Rawan Ibnouf

Rawan Ibnouf Cs Student|Computer Trainer|Project Manager |Content Creator |Passionate About Women's Empowerment Especially In Rural Areas.

Believe And You Will Receive Whatever You Ask For❤

الصباح لو يبدأ منك يبقى باقي اليوم أمان♡وحاليا لابقى في صباح ولا صُحاب ولا أمانوحدة موحشة فقط!!!
30/11/2024

الصباح لو يبدأ منك يبقى باقي اليوم أمان♡
وحاليا لابقى في صباح ولا صُحاب ولا أمان
وحدة موحشة فقط!!!

نقاوم ما نحب ونتحمل ما نكره....♡ما دايماً الحياة بتكون عادلة ولا بتسمح لينا نختار رغباتناومرات بتفرض علينا طرق ودروب نمش...
13/11/2024

نقاوم ما نحب ونتحمل ما نكره....♡
ما دايماً الحياة بتكون عادلة
ولا بتسمح لينا نختار رغباتنا
ومرات بتفرض علينا طرق ودروب نمشي فيها حتى لو ما بتوافق هوى نفسنا وبكون صعب علينا نمشي فيها
بكون عندنا خيارات أسهل
ولكن النجاح الحقيقي والانتصار الحقيقي هو الانتصار على النفس
نقاوم الحاجات البنحبها عشان في الأول والأخير رضى ربنا اهم من رضى نفسنا
بنتحمل ظروف صعبة ودروب اتفرضت علينا
نتحمل الاذى وبنتقبل انو الدنيا دار شقاء
ده كلو واحنا متأكدين انو ربنا معانا وحيعوضنا وحيراضينا
د.مصطفى محمود قال انو الدنيا كلها في الجملة دي
نقاوم ما نحب ونتحمل ما نكره...

الآن أنظر لسعيي المتقطع وروحي المترنِّحة، أداوي نفسي بحنوٍّ، ثم أجرُّها بعنفٍ.أعلم أنَّ السعيَ مُتعِبٌ ، وأنَّ الأنامل ت...
10/11/2024

الآن
أنظر لسعيي المتقطع وروحي المترنِّحة، أداوي نفسي بحنوٍّ، ثم أجرُّها بعنفٍ.
أعلم أنَّ السعيَ مُتعِبٌ ، وأنَّ الأنامل ترتجف وتكاد تملأ الدنيا نحيبًا، لكن ما من وقتٍ حتى للفرار، ولا لرثاء الأطلال، ولا البكاء يجدي نفعًا أو يعكس التيَّار، فما لكِ سوى السير ثم السَّير للأمام دون لحظة للتفكير أو للعدول عن المسار.

كثيرًا ما تأخذني الدنيا بذراعيها، ترميني في جنبات الأفكار، تداهمني: أأحسنتِ الاختيار؟
أسعيُك سيُرى في آخر المضمار، أم أنه كان محض تسرعٍ في أخذ القرار؟!

أقول: سعيي مأجورٌ في كل حال، وإن كان -كما تقول- تسرعًا، فما أنا مأمورة إلَّا بالسير، وتوقع ما في الأمامِ مُحال

‏لا يُهون علينا كبد الحياة الدنيا إلا اليقين في الآخرة، لولا علمنا بوجود هذا النور في النهاية لتقطعت أنفسنا حسرات، أن نعلم أن سعينا ليس ضائعًا وأن خيرنا لن يُلقى في البحر بل يُكافئ المسلم على سعيه وخطواته وحتى نيته التي لا يراها إلا ربّ العالمين، وهذا كفيل أن يملأ نفسك طمأنينة.

"My First Field Survey Experience – A Call to Support Displaced Families in Rural Shendi" > In late October, our village...
09/11/2024

"My First Field Survey Experience – A Call to Support Displaced Families in Rural Shendi"

> In late October, our village, Deem Al-Garay in rural Shendi, received over 1,000 displaced individuals from Al-Jazira state, and the numbers continue to rise.
Through local and individual efforts, the "People of the Homeland Initiative" was established to support these families and provide urgent assistance.

