الجامعة التكنولوجية - الإعلام الطلابي

  • Home
  • Sudan
  • Khartoum
  • الجامعة التكنولوجية - الإعلام الطلابي

الجامعة التكنولوجية - الإعلام الطلابي Contact information, map and directions, contact form, opening hours, services, ratings, photos, videos and announcements from الجامعة التكنولوجية - الإعلام الطلابي, Media, محمد نجيب, Khartoum.

تم إنشاء صفحة الاعلام الطلابي في 13 يناير 2020 هي صفحة إعلامية طلابية مختصة بنشر الأخبار والأنشطة الأكاديمية والإعلامية والثقافية، يديرها خيرة الشباب من طلاب الجامعة التكنولوجية المتميزة. إثراء المعرفة وإيصال المعلومة للطلاب والمشاركة في مختلف المحافل الواسعة بما يصب في تطور ورقي الجامعة والاهتمام بتطور المواهب وتشجيع دعمها لما له من فائدة كبيرة للطالب والجامعة،من أحد أهدافها التعريف بالجامعة التك

نولوجية أكاديميا كجامعة مرموقة ذات مستقبل باهر والعمل على عكس صورة حسنة، الإعلام الطلابي فريق العمل من الطلاب المتميزين لديهم شغف التطوير والمنافسة وتطوير مهارات مهمة مما له فائدة كبيرة في المستقبل.

الرؤية :

تعريف وإبراز الجامعة التكنولوجية وابراز المواهب الطلابية في مختلف الأنشطة، مقارعة ببقية الجامعات والعمل على المشاركة المفيدة والفعالة وتبادل الخبرات والتجارب بين طلاب الجامعات السودانية الأخرى أكاديميا تعليميا ثقافيا. وغيرها من الخبرات اللازمة. نشر الأخبار التي تهم الطالب وتسهيل إيصال المعلومة ومشاركة الأخبار الأكاديمية ذات الصلة المؤكدة من إدارة الجامعة. تشجيع الأفكار الإيجابية المفيدة والتنسيق مع الطلاب المهتمين. عكس صورة إيجابية عن الجامعة ونشر إنجازات الطلاب والطالبات المبدعين داخل الجامعة.

الصفحات ذات الصلة :

صفحة صوت الجامعة فرعية الجامعة التكنولوجية
الجامعة التكنولوجية الإعلام الطلابي.

تغطية الفعاليات والأنشطة المهمة داخل الجامعة التكنولوجية. الجامعة التكنولوجية : الخرطوم امتداد الدرجة الثالثة شارع محمد نجيب جنوب جهاز المغتربين. .الكليات : 1-التمريض: تمنح درجة البكالريوس فى علوم التمريض 2 – كلية العمارة: تمنح بكالريوس الشرف فى هندسة العمارة. 3 – كلية الهندسة: تمنح درجة البكالريوس فى التخصصات التالية:- أ – البكالريوس التكنولوجى فى الهندسة المدنية. ب – البكالريوس التكنولوجى فى هندسة الكهرباء (قدرة). ج – البكالريوس التكنولوجى فى هندسة الكهرباء (تحكم). د – البكالريوس التكنولوجى فى هندسة الكهرباء (اتصالات). ه – البكالريوس التكنولوجى فى هندسة الكهرباء (الكترونيات وحاسوب). 4 – كلية تقانة المعلومات: تمنح درجة البكالريوس فى تقانة المعلومات 5 – كلية الدراسات التجارية: تمنح الكلية درجة البكالريوس فى التخصصات التالية :- أ – المحاسبة والتمويل ب - إدارة الأعمال. ج – البنوك والتمويل. 6 – كلية نظم المعلومات : تمنح الكلية درجة البكالريوس فى التخصصات التالية :- أ – نظم المعلومات المصرفية. ب - نظم المعلومات المحاسبية. ج – نظم المعلومات الإدارية. كلية القانون. . . . . . . ....... .




