12/10/2026
چیئرمین پی ٹی آئی بیرسٹر گوہر نے اعلان کیا ہے کہ پارٹی کی پارلیمانی کمیٹی کا اجلاس کل ہوگا، جس میں خیبر پختونخوا میں گورنر راج کے معاملے پر مؤقف اختیار کیا جائے گا۔ ان کا کہنا ہے کہ پی ٹی آئی گورنر راج کے خلاف ہر فورم پر آواز بلند کرے گی۔
بیرسٹر گوہر نے کہا کہ دہشت گردی پاکستان کے لیے ناسور ہے، اس کے خلاف جنگ میں عوام کو تقسیم کرنے سے گریز کرنا چاہیے۔ ان کے مطابق حکومت نے ہٹ دھرمی کا مظاہرہ کیا اور خیبر پختونخوا میں اچانک حکومتی مشینری تبدیل کر دی گئی۔
چیئرمین پی ٹی آئی کا مزید کہنا تھا کہ پاکستان کا مستقبل جمہوریت سے وابستہ ہے اور وفاق اسی وقت مضبوط ہوگا جب صوبے مضبوط ہوں گے۔