Yesterday, I was part of a field survey team that visited Al-Khatibab village, which has taken in many displaced families from eastern Al-Jazira, especially from Tamboul, a town approximately 193 kilometers from Shendi. On this journey, we encountered families who had lost everything and are now facing severe hardships, exhaustion, illness, and a profound loss of hope.

Along with my colleague, we registered over 15 families, most of whom were women and children, as well as a significant number of widows and critical cases, including 10 pregnant women urgently needing healthcare.

Most families are staying in host homes that lack even the most basic living necessities: they sleep on the bare ground, without beds, mattresses, or essential services. Despite the difficulties, I sensed a deep resilience and gratitude in them for simply being safe.

⛔Urgent Needs:

▪︎Medical care for pregnant women and children

▪︎Provision of food and water

▪︎Tents, beds, and clothing

▪︎Medications for those with chronic conditions

>Our initiative has raised one million Sudanese pounds (less than 600 USD) to cover basic needs, but this amount is insufficient to address the scale of the crisis.
We call on humanitarian organizations to support our efforts and provide the essential resources needed for the displaced in the Nile River State, where communities suffer from neglect and a lack of support.

>This was my first time interacting directly with displaced people, and the situation was deeply saddening and distressing😞.
Beyond listing their needs, I was recording their hopes—hopes for stability, access to essential resources, and for their children to resume their education.

“Is not Allah sufficient for His Servant” (Az-Zumar: 36).
We hope for compassionate souls to help alleviate their hardship.🙏🏻

Alhamdulillah, who has fed us, given us drink, and provided us shelter, for there are many who lack these blessings🤍.
ر

في علم النفس في حاجة اسمها نمو ما بعد الصدمةيعني تكون حاصلة ليك مشاكل، ضغوطات نفسية ،أو تجربة صادمة،فقدان شخص عزيز،او حت...
07/11/2024

في علم النفس في حاجة اسمها نمو ما بعد الصدمة
يعني تكون حاصلة ليك مشاكل، ضغوطات نفسية ،أو تجربة صادمة،فقدان شخص عزيز،او حتى بسبب الحروب
البحصل للانسان البتعرض لي نمو ما بعد الصدمة انو بدل يفكر بطريقة سلبية وسوداوية ويعيش في ذكريات الماضي وخوفه من المستقبل المجهول!!
بقرر انو يحدث تغير إيجابي في حياته
بحاول يتقبل الوضع
يتكيف معاه
يتقبل نفسه ويشوف قدراته
يبدأ ينمي ذاته ومهاراته
ويساعد نفسو بنفسه ويساعد ويدعم الحواليه
انا كروان في الفترة الأخيرة حصل لي نمو ما بعد الصدمة أكثر من مية مرة
كل ما يمر علي موقف صادم أو مشكلة كبيرة تأثر فيني
بقوم بشوف انا بقدر اعمل شنو إيجابي
قد يكون الحاجات البعملها بعيدة كل البعد عن الجانب الثاني من حياتي ومشاكلي
وكل حاجة انا عملتها لحدي الآن عملتها وانا حرفيا منهارة
ما قاعد يحركني حماس ولا شغف
ما قاعدة اتوقف لاني ما لقيت دعم
ما قاعدة اتوقف عشان نفسيتي تعبانة
ببكي وانا بعمل في الحاجة
بقش دموعي وبجيب لي روحي حلاوة وبشرب شاي ولا قهوة وبواصل
اي حاجة عملتها عشان الناس الحواليني محتاجين ليها
انا كمان كنت محتاجة ليهم على قدر حوجتهم لي
اي انسان انا ساعدته او اتواصلت معاه في المشاريع الفاتت
كان عشان بس اخليهم يشوفو الجانب الثاني من الحياة ويفكرو بصورة إيجابية أو بس اخليهم ينبسطو ولو لي كسر من الثانية
لاني مؤمنة تماماً انو البساعد الناس ربنا حيساعده
《فراشات في التقنية》 كان أول تجربة لي كلو عديته بكاء
حملة《 سلمت يا نون النساء》 ضمن فعاليات أكتوبر الوردي قمت بيها و كنت مرهقة ومريضة
والآن في نوفمبر
أسست مبادرة مجتمعية غير ربحية لتمكين المرأة الريفية
《بيت البنيات🎀》
بيت البنيات شاف النور أمس ،وقريبا على أرض الواقع
امس لمن عملت التصاميم وصفحة فيس بوك كنت نفسيا تعبانة
الظروف الحوالي ما مساعده الكهرباء قاطعة وتلفوني شاحن أقل من ١٥ والشبكة ضعيفة
بس اصريت اني اخلص التصاميم وأطلق المبادرة أمس رغم كل التحديات
الليلة في أقل من ٢٤ ساعة ريتش الصفحة اتعدى ال 3k
وأكثر من ٥٠ متابع
الناس دعمتني وشجعتني وابدت رغبتها انها تكون جزء من بيت البنيات 🎀
عشان كل حاجة صعبة مريت بيها
واتغلبت عليها وعملت خطوة كويسة
حتفضل في ذاكرتي للأبد
اني قادرة
وقوية
وبتحدى الظروف
ما تتوقفوا
ما تدو مشاكلكم واحزانكم أكثر من وقتها
وساعدو الناس ربنا حيساعدكم
حاخلي رابط صفحة فيس بوك في أول تعليق

