شوق shoog

شوق shoog بين الخيال و الواقع ، بين الممكن و المحال

09/12/2023

خلوهو ينزعل و ينحرق، خلوهو يشعر بالفرق..!!

- بغض النظر عن التربية والأخلاق اللقينا نفسنا عليها في بعض الأحيان عشان تنقذ نفسك من ناس toxic و Negative في حياتك لازم تتنازل عن طيبتك وتستخدم معاهم نظرية واحدة بواحدة..

لقيت زول بخصم منك، علاقة بتوترك، بيئة بتخرب مودك، محتاج تبرر أفعالك..
كل مرة بتسامح وبتغفر لا عشان شنو!..؟!

أنا ك مروان إتخطيت فكرة إني أخد على نفسي علشان خاطر الناس البحبهم، مهما كانت قيمتك عندي كبيرة اول ما ألقى منك ردة فعل ما كويسة أو محسسني بإنك محور حياتي طوالي بفارقك..

أنا صح بسامح و بغفر بس إستحالة أقدر إتعامل معاك بنفس التلقائية..

عموماً ذي ما الواحد ما بحس بقيمتك إلا لما يفقدك..
إنت ما حتحس بكمية الراحة النفسية الكنت مضيعها إلا لما تفصل الناس الـNegative في حياتك.

مافي زول محور الكون، الكوكب دا مليان خيارات سمحة، مليان ناس كويسين الدنيا ما مستاهلة.


#شوق

23/11/2023

الإختيار ليك ما لي غيرك..

إتزوجو ناس قاصدِنّكم، عايزِنكم إنتو بالذات من وسط كل الناس، متلهفين عليكم، ما صدقوا لقوكم وبيحمدوا ربنا على النعمة دي، وعارفين نفسهم عايزنكم ليه بالتحديد، ومُصرِّين عليكم، وفخورين بيكم، وما يقدروا يبقوا مع أي زول تاني بسهولة لو ما حصل نصيب.
ده ما مجرد حب، ده فهم عميق للنفس وللغير ولمسئولية الزواج، ده البِحصل لما نبقى عارفين يعني شنو زواج وبنفتش على شريك حياه مش على سد خانه إجتماعية أو زول نتمنظر بيهو وأصحابنا يقولوا "واو"... وبعدين نعيش بقية عمرنا بندفع التمن، وبندفّع كل الحوالينا معانا...

إختار صاح..عشان تعيش صاح ⚘

استعينوا بالله وابشروا بالخير ..

يا أهلي في السودان، يا رسل الحب، أيها القدّيسون، الأنقياء الأبرار، هذه بلادكم، كل قطعة منها ملك قلوبكم، أرفعوها عالياً،،...
20/04/2023

