم يعمل هالشي من ورا الشاشه وهو قاعد بالبيت ..
طيب كيف فيك تصير متله؟
انا من خلال خبرتي الطويله بالمجال وتجربتي ، رح علمك هالشي من الصفر خطوة بخطوة وبطريقه مبسطه وسلسه بعيدا عن التعقيد ، لساعدك تحصل بالنهايه على عملك الخاص قد ماكانت مهاراتك قليله أو حتى ماعندك فكرة أبدا عن الموضوع وتتأكد انو أي حدا بيقدر ينجح وكان عليك بس " انك تبدأ "
وكمان تأكد انو المبلغ يلي انت بتحلم تطلعه اليوم رح يصير بالنسبه الك رقم عادي 👌

▪️اتركو تعليق عالبوست ..واللي بحب يشاركه لنوصل لعدد منيح حتى الكل يستفاد ونبدأ سوا

صبحيه الزيبق- Subhieh Al Zaibak

12/05/2023

11/02/2023

06/02/2023

27/12/2022

12/11/2022

03/11/2022

28/05/2022

22/05/2022

06/04/2022

23/03/2022

21/02/2022

11/02/2022

25/01/2022

Address

Website

Alerts

Shortcuts

Share

Category