أكتوبر شهر التوعية بسرطان الثدي ولونو وردي🎗💕في ظل الحرب والظروف الصعبة وتأثري بما يعانيه وطني السودان من انتهاكات ومجازر...
31/10/2024

أكتوبر شهر التوعية بسرطان الثدي ولونو وردي🎗💕
في ظل الحرب والظروف الصعبة وتأثري بما يعانيه وطني السودان من انتهاكات ومجازر وعمليات إبادة جماعية قامت بيها مليشيات الدعم السريع منذ الطلقة الاولى في بداية الحرب وازدادت عُنف،و قسوة، وفظاعة ،في شهر أكتوبر الحالي
انا كنازحة بريف ولاية نهر النيل قررت اني ما اقيف مكتوفة الأيادي ولا اخلي مشاعر الحزن واليأس والاحباط هي التسيطر علي
اخترت اني اقدم المساعدة البقدر عليها وما اقيف ابداً رغم العجز والقهر المسيطرين علينا كلنا كشعب سوداني
اخترت أدعم النساء النازحات والمقيمات في مجتمعي وأقدم ليهم برامج تدريبة أو توعوية أو تثقيفية على قدر ما اقدر
حابة أشاركم اني كنت جزء من فعاليات أكتوبر الوردي التي تُقام في كل أنحاء العالم
في قرية ريفية صغيرة تضم أكثر من ٤ آلاف سيدة وشابة ومراهقة
قمت بإدارة حملة لتوعية بسرطان الثدي تحمل أسم
《 عُفيت يا كل امرأة وسَلِمت يا نون النساء 》بدعم من
Shani girls club
لامست حوجة حقيقية مجتمعية للتوعية بمرض سرطان الثدي حيث انو المرض يعتبر القاتل الثاني للنساء حول العالم وتوجد قلة وعي في المجتمعات الريفية بالمرض ومخاطره وطرق العلاج والكشف الذاتي
في نهاية سبتمبر الماضي اتواصلت مع د. تبيان
مؤسسة نادي شأني للفتيات ، كنت متدربة في احد الكورسات البقدمها شأني قبل الحرب، شاركتها أفكاري ومخاوفي واني عايزة أعمل محاضرة توعوية وما عارفة كيف اقدر ابدا وكيف القى دعم
وحقيقي انبسطت شديد من تجاوبها السريع معاي وادتني كل الدعم المعنوي وحفزتني اني ابدا وقررت تسندني وتشاركني الرحلة💕
تجربة جديدة ومُختلفة بعيدة كل البعد عن مجال دراستي
تحديات كثيرة خضتها واتغلبت عليها
بدأت الحملة في يوم ٢٠ أكتوبر
وانتهت يوم ٢٥ أكتوبر
في خلال ٥ يوم فقط قدرت أصل لأكثر من ٢٥٠ شابة وسيدة ومراهقة سودانية في ريف شندي
مشيت كل اماكن تجمع النساء القريبة مني منها
☆مراكز المجتمع المدني ومراكز تحفيظ القرآن، ومدرسة الثانوي بنات
نظمت يوم ختامي مليء بالتوعية بالفعاليات والهدايا
بتعاون بين نادي شأني للفتيات ومبادرة
She, In Technology - هي, في التكنولوجيا
ضم أكثر من ١٠٠ سيدة ومراهقة وقدرت انجز خطوة في تحقيق هدفي وهو محو الأمية الرقمية
حيث عَرفت النساء السودانيات على تطبيقات مجانية على الهاتف تقدم توعية بسرطان الثدي وتذكيرات شهرية بالفحص الكشف الذاتي وطريقته
رحلة شهر كامل من التجهيز وتكوين فريق والتنسيق مع المراكز والصعوبات ما بقدر الخصها في بوست واحد
حابة اختم البوست وأشارككم جزء من التفاصيل المبهجة ضمن حملة سَلِمت يا نون النساء🎗💕






