28/04/2025
أوعك تسافر وتخلي مرتك وراك، وتقول أنا برسل ليها مصاريف بتكفيها ومعيشا كويس
الوحده ما بتتزوج عشان القروش والمصاريف بس،
هي دايراك "إنت"… شخصك، وجودك، حنانك.
دايرة زول يقيف معاها
ولما تواجه مشكلة، تلقاك في ضهرها
زول تتونس معاه، وتضحك وتبكي في حضنه
زول تحس معاه بالأمان وقت الزنقة
المشكلة لمن تسيبها سنين براها
بتتغير، غصباً عنها
بتتعلم تعتمد على نفسها،
تبقى هي الراجل والمرأة في نفس الوقت
هي البتتصرف، وبتقرر، وبتواجه، وبتتحمل
ولما ترجع، تحاول تمارس دورك كزوج
تتفاجأ إنها ما متقبلاك زي زمان
تلقى منها صدود، ونفور، وبرود
وتستغرب، لكن الحقيقة إنك إنت السبب
إنت بقيت مجرد ضيف،
زول بيرسل قروش من بعيد ساكت
لكن الونس، الحضن، المشاركة… كلها غابت
وما تنسى أولادك…
لمن تنزل من السفر، ما ح تلقى في عيونهم الشوق
لأنك بقيت بالنسبه ليهم زي اسطوره "بابا نويل"
زول بيجيب هدايا وقروش… بس مافي رابط حقيقي
فيا ايها الرجل خليك قريب من مرتك وعيالك،
ولو مضطر تسافر…
اخدهم معاك، وعيشوا تحت سقف واحد،
في حضنك… دايمًا♥️
#نصائح
ويز بكري Wiz Bakri