21/09/2025

إعلان هام للطلاب الجدد المقبولين في كلية الهندسة والعمارة ( دفعة 2023 المؤجلة )

​في إطار تنظيم عملية التواصل وتسهيل وصول كافة التحديثات والإعلانات الرسمية المتعلقة بالدراسة والجداول، ندعو جميع الطلاب الجدد إلى تسجيل بياناتهم عبر الرابط المخصص، وذلك لإضافتهم إلى مجموعات الواتساب الرسمية الخاصة بالدفعة.

📎​رابط التسجيل :
https://forms.gle/L6fpd3zaqrUufQkm7

• الرجاء التأكد من صحةة المعلومات .
• لن تتم إضافة اي طالب لم يرفق صورة القبول الرسمي بالجامعة.
• مده صلاحية رابط التسجيل 10 أيام

​ملاحظة: هذه المجموعات هي المصدر الرسمي المعتمد للتواصل، لذا نرجو من الجميع المبادرة بالتسجيل لضمان عدم تفويت أي معلومات هامة.

​مع أطيب التمنيات بالتوفيق والسداد.

​

بسم الله الرحمن الرحيم الجامعة التكنولوجية كلية القانون إعلان هام تعلن كلية القانون بالجامعة التكنولوجية عن التقويم الدر...
16/09/2025

بسم الله الرحمن الرحيم
الجامعة التكنولوجية
كلية القانون

إعلان هام

تعلن كلية القانون بالجامعة التكنولوجية عن التقويم الدراسي للدفعة 2020 بكلية القانون للفصل الدراسي الخامس والسادس.

يرجى من الطلاب الالتزام بالمواعيد المحددة أعلاه.


بسم الله الرحمن الرحيم الجامعة التكنولوجية عقد مجلس العمداء بالجامعة التكنولوجية اجتماعه الدوري في يوم 13 سبتمبر 2025 ال...
15/09/2025

بسم الله الرحمن الرحيم
الجامعة التكنولوجية

عقد مجلس العمداء بالجامعة التكنولوجية اجتماعه الدوري في يوم 13 سبتمبر 2025 الاجتماع رقم 3 للعام 2025, وناقش المجلس ابرز النقاط والمشاكل الهامة بالجامعة، واعلن مجلس العمداء عن التوصيات التي خلص إليها الاجتماع، وهي كالآتي:

1. الإسراع في استئناف الدراسة للدفعات المتراكمة والمتأخرة.

2. الاهتمام بتطوير المناهج الدراسية.

3. تفعيل المنصة الإلكترونية، وحث أعضاء هيئة التدريس على التدريب والتعامل معها.

4. الإسراع في إدخال النتيجة، ومعالجة المشاكل الفنية بالتنسيق مع مدير المركز حال وجودها.

5. وضع تصور لمعاينات الطلاب الجدد بواسطة أمين الشؤون العلمية ومدير مركز تقانة المعلومات.

6. مراجعة اللائحة المالية والعمل على تحسين الحوافز والاستحقاقات للعاملين بالجامعة.

7. إنهاء التفرغ الكامل لأعضاء هيئة التدريس المفرغين للدراسات العليا وإلزامهم بالمشاركة في التدريس ولو بجزء من العبء التدريسي.

ادارة الإعلام والعلاقات العامة
.

اعلان هام من كلية علوم الحاسوب وتقانة المعلومات تعلن كلية علوم الحاسوب وتقانة المعلومات – الجامعة التكنولوجية عن التقويم...
15/09/2025

اعلان هام من كلية علوم الحاسوب وتقانة المعلومات

تعلن كلية علوم الحاسوب وتقانة المعلومات – الجامعة التكنولوجية عن التقويم الدراسي للعام 2025/2026م (الفصل الدراسي الثاني) لطلاب بكالوريوس تقانة المعلومات – الدفعة 2022، وذلك على النحو التالي:

بداية التسجيل للفصل الدراسي الثاني: الأحد 07/09/2025م

نهاية التسجيل للفصل الدراسي الثاني: الخميس 18/09/2025م

بداية الدراسة للفصل الدراسي الثاني: السبت 20/09/2025م

نهاية الدراسة للفصل الدراسي الثاني: الخميس 27/11/2025م

بداية الامتحانات للفصلين الدراسيين الأول والثاني: السبت 13/12/2025م

نهاية الامتحانات للفصلين الدراسيين الأول والثاني: السبت 10/01/2026م

عليه نهيب بجميع الطلاب الالتزام بالمواعيد أعلاه، مع تمنياتنا لهم بالتوفيق والنجاح.

