28/09/2025
Sida ay xoga lagu helayo ayaa shegaayaan in, Madaxtooyada Soomaaliya ayaa diyaarinaysa safar uu Madaxweynaha Soomaaliya ku tagi doono Kismaayo si loo soo afjaro khilaaf muddo dheer jiray. Wada-hadallada ayaa markii h**e ka yimid Villa Somalia, iyadoo dalalka deriska loo maray dalabka in labada dhinac la isu keeno.
Imaaraadka Carabta ayaa si gaar ah ugu lug yeeshay gogol xaarka, kadib safarro saraakiishooda ay ku yimaadeen Muqdisho. Dowladda Soomaaliya ayaa fulisay talooyin Imaaraadka ka yimid, si ay xal uga keento xiriirka xumaaday ee dowladda iyo Axmed Madoobe iyo Saciid Deni.
Dadaalladaasi waxay horseedeen isfaham cusub. Qodobada lagu heshiiyay waxaa ka mid ah in xiriirka caadi loo soo celiyo, safarrada magaalooyinka dib loo furo, lana qaado xanibaadaha saarnaa mashaariicda.
Si kastaba, muranka ugu weyn weli waa mustaqbalka Axmed Madoobe. Madaxweyne Xasan Sheekh ayaa diyaar u ah inuu aqbalo sii joogitaankiisa, balse wuxuu ku adkaysanayaa in laga noqdo doorashadii muranka dhalisay ee October 2024.
Miiska waxaa saaran laba ikhtiyaar: muddo-kordhin KMG ah oo laba sano ah ama inuu sii joogo xukunka doorasho la’aan. Axmed Madoobe ayaa dhankiisa ku doodaya in arrimaha Jubaland ay iyagu go’aan ka leeyihiin, isla markaana dowladda ay qaadato mas’uuliyadda khaladaadkii h**e, oo ay ku jiraan dagaalkii Raaskambooni.
Madaxweyne Xasan ayaa markii h**e qorsheeyay inuu Kismaayo tago 15-ka bishan, balse Axmed Madoobe ayaa ka cudurdaartay. Socdaalka waxaa hadda la qorsheeyay dhammaadka bisha, haddii aanay wax isbeddelin.
