06/11/2025
حنتكلم عن موضوع التسوس ، ونعرف نوع خطير شديد منها اللي هو تسوس الجذور حقت السن .
السوسة أصلا بتجي من وين🤔؟، بواقي الأكل والشراب دي عبارة عن كنز بالنسبة للبكتريا الموجودة في الفم ، بتتغذى وطاقتها كلها من البواقي دي فبتقوم تستخدمها وتطلع لينا الأحماض البتعمل لينا السوسة دي.
بتبدا حاجة صغيرة وبتكبر كل شوية لحدي ما تعمل لينا الألم الشديد وعدم النوم🤕😵، عشان كدا لازم نحن نلحق بدري عشان نعالجها بدري 💯.
يلا مرات البكتريا دي بتوصل لينا لحدي الجذور حقت السن 😨وتعمل فيهو تسوس وللأسف مافي حل غير القلع هنا😐،
طيب بتحصل ليه وكيف ممكن نتجنب الحاجة دي🤔!
لما نتسخدم الفرشة الخشنة🧨، ونتسوك شديد ،للاسف في ناس مفتكرة كدا بنضف احسن بس العكس 💔،كدا بنخلي اللثة تزح من مكانها وتكشف لينا الجذر ويكون سااهل انو البكتريا توصل ليهو وتعمل فيهو السوسة.
التدخين 🚬 بخلي اللثة برضو تزح من مكانها وتسهل الموضوع للبكتريا
عدم السواك خالص❌ ،دا بخلي البكتريا كتييرة ومتراكمة في كل الأشكال ، والمواد الجيرية ما حتقصر برضو .
وفي غيرها كتييير بس دي أهم الأسباب الممكن تعمل الحاجة دي ، لازم نكون حريصين و واعيين ونلحق اسناننا بدري ونستخدم فرشة ناعمة وبراحة