عميد الكلية
أ. ندي محمد عبدالقادر

بسم الله الرحمن الرحيم الجامعة التكنولوجية أعلان هامتعلن كلية علوم الحاسوب وتقانة المعلومات لطلاب الدفعة 2019 – السنة ال...
15/09/2025

بسم الله الرحمن الرحيم
الجامعة التكنولوجية

أعلان هام

تعلن كلية علوم الحاسوب وتقانة المعلومات لطلاب الدفعة 2019 – السنة الدراسية الرابعة (الفصلين السابع والثامن) عن بداية التقويم الدراسي للعام 2025 – 2026م، وذلك على النحو التالي:

الفصل الدراسي السابع

بداية التسجيل: الأحد 07/09/2025م

نهاية التسجيل: الخميس 18/09/2025م

بداية الدراسة: السبت 20/09/2025م

نهاية الدراسة: الخميس 27/11/2025م

الفصل الدراسي الثامن

بداية الدراسة: الاثنين 01/12/2025م

نهاية الدراسة: الأحد 15/02/2026م

الامتحانات للفصلين السابع والثامن

البداية: الأربعاء 25/02/2026م

النهاية: الأربعاء 25/03/2026م

عليه نهيب بجميع الطلاب الالتزام بالمواعيد المحددة أعلاه.

تنويه هام

سيصادف بداية شهر رمضان المبارك يوم ١٧ /٢ وبالتالي الدراسة تنتهي يوم ٢/١٥ والامتحانات ستبدأ بعد عيد الفطر المبارك ان شاء الله.

تعلن كلية نظم المعلومات لطلاب الدفعة 2022 (السنة الدراسية الأولى/ الفصل الدراسي الثاني) عن التقويم الدراسي للعام 2025 –...
15/09/2025

تعلن كلية نظم المعلومات لطلاب الدفعة 2022 (السنة الدراسية الأولى/ الفصل الدراسي الثاني) عن التقويم الدراسي للعام 2025 – 2026م، وذلك على النحو التالي:

بداية التسجيل: الأحد 7 / 9 / 2025م
نهاية التسجيل: الخميس 18 / 9 / 2025م
بداية الدراسة: السبت 20 / 9 / 2025م
نهاية الدراسة: الخميس 27 / 11 / 2025م

بداية الامتحانات للفصلين الأول والثاني: السبت 6 / 12 / 2025م

نهاية الامتحانات للفصلين الأول والثاني: الأربعاء 31 / 1 / 2026م

على جميع الطلاب الالتزام بالمواعيد المعلنة أعلاه، متمنين لهم عاماً دراسياً موفقاً مليئاً بالنجاحات.

عمادة كلية نظم المعلومات

15/09/2025

الجامعة التكنولوجية
امانة الشؤون العلمية

تؤكد أمانة الشؤون العلمية بالجامعة أنه يجري حالياً الإعداد لتشكيل لجنة المعاينات الخاصة بالطلاب الجدد للعام الدراسي الحالي. وسيتم الإعلان عن فترة المعاينات قريباً والتي متوقع لها خلال النصف الثاني من شهر أكتوبر المقبل.

وتود الأمانة أن توضح أن عدم إعلان المواعيد حتى الآن يعود إلى عدم استلام الكشوفات النهائية للطلاب المقبولين لهذا العام، بجانب أن إجراءات القبول للدور الثاني لم تكتمل بعد.

سوف يتم نشر التفاصيل الكاملة فور اكتمال الإجراءات واستلام الكشوفات النهائية.

