01/10/2025
زوجي لحيتو طويله شديد ،اتكلمت معاه يقصرها ما استجاب ، وحاولت كتير ما اقتنع ، الليله وهو نايم جبت المقص وقصيتها بالراحه دون يصحى ،،بعد صحى ولقاها مقصره ،كلمتو ،غضب غضب شديد ووجهو حمر ،وقفل عليه باب الغرفه،وبقيت محتاره عاوز يعمل شنو،،بعدها ناداني يا هدى تعالي ،جيتو قال لي انت استفزيتيني شديد واعتديتي علي بدون دافع ،وانا اتخذت قرار وعندك حق الاختيار :
الاول:اقطع جزء كبير من شعرك وبحدد انا
الثاني: اطلقكك ونرجعك بعد رمضان
التالت: تديني غويشه من غوايشك بتاعة الدهب
الرابع:تسمحي لي اعرس لان نفسي في زوجه تحترمني حاضر وغايب و نايم وصاحي
عندك مهله لمده ٢٤ ساعه تختاري
في حال عدم الاختيار بعمل قرعه اختيار عشوائي
اقسم بالله انا جادي وعلي كيفك
..................................
علما انو بحب الدهب شديد ومابقدر اديهو شعري تعبت فيه ماخليت كريم ولا زيت وماسكات
وفيتامينات وهو عارفني مهتمه بيهو الطلاق ده لو انا رضيت الناس مابتريح ومستحيل يخلوني دون سؤال ، وبرضو انا قادره استحمل لكن ما عاوزه حياتي يكون فيها طلاق وتشتت ولو رضيت بالطلاق ح يفتكرني قنعت منو وبفتش سبب اتسبب بيه معاه واحتمال يفكر يعرس فيني طالما ختاه خيار
-يعرس فيني حاره وما بقدر على الضر
بالاضافه
ما كنت متوقعه الخيارات دي وانا قطعت صوفات من دقنو
عموما ردة فعلوا عنيفه وغير مقبوله
صويفاتو ديل عاوز يدفعني ثمنهم،حسبي الله ونعم الوكيل فيه وفي اي راجل بهين مرتو
يلا يا بنات امي
شوفوا لي الخيار المناسب
