صحيفة الاحمر الوهاج

صحيفة الاحمر الوهاج من غيرنا يعطي لهذا الشعب معنا ان يعيش وينتصر

♦️جياد تهدي المغربي بادو الزاكي سيارة جديدة
30/03/2023

♦️جياد تهدي المغربي بادو الزاكي سيارة جديدة

في شهر رمضــان الكريم نذكركم بالدعوة للمرحوم "معتصم " احد موسسي منصة المسالمة 1908 نسأل الله أن يغفر له ويرحمه ويسكنه ...
30/03/2023

في شهر رمضــان الكريم نذكركم بالدعوة للمرحوم "معتصم " احد موسسي منصة المسالمة 1908

نسأل الله أن يغفر له ويرحمه ويسكنه فسيح جناته ويلهم أهله وذويه الصبر والسلوان .

نسأل الله ان يتقبلك قبولاً حسناً وان يجمعنا بك في الفردوس الأعلى من الجنة ..

🔺 الاستاذ مجدي شمس الدين الأمين العام للاتحاد السوداني لكرة القدم يزور بعثة المريخ بمقر الاقامة ويتمنى التوفيق للفريق في...
30/03/2023

🔺 الاستاذ مجدي شمس الدين الأمين العام للاتحاد السوداني لكرة القدم يزور بعثة المريخ بمقر الاقامة ويتمنى التوفيق للفريق في مباراته أمام الزمالك في الجولة الاخيرة من مجموعات دوري أبطال افريقيا | 🤝
#المريخ |

♦️البنك السعودي 🤝 المريخ
29/03/2023

♦️البنك السعودي 🤝 المريخ

🙋‍♂️
19/03/2023

🙋‍♂️

13/09/2022

نصف مليون دولار من ” فيفا ” لصالح الغربال

اشارت مصادر داخل فريق مولودية الجزائر عن صدور حكم من فيفا لصالح لاعب الهلال الحالي ” محمد عبدالرحمن” – الغربال بمبلغ 238 الف يورو بعدما تم فسخ عقده عام 2020 رغم أنه لم يلعب في تلك الفترة أي دقيقة بقميص النادي العاصمي.

جاء ذلك بحسب ما نشره موقع ” العربي الجديد ”

وأشار الموقع الى أن اللاعب استفاد من حكم من ” فيفا ” أيضاً ، يقضي بحصوله على مبلغ قدره حوالي 215 ألف يورو من فريق أهلي برج بوعريريج، الذي لعب له الغربال عام 2020، وتألق أيضاً في صفوفه، قبل أن ينتقل لنادي الهلال السوداني الذي يلعب له حالياً

وبحسب موقع ” العربي الجديد” فإن مولودية الجزائر كان قد خسر قبل أيام قليلة أيضاً قضية اللاعب الكاميروني “إيفا روني”، الذي استفاد بدوره من حُكم لـ”فيفا” لصالحه، يقضي بضرورة تسديد النادي الجزائري مبلغاً له يقدر بحوالي 220 ألف يورو، مع 5 آلاف يورو لمحاميه ، مع العلم أن هذا اللاعب كان قد لعب لفريق المولودية خلال موسم 2020/ 2021، ولم يقدم أي إضافة تذكر بسبب تواضع مستواه.

وسيكون فريقا مولودية الجزائر وأهلي برج بوعريريج وفقاً لـ ” العربي الجديد ” مطالبان بتسديد هذه الديون الضخمة والتي تعادل 498 الف دولار، أو أنهما سيواجهان عقوبات أكثر صرامة من “فيفا”، تصل إلى حدود إنزالهما إلى درجات متدنية.