يا أهلي في السودان، يا رسل الحب، أيها القدّيسون، الأنقياء الأبرار، هذه بلادكم، كل قطعة منها ملك قلوبكم، أرفعوها عالياً،، هذه أرضكم وأنتم جندها، لا تدعوها تضيع من بين أيديكم؛ فكل عربي وإفريقي في هذا الوجود ممتن لها، في ثناياه فضل كبير عُجن بسخاء قلوبكم وكرم عقولكم، أنتم أهل الحرف والكلمة، روّاد المعرفة والثقافة، عباقرة الأدب والفن، لا أحد يوازيكم، لا أحد يعلو عليكم في كل مجالات الحياة، تشرذمت في بقاع عدّة فطرة الإنسان السليمة ، وبقيت في أعماقكم تقاوم كل أشكال الشر، ولم تخفت، في عين كل رجل منكم محبّة البشرية كلّها، على يد كل إمراة من صلبكم قوة البشرية كلّها، وعلى قلبكم الكبير يتأنق النبل زاهياً معتزاً بهذا الإنتماء، ولا قوة توازي قوة عزمكم، ولا صلابة تغلب جدّكم واجتهادكم، أرجوكم، أقولها وأربعون مليون دمعة عالقة في قلبي، أرجوكم، أعيدوا للبلاد بسمتها وفرحتها وموسيقى حياتها، أرجوكم، تخلّصوا من ندوب الشتات، ونزيف الضياع الذي التهم بلداناً لم تكن تستحق هذا كله، أرجوكم، قفوا جميعاً وتذكّروا أمجاد أجدادكم وآبائكم القريبة والبعيدة، استمدوا من تاريخ مجدكم قوة أصالتكم وعزم إصراركم واشتعال أحلامكم، أعيدوا السودان سوداناً جميلاً عظيماً كبيراً عزيزاً مهاباً كريماً قوياً صلباً بهياً ومستقراً، أعيدوه إلى وضعه الطبيعي، حيث يليق به وبشعبه وتاريخه وعنفوانه، هذه بلادكم وهذا مهدكم وهذه تربة تواريكم الأخير، أرجوكم لا تغادرونها قبل أن يطل الضياء على كل بيت، قبل أن تشهد كل قرية فيها زغاريد المحبة ، وتعيش كل مدينة عليها رقصات الحياة التي تشبه أرواحكم وتليق بقلوبكم.

اذا في زول بعتقد انو الشخصية السامة في حياتنا بتتغير بالحب والعطاء والتضحية والعشرة معناها غلطان 💔الشخصية السامة دي شخصي...
14/04/2023

اذا في زول بعتقد انو الشخصية السامة في حياتنا بتتغير بالحب والعطاء والتضحية والعشرة معناها غلطان 💔
الشخصية السامة دي شخصية انانية ما عندها اي مشاعر ولا احاسيس مهما انت اجتهدت معاها واديتا ومهما قدمت ليها وجبتا ليها لبن العصفور البقولو
مهما ضحيت وعملت معاها مواقف
بتقعد تستنزف كدة فيك وتحطم حياتك وتدمرك نفسيا بعداك بتشوف زول غيرك 💔
عشان كدة
بلاش اعتقاد وبلاش حسن ظن 😂
اختارو صح بالله 😎

مشاعر تشاور تودع تسافر 💔

07/02/2023

رفيقٍ صالحٍ يااللَّه إن دعا قال وصاحبي معي.. 💜!

#العيديه ❤اتصل عليها واول م ردت قال : يعني فيها شنو لو غيرنا الدبله اليمين دي في الشمال وجيتي عيدتي معانا 😢ضحكت وردت ل...
12/07/2022

#العيديه ❤

اتصل عليها واول م ردت قال : يعني فيها شنو

لو غيرنا الدبله اليمين دي في الشمال وجيتي عيدتي معانا 😢

ضحكت وردت ليهو : كدي كل سنه وانت احلى مجنون ويتعاد علينا بالحب والتفاهم والسعاده 😍

قال ليها : يااخي عيدي ناقصك بس .. ي زوله اعملي حسابك انا الضحيه مافي زول ح يجهز لي جلابتي غيرك ✋

شالت نفس طويل وقالت : ياااخي بحبك بي جنونك وباقي طفولتك دي عارف مرات بحس انك ولدي .. والعيد الجاي معاك وبيك وليك ولا تزعل نفسك ❤

#شووق

حبها ب دفاء .. ❤لامن تتكلم وتحكي ليك في قصه قاطعا في نصها وقول ليها بحبك لامن تنخلع .. وإستمتع ب منظر خجلها ال ح ينسيك ك...
30/04/2022

حبها ب دفاء .. ❤

لامن تتكلم وتحكي ليك في قصه قاطعا في نصها وقول ليها بحبك لامن تنخلع .. وإستمتع ب منظر خجلها ال ح ينسيك كانت بتقول في شنو زاتو .. ❤ 😊

لامن تضحك في وشك إتغزل في ضحكتا وقول ليها دي أحلى حاجه ممكن أسمعا .. و إنبهر ب إبتسامه دافيه بعد الضحكه قادره تموت حيلك ..

