https://www.facebook.com/109481925296867/

Sudanese_vpi, السودان, Khartoum (2025)

26/11/2023

قالوا في حفلة في أمدرمان كانت فيها بت جميلة
قامت ترقص (طبعاً بنات امدرمان كلهن سمحات) ..
اها قالوا الداير شبال من السمحة الا ياخد سوط
من العريس ..
قاموا الشباب زاغو كلهم ..
الشاعر ودالرضي طبعاً ضعيف شديد قدام الجمال ..
شالتو الهاشمية ونزل في الدارة قاليهم :

الكتوف واااقعة ..
والعيون ياناس ..
مويتن ناقعة ..
الوجن قادحات ..
في الظلام فاقعة ..
راجي شبالها ..
وراضي بي صاقعة ..

اها البت لامن سمعت الشعر
ادت ود الرضي الشبال ..

ولامن العريس جاء عشان يديهو السوط ، وقفت
ما بين ودالرضي والعريس ! فصرفت عنو الصاقعة،،

26/11/2023

*قصة صغنونة*🇸🇩
كان الكوز بتاع المحلية بيدق الباب ..
عايز رسوم النفايات
زهجنا منو شديد ..
جانا قحاتي قال نعمل ثورة نشيل الكوز دا ..
قلنا ليهو البديل منو؟ ..
قال البديل نحنا الوطنيين ..
طلعنا شلنا الكوز برا ..
جانا الجنجويدي مع القحاتي ودق الباب ..
قلنا ليهو اوعى تكونوا عايزين رسوم النفايات؟
قالوا لا ... نحن عايزين البيت ذاتو،،🏢 😂

26/11/2023

ما بين (حاول يخفي) نفسو ... و(الاوصفوك)

زماااااااان كانت في واحدة في امدرمان حي المسالمة جميلة جمال ما عادي ولفتت انظار ناس امدرمان كلها وما بتطلع نهائي والشعراء كتبو عنها ( ياظبية المسالمة ) و ( لي فى المسالمة غزال )
اليوم داك طلعت ﺗﻜﺸﺢ ﺍﻟﻤﻮية ﻓﻲ ﺍﻟﺸﺎﺭﻉ (تكشح يعني تدفق والشرح للحناكيش 😂😂😂😂) وطبعا شافها الشاعر عبيد عبد الرحمن ، قامت طوالي جارية واندست بي ورا الباب عشان ما يشوفها ... (يا حليل الخجل هسي الشعر فاكنو في الهواء 🧛‍♀🧝‍♀ ..) ... وطواااااالي صاحبنا مشى القهوة عشان يفت الشمار للشعراء، وبعد ما فت شمارو وشرب ليهو فنجان قهوة قام قال ليهم :
حاول يخفى نفسو وهل يخفي القمر في سماهو ؟؟
الشاعر سيد عبد العزيز طوالي رد ليهو وﻗﺎﻝ :
ﺃﺑﺪﺍ ﻭﻃﺒﻌﺎ ﻻ ﺷﻔﻨﺎﻩ ﺷﻔﻨﺎﻩ
ﺣﺎﻭﻝ يخفي ﻧﻔﺴو ﻭﻏﻴﺮ ﺍﺗﺠﺎﻫﻮ
ﺳﻄﻊ ﺍﻟﻨﻮﺭ ﻓﻰ ﺍﻓﻘو ﻛﻞ ﺍﻧﺴﺎﻥ ﺭﺍﻫﻮ
ﺧﻠﻨﺎ (ﺍﻟﺒﺪﺭ) ﺍﺷﺮﻕ ﻛﺎﻣﻞ ﻓﻰ ﺿﻴﺎﻫﻮ
ﻭﺧﻠﻨﺎ (ﺍﻟﺰﻫﺮ) ﻓﺘﺢ ﻣﻦ ﺍﻧﻔﺎﺱ ﺷﺬﺍﻫﻮ

ﺍﻟﺸﺎﻋﺮ عتيق طبعا الشمار حرقو وداير يشوف الحلوه الوصفوها بالبدر والزهر دي شكلها كيف؟ .... طوالي مشى حي المسالمة اسبوع كامل كاسر ركبة بي هناك جنب الدكاكين لحدي ما شافها ، وجا جاري قال ليهم علي الطلاق دي احلى من القمر زاته وارق من الزهر وطواااااالي كتب :

