منتديات كوكو الإعلامية

21/06/2023

عدنا لكم مجدداً.. ربنا يحفظ السودان

29/05/2023

#مفقودين

يا جامع يا رقيب

1. ابراهيم حسين آدم عبدالله ( دربات)
طالب بجامعة السودان للعلوم والتكنولوجيا
كلية الإنتاج الحيواني المستوى الثالث.
2. محجوب موسي محمد عمر
خريج حديث كلية شرق النيل
قسم المحاسبه.

الشباب ركبوا مواصلات الميناء البري من سوق ليبيا
متوجهين الي الخرطوم الأزهري صباح الأحد
يوم 28/5/2023 وفقدنا التواصل معهم .

اللهمَّ: يا حيُّ يا قيُّوم، ياذا الجلالِ والإكرام، يا جامع يا جامع يا جامع، اجمعنا بهم سالمين معافين لا يمسهم سوء ولا مكروه يا ودود
اللهم احفظهم بما تحفظ به عبادك الصالحين يا كريم
اللهم استودعناك أرواحهم وأنفسهم وأموالهم
اللهم عليك توكلنا وإليك انبنا وإليك المصير
اللهم آمين آمين آمين

أرقام للتواصل:
0122027920
0900532992

0121255034
0928876927

0122027920

0128551714
0912917560

شير..

04/05/2023

وطن جريح/ د.احمد سر الختم

الشعب عائش مواجع
والنفوس صابرة و ابية
والمعزة الفي قلوبنا
شامخة أعلى من الثرية
المجد موروث من جدودنا
جاري فينا وروحو حية
موطن السوّد والعروبة
و أرض القبائل الأفريقية
أحفاد ترهاقا وبعانخي
ملوك أفريقيا الثرية
حضارة مروي وكوش ونبتة
وممالك النوبة القوية
من زمن كاشتا وشباكا
وكل قواتنا الفتية
التاريخ والنيل بيشهد
نحن أصحاب القضية
لا بتفرقنا القبيلة
ولا بتضعفنا الهوية
وكل قبيلة في بلادنا
ليها أصل وجزور بعيدة
نابعة من عمق الحضارة
باقية ممتدة وعريقة
ساكنة في أرض التنوع
تظل اخت جارة وصديقة
هيا نتوحد جميعنا
ونحقق الأحلام سوية
نوقف الحرب والتصارع
وأي أفعال عنترية

02/05/2023

بعد ما كان يمينك فوق يسارك خالفه
بشوف عسكرنا رضاها وكسورها مزالفه
مطر الحصو،،،،،،،،،،، الهددبو كل مخالفه
صبه الليلة فوقك وسوا سيرتك سالفه

بدون براق مطرنا فوقك صب
سمانا شايل من زمان و معب
عينة خيرسان فوق غرورك كب
وين وعيدك ما شفنا منو الحبه

شاعر أصيل وحروفك حلوبة وعالفة
قافيتك عديلة للوزن تب مى مخالفة
عافيتك تشيلك وتبقى ليكا موالفة
وسكينك سنينة لكل مطجن جالفة

ياخي الدواس من زمن الجدود السالفه
جوديه "بتحلو" و الناس تعود متوالفه
كلنا ناس بلد لازم نعدل التالفه

التالفه حلوها الرجال صغريه
مي نافعي البطاله، رد الظلم زنديه
ما بفاوضوهو خاين أو عميل في ديه
قلعوهو الجبل وكانت المحريه

کرار عثمان
ياسر عكور
عبد الرحمن احمد عبدالرحمن
محمد جعفر

29/04/2023

طائر السمان

توثيق/عبدالرحمن احمد

27/04/2023

رسالة من الطفله هاجر من تلس

20/04/2023

وطن جريح/ د. احمد سر الختم

لو رفعتا يوم سلاحك
ضد بلادك
دي تبقى منك حاجة شينة
و لما تتآمر عليها
أنسى أنك كنت فيها
ولو ضميرك فاق وصحاك
تاني ما ترجع تجيها
الضمائر لما تتباع
النفوس بتكون رخيصة
وللقضية الشاغلة وطنك
اصلو ما بتكون حريصة
المواقف ظاهرة عندك
ميز وأختار الصحيحة
الهواتف ما بتضرب
لما تخلو من الشريحة
والقلوب لو ليك حبت
العيون بتكون صريحة
في المحبة ماف عدالة
ناس سعيدة وناس جريحة
والحكومات لما تفشل
يبقي شعبها هو الذبيحة
الخيانة كتير بتحصل
من نفوس ساقطة وطريحة
يا بلادي العايشة ديمة
في شقى الأرض الفسيحة
كل ما تقاومي وتقومي
تدور حروب تبقيك كسيحة
ما أظنك يوم لبستي
ثياب حياة واسعة ومريحة
البلاد الاخرى سمحة
لكن بلادك ما قبيحة
واللغات في الكون كتيرة
لكن لغتنا هي الفصيحة


كلمات: أحمد سر الختم

18/04/2023

الزول كان اننفخ معروف بجيب الريح
والسواء الكعب ما برحمة التاريخ
زارع الفتن تلقاه اصله فصيح
ما كل السمك بيبقى ياااخي فسيخ

خراب السودان يدفع حسابو الجيش
من ثورة ديسمبر م بتفيدك تان معليش
سووا ليهم اجنحة وكسوها الريش
نهبوها البلد م خلولنا لقمة عيش

في الأعتصام كان للعساكر شأن
جبتو الملايش وسويتو ليهم مكان
فضيتو الأعصام حميتي كان برهان
صاطوها البلد شوفو إنقلبت بركان

حال السودان ما بعفي جميع الساسة
جميعهم شركاءفي الوضع من ساسة
قلناها بتخرب يوم ينقرو نحاسة
من يوم انقسمت صبحت الامور حساسة

لمتين يا بلد تشوفي حال الشاكي
تهيني البريدِك وتعشقي البأذاي
ولمتين يا بلد تقيف دموع الباكي
تشردي النازح تسيئي حاله يوماتي

ارجوك يا بلد ارحمينا شوية
شوفي حال الناس للقوب مشوية
فيكي المسكين ثابت يلوّح وطنية
فيكي اليتيم ينوح من الصباح لعشية

ضربو المساكين في كل ربوع السودان
ما راعو الشهر الكريم شهرِ رمضان
قفلو الطرق لا داخل لا مرقان
محبوسة الناس فيهم العطيش والجيعان

سآل ربي تسلم البلد ويعم السلام
وسآل ربي ننهض ونكون تمام
سآل ربي نعيش في أمن وأمآن
وسآل ربي يحفظنا من نفوس الظُلام

اسامه احمد حبيب
مبدعي كوكو

15/04/2023

حفظ الله البلاد والعباد

12/04/2023

خسر تشيلسي اما الريال و بطاقة حمراء ل بن تشيلويل
و خسر نابولي أمام ميلان و بطاقة حمراء ل أندريه أنجيسا

ربع نهائي الأبطال

12/04/2023