24/10/2024

لمن كنت في صف ثالث ثانوي بتذكر كان عندنا استاذ قرآن كان دايماً بتكلم معانا وبنصحنا ربنا يجزيه عنا خير الجزاء
اتكلمنا لينا عن الفرق بين سماع الاغاني والقرآن
وقال لينا الفرق بسيط انو الاغاني الزول بيزهج وبيمل منها
عكس القرآن
مستحيل تقدر تمل من سماع سور القرآن بالتكرار
ممكن تسمع السورة ١٠ مرات ورا بعض ما تزهج
عكس لو سمعت غنية واحدة ٥ مرات
في المرة السادسة بتغيرها لأنك حتكون زهجت منها
وسبحان الله نهائي كلامو ده ما نسيتو
وجربت كم مرة وحقيقي الإنسان بحس بي الفرق
وخصوصا هنا الفيديو ده انا مستعدة بس اكون مشغلة اليوم كلو ولابزهج منو ابداً من جمال الآيات وصوت القاريء🤍
اللَّهُم حبَّب إلينا القرآن، واجعلنا من أهله، اللَّهُم نسألكَ قلوباً تحبُّ القرآن وتأنسُ به، اللَّهُم حَفِّظْنَا القرآن واحْفَظْهُ في قلوبنا حتى نلقاك🤍

صباح الخير للنشيطين الصاحين بدري بتمنى ليكم يوم جميل وهاديء 🤍دايماً كنت بتمنى اكون من النوع العندو روتين ثابت يومو يبدا ...
10/10/2024