ﺍﻻﻭﺻﻔﻮﻙ (ﺑﺎﻟﺒﺪﺭ) ﺍﻭ (ﺑﺎﻟﺰﻫﺮ) ﻫﻢ ﻣﺎ ﺍﻧﺼﻔﻮﻙ
ﻛﻮﻛﺐ ﻣﻨﺰﻩ ﻓﻰ علاﻙ ﻳﺒﺮﻕ ﺳﻨﺎﻙ ﻓﻰ ﻏﻴﻬﺐ الليل ﺍﻟﺤﻠﻮﻙ
ﺍﺩﺑﻚ ﻫﺒﻪ ﻭﻓﻴﻚ ﻣﻮهبة ﺣﺴﻦ ﺍﻟﻈﺒﺎﺀ ﻭﻃﺒﻊ الملوك
الأوصفوك

الاوصفوك
بالبدر او بالزهر هم ما انصفوك
يا جميل
لو أوصفوك

كيف يجهلوك
وعلي الجمال العادي راحو يمثلوك
ولو بادلوك عين الحقيقة
او بالبصيرة تأملوك
بالنور او بالنار
أو بي قدر ما طاق الخيال
ما عادلوك
يا جميل
لو أنصفوك

كوكب منزه في علاك
سحرك قريب شخصك بعيد
لو كان قريب انواره آخذه بدون سلوك
يبرق ثناك في غيهب الليل الحلوك
اظرف شمايلك زاملوك
وهم اكملوك
ادبك هبة
فيك موهبة
شكل الظبا
وطبع الملوك
يا جميل
لو أنصفوك

26/11/2023

أنا مِن بِلاد ..!!
عاشَت تَصارِع
فِي الفَقُر
وسنوَات
عِجاف ..
كانت بِتَضحك
شان تَدِس
دمعة عُيُونَا
وَكِت تَخَاف ..
هادي البِلاد
الشَايلَة
هَم جنياتَا
وأحلام الضِعاف ..
كُلمَا تَضيق
سبُل الحياة
بالعِيشة
والوَضِع الكَفَاف ..
يُوم ما تَجُوع
تلك البُيُوت
لَو حاصر
الواقِع جَفَاف ..
وإتيبس النِيل
بالوَجَع
لا خُضرَة تَانِي
ولَااااا ضِفَاف ..
جِيت مِن بِلاد ..!!
تفتح بوابات
العشَم
وتدِي اليتَامَي
عقَاب بُيُوت ..
مَبنيَّة قَامَت
مِن عدَم
تَشبه بُيُوت
العَنكبُوت ..
وأضعَف أظنِها
مِن تَدِس
فِي جُوفَـا
أحلَامنَا التمُوت ..
صايمِين تَرانَا
مِن الفَرَح
وبِي خُوفنَا
قَضينَا الستُوت ..
عايشِين علي
طِيف الحَبيبَة
اليُوووومِي
بِيعدِي ويفُوت ..
واليُوم يمُر ..!!
الحسرَة عُنوَان
الوُجُوه
اللِسة مُنتَظرَة
الفَرج ..
حُزن المَدايِن
حَدُو وين ؟
الوجعة والضِيق
والزَهج ..
عدَم الأمااااان
ونِظَام كَماااان
لِساتُو فِي
نَفس الخَمَج ..
شُلة غباوة
ويااااا لطِيف
ساقُونا فُوق
درب العوَج ..
أسعار تَحَيِّر
وطايرة فُوق
الإقتِصَاد شكلُو
إتحلَج ..
والجايِي يارب
حالُو كيف؟
راجيانَا
سِيطان العنَج ..
نِندَقَّ بالعِيشَة
ونَحِس
ضِيق البراحات
والفِجج ..
والناس تَـئِـن ..!!
محبُوسة جُوَّة
بُيُوتَـا خُوف
الأمن ما عاد
مُستتب ..
تَمرُق عشَان
رِزقَك تتُوه
بالحسرَة
حا تشُوف
العجب ..
فِي عدم ضَمير
وجـــرِح كَبِـيـــر
وجِنس غَضَب ..!!
فاضيَة الشَوارِع
مِن حياة
عدمانة مِن
رِيحة الأدب ..
وكُلمَا نَقُول
ده إنسان
نضِيف
يطلَع كأنُو
أبُو لهب ..
ويا الله وين ..؟؟
ضَحكَتنَا
والطِيبة الزَمَان
وإحساسنا
بالحوَلينَا كَان
لمَّن تَضِيق ..
نِتشايل الهَم
فِي بَعَض
علشَان نَطِيق ..
وجع الحياة
المالينَا خُوف
يُومنَا الوَقَفنَا
صُفُوف صُفُوف
وإتبِعنَا فِي
سُوق الرقِيق ..
وقِدرنَا نَصبُر
فِي الألَم
وعِرفنَا كِيف
الزُول يفِيق ..
يَرفَع بِلادُو
وكِت تقع
ويصبِح بعد
مسجُون
طلِيق ..
ما أروعِك
يا دي البِلاد
يا صامدة فِي
عِز الحرِيق ..
ضَاحكَة وبِتَزفُرِي
فِي الأسي
وما لَاقية
مِن وجعِك
شهِيق ..