أمانة الشؤون العلمية

١/الهندسة المعمارية :-أول حاجة يا جماعة، لازم نقول إنو الهندسة المعمارية ما شغلة ساهلة، ولا أي زول بيقدر يعملها ساكت. ...
14/09/2025



١/الهندسة المعمارية :-

أول حاجة يا جماعة، لازم نقول إنو الهندسة المعمارية ما شغلة ساهلة، ولا أي زول بيقدر يعملها ساكت. الموضوع أكبر من "تعال صب لي عمود" ولا "فرش لي البلاط دا عديل". المعمار دا زول عندو عين فنية وعقل رياضي. بيشوف الحاجة قبل ما تبني، بيحسب التهوية، الشمس بتمرق من وين، الناس بتتحرك كيف، وأي زاوية عندها معنى. يعني الخيال عندو بيشتغل، لكن لازم يكون مربوط بالواقع. ودي أكتر حاجة بتخلي الشغلانة ممتعة وصعبة في نفس الوقت.

الهندسة المعمارية: فنٌّ يعانق العلم

الهندسة المعمارية تُعتبر من أقدم الفنون التي عرفها الإنسان، فهي تجمع بين الإبداع الفني والعلم الهندسي لتلبية احتياجات الإنسان المعيشية، النفسية، والاجتماعية. وهي لا تقتصر فقط على إنشاء المباني، بل تمتد لتشمل تصميم المساحات، تنظيم العلاقات البصرية والحركية داخل المبنى، والربط بين البُعد الجمالي والوظيفي.

المهندس المعماري يُفكر في كل تفاصيل الفراغ: من الضوء الطبيعي، إلى المواد المستخدمة، إلى سلوك الناس داخل هذا الفضاء. فالعمارة الجيدة ليست فقط تلك التي تبهر العين، بل التي تخدم الإنسان وتُسهّل عليه حياته اليومية، وتوفر له بيئة صحية، مريحة، وآمنة.

٢/فوائد المهندس المعماري :

1. تصميم بيئات مريحة وصحية:

المعماري بيصمم المساحات بحيث تكون مريحة، مضيئة، جيدة التهوية، وتناسب احتياجات الناس، وده بيأثر بشكل مباشر على راحة الناس النفسية والجسدية.

2. استخدام المساحات بكفاءة:

هو بيعرف كيف يستفيد من كل متر مربع، سواء في البيوت الصغيرة أو المشاريع الكبيرة، بحيث تكون عملية وجميلة في نفس الوقت.

3. يعكس الهوية والثقافة:

كل تصميم معماري بيعكس جزء من ثقافة وهوية المجتمع، والمعماري بيساهم في حفظ واستمرارية الطابع المعماري للمنطقة.

4. تحقيق التوازن بين الجمال والوظيفة:

المعماري ما بس بيهتم بالشكل، لكن كمان بالوظيفة. يعني البيت أو المبنى بيكون شكله جميل، لكن كمان عملي وسهل الاستخدام.

5. المساهمة في التنمية المستدامة:

المعماري ممكن يستخدم مواد صديقة للبيئة، ويصمم مباني تستهلك طاقة أقل، ودي مساهمة كبيرة في تقليل الأثر البيئي.

6. رفع قيمة العقارات:

أي مبنى مصمم كويس من معماري محترف، غالباً حيكون أغلى من غيرو لأنو بيكون أكثر جودة وجاذبية.

7. الأمان والسلامة:
بفهمو في قواعد البناء والهندسة، المعماري بيصمم مباني قوية وآمنة، بتتحمل الظروف الطبيعية وبتراعي سلامة السكان.

8. تنظيم المدن وتحسين الحياة:
المعماريين بيلعبوا دور مهم في تخطيط المدن، الشوارع، الساحات، والفراغات العامة، وده بيأثر على جودة الحياة للناس.

#الذكاء الصناعي ممكن يساعد المهندس المعماري، لكن ما حيقدر يحل محلّو بالكامل. ليه؟ خليني أشرح ليك:

الحاجات الممكن AI يعملها:
- يساعد في رسم المخططات بسرعة.
- يحلل البيانات ويقترح تصاميم فعّالة.
- يسهّل اختيار المواد والتكلفة والزمن.
- يولّد أفكار أولية للتصميم (Concepts).

