مساحة خاصة

26/01/2026

09/01/2026

11/12/2025

‏اليوم مراجعتي كانت من سورة الأنعام، استوقفتني هذه الآية ﴿وَعِندَهُ مَفاتِحُ الغَيبِ لا يَعلَمُها إِلّا هُوَ وَيَعلَمُ ما فِي البَرِّ وَالبَحرِ وَما تَسقُطُ مِن وَرَقَةٍ إِلّا يَعلَمُها وَلا حَبَّةٍ في ظُلُماتِ الأَرضِ وَلا رَطبٍ وَلا يابِسٍ إِلّا في كِتابٍ مُبينٍ﴾ ..

تخيّل ورقة سقطت في طريق عابر لا شأن لها ذكرها الله في كتابه وأنه يعلمها، فكيف بدمعتك ؟ فكيف بهمك ؟ فكيف بحرقة قلبك ؟ يا لخسارتنا لنا رب عظيم ونغفل عن مناجاته والتلذذ بذكره ودوام شكره ..

30/11/2025

مشيت أجيب تلج من جيراننا لقيت بتهم الممتحنه تالت بتقرأ
قربت افك فيها كورية التلج

25/11/2025

اساتذه تانيه
=ح تاخدوا الحته دي ف تالته
اساتذه تالته
=اكيد اخدتوا الحته دي ف تانيه 🤷‍♂️🙂🚶‍♂️

25/11/2025

حرفيين😂

10/11/2025

حقيقه والله

06/11/2025

زمااااااان كان في صيدلانية في صيدلية ما في الخرطوم ..

الدكتورة دي سمحة سماح لا إله الا الله محمد رسول الله ...

النوع المندي طبيعي داك .. والله البت من شدة ما نضيفة وسمحة عاملة زي قزازة البيبسي المندية الفي الفريزر ديك 😂 ...

اها انا بلا سبب بشتري بندول .. وهي حارقة الفيلم لكن غتيتة غتاتة حلفت اصلو كلو كلو ما تشتغل بي

البت النوع الرموشها سووووود ديك ..

اها في يوم ما .. مشيت كالعادة اشتري البندول لزوم الصداع المسبباه لي بسماحتها دي 😂

وبنفس ربطة الوش .. البت فوق للكاونتر تتكلم معاي بعد شوية تختفي تحت الكاونتر ..

أتاريها الشقية خاتة صناديق بارد تطلع فيها وتبايع وطولها ما تامي 140 سم 😂😂

بعد سماحتها دي

سدمة شديدة 😂😂

10/10/2025

جيت الجامعة اول يوم برلومه جديده لنج بعد اول محاضره شلت دفتري بكل ثقه وماشه اصحح قلت للدكتور نجمع ولا تصحح لينا هسي من اليوم الداك الدكتور كل ما يعاين لي يقع من الضحك 🙂💔

احكو لينا اول مواقفكم في الجامعة 😂

09/10/2025

ذئاب بشرية ⚠️

طفلة عمرها ٨ سنين...
كانت بتحفظ "بسم الله الرحمن الرحيم"،
لكن في البلد دي، حتى "الرحمن" اتشال من القلوب.

شايلة كراستها وتضحك بخوف،
تقول: "يا أستاذ حاضر"،
وما كانت عارفة إن الأستاذ دا أول درس في القهر.

"معلّم تربية إسلامية"...
يحفظ القرآن في لسانه،
وينسى الرحمة في قلبه.
يلبس جلابية الدين... ويمارس أفعال الشيطان.

المدرسة بقت ساحة خوف،
والبريئة بقت عنوان لهزيمة مجتمع كامل.
اتعلمت حرف... واتسحب منها العمر.

والناس؟
واحد قال "نستر الموضوع"،
وواحد قال "ما نفضح الدين"،
لكن ما في زول قال "نجيب حق البنية".

مجتمع بيحرس السمعة،
وينسى البراءة.
يسكت لما يُغتصب طفل،
ويثور لما تُقال كلمة حق.

نعيش في بلدٍ بيغسل وجهه قبل الصلاة،
لكن قلبه متسخ من السكوت.
بلدٍ بيحفظ القرآن وينسى الرحمة،
بيربي أولاده على الخوف... مش على الكرامة.

السكوت هنا ما حكمة،
السكوت مشاركة في الجريمة.
والمجرم؟
عايش بين الناس، شايل مصحف... ومخبي فضيحته.

الرسالة:

للأهالي...
راقبوا أولادكم.
ما كل من قال "يا بنتي" آمن.
اسألوا، واسمعوا، وصدّقوا خوفهم قبل ما يكبر وجعهم.
الدنيا ما زي زمان... والشر بقى يلبس عمامة.

وللبنات الصغيرات...
ما تخافوا تتكلموا.
الخوف بيقتل مرتين: مرة في الجسد، ومرة في الروح.
الصوت البسيط ممكن يهز جبل الظلم.

ولكل الناس...
الدين ما غطاء للجرائم،
والستر ما معناه نخفي المجرم،
الستر الحقيقي... نحمي البراءة.

قوموا، ما عشان القضية دي بس،
لكن عشان ما تكون في طفلة تانية
تكتب اسمها بالدموع.

08/10/2025

"حين يتقاتل العقل والقلب، فالمعركة خاسرة منذ بدايتها؛ فالعقل لا يشفى من جرح سببه القلب، والقلب لا ينسى وجعًا أقنعه به العقل."