23/11/2023

". يا رب و إن غلقت كُل الأبوابِ يبقى بابُك الأوسَع و إن خابَت كُل الظنون فالثقةُ بِك تجاوزت حَد اليقين و الإطمئنان ، اللهُم تدبيراً يعقِبه تيسيراً و بُشرى.🩵🌱

23/11/2023

احياناً نلزم الصمت لان هناك اشياء لا يعالجها الكلام .

23/11/2023

عليك بذل الجُهد وليس عليك تحقُّق النتيجة عليك الإتقان والإحسان فيما بين يديك وليس عليك إدراك الغاية عليك أن تُعطِي أفضل ما لديك في نطاقك المُتاح وليس عليك بما يتخطّى حدودك ولڪُلّ إخلاص ثمرة طيّبة بنڪهة (الرِضا) تجدها في نفسك أوّلاً قبل ڪل شيء.

23/11/2023

هي الحياةُ فعِش فيها على أملٍ
‏بأنّ آمالانا يوماً ستنتَصرُ

‏لا بُدّ للنفسِ مِن يومٍ تُسرُّ بهِ
‏والبِشرُ يومَ غدٍ يأتي بهِ القدَرُ

23/11/2023

حسناء حي القلعة الأمدرمانيّ، التي أفتتن بها شاعر القصيدة صالح عبد السيد (أبو صلاح)، من الأغنيات التي انطبعت في ذاكرة الموروث السوداني واتخذت مكانها دون منازع وبجدارة. إذ أنها تعتبر درّة من درر أغاني الحقيبة التي نشأت وربت وترعرعت في منتصف القرن العشرين.

اشتهر حيّ القلعة بأمدرمان القديمة بعراقته وحفظه للتراث وكانت حفلات الأعراس التي تقام به مقصد لكل عاشق وهائم. أيضا حُكيَ عنه أنه جمع شتى سحنات وأشكال القبائل السودانية في بستان بهيج يسرّ الناظرين. نجد به الوجه واللون العربيّ الأخاذ، السحنة الإفريقيّة الذهبيّة البرّاقة فضلا عن أسود-بنيّ الأبنوس الساحر الذي تذوب في أطيافه ألوان القزح منكسرة خاشعة لأشعة المحبين ونيرانهم المتأججة.

