قصص وروايات متنوعة

قصص وروايات متنوعة قصص لمتعه الخيال

31/10/2025

*مذكرات_عاهره《06》*💔
*بقلم_نسيبه_مدني*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تم الإسبوع زي البرق والمفروض بكره عرسي هههه عرسي وانا ما حصل شفت العريس غير في بكي التومه اخت الأمين قبل 9 سنوات ولا اكتر ...
امي وخالتي محاسن ومريم بكو قدرتهم بس لا حياة لمن تنادي من راجل امي ونافش ريشو علي اساس هو راجل وادي الرجال كلمه والموضوع منتهي خلاص يلا ما ضامن الامجاد عاد

ورغوده حبيبتي مساهره معاي طول الليل بتحاول تقنع فيني اصبر وابقي اقوي من كدا مع انو انا واثقه لحدي هنا طريقي بقي مقفول
- عارفه يا ريناد انا واثقه انو ربنا حيعوضك عن كل الحاجات الشفتيها في البيت دا بس انت خليكي مقتنعه انو اي حاجه بتحصل ليك بتحصل لي خير لانو ربنا رحيم بعبادو ودي كلها امتحانات وثوابها عظيم جدا
- والله ي رغوده واثقه من تدبير ربنا ونعم بالله وانا عارفه انو لو قعدت هنا من التحرش والشتيمه ح أجن ولا اموت عشان كدا احسن اتخارج ومنها حسن يلقي الامجاد ويربي اولادو ديل وامي ترتاح
- استغفر الله معقوله الراجل دا بعمل كدا عشان امجاد غايتو الدنيا دي
المهم ي بت م تنسيني بعدين تعالي لي كل مره
- هههههه والله انت ي رغد عويره خلاص في زول بنسي نفسو

اها تاني يوم العصير كدا فرشو عنقريب في الحوش وزينو الحوش والبنيات يغنن ويزغرتن وب حاجات ابسط من بسيطه العرس تمي
وخلاص ركبنا العربيه مسافرين البلد لانو تغريبا بيتي هناك مع اهلو
ودعت امي وخالتي ورغد واتحركنا ودموعي عشره عشره
- رنوده طالعه حلوه الليله
( اولي كلمات الغزل والغرام من عمو الخزين 😂😂😂)
- شكرا ي الخزين من زوقك
- شكرا علي شنو انت م عارفه انت جميله كيف والليله كأنو قمر 14 اكتمل والله
الله يقدرني واسعدك
( ياخ العبره خنقتني بقيت بقول جواي طيب مدام انت عارفني جميله وم شبهك عايز بي شنو ومعرسني ليه)

- خجلتي ولا شنو ردي لي طيب هههه وبرضو حلوه وانت خجلانه
- الخزين معليش انا عايزه انوم تعبانه من جوطة العرس لحدي م نصل بكون ارتحت شويه
- طوالي يا السمحه تنومي ي ست البنات نوم الهنا
( حركت راسي ممتنه للحنيه النابعه من عمو دا ورجعت الكرسي لي ورا ورقدت )
بقيت بفكر وبقول جواي اها ي ريناد عرستي وابوكي م شافك ولا عارفك زاتو
طيب لي ي رب
لي ما ابقي زي باقي البنات اعرس الانا عايزاه والبس فستان ابيض بدل التوب الشبه عروس المولد دا وابوي يزفني لي حبيبي واعيش طبيعي بدون هم وغم...
( فضلت اكلم نفسي كدا لحدي م نمت م وعيت تاني الا والخزين بقولي )
- رنوده رنوده اصحي نحن وصلنا

( نزلت لقيت اهلو منتظرننا جنب الباب جنس شفع وجوطه وبجدعو ف الحلاوه وبزغردوو واصحابو ببشروو
دخلنا جوه عملو لينا الجرتق وعملو لي حاجه كدا اسمها قطع الرحط ربطو خيط ف نصي مليان حلاوه والخزين قطعو وجدعو والبنات اتخاطفو فيه عشان ياكلو الحلاوه
بقولو البياكل الحلاوه الفيه بعرس بعدينا 😂😂😂😂 دي شكلهاا بدل بوكيه الورد
هههههه المهم البرنامج انتهي زي الساعه 10 صباحا كدا مشينا بيتنا بيغاادي استحميت وغيرت وشويه كدا جابو لينا الفطور والخزين يشيل ويعاين لي ويتبسم 😒 وانا لاويه بوزي
- انت لي مكشره يا بت في عروسه بتكون عامله كدا
- هو بلاي انا عروسه يعني
- ههههه لئيمه كمان هههه اي احلي عروسه ي رنودتي
- الا صحي انت لي م عرست لحدي العمر دا مش مفروض تكون متزوج وكدا
- والله ياخ المفروض لكن انا اكبر البيت يعني مسؤليات وعندي اخوات بقرو والقصه م بالساهل كدا و ما كنت حاسي اني قادر اتزوج لو ما شفت اخواتي خريجات كفايه العوض وسوسن مرقو بدون تعليم اهو باقيه لي سلمي والحمدلله دي اخر سنه
- كيف انت اكبر البيت العوض مش اكبر منك
- اي اكبر لكن العوض كان خاطب بت عمي محمد من زمان وطولو كان لازم يعرس والمسؤليه بقت كلها علي راسي انا
- ايوا ربنا يسهل
( فطرنا والخزين عمل لي عصير وجابو لي لحدي عندي استغربت طبعا كنت متخيلاه النوع القاسي المستحيل يتعامل كدا بس يلا طلع مسالم )
- رنوده اشربي العصير دا ونومي ارتاحي من امس مقلقله انت
( ولا رديت زاتو شربت العصير وصليت الضهر ونمت م صحيت الا المغرب)
...
جاني قالي ارح ناس امي بيغادي مجهزين ليناا شاي المغرب ...
اول من دخلت عليهم صرصرو وشوشهم زي الشافو شي كعب واختو الكبيره دي اصلها بتعاين لي من فوف لي تحت اها شكلها امور النسابه بدت
- السلام عليكم
( سلمت طبعا لكن زوول قالي عينك في راسك مافي اتونسو في بعض ومرات مع الخزين وانا كأني ما قاعده
قلت يا بت ريناد مالك ومال الزي دا امشي بيتك صلي العشاء واتخمدي نومي بلا نسابه بلا زفت
- الخزين انا ماشه بيغادي
- ارح طيب نمشي
- لالا انت لو عايز تقعد خليك انا بمشي
- اقعد لشنو الشاي وشربناه واتونسنا ارح ارح
( مشينا وصليت واثناء م انا قاعده في المصلايه جا الخزين قعد جنبي وشال يدي ختاها في عيونو قالي حصنيني ههههه
ضحكت طبعا
- يا مره مالك حصنيني انا ما راجلك ولا شنو
- ههههه حاضر بحصنك

