Public Health

11/04/2026

https://www.tiktok.com/.health18?_r=1&_t=ZS-95S9yi1aCvY

صفحتنا في التك توك يلا الكل يعمل متابعة

.health18 1 Followers, 1 Following, 0 Likes - Watch awesome short videos created by Public Health

04/04/2026

لكل زول شايف إنو الاحتفال بالمراحيض حاجة ما مهمة، خليني أسألك سؤال بسيط:
عمرك سافرت والبص وقف في مكان ما فيهو مراحيض؟ واضطريت تتبرز أو تتبول في الخلاء؟

الموضوع ما ساهل زي ما متخيلين. أحيانًا المكان البوقف فيهو البص ممكن يكون قريب من مصدر موية رئيسي، والناس البسكنوا في المنطقة دي بشربوا منو. بالتالي أي تلوث حاصل بيرجع ليهم في صحتهم وحياتهم.

غير كده، في جانب مهم شديد بيتجاهلوه الناس: كشف العورة، والإحراج، والمضايقات البتتعرض ليها النساء، وحتى الأثر النفسي (التروما) البمشي مع المواقف دي.

لو كان في مراحيض ونقاط مهيأة في الأماكن دي، كان عرفنا فعلاً قيمتها وأهميتها في حفظ الكرامة وحماية الصحة العامة

الموضوع ما رفاهية…

04/04/2026

بصراحة كده، ما كل المشاريع الممكن الناس تقدرها لازم تكون كبيرة وحاجة واوو ؛ بالعكس في حاجات بسيطة شكلها عادي لكن تأثيرها كبير شديد والله .
كلنا تابعنا قدر شنو الناس اتفاعلت من احتفال المراحيض
في ناس شايفين إنو الاحتفال بافتتاح مراحيض موضوع ما مهم، لكن لو جينا للواقع بنلقى إنو الحاجات دي من الاساسيات . غيابها مش بس مشكلة وإزعاج، لكن كمان بفتح الباب لأمراض ومشاكل صحية كبيرة، غير التأثير السلبي على البيئة.
لما توفر مراحيض نظيفة وآمنة، إنت في الحقيقة بتحافظ على كرامة الناس وبتحميهم من مخاطر كتيرة ، وبتساعد في تحسين الوضع الصحي. وده بوريك إنو في فهم حقيقي للأولويات، لأنو الأساسيات أهم من أي مظاهر شكلية.

وبرضو الواضح إنو الشغل ما كان عشوائي، في اهتمام بالتصميم والشكل، وكمان تمت مراعاة ذوي الإعاقة عشان يكون الاستخدام ساهل ومتاح لي كل الناس بدون استثناء.

في النهاية، ممكن المشروع ده يبان بسيط، لكن بالنسبة للناس المحتاجين ليهو، بفرق معاهم فرق كبير شديد.

19/02/2026

لا تشرب جالوناً من الماء وقت السحور!

المعلومة: شرب كميات ضخمة من الماء دفعة واحدة وقت السحور لا يحميك من العطش، بل يدفع الكلى للتخلص منها سريعاً في أول ساعات النهار.

الفائدة: السر يكمن في "التوزيع". اشرب الماء بانتظام (كوب كل ساعة) من الإفطار إلى السحور.

سر إضافي: ركز على الأطعمة الغنية بالبوتاسيوم (مثل الموز والزبادي) في السحور، فهي تساعد الجسم على الاحتفاظ بالسوائل لفترة أطول.

12/01/2026

Job Description :Section/UnitOperationsSupervisorSenior Program AccountantDuty StationGedarefDurationOne yearClosingDate15 Jan 2026Background:PURPOSE of the POSITION: The Finance Officer is responsible & accountable for day-to-day operations

