08/08/2025
ازيكم..
في هاشتاق حايم اسمو
قصتو ببساطة زي قصص كتيرة حاصلة في السودان قبل الحرب وبعد الحرب يعني..
اي زول عندو قروش وعندو نفوذ وسلطة بمشي يجيب ليهو ناس عادي ويدفع ليهم قروش بجو يحلفو زور عشان يضيعو حق غيرهم في قضايا حساسة..
يواء دي متهمنها انها متعاو-نة مع الدع.م السر.يع.. وماف اي تعاون ولا شي والله...
كل القصة انها في فترة قعادها في بحري كانت شاهدة ع كل البحصل..ومنعت ناس كتار من انو يسرقو بيوت الناس...
اها لما الوضع اختلف... الناس اللي شافتهم بسرقو دهب وقروش الغير..قامو بي علاقاتهم...وقروشهم السارقنها دي...كادو ليها المكائد...
مشو اشترو ناس يشهدو زور عديل عشان يحكمو عليها بالاعدام.... وللاسف حكمو عليها بالاعدام....
بت يتيمة... مسكينة..ماف نصير ليها غير صوت الحق... وانا متاكد كتار زيها اتظلمو بالطريقة دي..لمجرد وشايا ناس ما بتريدك يعني ف بتقول فيك العايزة تقولو وخلاص..والمغفلين بجو يصدقو عادي طبعا للاسف...
ف يدكم معانا ك اقل شي نرفع صوت الحق ونبين للناس انو الزولة دي بريئة..عسى ولعل ينظر في قضيتها من اول وجديد...
وبراكم شايفين المتعاو-نين الجد جد عايشين معززين مكرمين يعني...وبجو اهلهم بقولو ليكم انهم كانو زارعنهم وسطكم عشان بس يمرقوهم من تهم التعاون..
والماعندو اهل في القوات النظامية امو بتبكي...
ياخ حتى في واحد كده نحسبو زول اصيل والله..وصادق.....وبيعرف يقول كلمة الحق....طلع في فيديو...وقالها في وش الشيطان... وللاسف برضو اعتقلوهو...
طبعا دي حالة اي زول بكون خايف من الحق ياخد مجراهو ياهو بكمم اي صوت حواليهو حقيقي..عشان يواصل في جرمو... ويخوف الباقين انهم ما يتكلمو..
ف دي كل القصة....
ي ريت تساعدوها... وي ريت تجعلو قضيتها قضية رأي عام وتعرفو الناس بيها...