13/09/2022

بابكر سلك
في السلك
قالوا التيس زعلان
*ترجلت الملكة اليزابيث اخيرا
*والهلال لسة ماجاب شي
*خلونا من الملكة ومن الهلال
*التيس
*تيس الملكة الزابيث
*ذلك التيس العريق العتيق
*تيس شاويش عديل
*التيس ده قال ليك زعلان شديد
*موت الملكة داخل عليهو شديد
*حرد الدخن والغنم
*،حتي السخيلة الكان بلعبها
*جات تلعب معاهو نطحها
*دخل في حالة نفسية سيئة
*التيس حزين
*تيس الملكة اليزابيث
*قالوا هو ذاتو عمرو قريب اتنين وتسعين سنة
*زعلان شديد
*التيس
*تيس الملكة اليزابيث
*اسي الانجليز زعلانين
*ناس كلارك
*برضك خواجات وعلاقتهم بالتيس قديمة
*قالوا يرضوا علي التيس
*قدر ماحنسوهوا رفض
*زعلان شديد
*التيس
*تيس الملكة
*الملكة اليزابيث
*قام واحد اشتر قال ليهم
*التيس ده ادوهو جبنة
*شربوهو ليها بالقوة
*وتنوا ليهو
*التني ده هيج التيس وزعلو زيادة
*وبقي ينطح
*كسر ليهم الموبايلات وشتتها
*واحدات مالقوها
*هاج شديد
*جا خواجة حكييييم من اولاد قلبها ناس ويلز حلة جاكسون
*قال ليهم التيس ده اديتوهوا شنو؟
*قالوا ليهو اديناهو جبنة وتنينا ليهو
*قال ليهم ده ما الهيجو ذاتو
*بن حبشي وتتنو ليهو كمان
*ده كان اديتوهوا التالت كان لحق الملكة
*وساقو التيس الحزين للبطري
*عملوا فحوصات
*النتيجة بعد كم يوم ابقوا معنا
*المهم
*الزعيم خطوة للامام مارش
*لكن مفروض،ماننوم علي العسل
*الجيبوتي كمنتخب جهجهنا جوة بلدنا
*والمنتخب الجيبوتي فيهو تمنية من سولارا
*ونحنا منتخبنا فيهو تسعة مننا وخانتين بتبادلوا فيهن عبدالرؤوف وياسر مزمل و الغربال و(طيفور)
*عشان كدة نفتح عيننا وننسي النصر الاولاني عشان نحقق النصر التاني
*وياليته كان بعروس الرمال
*حتي لانحرم الزعيم من هدف الشفوت (الجماهير)
*ونحنا بطريقتنا دي
*الابيض ذاتها بنلعب فيها الدور القادم بس
*وبعد داك كلو بره
*حتي المطار بنجيهو من بره
*لانو خمسطاشر مليون دولار للاستاد دي قارون ماعندو
*يبقي رايح جاي بره
*تأكيدا لعالمية المريخ
*كل الاراضي ارضنا
*وكل الشعوب جماهيرنا
*الي ان نعود لاستادنا لو كان بالعمر بقية
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*تقسيم المجتمع لطبقات ابينا
*قمنا زمان في الجامعة غنينا
*ياجزارة الفريق
*يا اللحمك للحي القدامنا
*يا الدمك رشانا
*الجلافيط للكلاب
*والعضام قدام الباب
*واللحم للبيتو عالي
*ومابتخبت ليهو باب
*والله قانونك عجيب
سلك كهربا
ننساك كيف والكلب قال تيس الملكة ده متعود علي الزعل....باكر بنسي
والي لقاء
سلك

