31/05/2026
20 na taon na ang nakakalipas nang makilala ko si Dudong, ito ang isang batang nakadaupang-palad ko noong 2006 sa isang talon sa Occidental Mindoro, naging saksi ang falls na iyon sa aming pagkikita. Nakabisita ako sa Agbalala Falls sa yaya ng isang kaibigan, muntik pa ngang madulas sa batuhan ang batang ito dahil sabik na sabik maligo.
Nang tinanong ko kung ano ang gusto n'ya maging paglaki n'ya, nakakatuwang sagot nito ay gusto n'yang maging 'kapitan", medyo naguluhan ako kung anong kapitan, hanggang s'ya mismo nagsabi na gusto n'yang maging kapitan na kasama ang mga barangay-tanod, hanggang sa nagpagtanto ko na Brgy. Captain pala ang gusto nito maging paglaki, ang akala ko talaga kapitan ng barko o "Marino".
Sabi ko, bakit mo naman gusto maging kapitan, sabi n'ya, gusto n'ya kasi bantayan ang bahay nila, at gusto n'ya daw gayahin ang ginagawa ng kapitan nila noon na tumutulong at laging nalalapitan ng tao at madalas nadidinig n'ya na nagpapasalamat ang mga nasasakupan nito. Marahil ang ibig n'yang sabihin, kapag mabuting tao ka, marami ang taong magpapasalamat sa'yo kahit wala ka namang binibigay talaga na tulong, parang ikaw 'yung nagbibigay pag-asa sa kumunidad, ikaw 'yung simbolo ng isang mabuting lider.
Sa pagkakatanda ko, si Dudong ay mga nasa edad na 6, at posible na 26 o 27 years old na s'ya ngayon. Marahil, dito sa isa sa mga lugar na ito matatagpuan ko si Dudong; Tibag, Poblacion o Cabucao, kasi iyon ang pinakamalapit na mga lugar sa Falls na iyon. Ang hiling ko lang ay makita s'yang muli at magpasalamat sa tinuro n'ya sa akin, na kahit bata pa ay natutunan n'yang mangarap na maging isang lider, kamusta na kaya si Dudong? kung alam ko lamang ang tunay n'yang pangalan at eksaktong lugar kung saan s'ya nakatira, pinuntahan ko na agad s'ya. Sana, nasa Occidental Mindoro ka pa si Dudong!
Kung may nakakakilala po kay Dudong, i-message n'yo lamang po ako dito sa aking facebook Page. Alam ko, na nabigo na ako sa paghahanap ko kina Darwin, Toto, JC at Mika, ayoko sa pagkakataong ito ay hindi ko s'ya makita, sa pamamagitan ng larawang ito, nawa'y matagpuan natin s'ya.
Bagamat may pamilyang kasama si Dudong ng magkakilala kami sa falls noong 2006, ramdam mo 'yung pagiging disiplinado n'ya at masunurin sa magulang, napaka-swerte n'ya kasi ang daming nagmamahal sa kanya, kaya ganoon na lang ang pangarap n'yang maging kapitan na may mga kasamang Baranggay-Tanod. Sa paniwala ng batang ito, ma-po-protektahan sila ng kanyang pangarap.
Matapos ang tatlong taon, doon nakilala ko si Buboy, 'sing liksi rin s'ya ni Dudong, and the rest was history, doon nagsimula ang aking pananaw na lahat ng bata ay may kanya-kanyang munting pangarap, na hindi man nila nauunawaan ang tunay na kahulugan nito pero ang mga batang ito ay ang pamantayan ng pinaka-honest na tao sa mundo, kaya mula 2010 nagsimula na akong magsagawa ng mga charity events at outreach program kung saan nakipagkaibigan ako sa mga bata at nagsimulang magtanong ng "Ano ang gusto mo maging, paglaki mo?" At nangako ako sa sarili ko, na hahanapin ko sila mula paglaki nila
Kung nasaan ka man Dudong, ikanagagalak ko ang muli nating pagkikita.
The Journey Through Ten Stories | No.10 (Last)
