29/08/2025
Qorshe Khatar ku ah Qaranimada DFSoo ka Socda Mid ka mid ah Wasaaaraddaha Ugu muhiimsan Dowlada.
Muqdisho – 28 Agoosto 2025
Warar lagu kalsoon yahay ayaa sheegaya in madax sare oo ka tirsan Wasaaradda Amniga Gudaha ay wadaan qorshe lagu saleeyomagacaabista Agaasime Waaxeedyada iyo madaxda qaybo muhiim ah, nidaam beeleedka 4.5. Qorshahan ayaa waxaa si gaar ah u riixaya Agaasimaha Guud, oo madaxda qaar ka mid ah ka soo dhax hadlaya.
Ilo xog ogaal ah ayaa tilmaamaya in mid ka mid ah madaxda Wasaaarda, oo muddo 8 bilood ku-sime u ahaa xilka Wasiirka Amniga, uusan xiligaas magacaabin wax Agaasime Waax ah, balse hadda uu doonayo in qof beel ahaan u dhow lagu magacaabo xil muhiim ah asagoo isticmaalaya qalinka wasiirka hada joogo. Sidoo kale, waxaa la sheegay in arintaan ay qeyb ka tahay ololalaha raadinta xilka Taliyaha Booliska.
Arrintan ayaa dhalisay walaac weyn, iyadoo lagu tilmaamay inay dhaawaceyso hufnaanta dowladnimo iyo kalsoonida hay’adaha amniga. Waxaa sidoo kale arintaan ka dhalan kara culays siyaasadeed iyo mid bulsho haddii xilalka qaarkood laga qaado shaqsiyaad hadda haya, islamarkaana lagu beddelo nidaamka beeleedka 4.5 oo aan lagu qancin siyaasiyiinta saameeynta leh beelaha qaar.
Wasiirka Amniga Gudaha, General Fartaag — oo sidoo kale musharax u ah Jubaland ta cusub — ayaa la filayaa inuu fahmi karo culeeska ay arintaan leedahay xili uu si adag ugu baahanyahay saaxiibadiisa ay isku saamiga yihiin Agaasimayaasha in la tuuro la doonayo.