13/09/2022

بابكر سلك
في السلك

قلنا ليكم أطمأنينا زعلتوا

‏
*في وديتنا ضد سانت جورج.
*قلنا أطمأنينا علي سانت جورج.
*الجماعة زعلوا.
*ولافين بالعمود تلاتة يوم في قروباتهم .
*ماخلوا لي شتيمة ماكتبوها.
*لكن أنا عافي ليهم .
*أخلاقي رياضية جداً.
*بس كنت بقرأ تعليقاتهم وأضحك.
*مابعلق .
*لو علقت حايعرفوا أني عضو نشط في معظم قروباتهم.
*عشان كده قاعد باسمي الحركي وأقرأ وأضحك.
*أمس لما أخواننا الحبش جابوا التاني.
*واحد من جماعتنا علق قائلاً:
*ده كلام سلك ذاتو .
*الله يستر.
*الزول ده قبل أسبوع قال أطمأنوا.
*المهم .
*روفا لما جاب القون.
*فرحوا فرح شديد لأنو المريخ وقتها كان متأخر بهدف.
*وأنا فرحت فرح شديد لأنو مشروع العليقي الإفريقي مامرقو إلا روفا السوداني البقبض بالجنيه ده.
*وتلاشت عبارات الهلال الجديد .
*شكل الآداء إختلف.
*كورة الهلال بقت سريعة.
*وتلك العبارات التي يطلقونها مع بداية كلو موسم.
*الحارس السنغالي طلع أبو مية وعشرين.
*وقلب الدفاع العنقالي طلع لاعنقالي ولا شتين.
*والمهاجم الزي عيسى صباح الخير.
*طلع لازي عيسى ولا هو صباح خير.
*المحور الخطير المكير البقرأ الميدان.
*غير صلاح عادل المكتوبة على ظهر الفنيلة ماقرأ حاجة.
*وأبشركم.
*بهلال يهز الأرض في الموسم القادم الجديد .
*ديل الفيهم إتعرفت.
*المحاولة رقم مية هيا هيا.
*المهم .
*نتيجتنا في جيبوتي عادية جداً.
*قياساً بفنياتنا واستعداداتنا وسقف طموحنا.
*بس زعلانين شوية .
*كنا دايرين ود الأميرة السمراء بدون مايلج مرمانا هدف.
*نعتبر ده الأول والأخير في هذا الموسم الإفريقي.
*ناس محمد عبدالماجد قالوا برغم الخسارة سنعبر.
*سنعبر بالسا؟؟؟؟.
*ولا بالمركب؟؟؟.
*المركب جاز ولا بنزين؟؟؟؟.
*وهاهي اليزابيث الراحلة تمضي بعد شهدت معظم أحداث الألفية السياسية والرياضية والإقتصادية والصحية .
*مضت وفي قلبها حسرة عشان ماشافت جوية للهلال.
*وأنتي شفتي حاجة؟.
*مبروك لمريخ لوح الشرف الإفريقي.
*وحظاً أوفر لهلال فطومة أختي في المرات القادمة.
*ولا زلت أذكر حديث كردنة عن الإحتفال باليوبيل لما قال نحتفل كيف ونحنا كاس ماشلناهوا؟.
*نخت في الإحتفال شنو؟.
*ياسلام ياكردنة يا هلالابي ياشجاع.
*قولة الحق صعبة في زمن طال فيه الإنتظار لطيارة رش إن شاء الله شايلة مبيد ماكاس.
*قلبي مع هلال الشرق وأهلي الخرطوم المكلوم.
*أيها الناس.
*إن تنصروا الله ينصركم.
*أها .
*نجي لي شمارات والي الخرتوم.
*كان شفت يا والينا.
*المدارس دايرين يفتحوها لينا.
*أنت جادي يا أخينا؟.
سلك كهربا ننساك كيف والكلب قال فتحت المدارس دي زي فتحت الحبن تفتح الليلة وتقفل بكرة والمر الحجازي قابض الجو.
وإلى لقاء.
سلك

06/09/2022

خليك واضح
محمدالطيب كبّور

التغيير نهج و أسامة خارج السرب !!

التغيير نهج وفكرة وجدت منا كل الدعم لاحداث تغيير فعلي في اتحاد الكرة بعد سنوات مسرح الرجل الواحد التي عشناها أيام عهد شداد الذي اتصف بالدكتاتورية والانا لدرجة جعلت الاتحادات الولائية والاندية وكل الرياضيين ينادون بالتغيير لانهاء حقبة الدكتاتور وقد كانت البداية لعهد التغيير بعد الفوز الكاسح في انتخابات اتحاد الكرة علي مجموعة النهضة فتح صفحة جديدة عنوانها التسامح بمبادرة (لم الشمل ) التي أطلقها الكبير اسما ووصفا المهذب الدكتور معتصم جعفر الذي مد اياديه بيضاء من غير سؤ لكل خصومه من أجل تطوير ورفعة الكرة السودانية ومن أجل وضع اساس متين من المحبة لينطلق منه مشوار التغيير في رحلة جديدة لتطبيق نهج التغيير حتي يخرج من كونه (شعار ) لارض الواقع وهذا الوعد الذي قطعته المجموعة مع مناصريها علي ان التغيير ليس شعار للمرحلة بقدر ماهو فكرة ونهج سيعملون علي تطبيقه علي ارض الواقع ..