صباح الخير للنشيطين الصاحين بدري بتمنى ليكم يوم جميل وهاديء 🤍
دايماً كنت بتمنى اكون من النوع العندو روتين ثابت يومو يبدا الفجر وينتهي العشاء ويكون هاديء وطويل ،قريت كتب تنمية بشرية كثير، حضرت فيديوهات في يوتيوب، ظبطت منبه لمدة سنة كاملة بضرب كل يوم ٥ الفجر ونادراً اصحى ،
جربت كل الطرق وفشلت اني اصحى بدري !!!
كنت بقرا اذكار الصباح متى ما اصحى ما كنت عارفة انو لازم قبل شروق الشمس!!
في يوم في الخلوة سمعت انو الأرزاق بتتوزع من بعد صلاة الفجر إلى شروق الشمس 🌤
"في حديث واحد عن المعلومة دي ولسه ما متأكدة من صحته "
ولكن من تجربتي أكتشفت اني عايشة ساي ومضيعة رزق سنة كاملة وده واحد من الأسباب الخلتني التزم اصحى بدري ✔.
لي شهر كامل بصحى ٥ ص وكل ما يضرب المنبه واكون عايزة اقفلوا بتذكر اني سنة كاملة كنت نايمة ومرتاحة
واذا نمت هسه ما حاستفيد حاجة ف طوالي بدون اخش في اي صراع مع عقلي بقوم ✔
طبعا التزامي تجاه نفسي ده كان احسن حاجة عملتها في حياتي
حتى لو كنت نايمة ٢ ص بصحى ٥ ✔
عشان تصحى بدري لازم يكون عندك رغبة حقيقية أو دافع يخليك تقوم كل يوم الصباح والناس نايمة وانت صاحي عشان عندك التزام تجاه نفسك💫
من الحاجات الساعدتني اني اصحى بدري اني بديت
"حياة جديدة وشخصية جديدة "
بديت التزم اني استثمر وقتي في حاجات مفيدة واني واطور من نفسي واتعب واتعلم واتعب واتعب لانو ف يوم ما لازم أحقق احلامي💫
حياتي في شهر بس اتغيرت و الصباح فعلا فيهو بركة وزي ما قال رسولنا الكريم" بُورِكَ لأُمَّتي في بُكُورِهَا ”
اذا عايز بركة في يومك اصحى بدري ✔
اذا عايز يومك يكون طويل وهاديء اصحى بدري ✔
اذا عايز يومك يمضي بدون مصايب وتكون في حفظ الله ورعايته اقرا اذكار الصباح✔
اذا عايز تصحى بدري اكتب من بالليل في ورقة حاجات عايز تعملها بكرة✔
اذا عايز تكون انسان ناجح في حياتك وتحقق أحلامك لازم تصحى بدري✔
النوم بجيب اللوم جد جد،
يومك بدون روتين بدون معنى اسأل مجرب
الراحة لا تنال بالراحة ،ومعالي الأمور لا تنال بالفتور،
ومن زرع.....
ومن جد ....
🦋🤎

3.Oct.2024

؟❓ولو أني احمد الله دهراً ما وفيته جزءاً من النِعم أحسن حاجة قدمتها لي الحرب هي إستشعار النعمفي حياتي السابقة قبل الحر...
07/10/2024