( رقد في رجولي وبدا يتكلم معاي)
- والله ي ريناد انا عارف انو فرق العمر البيناتنا مؤثر علي نفسياتك شديد وخايفه م اكون متفهمك ولا اقدر اسعدك لكن اطمني حبقي ليك راجل وابو واخو وسند بكل الحيل الفيني
(كلامو دا دخل لي زي الخنجر في قلبي حسيتو صادق شديد وبتكلم من جوا بس م حاسه نفسي من جواي كدا بقدر ياخ فرق العمر كبير شديد لكن سكت طبعا ما قلت ليه كدا )

- انا يا ريناد عارف البيك والعليك مستحيل اكون عليك انا والدنيا انت بس اطمني لي وشيلي فكرة اني الوحش الكاسر دي من دماغك بعدين ياخ انا انسان متعلم وخريج تجاره النيلين
- م شااء الله ربنا يوفقك كمان وكمان يا الخزين ويطمنك لأنك طمنت قلبي شويه بس تعال نسألك طالما انت متعلم وخريج البخليك تعرسني بدون شورتي شنو
- وهم ما شاوروك ?? انا مافي زول قالي انك موافقه ولا لا كل القالو لي انك متخوفه بس من فرق العمر وانا قلت دي مقدور عليها وانا بحلها
- ايواااا
- لي انت كنت ما عايزاني ولا شنو
- لالا ما كدا بس عشان ما بنعرف بعض وكدا
- طيب انسي الكلام دا اسي قومي شوفي جبت ليك شنو
- براحه التوب حيرميني اها جبت لي شنو
- قومي شوفي براااك
( فتح لي باب الغرفه لقيتو مزين السرير بورد وقلوب وحاجات كدا عامله كيف كيف وانوار وخاتي لي سلسل دهب وتلفون ف التربيزه )

😳😳😳 بقيت عامله كدا
- دا عشاني انا ??
- ايوا عشانك انت دا سلسل بسيط عشان كل الدهب الجبتو عارف شالو عم حسن و م اداك ليه ودا تلفون تتواصلي بيه مع ناس البيت
- صراحه فعلا م شفت دهب ولا عايزاه ولا بحبو والله لكن شكرا ليك ي الخزين شكرا كتيييير
- يا بت شكر شنو انت مرتي يعني لو ما جبت ليك انت حجيب لمنو تاني
( قالي كلامو دا ومسك يدي باسهاا ودخلني في دوامة خوف كبيره وهو حسي بي خفت وقعد يضحك)
- شوفي ي بت انا م مستعجل علي حاجه والله طلعي الخوفه الدخلتك اسي دي وعارفك صغيره وجاهله تماما بكل شي ومتخوفه
انا ما حاقرب منك لحدي ما تحسي نفسك قادره ومستوعبه ف ياخ بطلي خوف وعواره
( بكيت شديد من كلامو دا ياخ بحن علي اكتر من امي وابوي وفعلا صبر علي شهر وشويه وكل يوم بعاملني بطريقه احلي واحلي ولا لحظه حسسني انو عايز حقو الشرعي زي كل راجل ولا نهرني ولا شاكلني بالعكس حسسني بالامان شديد لحدي م اقتنعت براي انو بالجد ما بستاهل مني الاسلوب والرفض دا )

الحياة بيناتنا لحدي الشهر التاني كانت هاديه وحلوه بس اخواتو بكرهوني شديد وحاسين اني مقطوعه من شجره وابتلو بي هم

يوم قاعدين العصر في الحوش انا والخزين بنتونس قلت ليه عايزه اواصل قرايه وبحكي ليه عن طموحي في الطب وعايزه ابقي دكتوره ناجحه وهو بعاين لي نظره اعجاب وفخر كدا بس جات سوسن اختو الكبيره تبكي وتكورك قطعت لي طموحي في راسي