وبدأ قطار التغيير مشواره نحو تصحيح مسار الكرة السودانية بفتح صفحة جديدة مع الجميع لتوسيع دائرة المشاركة من أجل رفعة وتطوير الكرة السودانية والكل يقدم ما عنده بتجرد مما جعل دائرة المناصرين لاتحاد الكرة تتسع والاهتمام شمل المنتخبات الوطنية بالاستفادة من العلاقات الخارجية لتجهيز المنتخبات الوطنية عبر معسكرات تعود بالفائدة الكبيرة للكرة السودانية التي تأخرت كثيرا في السنوات الأخيرة فكان نهج الاتحاد المتبع حاليا هو الحل السحري لعودة الريادة لمنتخاباتنا الوطنية ولأن حجر الأساس في تطوير الكرة يعود للبني التحتية تحرك اتحاد الكرة في هذا الاتجاه بعقد شراكة زاكية مع وزارة الشباب والرياضة من أجل تجهيز الملعب الأولمبي في المدينة الرياضية وكذلك العمل علي إعادة تأهيل ستاد الخرطوم الملعب العتيق الذي يحظي بمكانة تاريخية في الكرة الأفريقية مما جعل السيد افانتينو في زيارته الأخيرة يتكفل بأمر صيانته علي حساب الاتحاد الدولي لكرة القدم بوصفه احد اقدم الاستادات في القارة السمراء ..

كذلك نجح اتحاد الكرة في فك عزلة الكرة السودانية اداريا وعاد السودان للمشاركة في كل اللجان الإقليمية والقارية مستعيدا مكانته التي فقدها في الفترة السابقه وايضا نجح اتحاد الكرة في فك تجميد اموال التطوير بطرف الفيفا ليتدفق الدولار وينعش خزانة الاتحاد وغيرها من النجاحات التي انجزها اتحاد الكرة في فترته هذه ومازال الوعد أخضر والغد انضر بمزيد من الانجازات التي ستجعل الكرة السودانية تقفز للأمام ..

اكثر وضوحا

الإعلام شريك اساسي في نجاح اتحاد الكرة من خلال إبراز النجاحات والتبصير بالسلبيات ان وجدت لان هذا هو الدور الأساسي للإعلام وان كان داعم للتغيير الا انه لايمكن أن يسكت علي اي تقصير يبدر من ادارة الاتحاد او من اي عضو فيه مهما علت مكانته ..

لهذا فإن الاستاذ اسامه عطا المنان النائب الأول لرئيس الاتحاد ليس معصوما من النقد وهو يمارس ( الأنا) بتدخله في عمل اللجان وباصدار قرارات فردية دون الرجوع لمجلس الإدارة .. وعلي اسامه ان لايغرد خارج السرب وان يلتزم بنهج التغيير ويترك الفوضوية التي يعاني منها في تعامله مع عديد الملفات ..

تطبيق القانون ومبدا العدالة احد اهم مرتكزات التغيير ومن اراد ان ينجح فإن البداية تكون من عند نفسه بأن لايخلط الخاص بالعام وان يكون العمل بكامل الشفافية للوصول للنتائج التي لايمكن أن يقدح فيها أحد..

لم تكتمل تجربة المريخ وسان جورج الإثيوبي الودية بالامس بعد هطول الأمطار بغزارة علي ملعب المباراة مما استدعي حكم المباراة بالغائها بعد مرور 41 دقيقة من عمر الشوط الاول والنتيجة حينها كانت التعادل السلبي ..

مازال العشم قائما في مراجعة إدارة المريخ لقرار لعب مباراة الاياب امام ارتا سولارا الجيبوتي في الدور التمهيدي في ملعب بحر دار وان شاءالله لجنة تسيير نادي المريخ تستجيب لنبض جماهير المريخ ..

مجرد سؤال

اسامة ماعايز يتغير ليه ؟؟

06/09/2022

🔺️ الحكم يقرر انهاء مباراة المريخ وسانت جورج الودية بعد نهاية الشوط الاول بسبب هطول امطار غزيرة في ملعب المباراة، وكانت نتيجة الشوط الاولى التعادل "0|0".