كل ما تجي تلاقيها إشتري ليها حاجه .. حلاوه ، شوكلاته ، لبانه .. وإتفرج على نظرة الرضا في عيونا
ال ح تطير بيك الجو 💗

لامن تلقاها باهته و زهجانه غني ليها أغاني محمد الامين بصوتك وقول ليها مقطع بحبك يا صباح العيد ويا فرح العريس السار ..
واستعد ل كمية الريده ال ح تحسا فيها ليك .. 😊

فاجئها واكتب ليها اغاني ابو عركي البخيت ورسل ليها كل صباح مقطع بشبه وشها السمح .. 🌸
وإستقبل كمية الحب ال م حباهو زول ل بشر ،، ❤

ماهو مافي زول بستحق شرف إنو يفرحا غيرك !

فما تبقى إعتيادي في ريدتك ليها ،، أدهشا كل لحظه
هن بسيطات بأقل ما يتاح برضن ،، 🌸


#شووووق

قال:💜أحياناً زوجتي بتناديني وهي قاعدة فاضية أو بتغسل في العِده أو بتشر في الهدوم، فلما أرد عليها وأقول ليها نعم مُحتاجة ...
25/04/2022

قال:💜
أحياناً زوجتي بتناديني وهي قاعدة فاضية أو بتغسل في العِده أو بتشر في الهدوم، فلما أرد عليها وأقول ليها نعم مُحتاجة حاجة؟
بتقول لي "تعال أقعد واتونس معاي" وقتها بخلي أيّ شي في يدي "مدام حاجة ممكن تتأجل" وأمشي أقعد جنبها وأحاول أفتح أيّ موضوع أو أساعدها في الحاجة البتعملها وأحياناً أنا بكون شغال في حاجة وهي بتكون عايزة تعمل حاجة أو قاعدة بتقرأ كتاب وأناديها تجي تقعد جنبي عشان تونسني .. فهي بتخلي كل الفي يدها وتجي تقعد معاي وتفتح موضوع عشان نتكلم أو تقعد تكمل قِرايتهَ جنبي وأنا شغال وهي بتعمل دا وهي عارفة إني فعلاً مبسوط بوجودها جنبي حتى لو ما بتعمل حاجة.!

سيدنا آدم رغم إنو كان عايش في الجنة والنعيم لكن كان حاسس بالوحدة وإفتقاد "الونس" أكتر شعور كان حاسس بيهو قبل ما ربنا يخلق حواء من ضلعه .. "الونس" إحتياج مهم جداً لايّ إنسان و أحد أهم دوافع الزواج عشان كدا لازم كل واحد فينا يكون حريص إنو يسد الإحتياج دا عند شريك حياتو ويطلبو لما يحتاجو .. إدراكنا للمعنى دا حيخلينا نفهم حاجات زي :
‏- لي شنو مرتك بتقعد تحكي ليك تفاصيل تافهة بعد ما ترجع من الشغل
- لي شنو مرتك/راجلك ممكن يتضايق لما تطلعي وتخليهو قاعد براهو ويقعد يتصل عليك عشان ترجعي لانو بضايق لما يقعد في البيت من غيرك "ولو إنو في رُجال بستنو اللحظة دي 😂"
‏- حتفهم لي شنو مرتك عايزاك تمشي معاها مشوار رغم إنها بتعرف تمشي براها لانها عايزه تتونس بيك في الطريق ، ‏لما شريك حياتك يعمل حاجة أو يقول ليك حاجة معناها "انا عايز أتونس بيك" لازم تهتم.

