All About Nursing

29/06/2025

Hyperpepsia: A Medical Condition
Definition
Hyperpepsia is a medical term used to describe a condition of severe heartburn or pain in the upper abdomen. It is often associated with acid reflux or gastritis.

Symptoms
- Heartburn
- Bitter taste in the mouth
- Difficulty swallowing
- Pain in the upper abdomen

Causes
- Acid reflux from the stomach to the esophagus
- Gastritis
- Consumption of certain foods that trigger symptoms

Treatment
- Lifestyle changes: Avoiding foods that trigger symptoms, eating small and frequent meals, avoiding lying down after eating.
- Medications: Taking medications that reduce acid production in the stomach.

Tips
- Consult a doctor if symptoms are severe or persistent.
- Following a healthy lifestyle and avoiding habits that exacerbate symptoms.

28/06/2025

معلومة ع السريع
Prostatic tumor is most common in males

24/06/2025

معلومه ع السريع

Pregnancy is most common in females🙂

09/06/2025

يا بخت للي بقرى تمريييض💙🎀
التمريض(nursing )

ويجيك واحد يقول ليك هو التمريض حقنة ودرب طيب دقيقة بتعرف الECG مخطط رسم القلب Electricardiogram بتعرف تركب الجهاز تعمل رسم قلب بتعرف تقرأ النتيجة حقتو ...!
طيب الCPR بتعرف تعمل Cardiopulmonary resuscitation انعاش قلب رئوي 30 ضغطة على الصدر ومعاها نفسين منقذين للحياة ولا انت بس بتعرف قبلة الحياة الفي المسلسلات والأفلام ...!
طيب بتعرف جهاز الصاعق الكهربائي او الصدمة الكهربائية اي البرجعو بيهو العيان للحياة لمن يموت شفتو في المسلسلات صح عندو طريقة معينة الHand ling التعامل معاهو بطريقة معينة بتخت على القمة بتاعت الHeart قمة القلب وين بالمناسبة فوق في الصدر لا لا لا قمة الـ Heart تحت دي القمة الوحيدة التحت ...!
طيب بتعرف تشغل ال Dialysis machine الغسيل الكلوي بتعرف تشغل المكينة بتاعت الغسيل الكلوي طيب خلينا من دا كلو بتعرف تقيس الVital signs للعيان العلامات الحيوية التنفس، الحرارة، الضغط، ضربات القلب، الألم برضو من العلامات الحيوية تمت إضافته بتعرف تقيسهم طيب بتعرف تركب Catheter القسطرة البولية طيب بتعرف تركب NG tube أنبوبة المعدة طيب بتعرف تركب كانيولا فراشة لي طفل عمرو يوم في الاوردة بتاعت راسو طيب خلينا من دا كلووو بتعرف تسحب عينة من الشريان زاوية قائمة يا جميل الحقنة بتتملي براها...!
يااااخ سيبك من دا كلو بتعرف شنو عن التمريض النفسي Psychiatric nursing... Psychology طيب بتعرف تمريض صحة المجتمع Community health nursing انت مفتكر انو التمريض حقنة ودرب حقنة ودرب دي اسعافات أولية First aid التمريض ما حقنة ودرب خالص طيب سمعتة ب Army nursing تمريض الجيش ولا ح تسمع بيهو ولو انت فاكر التمريض حقنة ودرب والله انت غلطان لانو مافي زول بقروهو أربعة سنة بكالوريوس وفي بعض الجامعات خمسة سنة بكالوريوس عشان تعرف بس تدي حقنة ودرب الحقنة والدرب م بتستاهل خمسة سنة جامعة ولا أربعة سنة جامعة ولا ماجستير ولا دكتوراه مافي حقنة ودرب بتستاهل الحاجات دي كلها ولا كيف ولا شنو.....
التمريض مجال راقي شديد...💙🎀
التمريض حتستمتع بيهااا وانت طالب ..وحتستمتع بيها وانت شغال ...♡

#كسرة
فـ يا بخت اي بيت فيها ممرض او ممرضة
انا بالجد بكون فخور جدا جدا لمن اشوف الممرضين


💙🎀

04/06/2025

10/04/2025

21/03/2025

يا شباب، جبت ليكم قصة حصلت مع دكتور محمد الجميل، جراح عام في البلد. المرة دي جات ليه مريضة كبيرة في السن، عمرها 86 سنة، كانت ماشية السوق بتسوق بروحها وفجأة أغمي عليها وطاحت.

أول ما وصلت المريضة للإسعاف، دخل عليها دكتور محمد وقال ليها: "أنا دكتور محمد الجميل، جراح عام." سألها: "يا حبيبة، حصل ليكي شنو؟" المريضة ردّت ليه: "ما عارفة، الدنيا اتواريت فجأة ولقيت نفسي هنا."