- الليله يا الخزين ما شفت اختك بتضرب الليله يا الخزين تاخد لي حقي منو بس
- يا بت سوسن مالك اهدي في شنو الحاصل شنو
- علي حسونه يدقني انا يا الخزين(علي دا طبعا راجله )
يدقني ليه ناسي العوض والخزين لسه عايشين في الدنيا دي
- كدي اهدي يا بت اتناقشتو في شنو ولشنو ضربك وشفعك وين اسي
- ما دايره اشرح حاجه تمشي تجيب لي ورقتي منو بس انا دقيقه م بقعده معاه تاني واولادي مع امي بيقاادي
( طبعا الخزين يرضي في اي شي الا اهلو يعني البهبش اخواتو يقرا علي روحو الفاتحه ).. من دربو داك فات ضرب الراجل ضرب السواد وخلاهو يطلق اختو وجابه قعده في البيت ورحل ليها عفشه وفرش ليها اوضه في البيت ليها واولاده الاتنين وبتها ...

تاني يوم عملت الشاي للخزين وطلع الشغل من اذان الصبح جاتني سوسن صاره وشهاا
- هي يا اللقيطه يا بت الشوارع يا الماعندك لا اهل ولا وليان قراية شنو البتقريها نحن ما عندنا حريم بقرن المره عليها تترزع في البيت وتنضف وتطبخ وتغسل وتربي اولاده

- انت معاي انا ?? بغض النظر عن الاسلوب والالفاظ انا حأحترمك عشان خاطر الخزين بس انت كنتي بتسمعي في كلامنا يعني ?? انت بتدخلي لي انا جيت قلت ليك انت عايزه اقرا انا سألت راجلي وراجلي ما رفض
- هي هي طلع ليك لسان كمان يا بت بركه البقي عندك راجل بلا اسلوب بلا فلسفه معاك حتقري بقروش منو ما بقروش الخزين وهو بعد طلاع روح قرا اخواتي بدل يرتاح في باقي عمرو تجيه انت
علي العموم انا هدي حزرتك تفتحي الموضوع دا تاني تدقي لما تقولي ما دايره ودا الفراغ العامل ليك افكار زي دي في راسك لكن انا بعرف اقفل ليك مطبخك دا واخليكي تشتغلي لينا خدامه بيغادي كيف ي قليلة الادب

يتبع

31/10/2025

إنما الناس لطفاء بحجم المصلحة ، فلا تتعمق ولا تتعلق …👌🥀🙂

31/10/2025

*مذكرات_عاهره《05》*💔
*بقلم_نسيبه_مدني*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
وصلنا القريه بس حبوبه كانت تعباانه شديد و
خالي بعاين لي ساي السكران الحيران اظنوو بكرهني ولا ناوي يرميني في الشارع ما عارفه
اول من فتحنا باب البيت قال اها الهم زاد كمان جات بت الحرام دي عشان نربيها نحن برضوو
لكن كلاموو ما تماهو حبوبه طوالي سكتتو وصفقت ليه يلاا طالمااا امي الحنينه قاعده ما علي خوف ولا اضطريت ارد زاتو

- يمه عملت ليك شاي المغرب قومي اشربي
- تسلمي لي ي رنووده
جبتلك بسكويت تلقيه تحت اللحاف جيبيه اكلي مع الشاي دا بسندك في البرد دا
- حاضر يمه طمنيني انت كيف شكلك ما عاجبني الليله
- كويسه كويسه يا بتي مصدعه بس اتلقي ارهاق ساي من الشلهته والسفر
- ان شااء الله يا امي يكون ارهاق وتبقي لي كويسه
( قعدنا يومين بس لكن خالي بصبحني بي جوطه ويمسيني بي جوطه وحبوبه بتتعب لمن زول يشاكلني بس هو شكلو داير يخوفني عشان ارجع من محل ما جيت
وانا ما شغاله بيه كتير بس كل يوم حبوبه بتتعب اكتر وحاله ماشي اسوأ)

- ريناد تعالي اقعدي جنبي هنا ما قادره انوم وحاسه روحي دي خلااص دايره تروح للكريم
- دا كلام شنو يا امي ما تتكلمي كدا اسي خالو الصادق بجي ويوديك للدكتور وتبقي كوويسه شديد
( كلامي ما تميتو حبوبه يدهاا وقعت مني وجسمهاا هبط قلت خلاص بس ماتت صرخت ب اعلي صوت وخالي الصادق سكران ما قادر يجي علي زاتو الا لحقوني شباب كدا قاعدين جنب الدكان ورفعووها معاي ووديناها المستشفي
اعصابي باظت شديد وبقيت برجف من الخوف قالو لينا حيه وكويسه بس عندها جلطه في الراس لازم تسفروها الخرطوم بي ليله دا
مشو اولاد الحله كلمو خالي و
زي الساعه 2 صباحا كدا جانا يطوطح )
جاء يكوورك من الشارع يا بت امي ماله امي الحصل ليهاا شنو بكورك ويرفس بي رجولو الا الدكاتره هدوه وسقناها وسافرنا الخرطوم بي اسعاف
وصلنا الضهر عديل المستشفي وحبوبه كل دقيقه بتتعب اكتر
طبعا لقينا امي وخالتي هناك
وامي غالبه تعاين لي في عيووني وانا زاتي ما اشتغلت بيها همي كلو في حبوبه ..