06/01/2026

"لا تحدثني عن الأشعة السينية ، أنا أخاف منها" ☢️

هذه جملة "توماس أديسون" علي الرغم من أنه لم يكشتف الأشعة السينية لأن مكتشفها بالصدفة هو العالم الالماني "وليام كونراد رونتجن" وأخبار الاكتشاف انتشرت وأثارت اهتمام "أديسون" ، فكان من أوائل من بدأ تجارب التصوير بالأشعة السينية والذي قمام بتطويرها لحد ما وصل لتقنية "الفلوروسينس"
بدأ التجارب مع مساعده " كلايرنس دالي Clarence Madison Dally " صورة يده بالإسفل" وكان عاشق للتقنية الحديثة وقد أصر أن تتم كل التجارب عليه تقريباً وبأقوي شدة لها، وكان يتعرض لاشعاع أقوي 1500 مرة من التعرض للأشعه في الوقت الحالي، والصورة الواحدة كانت تستغرق حوالي "ساعة ونصف" وبقي على هذا الحال لمدة 8 سنين ، لكن للأسف وفي عمر 35 سنة بدأت تظهر علي يده اليسرى تقرحات وانتفاخات وسقوظ أظفارة وشعره، وأخيرا اكتشف الأطباء أنها ليست مجرد تقرحات وأنها كانت "سرطان متقدم في الجلد".
فاضطروا الى بتر يده اليسرى لحد الكتف وبعد شهور بسيطة قاموا بقطع 4 أصابع من يده اليمنى ولكنه مات بعد 4 سنوات وخلال هذه الفترة "أديسون" بدأ يعاني من ضعف بصر حتى فقد بصره كلياَ من الأشعة.
وبعد هذه السنين ملايين الأرواح أُنقذت وما زالت تُنقذ عن طريق التصوير بالأشعة السينية نتيجة لجهود 3 رجال فقط .

04/01/2026

(E)

كيفية علاج التهاب الكبد الوبائي الفيروسي النوع هـ (E) 🤗🫰🏿

📍 لا يوجد علاج نوعي مضاد للفيروس، ولكن ✋

💢 الراحة التامة وشرب السوائل

💢 التغذية الجيدة

💢 متابعة الطبيب خاصة الحوامل 🤰 ومرضى الكبد

💢 عدم تناول الأدوية دون إستشارة طبية 👨🏽‍⚕️

02/01/2026

حكاية محمد… طريق ضابط صحة ما استسلم

محمد زول بسيط، واحد من أولاد البلد، حلمو ما كان كبير في عيون الناس، لكن كان كبير في قلبو. يوم قال داير يدرس الصحة العامة، الدنيا قامت وما قعدت. الأهل ما تحمسوا، بعضهم قال ليهو المجال ده متعب وما عندو قيمة، وأصحابو استغربوا القرار وقالوا ليهو كان تختار أي تخصص تاني أضمن ليك. محمد سمع كلام كتير، وكلام محبط شديد، لدرجة مرات كان يسأل نفسو: هل أنا ماشي في الطريق الصح؟

الزول الوحيد الوقف معاهو من غير تردد كانت شقيقتو. كانت فاهمة أهمية الصحة العامة، وشايفة أبعد من اللحظة. كانت تقول ليهو دايمًا: يا محمد، المجال ده يمكن ما يكون واضح للناس هسي، لكن يومًا ما البلد كلها حتحتاجك. الكلام ده كان بيخفف عنو التعب، وكان الدافع الخلاه يكمل رغم كل شي.

محمد دخل الجامعة، تعب، ذاكر، صبر، واتخرج. لكن بعد التخرج ما قعد ينتظر وظيفة مريحة ولا مكتب مكيف. بدأ من تحت، من المحليات، ونزل الميدان من أول يوم. كان يمشي الحارات، يدخل البيوت، يشوف مشاكل المياه، يتابع مصادر التلوث، يراقب المطاعم، ويشتغل في الإصحاح البيئي وإدارة النفايات. الشمس تكون حاره ، والميدان كان قاسي، والناس مرات ما متعاونة، لكن محمد كان مقتنع إنو الصحة ما بتنكتب في التقارير، الصحة الحقيقية بتتعمل وسط الناس.

ما وقف عند صحة البيئة وبس، محمد دخل في كل أقسام الرعاية الصحية الأساسية. اشتغل في التحصين، وقف مع الأمهات في الصفوف، طمّنهم وشرح ليهم بلغة بسيطة ليه التطعيم مهم. اشتغل في تعزيز الصحة، دخل المدارس، جلس مع المجتمعات، واتكلم مع الناس عن السلوكيات الصحية. وفي مكافحة الأمراض، كان أول زول في البلاغ وآخر زول يطلع من الميدان. محمد كان قريب من الناس، حاسس بمعاناتهم، ومؤمن إنو الصحة رسالة قبل ما تكون وظيفة.