ابتدا الدكتور بفحصها كويس:

فحص جسمها كله، يتأكد من عدم وجود كدمات أو إصابات كبيرة.

عمل فحص للجهاز العصبي، ولقى إن عيونها بتستجيب للضوء والإحساس سليم.

لكن بعدين لاحظ إن يدها متعوجة، وده دليل على وجود كسر. وقال: "الكسر دا ما مشكلة، ساهل نصلحو بعدين."

قام الدكتور بعمل سونار على البطن؛ شاف الكبد والكلاوي والبنكرياس والمثانة وكل الأعضاء، وكلها كانت تمام. بعدين عمل تصوير مقطعي للدماغ، لأنه أي زول يتعب ويتعرض للسقوط لازم نتاكد إنو ما في نزيف أو حاجة خطيرة. الحمد لله، صورة الدماغ كانت تمام.

ما وقف عند دا، صور كمان أشعة لليد عشان يتأكد من الكسر، وصورة للصدر عشان يتابع حالة الرئة ويستبعد أي التهاب أو مشكلة.

بعد ما جمع كل المعلومات، رجّع المريضة للإسعاف وطلب من الممرضة تسحب ليها التحاليل المطلوبة وتعمل تخطيط قلب. دخلها بعد داك لغرفة الجبس، وبدأ يحاول يرجع الكسر لمكانه باستخدام الأوزان، تحت تخدير موضعي.

أوضح الدكتور بعدين إنو المريضة بتاخد أدوية سيولة، خاصة أسبيرين بسبب الدعامة اللي عندها في القلب، وإنه ما بنوقفها إلا في حالات العمليات الكبرى. يعني في الحالة دي، التعامل مع الكسر يكون بنفس الطريقة لأنو موضوع الأسبيرين ما بيأثر كتير.

في النهاية، كلم دكتور العظام عشان يستلم الحالة ويشرح ليها العملية، وكمان دكتور الباطنة يتابع معاها موضوع الدوخة والإغماء.

القصة دي بتوضح كيف إنو التعامل مع الحالات لازم يكون بدقة وتنظيم، وكل تخصص يشتغل مع التاني عشان يضمن سلامة المريض، والموضوع كله بيتم بخطوات مدروسة وواضحة.

20/03/2025

نقص الفيتامينات وتأثيرها على جسمك

💊 فيتامين ب1 (الثيامين):

مرض البري بري

متلازمة فيرنيك كورساكوف

💊 فيتامين ب2 (الريبوفلافين):

التهاب الشفاه

تشققات حول الفم

💊 فيتامين ب3 (النياسين):

مرض البلاغرا (الإسهال، الاكتئاب، الوفاة)

💊 فيتامين د:

لين العظام للأطفال

هشاشة العظام للكبار

💡 صحتك في يدك، حافظ على نظام غذائي متوازن وخليك منتبه لأعراض جسمك!

#تمريض

14/03/2025

الختان

يا جماعة، موضوع الختان ده مهم شديد ولازم نتكلم عنو بكل وضوح، عشان نفهم خطورتو ونحمي بناتنا. أول حاجة، خلونا نعرف إنو الختان عندو أنواع وكل نوع عندو أضرار بطريقتو.

أنواع الختان

1. النوع الأول: بيشيلوا جزء من البظر أو كلّو (الجزء الحساس).

2. النوع التاني: بيشيلوا البظر والشفرات الصغيرة (الأجزاء الخارجية الحساسة).

3. النوع التالت (الفرعوني): ده أخطر نوع، بيقصوا الأجزاء الخارجية كلها وبيخيطوا فتحة المهبل، وما بيخلوا غير فتحة صغيرة.

4. النوع الرابع: أي حاجة مؤذية، زي الوخز أو الشد أو الكي.

أضرار الختان

الأضرار البيحصلوا على طول بعد العملية:

ألم ما بيتوصف.

نزيف ممكن يؤدي للموت.

التهابات خطيرة.

الأضرار البيظهروا بعدين:

صعوبة وألم في العلاقة الزوجية.

مشاكل في الولادة (زي تمزق أو نزيف).

فقدان الإحساس الطبيعي، يعني البنت ما بتستمتع بحياتها الزوجية.

تأثير نفسي: خوف دائم، قلق، واكتئاب.

أفكار غلط عن الختان

ناس كتار فاكرين إنو الختان "نظافة" أو "سنة"، لكن ده كلام غلط. الإسلام ما أمر بالختان للبنات، وبيحرّم أي حاجة تأذي الإنسان.

في ناس بيقولوا إنو الختان بيحافظ على أخلاق البنت، لكن الأخلاق ما بتجي بالإيذاء، الأخلاق بتتربى بالاحترام والتوعية.