عُرفَ عن الشاعر السوداني الفذ صالح عبد السيد (أبو صلاح) أنه كان من رواد الأعراس، قنّاص من الدرجة الأولى، يستوحي إلهامه وشعره من تلك الشعائر والحفلات التقليديّة. دُعيَ ذات يوم إلى حفل عرس بحي القلعة وكان مطربها يومئذ أحد الذين تغنوا بأشعاره، المطرب كرومة: صاحب الحنجرة الذهبية وأستاذ فن الغناء الشعبي الذي عرف وقتئذ بغناء الحقيبة. كانت طبيعة المجتمع السوداني إذذاك لا تسمح اختلاط المرأة بالرجل فضلا عن المقابلة بالنظر؛ لذلك نجد النسوة يجلسن في الحفل مقتعدات السباتة (“البرش”: البساط والسجاد) ولا يُسمح لهنّ بالنظر إلى المطربين من الرجال، لذلك يولين ظهورهنّ للمطربين وحتى للضيوف من الرجال ويجلسنّ تماما في الاتجاه المعاكس لهم. شرع الفنان كرومة في الغناء وبدأ ت الأنغام تنساب كخمر باخوس النقيّة (آلهة الخمر اليونانيّ) فلعبت بقلوب الحسناوات اللائي تمنعن عن الرقص في حياء وأدب وضربن بخمورهنّ على جيوبهنّ. علم العريس، وهو الآمر والناهي وسلطان العرس وأميره يومذاك بوجود الشاعر أبو صلاح بينهم، وكانت بدور، حسناء القلعة، تتوسط بوتقة من الحسناوات، تتبديّ بحلاوتها وألقها كدرّة بين الزمرّد. اتجه إليها العريس يترجّى منها في تودد أن ترقص له وتحنّ عليه بشبَّال (الشَّبَّال: هو عرف سودانيّ أصيل، لا يعرفه إلا أهل السودان، يحدث في حال طرب تام فعندما ترقص المرأة رقصة الحمامة ترمي بشعرها على كتف الرجل موحيّة له بقدسيّة رجولته وشهامته – فيطير من الفرح مبشرا بيديه مطرقعا بأصابعه في اتجاهها)، وحدثها أن الشاعر أبو صلاح في الحفل وربما يؤثره حُسنها فيكتب قصيدة عنها يصف جمالها الفتَّاك، تحفيزا لها بأن تُحنّ وترقص كالفرع الميّاس. جلس أبو صلاح كعادته منزويا في إحدى أركان الحفل يراقب المشهد، عله يحفل ببطلة جديدة لقصيدة لم تولد بعد. أشار العريس محدثا “بدور” مشيرا بيده إلى المكان الذي انزوى به أبو صلاح ثمّ قائلا: هل ترينه؟! لكن أسارير الحسناء تبدّى عليها الضجر والاشمئزاز ولم تبدِ أي اعجاب بمظهر الشاعر! أسرّت للعريس في همس أن عينيّه منفرتين، لا تشوبهما ذرّة ألق، بريق فضلا عن جمال. بعد انتهاء مراسيم الحفل أدرك أبو صلاح ما أسرّته الحسناء في نفسها عنه، وعلم أنها كرهته لا سيما عينيه الجاحظتين. فتألم لما أحسّ وحزن لما سمع فشرع يخاطبها في صمت وسكينة، ونشأت حينئذ قصيدة “بدور”، الغزال النافر، التي غدت فيما بعد درّة من درر الأغنيات السودانية المعاصرة.

وبعد أن تغنّى بها المطرب كرومة شدا بها العملاق محمد الأمين ووضع لها لحنا جديدا ومساحات موسيقيّة بديعة، تتوسطها التقاسيم وصولات الارتجال، فجعل منها رواية موسيقيّة لبدور، حسناء القلعة، زينها بجمل موسيقيّة وهارموني في غاية الاتقان والابداع الموسيقيّ. من ثمّة وجدت الأغنية قبولا منقطع النظير بين الجمهور، فأدرك حينئذ المطرب محمد وردي، أن أغنية بدور القلعة، صارت قنبلة ذرية أطلقها محمد الأمين، ضرتّه في الغناء والتنافس، فشرع في تلحين أغنية أخرى ضربت جذورها بنفس الموضع – حي القلعة – مكان يتنافس بصحنه الحسان والمبدعون، بعنوان: “قسماً بمحيك البدريّ”، فالتقى إذذاك النجمين في حيّ القلعة، موضع حسنائه “بدور”، بعملين خالدين أثرا به موسوعة الطرب السودانيّ الأصيل بكل ما تحمل هذه الكلمة من معانٍ.

عندما إلتقى هرم الجزيرة والسودان كلو الموسيقار الأستاذ محمد الأمين مع عملاق الحقيبة ابوصلاح فتدفقت شلالات الجمال والفن والإبداع فالرحمة والمغفرة لك شاعرنا الفذ ابو صلاح والرحمة لك أيها النهر الخالد ود اللمين ..

23/11/2023

-العيون تتحدث دائماً حتى إن عجزت الألسن.

23/11/2023

وتلاقت الأرواحُ عبر منامِها
‏حُلماً جميلاً ليتهُ لم ينتهي

23/11/2023

ولو مرّت بحقل الورد يوماً
‏لقالَ الوردُ قد حلَّ الربيعُ

Sudanese_vpi

26/11/2023

26/11/2023

26/11/2023

26/11/2023

23/11/2023

23/11/2023

23/11/2023

23/11/2023

23/11/2023

23/11/2023

23/11/2023

23/11/2023

Address

Telephone

Website

Alerts

Contact The Business

Shortcuts

Share

Category