قاعدين اسبوع نحن في المستشفي عشاان قالو في ورم في الدماغ وشالو عينه منوو وسفروهاا والنتيجه حتصل بعد اسبوع
ومع الاسف عدا الاسبوع زي الدهر وبعد دا نهاائي ما طمنونا
قالو دي ما جلطه ولا حاجه والورم خبيث يعني سرطان في المخ وفي مرحله متأخره شديد الا تسفروها بره السودان هنا نسبه نجاحه بسيطه جدا ..
في اللحظه ديك بقيت شايفه سبعه سبعه
يخوانا امي بتضيع مني امي حتموت
وبعد كلام الدكتور دا كل زول بقي يعاين للتاني لانو حق الاسعاف الجابه من البلد لي هنا دفعو راجل خالتي محاسن
يعني مافي زول عندو امكانيات يسفره اي حته ولو قالو يلمو ليها قروش حبوبه حتموت هنا
وفعلا من مكانه داك مشينا بيها ناس خالتي امنه وامي زاته مشت معانه وبقينا مرقدنها ونعاين ليها وانا حاسه اني بتلاشي مع كل دمعه بتنزل منهاا وهي بتبكي وتقول مصدعه شديد
كل ما تتعب بمسك يدها وبعتزر ليها عن الظروف المانعاني اكون كبيره وعندي قروش وقادره اسفره احسن دوله واعالجه في اكبر مستشفي ( حقك علي يمه حقك علي)

عدا اسبوع بالوضع دا وامي وخالتي يعاينو بس ويبكو عاجزين تماما وانا كرهتهم بحجم الكون

الساعه 5 صباحا كدا واليوم جمعه مع الصبح حبوبه نادتني
- تعالي يا رنوده يا بتي اقعدي جنبي انا خايفه اموت واخليك للناس ديل والله
( بقيت ببكي وبقول ليها )
- يمه ما تقولي كدا انت حتعيشي معااي وما حتخليني وراك نهائي مش انا حبيبتك ما تخليني عليك الله
- اي حبيبتي والله الا الاجل ما فيه كلام يا بتي الا نفسي اعيش لمن اشوف نتيجتك وافرح معاك بنجاحك عليك الله ي رنوده خلي بالك من نفسك شدديد واعرفي انك اقوى من الظروف
- ان شاء الله يا امي تعيشي وتشوفي نجاحي بس انت شدي حيلك وخليك قويه
(اثناء ما بتكلم شفتها هدت وبقت تتمتم براحه قالت الشهاده اي والله اشهدت وهي ماسكه يدي فجأه رختها وسلمت الرووح وخلتني )
- يمه مالك امي انت كويسه يمه انا يتكلم معاك انت ما متي صاح ما حتموتي تخليني يممممممااااا😭😭😭😭
( صرخت كدا لما غمرت جنبها بدون ما اوعي تاني بحاجه ما صحيت الا ومريم بت خالتي بتقولي قومي شوفيها قبل يطلعوها للدفنه قومي يا ريناد عشان ما تندمي قومي
سمعت كلامه دا زي الخيال
فتحت عيوني وجرريت علي الغرفه البغسلوها فيها ولقيتهم انتهو خلاص ودايرين يطلعوهاا بس جريت ونطيت في العنقريب وفتحت الكفن وبقيت ببوس فيهاا وبكورك واقول ليها يا امي ما تمشي تخليني
امي ما ماتت
امي م بتفوت تخليني وراها
عايزه امي انا عايزه امي بس ..
فكوني منهاا بالقوه وركبوها البوكسي ماشين يدفنوهاا جريت وراهم قدرتي ومسكت في البوكس بي وره بس خالي الصادق اداني كف لما طرت خمسه امتار من محلي
ما وعيت بعدها الا وانا في المستشفي وفي يدي درب...
كان كابوس بالنسبه لي ..

من المستشفي ساقتني امي معاها البيت وبقت تحنس في راجله يخليني اقعد والغريبه انو وافق
ما عرفتو عشان يتم تحرشو بي ولا عشان يلقي الامجاد من وراي اصلا واحد من السببين ديل بس

بقيت قاعده معاهم وفراق حبوبه باقي لي زي الحلم مع انو تمت شهر عديل

بعد ايام نتيجتي ظهرت وجبت 279 زاعوني في التلفيزون والرادي
امي وخالتي ومريم زغردو وفرحوو ووزعو حلاوه وانا العبره ماسكاني وبتزكر في كلام حبوبه قالت عايزه تفرح معاي والله غلبتني حتي الفرحه مع اني اجتهدت شديد عشان اللحظه دي بس افرح لي زاتو وامي الغاليه ما معااي امي الربتني وتعبت معاي وساهرت معاي ما فرحت معاي😭😭😭
بقيت بتزكر لما بتقعد جنبي لحدي ما اخلص قرايه و بتربطني وراها عشان خايفه علي من زئاب البشر
ياخ حريقه في النجاح وفي الفرحه زاتو

غايتو خليت الباقين اخدو فرحتهم وراجل امي بطنطن ساي قال دا كلام فارغ مصيره بس العرس

