29/08/2025
اديكم معلومه سريعه بالدااارجي كدا ي بشر عشان المعلومه تقع ليكم تب .
بما انو الباعوض منتشر الأيام دي :
أولا ي جماعه الباعوضه زاتها في نفسها ما بتسبب ليك الملاريا نهائي 😁 ، اااي بالضبط كدا ما بتسببها ليك وإنما بتجيب ليك الملاريا بدون قصد 😌🖐🏼 .
طيب كييييييييف .........
الباعوضه دي يخوانا نفترض اسمها نفيسه ، يلا حجه نفيسه دي لمن تمشي تعضي زول عندو طفيلي الملاريا و أسمو العلمي البلازموديوم ، يلا بعد تعضيهو حبيبنا البلازموديوم دا بخش في بطن نفيسه و من البطن بمشي لي غدد اللعاب حقت نفيسه و بصبها هناك لحدي الله يفرجها ، لحدي هنا كويسين صح .
نفيسه دي لمن تجي تعضيك انت الناايم و فاتح خشمك و ما جايب خبر للدنيا ، قبل ما تعضيك بتعمل لعاب او بزاق بالداااارجي كدا زي ما قلنا ، بتعمل البزاق دا في المحل العايزه تعضيك فيهو ، ومع اللعاب دا بطلع حبيبنا البلازموديوم و بكون قاعد في سطح الجلد مع اللعاب الطلع من نفيسه .
البزاق دا عامل زي التخدير الموضعي المؤقت ، و عندو فوائد اللي هي بمنع الدم من التجلط عشان نفيسه تشفط الدم و تاخد راحتها في الشفط ، يلا بعد نفسيه تشفط و تشبع و تطير منك ، الثقب أو القده الشفطت بيها الدم دي بتكون لسه ما التأمت او الجسم ما قفلها لسه ، حبيبنا البلازموديوم بنزلق بالقده أو الثقب دا و يخش جسمك و يمسك في خلايا الدم و كدا انت بقيت مصاب بالملاريا 😁 .
و بعد الفيلم دا كلو يحصل و البنج يفك حتي انت بعداك حضرتك تحس بالقرصه و عامل فيهو عايز تضرب الباعوضه و هي قبيييل كبرتا بالباب الورا 😂
يعني يخوانا نفيسه دي ما قاصده تجيب ليك الملاريا و لا قصدها تأذيك ، وهي زااتها في روحها ما جايبه خبر انو هي شايله البلازموديوم دا جوا جسمها ، بس هي عايزه نقطه نقطتين دم عشان تربي عيالها و بس كدا 😁🖐🏼.
فتكم بعافية
