12/09/2025
#مشاغبات
😹😹😹😹😹😹😹😹😹😹😹😹
قال ليك وحدة نصحت النسوان يتعاملوا مع رجالهم برومانسية وحب عشان ما يحصل ملل في الحياة الزوجية ، وادتهم افكار كتيرة ممكن يكسرو بيها الروتين ويجددوا بيها المحبة ، ودي كانت ردود افعال بعض الأبجيقات على مفاجآت زوجاتهم الإتحمسو للموضوع 🙂
#ريهـــــــــــام ..
ﻣﺮﻩ ﻭﺻّﻠﻨﻲ ﺭﺍﺟﻠﻲ ﻟﻠﻤﺪﺭسة ﺍﻟﺒﺪﺭﺱ ﻓﻴﻬﺎ ؛؛؛
ﻭﺃﻧﺎ ﻧﺎﺯلة ﻗﻠﺖ ﻟيهو :
حاشتاق ﻟﻴﻚ ﻳﺎﺣﺒﻲ
ﻗﺎﻝ ﻟﻲ :
أﻧﺰﻟﻲ أﻧﺰﻟﻲ ، ﻓﻜﻴﻨﺎ ﻣﻦ ﺍﻟﻔﺎﺭغة
ﺩﻱ ﻭﺃﻋﻤﻠﻲ ﺣﺴﺎﺑﻚ ﻣﺎتقومي ﺗﻘﻌﻲ ﺗﻜﺴﺮﻱ ﻛﺮﺍﻋﻚ !
ﻭﻣﺎ ﺗﺮﻭﺡ ﻋﻠﻴﻚ ﺍلحصة ﺍلأﻭﻟﻰ
ـ
#ام عسجد
ﺇﺷﺘﺮﻳﺖ ﻟﺮﺍﺟﻠﻲ ﻫﺪية ﺗﻠﻔﻮﻥ جديد ﻋﺸﺎﻥ ﺗﻠﻔﻮﻧﻮ ﻗﺪﻡ ..
ﻏﻠﻔﺘﻮ ﻭﻛﺘﺒﺖ ﺷﻌﺮ ﻭﻛﻼﻡ ﺣﻠﻮ ﻓﻲ ﻛﺮﺕ ﺻﻐﻴﺮ ، وﺃﺩﻳﺘﻮ ﺍﻟﻬﺪية،
ﻓﺘﺤﻬﺎ بسرعة ﻭﻭﺷﻮ ﻓﻴﻪ ﻋﻼﻣﺎﺕ ﺇﺳﺘﻐﺮﺍﺏ ﻭﺗﻌﺠﺐ ﻭﺃﻧﺎ ﻣﺒﺘﺴﻤﻪ ،
ﻓﺠﺄﻩ ﻃﻠّﻊ ﺍﻟﺘﻠﻔﻮﻥ ﻭﺭﻣﻰ ﺍﻟﻜﺮﺕ
ﻭﻗﺎﻝ : ﺩﺍ ﻟﻲ ﺃﻧﺎ ... ؟؟؟
ﻗﻠﺖ ﻟﻴﻬﻮ : ﺃﻳﻮﻩ ﺣﺒﻴﺒﻲ .
ﻗﺎﻝ : ﺑﻰ ﻛﻢ
ﻗﻠﺖ ﻟﻴﻬﻮ : 500 ﺟﻨﻴﻪ .
ﻗﺎﻝ ﻟﻲ : ﻏﺸﻮﻙ ﻭﺣﺎﺕ ﺍﻟﻠﻪ ، ﺩﺍ ﺑﻲ 350 ﺑﺲ ..
ﻭﺑﻌﺪﺍ ﻛﻮﺭﻙ ﻓﻴﻨﻲ ﻭﻗﺎﻝ ﻟﻲ :
ﻫﺴﻲ ﺃﻛﺎﻥ ﺃﺩﻳﺘﻴﻨﻲ ﻟﻴﻬﻦ ﻛﺎﺵ
ﻣﺎﻛﺎﻥ ﺃﺣﺴﻦ ، ﻋﻠﻰ ﺍﻷﻗﻞ ﺗﺴﺎﻋﺪ ﻓﻲ ﻣﺼﺎﺭﻳﻒ ﺍﻟﺒﻴﺖ
ـ
#ﻋــــــــﻮﺍﻃﻒ
ﻣﺮﻩ ﺭﺍﺟﻠﻲ ﺳﺎﻓﺮ ﻣﺄﻣﻮﺭﻳة ﺷﻐﻞ
ﺣﺒﻴﺖ ﺃﺷﺎﻏﻠﻮ ﺭﺳﻠﺖ ﻟﻴﻬﻮ ﺭﺳﺎﻟة
ﻓﻰ ﺍﻟﻮﺍﺗﺲ ~
ﻗﻠﺖ ﻓﻴﻬﺎ :
ﺍﻟﺒﻴﺖ ﻣﻀﻠﻢ
ﺑﻌﺪ ﺷﻮﻳﻪ ﺍﻟﺒﺎﺏ ﺩقا ، ﻣﺸﻴﺖ ﻓﺘﺤﺘﻮ ﻟﻘﻴﺘﻮ ﺟﺎﺭﻧﺎ ﺟﺎﻳﺐ ﻟﻴﻬﻮ ﺯﺭﺩﻳﻪ ﻭﻣﻔﻚ ~~~~~
ﻭﻗﺎﻝ ﻟﻲ :
ﺍﺑﻮﻛﻢ ﺿﺮﺏ ﻟﻲ أﺳﻲ ﻗﺎﻝ ﺍﻟﻜﻬﺮﺑﺎﺀ ﺑﺘﺎﻋﺖ ﺑﻴﺘﻲ ﻗﻄﻌﺖ
#ﺃﻡ ﺭﻫــــــــﻒ
ﺣﺒﻴﺖ ﺃﻓﺎﺟﺊ ﺯﻭﺟﻲ ، ﺧﺘﻴﺖ ﺷﻤﻮﻉ ﻣﻦ ﺍﻟﺒﺎﺏ ﻟﻲ ﻏﺮﻓﺔ ﺍﻟﻨﻮﻡ ﻭﻗﻌﺪﺕ ﻓﻲ ﻏﺮﻓﺘﻨﺎ ﻣﻨﺘﻈﺮﻩ أشوف ﺭﺩ ﻓﻌﻠﻮ شنو ؟
ﺩﺧﻞ ﻳﻌﻄﺲ ﻭﻳﻜﺢ من بره ﻭﻋﻔﺺ ﺍﻟﺸﻤﻮﻉ ، ﻭﻣﺴﻜﻨﻲ ﻣﻦ ﻳﺪﻱ ﻭﻗﺎﻝ ﻟﻲ : ﻳﺎﻫﺒﻠﻪ
ﻋﺎﻳﺰﺓ ﺗﺤﺮﻗﻴﻨﺎ
ﺍﻟﻠﻪ ﻳﺤﺮﻗﻚ .
