14/11/2025
Dabarka iyo doobiga waa ku dab iyo reer keennay xildhibaan Meecaad!
Tagtadii shalay ahayd, dad badan baa dib u xusuustay doorashadii galbatay, tacabkoodii na xusay oo xusuustay, anigu na gelinkii danbe waxaan soo maray dawgii Bohol. Dabcan, haddii aad doonnayso qofka uu Meecaad yahay waxaad martaa jidka Bohol, waxaad ogaannaysaa shakhsiyadiisa dhabta ah.
Shakhsiyan, Meecaad-ka waxaan u haystay qof dadku iska muxibo amaano. Dadkiisii aan wax badan ku celin, dantii guud uga faa'idaystay danihiisa gaarka ah, garraadkoodii na dhex marsaday garashadiisii!
Haa, waa soomaali iyo caadaddeed e' hadda ka darroogada iibinaya markuu adduun lacageed haysto amaan dheeraad ah bay ugu daraan!
Anigu haddii aan is dheho qeex wax-qabad, waxaan ku tilmaami lahaa Cabdikariin Meecaad. Dabcan, haa Cabdi-gii aan fekeraddaa dhalanteeda ka ah ka haystay maanta waxaan odhan karraa waa qofka ugu mudan ee dadka reer Sanaag dadkiisa wax la taaban karo uga tegeya.
Markaa Meecaad ma Wado u dhisay baad ku amaannaysaa, isagu ba miyaanu dahab deegaanka ka guranayn? Waxa Laga yaabaa inaad is weydiinayso, balse sidaas waa ku duwan tahay xaqiiqadu, Meecaad lagu ma tilmaami karo wax-qabadkiisa waddo qudha. Dawga Bohol se' wuxuu si kedia ah igu noqday qof mucjiso ah!
Bohol waxa badhtankeeda la marayaa buuro waaweyn oo isku shiilnaa balse la kala jeexay, waxa ku fajac gelinayaa arroorada sare looga hayaamayo ee lagu dhacay in wado laga sameeyo, si kale Kuma garatid e' laag caskaa daallo waa jid dusha uga Soo baxay!
Bal dawladee samayn lahayd? Bal taajirkee samaynaya 100 mitir oo qudha? Waa Kee inanka xiniinyahaas oo kale leh? Ma jiro dee ee tijaarta waxooda uun baynu ku faannaa bes!
Cabdikariin Meecaad, wuxuu dhistay deegaankiisii, wuxuu horumariyey dadkiisii qofka abeesadu cunto aan dabiib la la soo gaadhi jirin, naftuna boqolaal siddaa ku dhaaftay dayac waddo awgeed.
Wuxuu furay bogg cusub oo ku dhac leh in dalka la maal-gashan karo, waxna loogu qaban karo, bal eegg hadda wadadii Tabca ee Ingiriisku sameeyey, bal hadda mar wadadii Harti-yimi ee sannadaha deegaanku ku tabcayeen, bal hadda eegg wadadii Madheedh ee ilaa 1920-kii la waday, Hagow iyada hadalkeeda daa.
Horumarka qudha Kuma fiicna e' xagga siyaasadana waa waa shakhsi ku dhac leh, waa xildhibaanka keli ah ee deegaankiisa ku qanciyey in ay codka hoose siiyaan xisbiga Kaah.
Meecaad haantiisa na waa horumariyey, hadhuubkiisii na waa xisbiga Kaah e' waa soo haqab-tiray.
Waxa sidan qoray Gudoomiyaha garabka dhalinyarada xisbiga kaah ee gobolka sanaag
Mohammoud A. Heis