رسالتنا ليكم

الختان عادة سيئة اتوارثناها من زمن الجهل، لكن البنات حقهن يعيشوا بدون ألم وبدون أذى.
خلونا نبدأ التغيير من نفسنا:

وعي أهلك وجيرانك: اتكلم معاهم عن أضرار الختان، وأشرح ليهم بالعقل.

قول لا: ما توافق على إجراء الختان لأي بنت في عيلتك.

ساعد الأمهات والآباء: خليهم يعرفوا إنهم بيحموا بناتهم لو تركوا العادة دي.

في النهاية

البنات أمانة في رقبتنا، وما عندهن ذنب يعانن بسبب حاجة زي الختان. خلونا نكون صوت الحق ونحمي الأجيال الجاية من الأذى.
"الختان ما شرف.. الختان أذى".


#توعية
كل بنت ولدت سليمة فدعوها تحيا سليمة 🌸🌸

13/03/2025

مساء الخير يا شباب،
حابّة أحكي ليكم قصة المريض حسن، اللي كان منوم في عنبر الباطنية بسبب إصابته بالملاريا الخبيثة. حسن كان مواصل معانا في العلاجات عادي، لكن فجأة حالتو بدأت تتدهور بصورة سريعة. في خلال 3 أيام فقط، تعب تعب شديد لحد ما بطل يأكل تمامًا.

المشكلة إنو كل فحوصات الدم والبول ما كانت بتفسر ليه حالتو بتسوء. راجعنا الملف الطبي بتاعو وما كان عندو أي أمراض مزمنة، لا سكري ولا ضغط، وما سبق ليه دخل مستشفى قبل كده.

بدأنا نراقب حالتو بصورة مكثفة، وكل نص ساعة كنا بنشيك على الضغط والتنفس والعلامات الحيوية. مستوى الوعي (GCS) وصل 6، وده كان معناه إن المريض في وضع حرج جدًا. كنا حاسين إننا بنفقد المريض.

بحثنا كتير، وحاولنا نلاقي سبب لتدهور الحالة، لحد ما الدكتورة المشرفة اقترحت إنو نراجع نسبة السكر في الدم. قمنا بسرعة عملنا اختبار السكر العشوائي (RBG)، وهنا كانت الصدمة: السكر بتاع حسن كان 7 ملي مول/لتر، وده نقص حاد جدًا للسكر في الدم (hypoglycemia).

على طول جهزنا محلول الجلوكوز 50%، وبدأنا ندي ليه جرعة مبدئية قدرها 50 مل عن طريق الوريد، مع مراقبة دقيقة. بعد فترة قصيرة، بدأ المريض يتحسن تدريجيًا. واستمرينا نراقب حالتو، وبفضل الله، المريض بدأ يتونس معانا في نفس اليوم، بعد ما كنا فاقدين الأمل.

بالظهر كان حسن على وشك الانهيار، لكن بالعصر كان بيضحك معانا وكأنو ما حصل ليه أي حاجة. يا له من شعور جميل لما تكون سبب، بعد الله تعالى، في إنقاذ حياة شخص ورجوع البسمة ليه ولعائلتو.

الحمد لله على نعمة التمريض.

ملحوظة: في الحالات زي دي، التدخل السريع والمراقبة المستمرة بيكونوا السبب الأساسي في إنقاذ المريض. دايمًا نراجع كل التفاصيل ونفكر خارج الصندوق لما الحالات تكون ما واضحة!

احكو لينا مواقفكم

12/03/2025

من ادوية الطوارئ ال paracetamol او ال Acetaminophen
الاسم التجاري ليهو البندول
يصنف كخافض للحرارة aantipyretic ومسكن non opoid
analgasic
بيخفض الحرارة بالتأثير على ال hypothalumus عن طريق التعرق وال vasodilatation
وبرضو بيقلل تأثير ال pyogens على مركز تنظيم الحرارة في ال htpothalamus
🌕الاستخدامات USES
الصداع وآلام الدورة الشهرية Dysmonorrhea وآلام المفاصل والعضلات وبعد عملية ال tonsillectomy
موانع الاستخدام
مشاكل الكلى
الانيميا
♦️الآثار الجانبية
التسمم بي سبب كثرة الاستخدام
ال hemolytic anaemia الطفح الجلدي والطمام والاستفراغ
♦️ teeatment of overdose
تخلي العبان يستفرغ
غسيل المعدة
☀️الجرعة
٥٠٠ ملغم او واحد جرام كل ٤ _ ٦ ساعات كأقصى جرعة
بالنيبة للاطفال
عمر شهرين ٦٠ ملغم
٣ شهور لي سنة ٦٠ لي ١٢٠ ملغم
١ سنة لي خمسة سنين ١٢٠ _ ٢٥٠ ملغم
٦ _ ١٢ سنة ٢٥٠ _ ٥٠٠ ملغم

11/03/2025