مجههجة

مجههجة Fashion and makeup

28/01/2026

يجماعة أنا مشكلتي اكبر من مشاكلكم!
ي جماعة انا راجلي زمباري. 🙂💔
لا وكمان لما يجي من الشغل يشبكني ليك الو الو سي ماي نيقا نيمس راجل عُـلا يعني الحضران الما بحنك الوسخان يعني راجل الصبجة المحسنة ويجدع لي الاكياس في السرير بي حركة ويبدا يعمل حركات الزمباريين ويمسك يدي ويلفني كدة بي حركة سريعة ويقلبني عليو ووشي يقابل وشو ويقول لي وااا اصلييةة وااا لقويتي البريدا الله يقتلني مشتاقين 🙂💔 ويواصل مشي كانو م عمل شي يخش الغرفة ويكورك لي من جوة ختي المنجرية يا أصلية

28/01/2026

‏السودان دا عبارة عن :
رجال كضابين ، ونسوان سمان ، وشفع قليلين ادب ، وسماسرة ، وبتاعين ركشات وترحال ، ونشاليين ، وتجار عملة ، وفيضانات ، وملاريات ، وعطالة وجمبات ، ومصورين ، وبنات موديل ، وخبيرات تجميل ماليات البلد ، وقونات ، وفنانين وشلابين ومشلوبين ، واغاني مغارز ،
وسنعبر وسننتصر 💔🚶‍♂️👴🏻🤣

14/01/2026

صباح الخير يا بنات..
جييييتكم موووجوعه والله ومن امس ببكي لحدي ما عيوني اتورمت..
#الحكايه انو مشينا لي اختي وبيتنا معاها.. وتاني يوم قلنا نتغدا ونطلع..
انا وحبوبه .. صليت العصر واختي ختت لينا الغدا.. جا راجل اختي.. نادا ولدو الصغير المطبخ .. وقال ليه كلام. .. قولو لي خالتك..
الولد جا جاري وكلمني في اضاني .. قال لي بابا قال ليك هنا ما مطعم💔💔..
والله كاني سمعت وما سمعت ..الشافع عاداها لي تاني.. اللقمه في ايدي ما قدرت اتمها.. جا راجل اختي قال لي الكلام وصلك..
والله اتمنيت الارض تتشقا وتبلعني.. طوالي قمت انا وحبوبه ارح بيتنا..
اختي حصلتني في البيت واعترزت نيابه عن زوجها وقالت انو بهظر..
مع العلم اني والله لا قاعده امشي ليها كتير ولا قاعده اكل عندها وما اتزوجت ما اظن بيت معاها يومين ورا بغض..
#قلبي واجعني شدددديد ياخ من امس ببكي هو الدنيا حصل فيها شنو الموت البشيل الناس ده مافي زول بتزكرو.. اكل شنو البتتكلم فيهو .. وليه الواحد يعامل الناس بالطريقه دي ..
كسر الخاطر ده ما عافيه ليهو لمن اموت😭😭💔💔

10/01/2026

بتذكر لمن كنت عروس جديدة اهل راجلي عملو بامية ، وهو عارف اني م بحب البامية مشى جاب لي سته اصناف اكل من بره ،
بعد فتره من العرس تاني عملو باميه ، عاينت ليهو كده قال لي :
كان م دايرة باميه غمسي عيشتك في الدمعه حقتها ساي 🙂

05/01/2026

● أَتَمَنَّى أَنْ تَتَنَاثَرَ حُرُوفُنَا عَلَى قُلُوبِكُمْ فَرَحًا؛ وَأَنْ لَا تَبْخَلُوا بِهَذَا الفَرَحِ عَلَى أَصْدِقَائِكُمْ بِدَعْوَتِهِمْ لِمُتَابَعَةِ الصَّفْحَةِ. ✨️
● شُكْرًا لِلعُقُولِ الرَّاقِيَة الَّتِي تُتَابِعُنَا وَ تَتَفَاعَلُ مَعَنَا. ️♥️
● مَرْحَبًا بِكُمْ جَمِيعًا أَصْدِقَاءَ تَنَاثُر حُرُوف 🥰🥀

