16/11/2025
📌شنو هو السامكسون؟؟؟
📌ومتين بندي للمريض ؟؟؟
السامكسون الناس بسمّوه كدا، لكن اسمهو العلمي:
✔️ Ceftriaxone – سيفترياكزون
وهو مضاد حيوي قوي (Antibiotic) من فصيلة Cephalosporins – الجيل التالت.
بيجي عادةً حقن:
عضلية (Intramuscular – IM)
وريدية (Intravenous – IV)
✳️ دايرنك تعرفو بيعمل شنو؟
السامكسون مضاد حيوي واسع الطيف (Broad Spectrum)
يعني بيمشي يغطي أنواع كتيرة من البكتيريا القوية.
بشغلو بإنو يوقف تكوين الجدار الخلوي للبكتيريا (Cell Wall Synthesis Inhibition)
وده بخلي البكتيريا تموت أو تتوقف عن النمو.
✳️ متين بندي السامكسون للمريض؟
برضو دا كلام عام، القرار النهائي للطبيب حسب الحالة.
1) التهابات الصدر الشديدة (Severe Pneumonia)
لما المريض يكون عندو كحة قوية، حرارة، وصعوبة في التنفس.
2) التهابات المسالك البولية الصعبة (Complicated UTI / Pyelonephritis)
لما الالتهاب يصل الكلية ويعمل ألم شديد وحرارة.
3) الالتهاب الدموي (Sepsis)
لما الزول يكون تعبان شديد، ضغطو نازل، وحرارتو عالية.
4) التهاب السحايا (Meningitis)
لأنو السامكسون بيدخل السائل الشوكي كويس (Good CSF Pe*******on).
5) التهابات الجلد والخراجات الكبيرة (Skin & Soft Tissue Infections)
لما الجرح ملتهب شديد أو في صديد كتير.
6) السيلان (Gonorrhea)
حقن واحدة في بعض الحالات—حسب البروتوكول الطبي.
✳️ حاجات مهمّة قبل استخدام السامكسون
لو المريض عندو حساسية من السيفالوسبورينات أو البنسلين لازم يعرف الدكتور (Allergy History).
بيتجنبوه مع مشاكل معينة في الكلى والكبد (Renal / Hepatic Impairment) إلا تحت متابعة.
وفي الحقن العضلية مرات بخلطوه مع Lidocaine عشان يقلل الوجع.
متابعة لصيلك كل جديد🫰🙅♂️🏂