‏"الونس شعور سمح شديد ما حنعرف قيمتهُ إلا لما نفقدو .. الونس هو الشعور الـ بِكمل معانا بعد ما نكبر ونعجز .🌸💜

‏"ثُم نظرَ والد العروس وقال : "فإن شاءَ سكن على حصيرٍ و إن شاءَ سكن على حرير ، فَالأمرُ أمره والبيت بيته فمن اؤتمن على ا...
22/04/2022

‏"ثُم نظرَ والد العروس وقال : "فإن شاءَ سكن على حصيرٍ و إن شاءَ سكن على حرير ، فَالأمرُ أمره والبيت بيته فمن اؤتمن على العِرض لا يُطالب بالمال."💙..

قالت: عمري ما ح انسي اخر كلام كان بينا ( انتي مهما حاولتي تقربي وقربتي ح تفضلي بعييده ) ...ومن يومها انا بطلت احاول عش...
04/04/2022

قالت:
عمري ما ح انسي اخر كلام كان بينا ( انتي مهما حاولتي تقربي وقربتي ح تفضلي بعييده ) ...ومن يومها انا بطلت احاول عشان زول 🙂
بالرغم من البشاعه الكان بعاملني بيها الا انو جملتو دي كانت العتره الوقعت بسببها ..
جات علي ايام خلتني اتاكد انو الدنيا ما بتحبني ...جايه علي ب شكل غريب 😪 بس بالرغم من دا ما كان عندي اي رده فعل ..كنت بمشي زي ما الدنيا توديني متخبطه شديد ..💔
بزاحم يومي شديد عشان افكاري ومشاعري ما تفترسني ما هو كنت انا في حرب مع نفسي االجواي ... بطلع بدخل بعمل اي شي ...مستعده اعمل اي حاجه يطلبها مني زول ما هي ح تشغلني زياده ابقي خلاص ...محمله نفسي شديد
حاسه اني من كتره البرود ماف شي بفرق معاي فعليا اي شي بقابلو بالسكوت ما هو ما ح ينفع بشي ف اتكلم ليهههه ؟؟؟!
في نص استسلامي دا ..جيت داخله المكتب لقيت زول يشاركني المكتب اكتفيت بي اني اعاين لي وواصلت شغلي حتي سلام دا ما اديتو ليهو ...
بعد ٣ ايام لقيتو واقف قدامي بعرفني بيهو ما بتذكر قال شنو بس كل االعرفتو انو موظف جديد ..برضو اكتفيت بي هزه راسي و اهلا ..😪
كان فوضوي شديد بحاول يتطفل علي او بمعني اصح كان علي طبيعتو بس انا الما علي طبيعتي ...
بعد محاولات كتيره في يوم وقف قدامي قال لي انا بحاول اقرب منك واتعامل معاك عادي بس انتي حتي صباح الخير بتستخسريها فيني ... ليههه كده ؟؟!
انا ما سمعت حاجه بعد انا بحاول اقرب منك ... ف لقيت روحي برد ليهو بي كل عدائيه الدنيا وب نفس الجمله الخلت فيني وجع الدنيا كلو ( انت مهما قربت ح تكون بعيد ✋🏻) ومشيت خليتو واقف ...

