21/09/2025
တော်လှန်ရေးတပ်တွေဗန်းမောက်မြို့မှာ
PDF အလံလွှင့်အောင်ပွဲခံ
*************************************
စက်တင်ဘာ {၂၁ }ရက်
👉တော်လှန်ရေးတပ်တွေက သိမ်းပိုက်လိုက်တဲ့ဗန်းမောက်မြို့သိမ်းတိုက်ပွဲရဲ့ ပထမဆုံးရုပ်သံဖိုင်အချို့ ဖေစ်ဘွခ်လူမှုကွန်ယက်မှာစတင်ပျံ့နှံ့လာပါတယ် ။
👉တော်လှန်ရေးတပ်တွေက ဗန်းမောက်မြို့အဝင်ဆိုင်းဘုတ်ရှေ့မှာ PDF အလံတော်လွှင့်ထူအောင်ပွဲခံတဲ့ စက္ကန့် ၂၀ ကျော်ကြာရုပ်သံမှတ်တမ်းဖြစ်ပါတယ် ။
👉တော်လှန်ရေးပူးပေါင်းတပ်ကစက်တင်ဘာ၂၀ ရက်ညနေမှာ စစ်ကိုင်းတိုင်းနဲ့ ကချင် ပြည်နယ်အစပ်က ဗန်းမောက်မြို့ကိုသိမ်းပိုက်နိုင်ခဲ့တာပါ။
👉ပြည်သူ့ကာကွယ်ရေတပ် မတော်(PDF)တပ်ရင်းတွေ၊ ကချင်လွတ်လပ်ရေးတပ်မတော်(KIA) ၊ ကဒူးဒေသကာကွယ်ရေးတပ်ဖွဲ့ ၊ပကဖ စတဲ့ တော်
လှန်ရေးပူးပေါင်းတပ်တွေက ဗန်းမောက်မြို့သိမ်း စစ်ဆင်ရေးကို စက်တင်ဘာ ၁၅ရက်မှာစတင်ပြီး ၆ ရက်အကြာမှာသိမ်းပိုက်နိုင်ခဲ့တာပါ။စက်တင်ဘာ ၂၀ ရက်ညနေပိုင်းမှာတော့ မြို့ထဲကစခန်းတွေကနေ စစ်တပ်နဲ့ ရှမ်းနီတပ်တွေကဆုတ်
ခွာထွက်ပြေးသွားတဲ့အတွက် မြို့ကို သိမ်းနိုင်ခဲ့တာဖြစ်ပါတယ် ။
ဒါပေမယ့် စက်တင်ဘာ ၂၁ ရက်မနက်ပိုင်းမှာ တော်လှန်ရေးတပ်ဖွဲ့တွေကမြို့အတွင်း နယ်မြေ ရှင်းလင်းရေးလုပ်စဥ် စစ်သား နဲ့SNA တပ်ဖွဲ့ဝင်တွေထပ်ရောက်လာလို့ တိုက်ပွဲဖြစ်ပွားခဲ့တယ်လို့
စစ်ရေးသတင်းရင်းမြစ်က ပြောပါတယ် ။တော်လှန်ရေးတပ်တွေက နယ်မြေရှင်းလင်းရေးကိုဆက်လက်ပြုလုပ်နေတယ်လို့သူကဆက်ပြောပါတယ်။တော်လှန်ရေးတပ်တွေက ဗန်းမောက်မြို့ကစစ်စခန်းတွေသိမ်းပြီးတဲ့နောက် စက်တင်ဘာ ၂၀ ညမှာနဲ့ စက်တင်ဘာ ၂၁ ရက်မှာ တိုက်လေယာဥ်တွေနဲ့ ဗုံးကြဲခဲ့တယ်လို့ တော်လှန်ရေးတပ်ဖွဲ့ဝင် ၁ ဦးကပြောပါတယ် ။
ဗန်းမောက်မြို့သိမ်း စစ်ဆင်ရေးကို NUG ကာကွယ်ရေးဝန်ကြီးဌာနလက်အောက်ရှိ အမှတ်(၁) စစ်ဒေသ၏ ကွပ်ကဲမှုနဲ့ဖော်ဆောင်ခဲ့တာဖြစ်ပါတယ်။ဒါကြောင့်မကြာခင်မှာ NUG ကမြို့သိမ်းတိုက်ပွဲသတင်းထုတ်ပြန်ဖွယ်ရှိပါတယ်။