29/12/2025

يا أيتها المرأة ، كملي قرايتك و شيلي شهاداتك أحسن ليك ، أبجيقة الليلة حنون و بكرة ما مضمون و البتقولي عليهو كيوت بكرة يديك بالشلوت ، أبقي واعية 🙂💔

28/12/2025

*رآت فتاة رجل سوداني خلف الاشجار 🌳🌳*
*فسالته هل انت فارس احلامي 😇*
*فقال لا 🐸*
*وبعد قليل راته خلف الزهور 🌹*
*فسالته هل انت فارس احلامي 😇*
*فقال لا 🐸🐸*
*وبعد قليل راته خلف النهر 🌊*
*فسالته هل انت فارس احلامي 😇😇*
*فقال ليها ي بت الحلال عليك *الله خلينا*
*نبول*
🙂😂😂😂😂🤣💔.🤭

27/12/2025

اول حب لي كان في الࢪوضة وانفصلنا عشان أكل لي مساحتي الجعان😒💔.

18/12/2025

امي انا عايزه اتنقب
انا بعد 5 دقائق : اميي هسي انا لو بقيت قونه مالو..!
انفصام

💫الرجل الي ينام وقلب مرته موجوع منه 💔مستحيل يشم ريحة البركة مهما جمع من مال ولا عمره راح يلاقي التوفيق في أي طريق يمشيه ...
16/12/2025

💫الرجل الي ينام وقلب مرته موجوع منه 💔
مستحيل يشم ريحة البركة مهما جمع من مال ولا عمره راح يلاقي التوفيق في أي طريق يمشيه 👌
💫لأن الظلم لا يُمحى مهما صلى وصام، من يؤذي زوجته بالكلمة أو الفعل او الخصام او الاهمال 💔
وهو يعلم أنها لا تملك سواه فقد خان الأمانة التي استودعه الله إياها💔
💫✨وويل له من دعوة مكلومة 🤲🏻
لا تملك سوى أن ترفع يدها إلى السماء.🤲🏻
#مجههجة

15/12/2025

البرد ده ذكرني نفسي السنة الفاتت ناس البيت كلهم
بكونو نايمين في الصالة وانا بكون في غرفتي لكن لو اتكلمت بالتلفون صوتي بيتسمع اها انا عشان اتكلم معاهو كنت بشغل المكيف عز البرد داك وفي النهاية عرس بت عمو وانا جاتني رطوبة 🙂💔
احكي لينا كنتي بتعملي عشانو شنو
وفي النهاية خلاك وانتي جاتك عاهة مستديمة

12/12/2025

راكبين المواصلات مرة انا وصحبتي
قعدنا ف اخر مقعد وقاعد قدامنا ولد
الولد ده طول الطريق سرحان وزهجان كده فجأة عمل بيدو حركة النصر ديك والقعدة بقت غالباهو وبقى يتلفت وفجأة دموعو نزلت و خلال الفرك الحصل ده كلو كان كل شوية يدخل واتساب يسمع ريكورد وينطط ويدمع ولما يفتح الريكورد الشاشة بتتوجه على والدردشة كانت من البت البحبها 🥺
وشكلو مستني موافقتها أو موافقة أهلها لأنو شكلو ملتزم كده ولما جات الموافقة بكى وهو ف المواصلات!
غايتو انا اقتنعت انو في رجال بتحب جد جد ومن قلبها والله انا لما بكيت معاهو ل فرحتو دي وفعلا بختها البت دي بالراجل ده وربنا يسعدهم🥺❤️❤️
واحب اقول ليها شلتي النوّار وخليتي لينا العوّار

Address

Al Khartum Bahri

Telephone

+249924513733

Website

Alerts

Be the first to know and let us send you an email when مجههجة posts news and promotions. Your email address will not be used for any other purpose, and you can unsubscribe at any time.

Contact The Business

Send a message to مجههجة:

Shortcuts

Share