تاني يوم ما جاء المكتب او جاء بس ما لاقيتو ما عارفه ولا كان زاتي نفسي اعرف ...بس حسيت اني مؤذيه شديد اي نعم انا اتأذيت جدا بس دا ما بديني الحق احمل غيري نفسنه خسارتي وفشلي بس ما كان فيني حيل امشي اتأسف 😪💔
والغريبه بعد كده بقي بتعامل عادي بكتفي بي انو يصبح علي كل يوم وبكتفي بي اني ارد لي ...خلال الفتره دي كان بصوره مستمره بتجي مسجات تحفيزيه هي ما تحفيزيه بس هي كانت بمثابه ال مواساه الما لقيتها في حياتي 💛
بقي كل ما يمر يوم بكون منتظرهها مع انها من مجهول بس كان اليوم الما بتصلني فيهو بحس انو الجمود المسيطر علي ماسك فيني اكتر ومع كل مسج بتجيني انا في نهايته ببكي ...فعليا انا بكيت كل البرود العايشه بيهو .. باختصار بقيت بانيه حياتي ع سطور من مجهول .. شفتو الدنيا دي بتحوجنا قدر كيف ..😪💔
بس وصل الموضوع لي اني بجي راجعه من البيت امي بتقول لي جاك بريد ومعاهو كيس صغير كل الحاجات االبتجي معاها كنت أنا في يوم بحبها بس بطلتها 🙃
كانت حاجات بسيطه شديد او شبه تافههههههههه بس كانت بتبنيني من جديد ...حتي مره من ضمن الحاجات كان مسدس مويه ف امي بتضحك بتقول لي في زول بجيبو ليهو مسدس مويه ...ع قدر استنكارها واستهتارا بالهدايا البسيطه الا انها ما عارفه اني بلقي روحي فيها من جديد ♥ ف انا ما لي هم شايفين قيمه الحاجه كيف المهم انا مقيماها كيف ♥

بعد فتره انا شبه بقيت مفرهده بي سبب الرسائل والهدايا دي ...بقيت بتعامل مع زميلي دا بي لطافه اكتر بس هو كان عادي لا كويس لا كعب 😪💔واقف في النص حتي بقيت بتضايق من طريقتو ..😪💔
بس في تاريخ ميلادي اللي هو بتكون تمت ع المسجات دي ٣ شهور لقيتو هو زاتو داخل علي المكتب في يدو رساله ومعاها دبله 🙂 بقول لي : مهما الزول حاول ح يقرب الا لو ما عايز و الحياه ما بتدي الضعيف ما تبقي نسخه باهته لمجرد حاجات ممكن تنتهي .. خليك متاكده انك وقت باهته بحبك.. وقت تفرهدي بحبك اكتر ..
ما ح اقول ليك ح افضل طول العمر عشان الاعمار بيد ربنا بس طول ما انا فيني حيل وبتنفس ح تلقيني معاك ♥
- طب لو فترته وحيلك كمل .. !!
- قال لي : ح اعاين لي قلبك وطول ما قلبك معاي اتاكدي الفتر ما ح يعرف لينا طريق ♥

قلت لي طيب بس اعرف بالضبط حجم ال ح يكون بينا قال لي من غير ما تقولي انا عارف انتي بس اطمئني اطمئني ... و بس بايعني 😍
- رفعت لي حاجبي ابايعك ؟؟!

-رد زي ما قال الرفاعي :-

ﺇﻧﻬﺎ ﻻ ﺗﺒﺎﻳﻌﻚ ﺻﻔﻘﺔ ﻳﺪ ﺑﻴﺪ ..
ﺇﻧﻬﺎ ﺗﺒﺎﻳﻌﻚ ﺧﻔﻘﺔ ﻗﻠﺐ ﻋﻠﻰ ﻗﻠﺐ "♥

ضحكت شديد وقلت ليهو مبروك ♥وبقت حياتي بوجودو كلها مباراكات ❤️
ف اللهم سند لا يهون ولا يخون .. ☺️

