31/08/2024
Ku muu ahaa AUN Faarax Qaarey?
W.Q. Haashin Cabdikariin Faarax Qaareey
Faarax Qaarey, Allah ha u naxariistee, wuxuu ahaa ganacsato weyn oo reer Hobyo ah, waxaana uu ka mid ahaa dadka ugu caansan ee Zanzibar iyo Cadan badeecooyinka ka keeni jiray.
Waxaa lagu yaqiinnay inuu yahay qofkii kaliya ee laba doon hal mar wada raran jiray, taasoo muujineysa sida uu uga go'naa inuu dabolo baahiyaha ganacsi ee Gobollada Dhexe. Badeecooyinka uu u dhoofin jiray Cadan waxaa ka mid ahaa subag iyo hargo, taasoo ka dhigaysa ganacsigiisa mid muhiim ah.
Faarax Qaarey wuxuu sidoo kale caan ku ahaa inuu yahay qofkii ugu h**eeeyay ee talooyinka iyo caqliga laga raadsado marka arrin adkaato oo talo isku margato.
Waxaa lagu xusuustaa inuu qayb weyn ka qaatay go'aan qaadashada iyo xallinta khilaafaadka qabaa'ilka dhexdooda.
Waxaa la raadsan jiray taladiisa iyo midda odayaal kale oo deegaan caan ka ahaa sida Gacmo Dheere iyo Ducaale Kaahiye.
Faarax Qaarey wuxuu lahaa saddex xaas oo u kala dagnaa Hobyo, Cadaado, iyo Kalgacyo. Xaasaskiisa iyo caruurtooda ayaa ah:
Xaddiyo Cisman Yuusuf - oo ay wada joogeen in ka badan 30 sano ah, laakiin ubad Allah makala siin.
Faadumo Maxamud Carraale (allah ha u naxariisto)- Waxay u dhashay 4 carruur ah oo kale ah :-
1. Cabdullahi Faarah Qaarey
2. Maxamuud Faarah Qaarey
3. Farxiya Faarah Qaarey (allah ha u naxariisto)
4. Safiyo Faarah Qaarey (allah ha u naxariisto)
Axado Muuse Abtidoon (allah ha u naxariisto)- Waxay u dhashay 5 carruur ah.
1. Mohamed Faarah Qaarey (allah ha u naxariisto)
2. Cbdi Faarah Qaarey (allah ha u naxariisto)
3. Cabdikariim Faarah Qaarey (allah ha u naxariisto)
4. Faadumo Faarah Qaarey (allah ha u naxariisto)
5. Xaadiyo Faarah Qaarey (allah ha u naxariisto)
Hobyo waxay ahayd magaalo facweyn oo xadaaradda adduunka la socota, waxaana lagu tilmaami jiray meel amni, isjaceyl, iyo waddaniyad Soomaaliyeed lagu dhaqmo.
Prof. Cabdullahi Xaaji Yuusuf Gibin, oo ah asal reer Hobyo ah, ayaa sheegay in Hobyo waagii h**e ahayd meel aad u wanaagsan oo magaalo bulsho ah.
Faarax Qaarey wuxuu ka soo qayb qaatay xaalad siyaasadeed ee xornimo doonka isagoo maal iyo awood ba ku caawinaayey Leegadii iyo cid walba xornimo u dirir ahaa. Xorriyadii ka dib kicin bulsho oo aad u xiiso badan.
Wuxuu ka qayb qaatay doorashooyinka qaran, isagoo xisbiga uu taageerayo uu ka ahaa Xildhibaan Cawil Caga Wayne, halka wiilkiisa, Cabdikarim Faarah Qaarey, uu taageeray xisbi mucaarid ah.
Waxaa lagu xusuustaa inuu qiimayn jiray xorriyadda shaqsiga iyo dooqyada kala duwan ee siyaasadeed.
Faarax Qaarey Carruurtiisa waxaa ka mid ahaa Cabdikariin Faarax Qaarey, oo magac weyn ku leh bulshada Somaaliyeed.
Cabdikariin wuxuu ahaa mulaxan caan ah oo sameeyay heeso badan oo aad loo jecel yahay, sida "Baladweyn," "Jaceyl dhiig malagu qora," iyo "Ilmo dhowr habeen jiray."
Cabdullahi Farah Qaarey waa lataliye Sharci oo madaxweyne oo dalka soo xukumay sidoo kale wuxuu aas-aasay Ururka Nabadda iyo Xallinta Khilaafaadka Soomaalida Sweden Malmo.
Wuxuu u yimid Dalka Sweden 1988 kii isagoo ahaa arday sharciga baddaha baranaayey wuxuuna qaatay barnaamij mastarka laba sano ah oo ka socda Jaamacadda Badda Adduunka (World Maritime University).
Maxamud Farax Qaarey, oo sidoo kale loo yaqaanno Kornel Waali, wuxuu ahaa hoggaamiye ciidanka cirka Soomaaliyeed, isagoo ka tirsanaa qaybta ciidanka cirka. Wuxuu caan ku ahaa xirfaddiisa iyo kartidiisa hoggaaminta.
Kornel Waali wuxuu kaalin muhiim ah ka qaatay horumarinta iyo maareynta ciidamada cirka Soomaaliya xilligii dowladdii dhexe.
Wuxuu ku suntanaa hoggaamin wanaagsan iyo karti, wuxuuna qeyb ka noqday taariikhda ciidanka cirka Soomaaliyeed.
Faarax Qaarey wuxuu door muhiim ah ka ciyaaray Kobaca bulshado iyo siyaasadda gobolka gaar ahaan Magaalada Hobyo, isagoo kaalin weyn ka qaatay horumarinta magaalada Hobyo iyo guud ahaan deegaanka hormarkiisa ka shaqeyn jiray.
Faarax Qaarey wuxuu ahaa nabaddoon la ixtiraamo oo leh maamuus weyn, taasoo lagu xasuusan doono wakhtigiisii Hobyo iyo kaalimaha uu ka galay horumarinta bulshada.
W.Q. Haashin Cabdikariin Faarax Qaareey