لكن في حاجات الذكاء الصناعي ما بيقدر يعملها زي:
- الإحساس بالمكان والناس: المعماري الحقيقي بفهم إحساس الناس بالمكان، وعندو ذوق بشري ما ممكن يتعلّم بالبيانات بس.
- الابداع الإنساني: AI ممكن يقلد، لكن ما يخلق من إحساس وشعور داخلي زي المعماري.
- المرونة والتواصل: الزول البصمم لازم يتفاهم مع الزبائن، يسمع رأيهم، يناقشهم، ويغير حسب رغبتهم.
- التعامل مع الواقع والميدان: المعماري بيشوف الأرض، الجو، طبيعة الناس، وبيقرّر بناءً على معطيات حيّة.

الخلاصة:

الذكاء الصناعي مساعد ذكي قوي، لكن المهندس المعماري صاحب الرؤية والقرار الأخير. الشغل الحقيقي بيحتاج عقل بشري، إحساس، وتجربة.

يعني باختصار: *الذكاء الصناعي "أداة"، والمهندس "فنّان".*

واهم حاجة المهندسين شغلهم جماعي فشنو لازم تكونوا يد واحدة وتقيفوا مع بعض ولازم تكون اجتماعي وتدخل في اي زول بسرعة م تقفل نفسك وتقعد براك حاول اتعرف على البيئة الحولك بس اختار ناسك حسب مبادئ معينة لأنك نتيجة اختيارك وم شرط تكون مبهر المهم انك تكون حقيقي. ❤️



كتير من الناس شايفين القانون ده ما عندو غير (3) حاجات (قاضي – محامي – وكيل نيابة) صح؟ ... ودي فكرة ناقصة شديد عن المجا...
13/09/2025




كتير من الناس شايفين القانون ده ما عندو غير (3) حاجات (قاضي – محامي – وكيل نيابة) صح؟ ... ودي فكرة ناقصة شديد عن المجال القانوني.



قبل ما نتكلم عن المجالات الممكن يشتغل فيها خريج القانون لازم نوريكم القانون ده زاتو تقروهو كيف عشان تفهمومو فهم صحيح

1- القانون ما مادة تحفظ حفظ نهائي ... لازم تفهم روح النصوص وتعرف ليه القانون الفلاني ده إتعمل؟ وبتعلق بي ياتو مشاكل وبحلها؟

2- الكتب السودانية هي المرجع الأساسي ما تعتمد على كتب خارجية إلا بعد ما تتخرج وتعرف كيف تقرأ القانون عشان المقارنة تكون واضحة بالنسبة ليك وتعرف الفروقات والحاجات الإيجابية والسلبية في القوانين.

3- شارك في الجمعيات القانونية والندوات عشان توسع مداركك وتتعلم من النقاشات ، ولكن أي نقاش أو قعدة مابتقدم ليك معلومة مفيدة أبعد منها لانها بتخصم من زمنك بدون فايدة

4- أي حاجة ما واضحة ليك؟ أسأل أستاذك لأنه دة أكتر زول عارفك وبفهمك عايز تقول شنو بالضبط أو عايز تفهم شنو ومافي زول غيرو بوضح ليك أفضل منه.

5- خلي عندك صبر وتنظيم لأنه القانون محتاج تركيز ودقة ولو في حاجة شايفها صعبة خليها واقرأ الساهلة وتعال راجع ليها بعدين
6- #وأهم من ده كله

الأخلاق والسمعة دي أساس المهنة ... فلفلة الشعر والقمصان الشاذة دي ما بتشبهكم واللبس الشين ماحقكن يابنات لازم يكون الهندام مقفل تماااااام من وإنت برلوم لانه من سنه أولى الناس حاتقول ليك #مولانا ، وكل حاجة مابتليق بيك ماتعملها وأبعد منها.


طبعاً إمتحان المعادلة دة أول حاجة بتتعمل بعد تتخرج ولو ما إمتحنتها وشلت شهادة معناها زي الكأنك ماقريت قانون إلا في مجال واحد وضيق جداً.