؟❓
ولو أني احمد الله دهراً ما وفيته جزءاً من النِعم
أحسن حاجة قدمتها لي الحرب هي إستشعار النعم
في حياتي السابقة قبل الحرب ما بتذكر اني كنت بصحى الصباح بحمد ربنا على نعمة وجودي في بيتنا آمنة، مُطمئنة ،مُعافية ،طلباتي مُجابة ،اهلي جنبي وحياتي كانت هادئة ومستقرة وانا ما كنت حاسة!!
الا أن فقدت أغلب النعم دي في الحرب،
عشت لحظات صعبة بسبب عدم الآمان والاستقرار والمرض وفقدان الممتلكات وجميع ملامح حياتي الخرطومية الجميلة !
وأحسن درس علمتني ليه الحرب أني احمد ربنا دايماً على نعمه ورحمته وكرمه المحاوطنا من كل جانب
وخصوصا نعمة العافية✔
بسبب ظروف الحرب والوضع الاقتصادي الحرج والنظام الصحي المتدهور ،كان سبب لتفشي الكثير من الأمراض وخصوصا في منطقة نزوحي في ريف شندي وأكثر مرضين خلوني احمد ربنا كل يوم على نعمة الصحة والعافية هما مرض الملاريا وفايروس ملتحمة العيون وكان من أصعب الحاجات المرت علي اتخيل تبدأ يومك طبيعي وفجأة!!!!
تلقى روحك عاجز تفتح عيونك وتمارس روتين يومك الطبيعي وتعتمد على أفراد أسرتك في أغلب احتياجاتك وكمان صداع وحمى والم في العيون وطشاش في الرؤية وخوف شديد انو يستمر لمدة أطول❗
قد يكون دي أكثر لحظات انا حسيت فيها بنعمة البصر وللابد حادعي ربنا ما يختبرني بفقدان نعمة البصر.
في بداية نزوحي قضيت سنة كاملة عايشة كضحية حرب ،كثيرة الشكوى،قليلة الحمد،اتذمر من وضعي،القي اللوم على الحرب والظروف والنزوح واتمنى ان تعود حياتي السابقة بأسرع وقت، كنت أرى أن موقعي الجغرافي هو المشكلة وإنني أستحق أن أعيش حياة أفضل بعيد من هنا ،
شبكة غير مستقرة ،وكهرباء غير مستقرة،ونمط حياة ريفية لا يُناسبني البتة !!
انتظر نهاية اليوم بفارق صبر واتمنى ان تشرق شمس اليوم الجديد وانا في الخرطوم
الا انا دعيت الله أن يرزقني نعمة الرضا وقد كان بدأت أتقبل وضعي و واقعي وان اعيش الحاضر لا بين ذكريات الماضي وآمال العودة والخوف من المستقبل المجهول
في يوم صادفني بوست كتبته لينا عبد الرافع
Lina Abdalrafi Ibrahim
وهو الخلاني اعمل لي طربيزة مذاكرة
لينا والدها اسمه عبد الرافع وكذلك انا
لينا بتقرا مجال قريب من مجالي
ولينا نازحة معاي في إحدي قرى نهر النيل
لينا قررت تكون إيجابية وتعيش الحاضر وتسعى وتجتهد وتستخدم الموجود والمتاح وتكون مبسوطة في رحلتها
لينا مُعلمة متعاونة وانا مدربة
التشابه الكبير بينا اداني دافع قوي أني اكون زيها واتحرر من قيود اني ما عندي إمكانيات
جبت طربيزة وجمعت الكتب الموجودة عندي وكل حاجة حلوة نزحت بيها وفضلت الذكرى الوحيدة من حياتي السابقة وكتبت عبارات وجمل تحفيزية
وآخر حاجة اتوقعتها انني ممكن ألقى لابتوب!!
اللابتوب ده قديم جدا عندنا من ٢٠١٤ تقريبا والحمدلله انو قبل الحرب كان هنا
سعادتي بي اللابتوب ده حالياً لا تُوصف
مع العلم اني قبل الحرب كان عندي لابتوب أفضل منو ١٠ مرات ،اما الآن أنا بحمد ربنا على كل حاجة حاصلة لي
الحمدلله على نعمة وجود الكهرباء الغير مستقرة ف كم من مُدن اللان تعاني من انقطاع الكهرباء التام!
الحمدلله على الشبكة المُتذبذة ف كم من مدن لا يوجد بها شبكة انترنت ولا حتى اتصال
الحمدلله اني صادفت بوست لينا وكان ملهم بالنسبة لي
شكرا لينا على طاقتك الحلوة والبوست الإيجابي🌟
لينا بي دفتر وكرسي قدرت تحقق أهدافها وانا كمان بديت
شنو البمنعك انت؟
موقعك الجغرافي ما مشكلة انت المشكلة❗
الحمدلله دائماً وابداً والحمدلله على النِعمة المُتتالية والبسيطة التي لا نشعر بها🤍
حسابي لينا حق لينكدإن في أول كومنت 👇🏻
🦋

"يقينًا ستُجلى ثِقالُ الكروب ‏ويُشرق للسعدِ صبحٌ مُبين! 🌼🧡"صباح الخير بوستات أكتوبر حاشاركم فيها كيف قضيت شهر سبتمبر "بد...
07/10/2024

"يقينًا ستُجلى ثِقالُ الكروب
‏ويُشرق للسعدِ صبحٌ مُبين! 🌼🧡"
صباح الخير بوستات أكتوبر حاشاركم فيها كيف قضيت شهر سبتمبر "بدون تلفزيون وتيك توتك وفيس بوك وتوتير x" والاثر السلبي للسوشيال ميديا وكيف الحياة حلوة وهادئة وبعيد عنها!
حاشاركم تفاصيل كثيرة حصلت في الشهر بالإضافة لي بوستات تحفيزية وحاشاركم تجاربي وكيف طلعت من دور ضحية الحرب وطلعت من ال comfotzon ✅
واكيد ما ننسى انو أكتوبر لونو وردي وشهر التوعية بسرطان الثدي🎗وحيكون في بوستات توعوية بإذن الله 🎗
🦋