وفعلا تاني يوم صدموني انوو الخزين حدد العرس وبعد اسبوع

امي الكلام حارقه شديد بس مافي في يدها حاجه يا تعرس لي يا تطلق ونطلع الاتنين في الشارع وتخسر اولاده فأحسن تعرس لي
وبعد الفاس وقعت في الراس خلاص جات دايره تقنعني بالكلام دا

- ريناد يا بتي انت عاقله وفاهمه انو مافي حاجه بي يدي صاح دحين كدي قشي دميعاتك ديل واسمعي كلامي دا الخزين صاح اكبر منك بشويه بس انسان محترم وراجل تمام ما فيه نضمه اتوكلي علي الله والله حيسعدك معاه
- اصلا يا امي حتوكل علي الله هو انا عندي غير الله منو بعد دا اهو نقول نصييب ونسكت بس اصلح ليك معلومه الخزين دا عمرو 45 سنه وانا عمري 13 سنه يلا اكبر مني بكتيررر ما شويه وشوفيها براك بس واطمنك ما فارقه معاي لأنو كنت عارفه لو حبوبه ماتت انا يا ح اتشرد يا ح أعرس الخزين وعلي بركة الله ي زوله

يتبع

31/10/2025

*مذكرات_عاهره《04》*💔
*بقلم_نسيبه_مدني*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اخيرا ابوي قالها علي الملأ كدا وقدام حبوبه انو م عندو استعداد يربيني طالما انا م بتو وشايف انو ( مروان ومروه ) اولادو اولي بكل حاجه 🙂💔
طبعا حبوبه اتصدمت عديل لما سمعت الكلام دا وبقت تعاين لي وعيونه مليانه دموع ..
ضمتني عليها شديد واتلفتت عليه
- اسمع ي حسن
اتوهط كدي سمح واسمع كلامي دا
ريناد دي بتي انا وانا الربيته وانا العلمتها تبقي ساكته اسي وتبكي بخرص قصاد كلامك الزي السم دا يعني انا العلمتها الادب الفاقدو انت بعد العمر دا
( طوالي قاطع كلامه وصوتو علي )
- لا قصدك ي حاجه انا قليل ادب ولا كلامك دا شنو
- والله التشوفو بس لكن المفروض تفهمو انو بتي ما للعرس واي راجل يجي يفتح خشمو فيها بكسر ليه كرعينو من الباب
- كويس كلام زي العسل سوقيها وطلعيهاا الشارع كان كدا تاني ما بتقعد معاي ولا دقيقه في البيت دا
( امي اتخلعت ووقفت علي حيله )
- هي ي راجل اظنك جنيت في عقااب عمرك دي بتي العايز تجدعه دي
- والله لو غالبك فراقه تطلعي معاها طوالي قشه ما تعتر ليك بس تاني ما عندك شغله لا بي مروه لا مروان خليكي عاارفه
( حبوبه قاامت ليك عليه وبقت تكورك ف وشو )
- ياخ اخجل علي شيبتك دي واتقي الله وانا بناتي الاتنين قادره عليهم واسي بسوقهم وبمشي وابقي راجل تعال لاحقن
- والله ي حاجه انا ولا برد ليك زاتو
- معليش ي حسن ريناد ما بتفوتني شبر ولو شايف انك يا تعرس ليها يا تطلعه الشارع طلقني بس ونرجع مع امي وخلاص فوق كم الإهانه دي
- ي زوله انت واثقه من كلامك دا ?
- وانت شايف دا كلاام بهظرو فيه كمان ولا دايرني اخليك تجدع لي بتي زي الكلبه في الشارع
- كويس ي سعاد انت شايفه ريناد اهم ليك من اولادنا ولا هم ديل ما اولادك ?
- التلاته اولادي وتعبانه فيهم ولاده وتربيه و ما عندي استعداد افوت واحد فيهم وزي ما ديك اولادي ريناد كمان بتي ف انت انصف الحق لو مره وحده في حياتك
- لو مره وحده قلتي لي هو انا مربيها من الليله ولا من امس ماكله شاربه نايمه قاريه بس حيلي اتهدا بعدين فيها شنو لو عرست تنفعنا وتنفع نفسهاا
- تنفعك بشنو يا حسن الحتلقاه من ورا تعاسته شنو ?
- والله الخزين قالي بشتريلك امجاد تترزق منها لانو شغل الورشه واقف والاسبيرات بقت غاليه والامور اتعكست شديد
( هنا الكلام ضربني في قلبي ضربه قاضيه وخرصتي الكنت فيها اتحلت فجأه بقيت ببكي بصوت عالي وقلت ليه )
- يعني عايز تبيعني بي امجاد يا ابوي ?
- هي يا بت انت كبرتي وبعد دا مصيرك راجل وبيت وشفع القلاصه في شنو والخزين راجل ممتاز ما فيه كلام
- دقيقه ي حسن م تواصل كلامك دا انا وامي وبتي ماشين دا بيتك واولادي بعرف اشيلهم كيف وبكره ورقتي تصلني في بيت محاسن
( حبوبه بقت تقش في دموعي وتداعي فيه )
الراجل الما بخاف الله دا ربنا يورينا فيه يوم ان شاء الله لا يسعد لا يضوق هنا
الراجل الفقر الما بقدر العشره
- يمه عليك الله خلاص فكي البت دي خليها تلم معاي الحاجات دي
- ثمح ي بتي ...قومي ي رنوده رتبي حاجاتك وارح معاي اصلووو زول ف الدنيا دي بجيب خبرك غيري ماف الله يجازي ابوك وسنينو الله يجازي الكان سبب في عزابك يا بنيتي
- يا امي ما خلاص لزومو شنو اسي الكلام دا قدام البت قومي ارح جهزنا الحاجات نمشي كدا علي محاسن
- ارح يا بناتي ارح علي بركة الله
( وصلنا عند ناس محاسن طبعا هي بتحبنا شديد استقبلتنا كويس بس راجله لما شاف الشنط استشهد واستغفر ولوا بوزو)
- خير يا سعاد دايرين تسكنو معانا ولا شنو هههههه
- ابدا والله يا مختار كلها ايام ريناد تمتحن ونرجع البلد ما عندنا قعاد كدي
- ههههه يا مره بهظر معاك البيت بيتكم والله كان ما شالكم نشيلكم في عيوناا
- ههههههه غايتو مختار دا عندو هظار عوير خلاص بعرفو براه
- الله يا محاسن سعاد كمان غريبه
- ما غريبه والله يا مختار الحاله وحده الله يديك العافيه
( قعدنا مع ناس خالتو مع انو البيت ضيق لكن متصبرين بي جملة كلها ايام وتعدي وباقي شهر لي الامتحانات وانا لاول مره احسن اني ح أرسب )
صحيت الصباح شربت الشاي وبقيت طالعه علي المدرسه
راجل خالتني قالي انتظري بوصلك معاي اصلا طالع كدي علي اتجاهكم
انتظرتو جهز وطلعنا
طبعا هو سايق عربيه كدا مقفله وقزازه اسود ما بعرفه اسمها شنو
ركبت وره قالي لالا تعالي هنا عشان تشوفي الشارع كويس
وفعلا قمت وقعدت جنبو قدام
قالي اها مرتاحه في بيتنا
قلت ليه اي الحمدلله
قالي طيب انا مش زي ابوك
عاينت ليه كدااا بإستغراب وضحكت
قالي
-مالك ي بت
- ضحكتني ي عمو انا اصلا ابوي م بعرفو عشان اعرفك زيو ولا لا ههههه
- هههه لالا انا قصدي انو في مقامو كدا يعني
- ايوا ايوا في مقامو اكيد
- طيب اسمعي كلامي تاني ما تلبسي اللبس حق المدرسه دا البسي واحد تاني لانو ضيق
- والله يت عمو ما كان ضيق كدا بس قريت بيه كم سنه عشان كدا
- طيب انا بجيب ليك واحد لكن
تلبسي دا لما تكوني جايه معاي بالعربيه والواسع وانت ماشه براك
( قال كلامو دا ويدو في رجلي وبدا يلمس فيني خفت وفتحت الباب قالي اوعي بديك كف اقفلي الباب دا واقعدي مكانك ) اول مره يصرخ فيني بالطريقه دي
قفلت الباب وبقيت ببكي قالي م تبكي خليتك وفتح لي الباب نزلت جنب المدرسه وفات )
(نزلت وبقيت ما عارفه زاتو اتجاه باب المدرسه وين يعني حتي دا بتحرش بي طيب لي كل الناس دي بتفكر فيني كدا يااخ انا زنبي شنو ف الدنيا دي عملت شنو انا عشان يحصل فيني كدا انتحر انا ولا اعمل شنوو يعني )
وصلت المدرسه وبقيت بحكي لي رغد ووبكي وهي المسكينه ما في يدها حاجه غير تصبرني ..
استمرت الايام في بيت خالتي زي الكابوس
راجله بتحرش بي وولده بعاين لي بطريقه غريبه بقيت بخاف انوم وبخاف اكون براي