ده الممثل القانوني للمجتمع
بيفتح البلاغات الجنائية
بشرف على التحري مع المتهمين والشهود
بيقرر يفتح الدعوى ولا يشطبها
بعد داك بيقدم القضية قدام المحكمة وبيطالب بالعقوبة
يعني بالمختصر وكيل النيابة ده الزول المسؤول عن حماية المجتمع من الجريمة
#القاضي
بيستمع للأطراف (المدعي والمدعى عليه أو الشاكي والمتهم)
بيقيم البينات والشهود
في النهاية بيصدر حكم ملزم
القاضي لازم يكون نزيه، صبور، وعندو قدرة يستمع كويس ويفصل بالعدل.

#المحامي

بيدافع عن موكليه سواء كان مظلوم أو متهم
بكتب العقود التجارية والمدنية وبوثقها
بقدم استشارات قانونية للشركات والأفراد
ممكن يكون محامي جنائي (جرائم) أو مدني (قضايا عقود، أسرية، نزاعات تجارية)
المحامي زيو زي الطبيب ... بيدافع عنك في لحظة ضعفك.



1- في الشركات: بيكتب عقود العمل والصفقات، بيحمي الشركة من أي مشاكل قانونية
2- في المؤسسات الحكومية: زي وزارة العدل أو الوزارات التانية بقدم الرأي القانوني للوزير أو المدير
3- مستشار خاص: هنا ممكن يشتغل مع رجال أعمال أو أسرة وينظم ليهم شغلهم القانوني
4-مستشاري وزارة الخارجية: ديل شغالين في ملفات المعاهدات والاتفاقيات الدولية والتوثيقات
5- مستشاري السفارات: بساعدوا السفارة في قضايا الجالية أو أي موضوع قانوني في البلد المضيف
6- الباحث القانوني أو الأكاديمي
ممكن تشتغل في الجامعات كمساعد تدريس
أو في مراكز بحوث ودراسات قانونية
بتكتب مقالات ودراسات عشان تطور القوانين أو تعدلها.

#المنظمات

زي منظمات حقوق الإنسان، حقوق المرأة، الطفولة
في منظمات محلية ودولية المحتاجة قانونيين يعملوا دراسات أو يقدموا استشارات.

ممكن تكون شغال في التوعية المجتمعية أو الدفاع عن ضحايا النزاعات.



وزارة العدل، البنوك، الشرطة، الجيش ... كلها فيها وظائف قانونية.

في البنوك مثلاً: المستشار القانوني بيراقب العقود والتمويلات.
في الشرطة: في إدارة قانونية خاصة بتفصل في المخالفات وبتقيم مجالس التحقيق وبتعمل محاكمات الشرطة
في الجيش: المستشارين القانونيين بيشرفوا على العقود والقوانين العسكرية والمحاسبات والمحاكمات العسكرية

مسجل عام الأراضي. موظفي تسجيلات الأراضي.
الناس الشغالين في مكاتب التوثيقات.

#ختاماً

القانون ما وكيل نيابة وقاضي ومحامي؟

في منظومة كاملة بتخلي العدالة تمشي
إنت كطالب لازم توسع مداركك وتعرف إنه كل المسارات دي مفتوحة قدامك والنجاح فيها بيعتمد على اجتهادك وسمعتك.

الطالب مصطفى أيمن مصطفى - كلية القانون .


مرحب حبابكم مليون والف الف مبروك النجاح والتفوق وان شاء الله تكون حياة جامعية موفقة، طبعا الجامعة دي حظ و اجتهاد شخص...
12/09/2025



مرحب حبابكم مليون والف الف مبروك النجاح والتفوق وان شاء الله تكون حياة جامعية موفقة، طبعا الجامعة دي حظ و اجتهاد شخصي ، فلما نتكلم عن الجامعات الحكومية و الخاصة عامة الوضع التعليمي متأزم و عاوز صبر ، لو انت عندك استطاعة أدرس خارج السودان بس عامة كدا الجامعة عاوزة صبر ✨