وجات أيام الطوارئ، أيام صعبة مليانة ضغط وخوف وانتشار أمراض. محمد دخل الطوارئ بقلب ثابت وعقل صاحي. اشتغل ليل ونهار، سافر مناطق بعيدة، واجه أوبئة، وكان عندو دور فعّال في خفض معدلات الأمراض. كل الخبرات الكسبها في سلامة المياه، وسلامة الغذاء، والإصحاح، والتحصين، جمعها ووظفها في الميدان عشان يحاصر الوباء قبل ما يتمدد. ما كان داير شهرة ولا منصب، كان داير يشوف الناس بخير.

بعد سنين من التعب، ربنا فتح ليهو باب جديد، ودخل المنظمات. تنقل بين منظمات محلية ومنظمات وطنية ومنظمات عالمية. اتعلم أنظمة جديدة، واشتغل بمعايير دولية، لكن ما نسى يوم إنو الأساس الحقيقي اتبنى في الميدان، وسط الناس. محمد ما كان مجرد موظف، كان زول بفهم الواقع وبيعرف يربط السياسات بالتنفيذ الحقيقي.

اليوم، محمد بقى جزء من تطوير النظم الصحية في أفريقيا، بيخطط، يبني، ويشتغل عشان أنظمة صحية أقوى تحمي ملايين الناس. لكن رغم المكانة، محمد هو نفس الزول البدأ من المحلية، من الشوارع، من القرى البعيدة، من الميدان الصعب.

النجاح البوصلو محمد ما جا صدفة، وما جا من فراغ، جا من صبر طويل، واجتهاد مستمر، وطموح ما عندو حدود.

والرسالة هنا لكل تعبان أو محبط: لو حسيت شغلك اليوم ما مقدّر، أو تعبت من الميدان، أو حسيت الطريق طويل، افتكر محمد. افتكر إنو الخطوة الانت واقف فيها الليلة هي مجرد بداية لمشوار كبير. الميدان بعلّم، والتعب بصنع الخبرة، والحلم البتحسو بعيد اليوم ممكن بكرة تعيشو حقيقة… وأكتر.

02/01/2026

🚨فريق الاستجابة السريعة
(Rapid Response Team – RRT)
فريق الاستجابة السريعة هو خط الدفاع الأول في الطوارئ الصحية.
بيتشكّل من كفاءات مختلفة، وكل فرد عندو دور واضح، والهدف واحد:
اكتشاف الخطر بدري، والحد من انتشار المرض.
🧩 يتكوّن فريق الاستجابة السريعة من:
👨‍⚕️ الطبيب / الضابط الطبي
يقوم بالفحص السريري، تحديد الحالات المشتبهة، وتوجيه التدخل الطبي المناسب.
🧑‍🔬 ضابط الوبائيات
يجمع المعلومات من الميدان، يحلل البيانات، ويحدد نمط وانتشار المرض.
🧪 فني المعمل
مسؤول عن جمع العينات، حفظها ونقلها للفحص بطريقة آمنة.

🧼 الصحة البيئية :
تقييم مصادر المياه، النظافة، الصرف الصحي، والسيطرة على نواقل الأمراض.

📣 التثقيف الصحي والتواصل المجتمعي
شرح الوضع الصحي للمجتمع، توصيل الرسائل الصحيحة، وتقليل الشائعات.

❓ سؤال :
برأيك… أي عنصر دوره غالباً ما يكون مهم لكن غير ملاحظ

18/12/2025

الوفاء لأهل العطاء…
تم اليوم تكريم الدكتور نصر الدين أحمد علي بمناسبة تقاعده عن جامعة الامام المهدي كلية الصحة العامة ، كان التكريم من طلابه وزملائه في الكلية والمنظمات والوزارة، تقديرًا لمسيرته المليئة بالعطاء.

سيظل أثره حاضرًا في نفوس طلابه، وبصمته باقية بما قدمه من علم وتربية.
نتمنى له حياة سعيدة مليئة بالراحة ودوام الأثر الطيب

14/12/2025

🔴 نحنا قادرين نوقف الملاريا !
↩️ باللقاح
↩️ الناموسية
↩️ ومكافحة البعوض ( تجفيف ، ردم ، رش، تغطية مواعين المويه ) . ↩️ ووسائل الحماية الشخصية (
كريمات طاردة للبعوض ، ونملي في الشبابيك والأبواب)
✅ حماية 100% لينا ولي أطفالنا 👶💪

📌 وانت شاركنا بي طريقتك في وقاية نفسك وعائلتك من الملاريا