08/06/2025
الفرق بين إنك تهتم وإنك تجرح
——————————-
▪ في فرق كبير بين الزول المهتم، والزول الفضولي البحب يتدخل في كل شي.
▪ في ناس بتحب تحكي وتتونس، وناس تانية بتحب تحتفظ بالحاجات جواها.. في قلوب مفتوحة زي الكتاب، وقلوب مقفولة ومفاتيحها ضايعة، فما في داعي نلح ونسأل وننقّب في أمور الناس.
▪ الاهتمام الحقيقي بيظهر في الحنية، في السؤال البسيط الما هدفو يعرف، بس هدفو يطمن.
▪ أما الفضول؟ بيظهر في النظرات اللي بتحاول تكشف كل حاجة، وفي الأسئلة البتتعدى حدودها.
▪ والناس ما كلهم شبه بعض.. في زول بيحكي عشان يرتاح، وفي زول السكوت عندو حماية وأمان.
▪ في زول بيضحك ليك لكن قلبو مكسور، وفي زول ساكت، وإنت مفكر إنو قوي، لكن من جواهو بيتوجع.
▪ عشان كده، ما تدخل إلا لما الباب يتفتح ليك.. وما تسأل إلا لو حاسي إنو سؤالك ما حيجرح ولا يكسر.
▪ وأفتكر دايمًا: الناس ما مضطرين يحكوا ليك كل تفاصيل حياتهم.. وجودك في حياتهم ما معناهو تصريح مرور لكل زواياهم.
▪ فكن دايمًا الزول البيريّح، ما البيرهق.. كن الخفة البتطمن، ما الحمل البتقيل على القلب.
#الحياةالطيبة