يوم وانا بقرا بليل ونازله بكره امتحان
جاني ولد خالتي وقالي اها يا رنوده اشرح ليك وبتاع
وقعد جنبي ودي كانت اول مره يتجرأ ويقرب مني كان بعاين لي بس
بدا يتحرش بي وصرخت بصوت عالي ما صحت بي الا حبوبه يا حليله ولا عشان قلبها علي ما عارفه جات جاريه علي وهو نكر القصه حطب وقال براها بتكورك شافت الفار
حبوبه طبعا عارفاني كويس و ما صدقتو وقالت ليه طيب كلم الفار دا لو جا عليها تاني انا بضبحو شخ بالسكين ومشت تاني ما اشتغلت بي كلامو ساقتني معاها سريره وربطتني في ضهره بي طرحه ونمت وانا مربوطه فيها كدا لحدي الصباح
واستمريت علي الحاله دي بقت تساهر معاي لحدي ما اخلص قرايتي وتسوقني تربطني جنبها وانوم والصباح تودعني في الباب وترجع
الحمدلله الامتحانات عدت واشتغلت كويس شديد عشان خاطر تعب حبوبه وسهره معااي وشقاها عشاني
اما امي لا حس لا خبر همها في مروه ومروان واربعه وعشرين ساعه تفكر فيهم لحدي ما راجل خالتي وخالي الصادق قعدو واتناقشو معاه وقال ما عندو مانع يرجعه بس ريناد تعرس الخزين ولو ما موافقه علي العرس ما تجي معاها
حبوبه قالت اصلو ما بتعرس لو ما خلصت تعليمه و انا بسوقه وبربيها
وطبعا خالي الصادق دا بس شغلتو بسكر وحياتو كلها من فداديه لي فداديه ولا بجدع ولا بجيب الحجار ولا محسوب مع الرجال
قال امي ترجع ل راجله وانا اطير محل اطير بس
بعد يومين فعلا امي رجعت البيت وانا وحبوبه سافرنا البلد