صباح الخير 🤍إنَّ المَرءَ لَيُرزَقُ السََكينةَ بكثرَةِ ،لجُوئهِ إلى ﷲ🕊🤍
06/10/2024

صباح الخير 🤍
إنَّ المَرءَ لَيُرزَقُ السََكينةَ بكثرَةِ ،لجُوئهِ إلى ﷲ🕊🤍

مكان الطلقة نجيب طبشيرة بكرا بلدنا نشوف تعميرافي اليوم العالمي للمُعلم بشكر كل المعلمين على جهودهم الفاضلة لتنشئة أجيال ...
05/10/2024

مكان الطلقة نجيب طبشيرة بكرا بلدنا نشوف تعميرا
في اليوم العالمي للمُعلم بشكر كل المعلمين على جهودهم الفاضلة لتنشئة أجيال المستقبل
شكراً معلم سوداني أصيل هميم بحب بلدو وبقدم بعطاء وسخاء وبيحاول ينقل تلاميذه من ظلمات الجهل إلى نور 💡
شكرا لكل معلم سوداني برغم ظروف الحرب القاسية حاول يكون مصدر أمان وأمل لطلابه
شكرا لكل معلم سوداني أتحمل ظروف الحرب القاهرة و درس في مراكز الإيواء واللجوء واتحمل كل الظروف الصعبة من قلة إمكانيات وموارد وضعف رواتب وعدمها احياناً
و كل همه يبني أجيال متعلمة تبني سودانا الجديد🇸🇩
كل عام وانتم اساس الوطن❤️
وشكرا للأستاذ الغني عن التعريف أ.مهاجر الحالياً في العاصمة الخرطوم وما زال زي ما عودنا بقدم بسخاء كل معرفته لكل الطلبة
قرار أ.مهاجر ورجعتو لي أم درمان الما كانت امان حقيقي بوريني قدر شنو هو متعلق بي ام درمان وبي وطنو وحتى اختار انو يكون ما عايش في آمان بس عايز يواصل رسالته
ا.مهاجر وغيره الكثير الاتخلو عن الاستقرار والأمان وحتى أهلهم وبيوتهم الآمنة وفرصهم في عيش حياة أفضل بس عشان الوطن🇸🇩
صادفت أ. مهاجر في معهد الرازي في بانت بس لبعد المسافة بينه وبين بيتنا ما واصلت معاه
بس حقيقي الحصص القليلة الدرسنا ليها ما زالت عالقة في راسي ذكراها
بالإضافة لانو كان عمل لايف مراجعة قبل إمتحان الشهادة ولي هسه بتذكر انو كان في مسألة دائرة جات في الامتحان وانا حليتها وبتذكر كيف كان شرحو ليها وسبحان الله اني لسه متذكرة الحاجة دي
قبل الحرب كان بدرس حصص رياضيات اما حالياً هو بدرس دروس في حب الوطن والتضامن وأسمى معاني الإنسانية 🇸🇩❤
ربنا يبارك في جهودك ويوفقك ويجزيك عنا خير الجزاء ❤


🦋

Address

Shandi
Shendi

Opening Hours

Monday 09:00 - 21:00
Tuesday 09:00 - 21:00
Wednesday 09:00 - 21:00
Thursday 09:00 - 21:00
Friday 05:00 - 17:00
Saturday 09:00 - 21:00
Sunday 09:00 - 21:00

Website

Alerts

Be the first to know and let us send you an email when Rawan Ibnouf posts news and promotions. Your email address will not be used for any other purpose, and you can unsubscribe at any time.

Shortcuts

Share

Category