04/09/2022

بابكر سلك
في السلك
غايتو واحد فيهم اشبال
*الله جاب الحرب في شارع اديس بحر دار عشان المريخ رجل صالح
*فرصة نراجع فيها قرارنا (المامدروس)
*لنلعب بقلعة شيكان
*منها نكسب التشجيع وقون الجمهور
*ومنها نقبض تلتين مليار دخل المباراة
*حبيتنا الاخيرة كانت مع فريق صاعد عندهم يادوبك
*لكن مابنقدر نسميهو حيدوب نهود الحبش قياسا علي حيدوبنا الصاعد
*لان حيدوبنا الصاعد له من الخبرات التي اكتسبها من معارك الصعود
*مايؤهله لنطلق عليه فريق كبير
*كما وأن حيدوبنا له من الاداريين والاقطاب من يتمتع بثروات لايبخل بها علي الفريق
*المهم نعود لقلعة شيكان حتي منتصف الشهر
*واقول منتصف الشهر لانه الموعد (المضروب ) لعودة الفريق للقلعة ام القلاع
*لينا اربعة شهور بنسمع بمنتصف الشهر
*ومنتصف الشهر لسة ماجا
*يجيبو الله
*المهم
*قالوا منافسنا الجيبوتي كسب سيمبا بهدف
*ونحنا عارفين سيمبا كان هنا ولعب قبل ايام
*لو من دائرة السنتر ركب الطيارة
*مابلحق كورة منافسنا هناك
*يبقي يا سيمبا الجا هنا اشبال(لاسمح الله)
*ياسيمبا اللعب هناك اشبال(وده مستحيل)
*المهم
*وده الاهم
*تأهل منتخبنا علي حساب الجيبوتي
*بصراحة برهان ذاتو ماكان عارف الخطة شنو
*زمان في دافوري الحلة
*كنا بنعمل خطة
*علي الحلف احسن من خطة برهان وحميدتي
*اقصد أحسن من خطة برهان وصديقي محسن
*ولولا حسن حظ المنتخب الوقعو في جيبوتي
*كان اسي اجنحة طيراننا ترفرف فوق السحاب الغرقنا ده
*ونلفت نظر الجهاز الفني للبحث عن خطة تظهرنا بمظهر محترم بالنهائيات
*ان شاء الله نشوتها قدام ويسكوها ناس ياسر مزمل والشعلة
*،حتي كان ضيعوها برضو خطة
*،بس مانمشي بالطريقة القابلنا بيها جيبوتي دي
*ايها الناس
*الحبش عندهم مشكلة مواد بترولية قديييمة
*كانوا بحلوها من ناسنا البهربوا ليهم الجاز لما كان مدعوم
*اسي بقي تجاري
*كيف يفكروا في جازنا بالسعر الجاري؟؟؟؟
*غايتو مشكلة جاز الحبش دي الا يحلها ليهم سانت جورج
*يقول عشان الحرب انا حا العب الكورتين في السودان واجيب ليكم الجاز البكفيكم
*جاز قدر موية سد النهضة في الملية التالتة
*هو جاز!!!!
*فرقة جاز كاملة
*بس هم يجوا
*وقالوا ممكن الكبار يرتاحوا ويجوا بالاشبال
*اصلو جاز السودان بحب الاشبال
*حب شديد
*المهم
*منتصف الشهر الجاري سيعود فريق الكرة للقلعة
*،هو مالو؟؟؟
*الشهر الجاري ده
*مالو؟؟؟
*مالو جاري مننا؟؟؟
*نصف السنة مضي ونصف الشهر الجاري مازال جاري
*جاري مننا
*،لأ هو مالو؟؟؟
*،مالو جاري؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*اخييييي ياوالينا
*ولايتك سخانةووسخانة بي طينا
*بواعيضا وضبابينا
*خجلنا ليك ياوالينا
*انت مابتخجل لينا؟؟؟؟
سلك كهربا ننساك كيف والكلب قال البخجل مابكون شارعو طين وضبابين ومكتبو مخمل....ياخ اخجل
والي لقاء
سلك

🔺️ اللاعبون الدوليون يصلون معسكر المريخ في مدينة ديبرزيت |📸 #المريخ | |
04/09/2022

🔺️ اللاعبون الدوليون يصلون معسكر المريخ في مدينة ديبرزيت |📸
#المريخ | |

Address

Al Khartoum
Khartoum

Website

Alerts

Be the first to know and let us send you an email when صحيفة الاحمر الوهاج posts news and promotions. Your email address will not be used for any other purpose, and you can unsubscribe at any time.

Shortcuts

Share

Category