06/12/2024
تعال راضي قلبي وقول لي لو كل الناس وقفت ضدك انا ح افضل جيشك الوحيد البدافع عنك شيل عن قلبي الحزن المعتق والليهو جواي سنين وخت لي بدالو عناق حب اهدني حبك وسلمني قلبك ح اهدئ ليك سنين عمري في كل مرة بقول كل الاحزان بتتلاشى لما يكون قصادها في محبة ولما الحزن الواحد يشيلو اتنين رأيك شنو نعمل المحبة عنوان بيتنا ونخلي الكل يزورونا اطمنك ح تلاقي قلب يشبهك وكتف يسندك ورفيق عمر مستعد يبيع الدنيا ويشتريك لما تبكي ح امسح دموعك ولما تمرض ح تلقاني دواك ولما تقسى الدنيا عليك قلبي ح يبقى البيت الدافئ ال ح يحتويك تعال شاركني الما حصل حكيتها لزول احكي ليك تسمعني احتاجك القاك جمبي اخاف تطمني اكلمك عن مواضيعي الهايفة شديد وتسمعني من غير ملل اسمع صوت ضحكتك وتقولي لي ندمانة علي السنين الما كنت موجود فيها انت ارد ليك واقول ي حبيب عمري انا سنواتي بدت لما عرفتك انت والضحكات البتطلع مني انت السبب فيها ف يا بختي بيك في اقتباس جميل لاقاني بقول "اعتقد ان الانسان حينما يقع في حب الشخص المناسب سيستطيع مسامحة جميع من اذوا وأحرقوا قلبه لانه حينها يقول م حاجتي بالعالم وعالمي هنا بين ذراعي"واثق تماما انو جيتك ح تكون عبارة عن جبر خاطر عن كل السنين العشتها من دونك الحزن الشلتوا براي في قلبي وعن كل زول اذاني كل التفاصيل الشايلوا في قلبي داسيهو عشان احكيها ليك وكل الاحلام والامنيات مؤجلها عشان نحققها سوا وكل المشاوير اخرتها عشان نمشيها سوا وايدي في يدك تخيل يحبك انسان بعرف بكتب وبترجم مشاعرو بالحروف ولما يجي حياتك تلقاهو كاتب بحبك قبل م يلاقيك وتلقاهو كاتب عشانك مئات النصوص