#شوووق

31/03/2022

قالت هو ما كان وسيم، ولا مرطب بس كان راجل، ما حصل شفتو بعيوني كنت دايماً بشوفو بقلبي، كنت كل ما اشوفو بحس انه ده الانا منتظراه السنين دي كلها ده العوض الجاني من ربنا، عمرو ما حصل خلاني انوم زعلانه، ولا حصل مر عليّ يوم هو ما عارف تفاصيلي، كان عندو حاجات خط احمر بس حنيته كان طاغية علي كل شي.. عمرو ما مدّ يدو عليّ ولا رفع صوتو علي كان لما ازعله ما بجوط فيني بجي بقعدني وبقول لي ما كان تعملي كده او عشاني ما تعملي كده، بقولها لي بطريقة بتكبروا في نظري موقف ورا التاني ولما انا ازعل منه ما بخليني بعد اهدأ لا كان بجيني ويفضل معاي لحدي ارضى...
كان بضحكني على طول وبقول لي انتي ما اتخلقتي للزعل وانا ما دخلت حياتك عشان انكد عليك لو ما خليتك مبسوطه يبقى مافي داعي لوجودي، من يوم عرفتو وانا نظرتي اتغيرت للحياة بقيت اي شيء بشوفو حلو وانا معاه، بعرفني من نبرة صوتي من كلمة في رسالة، كان حافظني زي اسمه، كان السند الحقيقي لي قبل ما اقع بلقاه رفعني، وانا ما عرفت الحب إلا معاه...
يا جماعة والله الحب موجود بس انتو اختاروا البشبهكم..


#شوووق

بعد اخر مرة رسلت ليه و ما رد عليها ، فتحت تلفونها و كتبت على خانة كتابة الرسائل :"غالباً بعد ارسل لاي مخلوق و ما يرد علي...
15/03/2022

بعد اخر مرة رسلت ليه و ما رد عليها ، فتحت تلفونها و كتبت على خانة كتابة الرسائل :
"غالباً بعد ارسل لاي مخلوق و ما يرد علي تاني ما برسل ليه ، عشان اتعودت على اني ما اضايق زول ولا افرض نفسي عليه .
لكن كل مرة كنت برسل ليك تاني و تالت ، عارف ليه؟
عشان حاجة ماف زول عارفاها ، و هي اني قبل يوم من اعرفك اتقفلت في وشي كل الابواب كل شيء ضاع و وصلت مرحلة بديت افكر اني انتحر ، و التفكير دا كان جادي لدرجة اني كنت بفتش على الطرق و بحاول ارضي ضميري و القى لي فتوى تخفف عني احساس الذنب و الحرمة .
سبحان الله ربنا رسلك لي تاني يوم مباشرة ، و ظهورك و وقفتك معاي و تشجيعك لي اني احقق احلامي و ما استسلم كان دافع لي لاني اشيل من راسي فكرة الانتحار .
بعدها عرفت كل الحاصل معاك و كل ظروفك ، و في كل مرة كنت بخاف عليك من نفسك و من الدنيا و من الظروف .
كنت بالنسبة لي حاجة كبيرة .
كنت حتى لو ما لقيتك في ضيقي ، وقت قوتي بفتشك عشان اتطمن عليك .
كان جواي احساس زي الام كدا ، الما بتخت حاجز او عزة نفس قدام انها تشوف ولدها مبسوط و كويس .
حصلت تفاصيل كتيرة ، و خذلتني في مواقف كتيرة انت عارفها ماف داعي اعيدها .
و مع كل موقف ، بالرغم من اني كنت ما بقدر ابعد ١٠٠% عشان احساس الام الما قدرت اتخلص منه لكن كانت بتنقص حتة من مكانتك .
لحد ما وصلت مكان بقى كل شيء واضح بالنسبة لي .
و عرفت وقتها اني ختيتك منقذ بالنسبة لي ف ظنيت انك خاتيني في نفس المكانة .
و اني شفتك قريب ف ظنيت اني قريبة .
و اني كنت بخاف عليك من كل ضيق ف ظنيت انك بتخاف علي و ما حيرضيك ضيقي .
و اني في تعاملي معاك بعدت حاجة اسمها عزة نفسي و ظنيت ان عزة النفس ما ليها مكان بيناتنا .
و عرفت ان بعض الظن اثم .
ما بلومك عشان الحاجات الظنيتها دي كلها بتجي براها ، من ربنا كدا بتنزل في القلب ف ما بتلام الما بيعملها .
و هسا كلامي دا ما عشان علاقتنا تتصلح ، بالعكس تماماا يادوب كتبت ليك و حكيت ليك في اللحظة البقيت موقنة فيها بان ماف حاجة حترجع زي ما كانت .
بس عشان اقول ليك شكرا ، عشان علمتني حاجات كتيرة ما كنت حاتعلمها بدونك . "
تسرح شوية ...
*تحديد الكل _ مسح *
* مسح جهة الاتصال *
-المواقف وحدها التي تحدد مكانتك عند الناس و ليس ظنونك .
-ما تغييب كفة عقلك و تمشي ورا قلبك و احساسك بس .
- لا يؤتمن من رأى حزنك و مضى دون ادنى رد فعل ، حتى و ان عاد .
- ربنا ما يعلق قلوبنا بناس يأذونا ..💛

