Aldw Adam Bashir

02/10/2025

قَرأت جُملة عَشوائيّة وَاستَوقفنِي عُمقُهَا وَصِدقُهَا:

"كُلّ مُحَاولة لِفهم الذّات تَبدأ بِتعقُّب أثر صَوت لَم نَعد نَسمعه، لكِنّهُ لَا يكفّ عَن الحَديث".🩵

02/10/2025

‏أتحبها؟
‏-كل الحب.
‏كم عمرها؟
‏-عشرون عامًا في البطاقة، ثلاثة مع الأطفال، ستون مع الأزمات، ملاٌك لاعمر له مع الطبيعة، وكلهم معيّ. 💙

02/10/2025

أنتِ لستِ وحيدة ،

أنتِ محاطة بالله من كل جانب 💙.

01/10/2025

لما زول يضغَطك عشان تقول “أي أو لأ” بسرعة = اسكت
لو لقيت نفسك ما عارف ترد = اسكت
لو جاتك فرصة في أي وقت إنك تسكت = اسكت

صدقني الصمت رُقي.. الصمت ساعات بِحفظ كرامتك أكتر من ألف كلمة..

عشان كده النبي صلى الله عليه وسلم قال "مَن صَمَتَ نَجَا".💚

01/10/2025

‏طلاب المدارس هسي بقوا يفتحواْ الواتساب والإنستقرام والفيس في الحصة
وانا زمان كنت بوقع القلم في الارض عشان اقرم لقمة من فطوري ال في الدرج.

01/10/2025

أفضل عشرة أطباء في العالم هم ..
1- أشعة الشمس
2- كثرة شرب الماء
3- النوم الكافي ليلاً
4- الهواء الطلق النقي
5- المشي نصف ساعة يومياً
6- الغذاء الصحي المتوازن
7- تلاوة القرآن الكريم ..
وهو غذاء للروح لايمكن الاستغناء عنه ..
8- قيام الليل
9- العسل
10- القناعة والرضا بالقدر خيره وشره.❤❤

01/10/2025

وفي أكتوبر الوردي 🩷!.

محبةً وسلام لجميع الأمهات والبنات، لكل إمرأة قوية وجميلة في حياتنا، بِحُبهن، وحنّانهن، وبِكونهن مصدر إلهام ودعم دائمًا، أتمنى لهن السعادة الدائمة، وأن يملأن حياتنا بالفرح والحب؛

فلنكن جميعًا يدًا واحدة في دعم بعضنا البعض، ولنجعل الحب والرعاية شعارنا. وأن يبقين بصحة وعافية دائمًا.🩷

01/10/2025

لا حول ولاقوة الابالله العلي العظيم ربنا يرحمه ويغفر له ويسكنه فسيح جناته يارب العالمين 💔

لا حول ولا قوة الا بالله..
الشاب الفي الصورة دا إسمو إبراهيم محمد إبراهيم من بورتسودان طالب في جامعة بورتسودان الأهلية..

سواق ركشة وهو العائل الوحيد لأسرته بعد وفاة أبوه..
إتقدم على واحد كبير في صف البنزين، يقال ضابط معاش..
وإتناقشو مكاني وما مكانك..

طوالي الراجل وشايل معاه سكين و ضبـ، ـبحو وقتي وقال ليهو إنت ولد حقار..

مات مذبـ. ـوح وسط مرأى الجميع..
حسبي الله ونعم الوكيل

30/09/2025

قالت بعد خلاف شديد وصلنا لي الحد كنت مفتكره حننفصل منتظره بس في أي لحظه يجي لي ابوووي يقول ليهو أنا خلاص ماعايز بتك دي سمعت صوت الباب شويه سمعت صوته وهو معاهو رجال بقيت أشوف طشاش وضربات قلبي أرتفعت، خلاص حنخلي بعض؟

-جاتني رساله منو قال لي مع أنك رأسك قوي ولسانك طويل بس أعمل شنو أنا مابقدر بدونك خلاص كده أنا حاعقد عليك ونتشاكل في بيتنا بي راحتنا بس تكوني معاي

- بس أنا ماعايزاك بعد كدا خلاص تعبت منك

- بس أنا عايزاك ؟

-أنا بكرهك على فكره!

