20/09/2025
دي طبنجة بتاعة واحد كان داير يضرب ذخيرة قبل شويه
دقيقة ... قبل تضرب كدي الطبنجة دي، وطلع منها الخزنة وأسمع كلامي دة احتمال يفيدك
#الغريبة
إنه الزول عرفني ، ود الناس المحترم والراقي دة، وقعدنا نتكلم
حصل يوم في مناسبة سمعت زول قال داير يضرب زول أو قصد يضربو؟
قال لي: لا ... السلاح براو بزوغ وبضربو من عدم التركيز أو يتنتل من اليد
فقلت ليهو طيب
#الفرح ده في القلب وما محتاج الناس تسمع صوت السلاح عشان تظهر الفرح ... والزواج السوداني ده مليان عادات سمحة وجميلة بتخلينا نفرح ونعبر عن فرحتنا بأكثر من أسلوب بدون سلاح
؟
ده ما محلها ... القوة محلها في ميدان المعارك، في الجهاد والحرب، ما محلها في فرح الناس وتخليهم يتجارو من الخوف
بعد لمة الناس دي كلها للفرح نقوم بسبب خطأ غير مقصود نقلب ليهم الفرح لي بيت بكاء؟
فكر في الجوانب القانونية
الكلام ده ممكن يجيب ليك جريمة ق.تل بموجب القانون الجنائي لو طلقة طشت منك ومخالفة لقانون الأسلحة والذخ.يرة وتعليمات السيد الوالي والجهات الأمنية ... ده غير المسؤولية الأخلاقية قدام الناس وأسرة الضحية لو حصل حاجة لا سمح الله
الراجل اقتنع وكمان اجتهد معاي والله وقمنا وقفنا ضرب الذخ.يرة من باقي الناس...
ده مثال بسيط ياجماعة إنه بالكلام الطيب والشرح المعقول ممكن نغلب بيهو جهل وخطورة عادة ضارة
خلونا نحافظ على الأفراح، نخليها فرحة بي ضحكنا ،وونستنا وهظارنا ما نخليها ساحة للخطر ، وأي زول عندو سلاح أو طبنجة أو ذخيرة؟ يحفظها لي ضرورتا ... وخلونا نعبر عن فرحنا بالحاجات البتزيد المحبة ما بالحاجات البتفرقنا
البدائل الجميلة للفرح كتيرة زي: ، الألعاب الشعبية، وغيرو ... حاجات بتخلي الفرح فرح جدجد يعني ومأمونة
#ختاماً
الكلام الطيب الليلة غلب الحديد، فلو قابلتو زول ناوي يضرب ذخيرة للفرح؟
وقفو بي الكلام الطيب
#منقول #بتصرف