#شوووق

قالت : حبيتو عشان م كان برضي فيني وفي نفس الوقت هو البكاويني ، حبيتو عشان كان دايماا بفهمني والوحيد البقدر بطلعني من ضيق...
23/02/2022

قالت : حبيتو عشان م كان برضي فيني وفي نفس الوقت هو البكاويني ، حبيتو عشان كان دايماا بفهمني والوحيد البقدر بطلعني من ضيقي ، حبيتو اكتر لمن كان بستاني جمب القاعة عشان يعزمني في شارع النيل ، و لمن عرفني بي اصحابو وصحباتو ، حبيتو لمن عمل لي ميللادي فالحتة المتمنياها ، ولمن مرة زعلني وفضل اسبوع كامل يعتذر لحدي م سامحتو ، حبيتو لمن كان بقرا لي قران عشان انوم وبالتحديد سورة يوسف ، حبيتو لمن كان بصحيني الصبح عشان اصلي حاضر وانا فالاجازة ،و حبيتو اكتر لمن كان بجي يراجع لي قبل الامتحان ، و لمن جاا واتقدم لي وطلبني من اهلي ، حبيتو لمن سمعني العقد بتاعنا وبقا حلالي وتااج راسي 💙🎶

قال : اناا م اظن حبيتهاا ، لاا انا فتاا المرحلة دي زماان انا ادمنتهاا ، ادمنت ضحكتها وحركة يدها ، ادمنت كلامهاا وبكااءها ، ادمنت نفسنتها البتخليني جايط وم ارتاح الا بالا يرتاح ، ادمنت جنونها البخليني اقطع شغلي واجي عشان اتونس معاها ، ادمنت قوة رأسها وعوارتهاا ، ادمنت قعدتها معاي البتخليني ارجع شافع واضحك من كل قلبي ، ادمنت حبها وعشقها ، يااخ انا ادمنتهاا كلهاا ، حياتي كانت متوقفة عليها ومشروطة بيها ، حبيت كل تفاصيلها ، " مشيتها ، ضحكتها ، كلامها ، فلسفتها ، جنونها ، حركاتها ، واي شي بخصها .
كنت متوتر شديد يوم اتقدمت كأني في امتحان وابوهاا ده شايفو تلاته تلاته ، المهم بعد تعب اتكلمت ، ويوم عقدناا ، وقت اتصلت ليها عشان اسمعها ليو ، كنت سامع صوت شهقاتا وهي كاتمه صوت بكاءها عشان م يطلع ، م حاولت اوقفها ابداً ، بعد خلاص بقت حلالي وست بيتي . 💙🎶

💙🌿
قلت ليها: مبروك علي بيك وان شاء الله اسعدك وربنا يبارك لينا في أيامنا الجاية ويرزقنا الذرية الصالحة 💙
قالت لي: ربنا يبارك فيك ويقدرني أسعدك وأيامناا تتبارك بيك ان شاء الله ويرزقنا الذرية الصالحة 💙

#شووق

Address

Khartoum North

Telephone

+249909100000

Website

Alerts

Be the first to know and let us send you an email when شوق shoog posts news and promotions. Your email address will not be used for any other purpose, and you can unsubscribe at any time.

Shortcuts

Share

Category