اولا انت في هندسة لازم تكون مجتهد خلاف محاضرات الجامعة و م تعتمد على الجامعة ابحث و أدرس في مراكز تدريب عشان تقوي الcv و انو نحن ك طلاب هندسه في كليتنا اهم شي عندنا التعامل والاحترام و المشاركة عايز تكون واحد مننا عليك بي ديل واذا الحاجات ديل ما عندك فمن هسي انت ضائع ✨

و الجامعة دي م اكاديمية فقط، ناس المحاضرة البيت و البيت الجامعة ديل اكتر ناس م حيعرفو للجامعة معنى ،
الجامعة دي " بتجمع ثقافة في جميع انواعها و ألوانها، بتجمع المجتمع الانت بتعيش فيهو على مختلف اللهجات و الألوان و العقول، بتجمع حاجات كتيرة ، يعني لو اتخرجت لازم تتخرج بشعبية باخوان بثقافة بفهم و عقليه مميزة م شرط شهادة اكاديمية ✨💜

تاني شي بالنسبه للمنهج.. منهجها قوى و انجليزي يعني من هسي ظبط الانجليزي✨

أختكم من هندسه كهرباء اعرفها ليكم في كلمات بسيطة ✨

#الهندسة الكهربائية

هي فرع من فروع الهندسة يهتم بالإنتاج والتوزيع والتطبيقات العملية للكهرباء والإلكترونيات والقياس والتحكم.
. ما أهميتها؟
تدعم كل جوانب الحياة الحديثة: من شبكات الطاقة، الاتصالات، الإلكترونيات، التحكم الآلي، وحتى الأنظمة الذكية والمستقبلية.

ما هي نسب قبول الهندسة الكهربائية في الجامعات السودانية والأجنبية؟

• في السودان: تتراوح النسبة بين 75–85٪ حسب الجامعة.
• في الجامعات الأجنبية: تعتمد على نظام الثانوية (مثل SAT، A‑levels، IB)، وغالبًا تُطلب معدلات عالية و/أو اختبارات قياسية.

ما المواد التي يدرسها الطالب الجامعي؟

تشمل: دوائر كهربية، إلكترونيات، نظم القدرة، آلات كهربائية، إشارات، تحكم، اتصالات، برمجة (مثل Embedded Systems)، رياضيات متقدمة، فيزياء.
كيف سيكون مسار الطالب أثناء الجامعة؟
• السنوات الأولى: مواد تأسيسية نظرية (رياضيات، فيزياء، كيمياء، مقدمة في البرمجة).
• السنوات الوسطى: مواد تخصصية كالآلات، الإلكترونيات، النظم.
• السنة الأخيرة: مشاريع تخرج + تدريب صناعي (عادة فصل أكاديمي + فصل مهني/إكلينيكي).

ما نوع المرافق الصحية إللي يزورها الطالب؟

لا تنطبق مباشرة، لكن عملياته قد تجري في معامل الأشعة، والمختبرات الطبية عند التعامل مع الأجهزة الطبية الكهربائية.

ما التخصصات المتاحة داخل الهندسة الكهربائية؟
• طاقة وشبكات
• إلكترونيات
• اتصالات
• تحكم آلي

# عندك الهندسة المدنية و المعمار دي التخصصات الموجودة في الجامعة ✨

ارجع أكرر الجامعة اجتهاد شخصي، يعني انت تبحث و تجتهد و تدرس كورسات تقوية و تقوي اللغات ، ارجع أكرر انت مهندس انت هيبة في اسلوبك و كلامك و شخصيتك فكون انت شالوك هندسه احمد ربنا و لكل مجتهد نصيب ✨💜

#انت عندك شخصية فما تخلي كلمة سلبية تغير مسارك و حلمك و طموحك و سهر الليل البتخطط فيهو لمستقبل مُنير

التوعية والوقاية من حمى الضنك والملارياالسلام عليكم ورحمة الله.اخوكم محمد جبارة كلية علوم التمريض الجامعة التكنولوجية. ا...
11/09/2025

التوعية والوقاية من حمى الضنك والملاريا

السلام عليكم ورحمة الله.
اخوكم محمد جبارة كلية علوم التمريض الجامعة التكنولوجية.

