12/06/2026
Reer Burco maanta qiimihii ay shalay u hayeen Sidiiq uma ma hayaan maanta.
Bulshada reer Burco, gudaha iyo dibaddaba, gaar ahaan Maayirka, waxgaradka iyo qaybaha kala duwan ee bulshada, waxay si weyn uga dhiidhiyeen xadhiggii iyo ka saaristii magaalada ee loo geystay Sidiiq Doobiile. Dadaalkaas iyo cadaadiskaasi waxay sababeen in si degdeg ah loo sii daayo, isaga oo markii dambe u baxay dhinaca Hargeysa.
Si loo muujiyo taageerada iyo qaddarinta ay u hayaan, Maayirka, Badhasaabka iyo bulshada reer Burco waxay Sidiiq ka codsadeen inuu magaalada dib ugu soo laabto, si loogu sameeyo soo dhoweyn weyn, loogana maydho wixii dhacay iyo falalkii ay geysteen qaar ka mid ah ciidanka ama dhalinyarada khaldamay. Sidiiq wuu aqbalay codsigaas, isaga oo qoraal ku baahiyay Facebook-ga ku sheegay inuu diyaar u yahay inuu Burco ku laabto.
Nasiib darro, hadalkaas waxa xigay weedho aan bulshada reer Burco ku wanaagsanayn, isaga oo sheegay: “Dawladayda ayaa ii yeedhatay, mana ku noqonayo Burco, aroortana waxaan u baxayaa Jigjiga.” Hadalkaasi wuxuu niyad-jab ku riday dad badan oo reer Burco ah, wuxuuna meesha ka saaray farxaddii iyo qiimihii ay doonayeen inay ku muujiyaan soo dhoweyn ballaadhan oo kumannaan gaadhi ah lagu gelbin lahaa.
Markii dambe ayuu qoraalkii beddelay, waxaana hadda la sheegaya inuu doonayo inuu Burco tago. Arrintaasi waxay u muuqataa isbeddel joogto ah iyo go’aan aan weli degganayn, taas oo sababtay in qayb ka mid ah bulshada reer Burco ay dareemaan ka niyad-jab.
Taladayadu waxay tahay inuu ku ekaado go’aankii h**e ee uu sheegay in dawladdu u yeedhatay, una safro Jigjiga, maadaama hadalladii is khilaafay ay dhaawaceen qorshihii iyo soo dhoweyntii ay markii h**e reer Burco u diyaarinayeen.