-أنا بحبك وباقي عليك يا ست البنات

-خليني وأمشي ياااخ

-بس أنا خطواتي مابتكمل إلا معاك

- بتعمل كد لي بس وريني ماعايز تخليني لي

-عشان أنا ما راجل البيكسر كلمتو ويقطع عشم السنين الجمعتنا مع بعض اها موافقه نتزوج ونتشارك صعاب الحياة

-قبلت بك رفيق دربي وشريك حياتي فاوالله أنك على عهدك أوفيت 💜🌎



لو أتيت إلي قاصد الود رحبنا بك في قلوبنا قبل ديارنا🌎💜))!.²

30/09/2025

صهيل الغيم| البارت الأول
بقلم: الضوء آدم

***
-يا ولدي اصحى كفاية نوم،
أتآخرت علي جامعتك.

=طيب أديني كم دقيقة بس يا أمي.

-لا ولا نص دقيقة، انت شكلك نسيت اليوم ده مهم شديد، التدريب الصيفي ده ممكن يغيّر حياتك.

فجأة كده اتذكرتَ وقمت بِهلع دخلت الحمام اتسوّكت وغسلت وشي، وبديت أجهِز نفسي عشان امشي الجامعة ألحّق
التدريب، طلعت من البيت بسرعة ومن شِدة إستعجالي نسيت اشرب الشاي، بس قلت ما فرقت حاشربه في وقت لاحق، ساعة كامله انا ماشي في الطريق بسبب زحمة المواصلات، ولما حصلت الجامعة كان التدريب حيبدأ ياداب، دخلت وبعدها بدينا،

خارج القصة: (التدريب الصيفي يعني فرصة تدريب عملي في فترة الصيف، بتديك خبرة وشغل في مجالك قبل ما تتخرج أو تخلص دراستك).

كده تمام؟، يلا خلينا نكّمِل..

والفترة الآخدها التدريب كانت 5 ساعات كاملة، وصراحة كان لاعب معانا ضاغط شديد، بس نقول الحمدلله وأخيراً انتهينا بعد مُعاناة سهر، وتعب كاد أن يهلكني لولا رحمة الله عليّ، طلعنا أنا والدفعة الصامدة نبارك لبعض بكل فرحة وسعادة في أنه نحن خلاص علي وشك أن نخوض معاركنا نحو المستقبل،

وأثناء اللحظة دي كان بجيني إحساس غريب، كنت متحير بين الحماس والخوف الدافي ما عارف السبب شنو بس ما كنت بظهِر ليه إهتمام، فحاولت أتفاده ومشيت علي الكافتيريا
قعدت، وأنا شايل دفتري القديم، بنظر في الفراغ وعيني مليانة حلم كبير لكن فنفس الوقت كان فيها جزء من الشك والحيرة.

فجأة سامي، زميلي المنافس ، جاء وبإبتسامة تحسها مليانة تحدي قال لي: يا "عمر"، سمعت إنك ناوي تدخل عالم البيزنس؟ الكلام دا جديد عليك.

رفعت رأسي وقلت بثبات مع رعشة في صوتي:
أها، جديد علي المجال، لكن عزيمتي أقوى من الشك، داير أتعلم وأثبت نفسي.

سامي ضحك وقال لي بسخرية: الكلام ساهل، لكن الشغل ما بِدي فرصة للضعفاء يحلموا كتير.

عاينت لسامي وقلت بابتسامة هادئة:
الحياة طويلة، والفرص بتتجدد، وأنا متأكد إنه كل خطوة بناخذها، مهما كانت صعبة، حتكون سبب في نجاحنا.

سامي : كلام جميل يا عمر، أتمنى ليك كل التوفيق.

وقتها رن تلفوني ، كانت أمي بتتصل تقول: يا عمر، الغداء جاهز، أنا وأخواتك قاعدين منتظرِنّك تجي عشان نتغدى سوا.

قلت ليها: بجي يا أمي، ما في أحلى من دفء البيت بعد يوم مليان تحديات، بعدها قفلت الخط وخليت سامي واقف في مكانه و مشيت، طريق العودة من الجامعة للبيت كان طويل بس فيه سحر خاص، خاصة مع غروب الشمس اللي ملأ السماء بألوان ذهبية وبرتقالية؛

كنت ماشي بخطوات ثابتة، وكل خطوة بتقربني من ريحة البيت وحنان أهلي، رغم التعب والشكوك الفي بالي، الجوء كان هادي، وصوت نسيم الشجر بيروّح عن نفسي، حسيت إنو الرحلة دي ما بس طريق، دي بداية جديدة.

***
يتبع....

30/09/2025

وتبقى اللغة العربية هي الأجمل

" أنتَ ؛ أنتِ ؛ أنتُما ؛ أنتُم ؛ أنتُنّ "
"you , you , you , you , you "
الانجليزية كأنها زغاريت نسوان .