يتبع

31/10/2025

*مذكرات_عاهره《03》*💔
*بقلم_نسيبه_مدني*
*ــہہہـ٨ـــ٨ــــــہہـ٨ــــہہہـ٨ـــ٨ــــــہہـ٨ــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
- ي ابوي ف شنوو مالك اتأخرت علي المدرسه ولا شنوو
( دا كان سؤالي لما استغريت من نظراتو)
مدرسه الليله ماف ي بت
وزاتو سماحه قدر دي م مفروض تطلع الشارع تقعد هنا بس
( قبل م ارد عليه ولا اقوم مسكني وبدا يتحرش بي بطريقه مقرفه وانا م كنت عارفه الحاصل شنو ولا لي ابوي دا بعمل معااي كدا بس كان قافل خشمي وحماني اكورك وبعد تعب ومعاناة اتفكيت منو قبل يأذيني والوقت داك م عارفه زاتو مفهوم التحرش كل الكنت واعيه بيه انو كدا غلط

جريت رقدت جنب امي وهو حمر لي كداا وقالي لو فتحتي خشمك معاها ولا حكيتي حاجه بقتلك
وفعلا رقدت وراها وبقيت ببكي براحه وخشمي م فتحتو بس امي صحت بي وقبلت علي
- ي بت ريناد مالك بتبكي
- مافي حاجه ي امي حلمت حلم مخييف كدا
- حلم شنو م صليتي العشاء انت ولا شنوو
- صليتوو ي امي والله
- طيب اهدي وقولي بسم الله مافي حاجه اسي انا جنبك ..
ضمتني عليهاا ودقات قلبي شويه شويه هدت
قمت عملت الشاي ل امي واخواني وطلعت المدرسه
اول من طلعت مشيت لي رغد حكيت ليها كل حاجه والحمدلله صدقتني طوالي وقالت لي وري امك و م تسكتي بس انا خوافه شديد

دخلني جواا دوامه رعب غريبه وبقيت طول الوقت شاارده وخايفه بس رغد حففت علي كتير والله وكانت دايما جنبي
بعد الدوام خلص اخر كلمه قالته لي منها وداخله البيت م تنسي تكلمي امك عشان توقف راجله دا ف حدو
( كلامه دا خلاني واقفه جنب الباب ساعه مقهيه وبقول جواي هو راجل امي بس م ابوي يعني عادي يعمل كدا وعشان انا م عندي ابو يحميني وعشان انا كعبه هو بعملي كدا )

قعدت جنب العموود ف الشمس الحااره دي واخدت بكيتي وقشيت دموعي ودخلت البيت
- ي بت مالك الليله اتأخرتي كدا م من عوايدك - نضفت الفصل ي امي النضافه كانت علينا
- نضافة شنو امشي اكلي وارتاحي بلا نضافه معاك هو انت ناقصه تعب بكره بتجيك ازمه بعالجوهاا ليك ولا بخلووك تموتي ساااي برانا مفلسين وقلبنا واقف م ناقصين مصاايبك
- كويس ي امي برتاح وماف اي شي بجيني

( طبعا كنت خاايفه اشوف عيونو لما يجي راجع من الشغل وقلبي ف يدي )
امي لاحظت اني متوتره وبقت تحقق معااي
- ي بت م عايزه توريني الحاصل عليك شنو??
- والله ي امي مااف حاجه لكن عندي امتحانات بس شاغله بالي
- بتنجحي ي بت من متين بتشيلي هم للقرايه بكره بسمع بيك متفوقه
( طبعا فكرت ف اللحظه ديك احكي ليها واليحصل يحصل لكن خفت من تهديدوو كل م اتذكر نظراتو ديك بتراجع بس مع الاسف القصه دي بقت تتكرر كل يوم لحدي م بقيت م طبيعيه حتي ف تصرفاتي وبصرخ لو شفت كديسه بس ماشه )

بقي شي ثابت بليل بخلي امي تنوم وبجيني وبكفتني وبتحرش بي ويمعط شعرري ويهددني ويمشي ..
استمريت علي الحاله دي شهر وحاجه لحدي م بقت اثاار مقاومتي معاه علي جسمي لوونهاا اخضر بدل احمر وجسمي كلو بوجعني وعيوني اتورمو ووشي بقي شااحب ووهمت امي طبعا اني عيانه ودي حساسيه من الشجره الفي حوشنا وصدقت وسكتت ..
الامتحانات جات وخفت ارسب بسبب القصه دي حنست امي تقعدني مع ناس خالتي
( خالتي دي اسمهاا محاسن مره طيبه وحنينه رحلو ف الكلاكه بعد نا ب سنه كدا )
اصريت اقعد معاهم بس الايام دي بحجة انو بيتهم قريب للمدرسه والكلام دا وبعد جرجره امي وافقت وحنستو لي خلاني امشي وقالي ف اضاني م تتاخري علي ح اشتاق ليك
عملت نفسي م سمعت حاجه وامي وصلتني ناس خالتو ورجعت ..
المصيبه اني طول الليل م نمت بهلوس وبحلم بيه وجسمي مردخ وبوجعني بس صحيت وقعدت ف نص السرير وبقيت ببكي ..(بت خالتي اكبر مني اسمها مريم )
صحت بي وجاتني جاريه
- مالك ي بت انت كووويسه ??
( بدون م اشعر بقيت بصرخ واحكي ليهاا )
- م كويسه ي مريم م كويسه انا ابوي بدقني وبعمل معاي حاجات م كويسه وبكفتني كان اتكلمت وقالي حقتلك لو كلمتي امك وانا م راجعه ليه تاني انا خايفه شديد
( البت نططت عيوونه واتهجمت
وجرت نادت امها وجات وحكت ليهاا وخالتو قعدت جنبي وبقت تقولي اهدي طيب )