اولا ربنا يصلح حال البلاد ويعم الامن والامان و الاستقرار كل ربوع السودان.. و سوا إن شاء الله بنقدر نتخطى كل المصاعب.

شنو هو حمى الضنك ؟

📌 *حمى الضنك* هو مرض فيروسي يسببه فيروس بعوض الزاعجة المصرية وهو مرض صراحة معدي بينتقل للإنسان عن طريق لدغة البعوضة دي..!

📌 الاعراض شنو؟!

- بيكون في ارتفاع خيالي في درجة الحرارة.
- ارهاق بدني مكثف.
- الم في العضلات و المفاصل.
- صداع قوي.

احيانا حمى الضنك اذا أُجهلت ممكن تطور الى نزيف و مشاكل اخرى لا غنى عنها..

العلاج : ماف علاج للضنك بس وقاية و شرب سوايل و بندول

توضيح اكتر :

- لابد من زيارة أقرب وحدة صحية للفحص الطبي الدوري
- ضروري الاكتفاء فقط بالبندول مهما كانت الحالة ابعد من المسكنات التانية.. زي( الفوتركس ، المسكن البني، الايبوبروفين.. الخ) ؛ لانو كلهم بينزلوا الصفايح و بيعملوا نزيف. الاكتفاء فقط يتم بالبندول حبتين كل 6 ساعات او 8 ساعات حسب الحالة او وريد حسب قرار الطبيب.

- الراحة و الاكثار من شرب السوايل وخاصة البرتقال و الليمون و عصير القرع مع التبلدي عشان يديك طعم ودا بيخليك تقاوم الضنك وابعد عليك الله من المنقا و القريب فروت عشان الصفائح ما تنزل

- الوقاية خير من العلاج : الأوساخ حقت الصرف الصحي و البيت اتخلص منها في مكان بعيد من السكن الدوري، ضرورة استخدام الاوقية الآمنة زي الناموسية و كريم مسوح كلو بيفي بالغرض.

- لو مشيت اقرب وحدة صحية امورك بتظبط وما تجاهل الشغلة لانو كل مرة في علاج فعال بنزل و بيقضي عليها نهائي.. انا كنت حاضر قبل 3 ايام بروتوكول وزارة الصحة لعلاج الحمى الضنك والحمدلله كل الطاقم الطبي باذل جهدوا عشان يقضى على هذه الكارثة التي تفتك بالمواطن.

ما تأخد علاج او تصرف براك.. اذا شعرت بالاعراض اتوجه لأقرب مركز طبي.

*_الملاريا_*:

مافي فرق بينها و بين حمى الضنك!

نفس الأعراض ونفس المضاعفات

الحاجة البتميزهم هو الفحص الطبي عشان تقدر تحدد نوع العلاج المناسب عشان تقدر تستخدم علاج صح في مكانوا!!

⚠️ الملاريا بفحصوها ما بحسوها..!

📌 ضرورة شرب السوائل.
📌 اخذ قسط كافي من الراحة.
📌 استخدام النواميس و كريمات ضد البعوض.
📌 الابتعاد عن المسكنات العشوائية.
📌 اذا بديت علاج الملاريا وحسيت نفسك كويس في نص الجرعة، لابد انك تكمل كل الجرعة المقررة عليك كاملة.
📌 اذا أدوك حقن ملاريا وريد نسبة لانو الملاريا نسبتها. عالية و حسيت بالراحة ، لابد انو تأخد بعدها الحبوب ضروري.

حفظ الله الأمة السودانية ♥️🇸🇩... حفظ الله الشعب السوداني ♥️🇸🇩

♥️🌿

Address

محمد نجيب
Khartoum

Website

Alerts

Be the first to know and let us send you an email when الجامعة التكنولوجية - الإعلام الطلابي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to الجامعة التكنولوجية - الإعلام الطلابي:

Shortcuts

Share

Category