- انت متأكدا ي بت ريناد من الكلام دا
- ايوا ي خالتو متأكده والله
- طيب م تخافي انا معاك م برجعك ليه بس امك لازم تعرف نومي اسي والصباح بنحل الموضوع دا
- لالالا امي م تعرف حاجه لانو لو عرف اني وريتكم حيقتلني والله
- م بقتلك ولا حاجه م تخافي
( مسكت راسي وقرت لي قران
لحدي م نمت )
تاني يووم خالتي قبل الشاي لبست توبه وراحت ل امي وانا ومريم قاعدين ف ناار وحاسه انو حيجي يضبحني تحت اي لحظه ومريم بتحاول تطمني
فجأه الباب فتح وخالتو وامي جونا داخلين
امي ادتني كف بدون م تعاين ف وشي وقالت لي دا جزاء الراجل الرباك ي قليلة الادب ي شنو ي شنو ي شنو
وبقت تشتم وتشلت فيني برجوله
ولو م خالتي مسكته اظن كانت قتلتني
-انت ي سعاد جنيتي ولا شنو البت شافعه حتجيب الكلام دا من وين لو م حصل معاها بالجد
- هي ي محاسن دي بت قليلة ادب انا بعرفه الراجل كتر خيرو رباها بعد م ابوها جدعه وبقري فيها ويأكل فيها ..
نطت مريم وبقت تهرج في امي
- والله ي خالتي انت م جاده شوفي البت دي جسمها مضرب كيف ( وبقت ترفع ف ملابسي وتوري امي ) شوفي يعني خلي كلامه براك انت م شايفه
- م قالت دي حسااسيه ولا تلقيهاا وقعت من حته ولا قلة ادب مع بت دقته ولا اي شي جايه تكضب في حسن المسكين
يلا ي بت يلا شيلي حاجاتك وارحكي البيت عندي معاك تصرف تاني
( ادتني كف تاني ولزتني قدامه وقدر م خالتي ومريم اتكلمو وكوركو م اشتغلت بيهم سااقتني البيت بس واول من وصلنا فصلت سلك اسطوانة الغاز وجلدتني لحدي م بقيت ازح بالارض )
خالتي بيغادي اتصلت علي حبوبه وحكت ليها كل الحاصل عشان عارفاها م بترضي فيني)
امي طبعا م حكت ل راجلها اي حاجه وقالت انا بكيت قلت الا ارجع واصلو م صدقتني وبقت تعاملني زي الحماره
لكن ربنا م كريم علي صبرت يوومين وحبوبه جات وشاكلت امي وقعدت معانا وبقت حارساني بس وبتنومني جنبها ف نفس السرير ...
الحاجه المؤسفه انو الراجل دا لسه بعمل ف البعمل فيه بالنهار لما اكون نايمه وانا بستحمي يجي يعااين لي ويهددني وبقيت عايشه ف جو كدا م بعلم بيه الا الله

مره قاعدين بليل ف الحوش الكهربه قاطعه وانا راقده جنب حبوبه بتحجي فيني ونتونس امي بتعمل ف شاي المغرب جنبنا جاء داخل ابوي
- السلام عليكم
- وعليكم السلام حسن
- والله ي سعاد الليله بتك جاها عريس وانا اديتو
( قامت حبوبه من مكاانه مخلووعه )
- رينااد شنو الشافعه الداير تعرس ليها ي راجل من اسي
- دقيقه ي امي انت
- عاد ي حسن دا كلام شنو البت ممتحنه تامن السنه دي و م فاضيه ل عرس و م حتنجح لو دخلت ليها موضوع زي دا في راسه
- والله ياخ انا م جيت استشيركم انا وريتكم بس
الدنيا دي بقت غاليه وصعبه وانا م عندي استعداد اربي جني غيري ي سعاد

تاني الحلقه بتنزل حسب التفاعل اقل من ٥٠٠ تعليق م بنزل حلقه

31/10/2025


⛔️ما توقفو الحديث عن الفاشر يا اخوانا، ياداب صوتهم بدأ يوصل ومعاناتهم بدأت تظهر⛔️

علقو بالهاشتاقات

Address

Omdurman

Website

Alerts

Be the first to know and let us send you an email when قصص وروايات متنوعة posts news and promotions. Your email address will not be used for any other purpose, and you can unsubscribe at any time.

Contact The Business

Send a message to قصص وروايات متنوعة:

Shortcuts

Share

Category