https://www.facebook.com/103054601967129/

Knowledge Bee, Singapore (2025)

22/11/2025

ဦးနှောက်သွေးကြောပေါက်ပြီး ခန္ဓာကိုယ်ဘယ်ဖက်တခြမ်း လေဖြန်းသွားခဲ့တဲ့ ဂျေမောင်မောင်

နိုင်ငံကျော် အဆိုတော် ဦးဂျေကြီးဟာ ၆ ရက်နေ့က ရုတ်တရက် ဦးနှောက်သွေးကြောပေါက်ပြီး ကိုယ်တခြမ်းလေဖြန်းသွားခဲ့တယ်လို့ သိရပါတယ်။

"ကျနော်တို့ရဲ့ အစ်ကိုကြီး ဂျေမောင်မောင်...၆.၁၁.၂၅ မနက်က ဦးဏှောက်သွေးကြောပေါက်ပြီးဘယ်ဘက်တခြမ်းလေထိသွားပါတယ်..လေ့ကျင့်ခန်းလုပ် အချိန်လေးတော့ယူရမှာပါ..ကျနော့်အစ်ကို အရင်ကလို ကျန်းမာရေးကောင်းကောင်းနဲ့ သီချင်းတွေပြန်ဆိုနိုင်အောင် ဆုတောင်းပေးကြပါနော်...🙏ဆုတောင်းမေတ္တာပို့သပေးကြတဲ့သူတွေကိုလဲ ကျေးဇူးတင်ပါတယ်နော်..🙏"လို့ နောက်ဆုံးပွဲအမည်ရတဲ့ Page က မျှဝေခဲ့တာဖြစ်ပါတယ်။

အားလုံးချစ်တဲ့ ဦးဂျေကြီး အမြန်ဆုံးနေကောင်းကျန်းမာလာပါစေလို့ ဆုတောင်းပေးလိုက်ပါတယ်။

22/11/2025

အသက်မပြည့်သေးတဲ့ သမီးရင်းကို လူမဆန်စွာ အဓမ္မပြုကျင့်ခဲ့တဲ့ တောင်ငူက ဖခင်ကို တရားရုံးက နှစ် ၆၀ ‌ထောင်ဒဏ် ချမှတ်ခဲ့

ပဲခူးတိုင်း ၊ တောင်ငူမြို့နယ်မှာ အသက် ၁၂ နှစ်အရွယ် သမီးကို အဓမ္မပြုကျင့်ခဲ့တဲ့ ဖခင်ဖြစ်သူကို တောင်ငူခရိုင်တရားရုံးက ထောင်ဒဏ် နှစ် ၆၀ ကျခံဖို့ အမိန့် ချမှတ်လိုက်တယ်လို့ သိရပါတယ်။

ဖခင်ဖြစ်သူ တရားခံ မောင်ခိုင် (ခ) ဇော်ခိုင်ဟာ ပြစ်မှုကျူးလွန်ကြောင်း ထင်ရှားတဲ့အတွက် တောင်ငူခရိုင် တရားရုံးက နိုဝင်ဘာ ၂၀ ရက်နေ့မှာ ရာဇသတ်ကြီးပုဒ်မ-၃၇၆ (၁)အရ အလုပ်ကြမ်း နဲ့ ထောင်ဒဏ် နှစ် ၆၀ ချမှတ်ခဲ့တာ ဖြစ်ပါတယ်။

" တရားခံကို ကြီးလေးတဲ့ ပြစ်ဒဏ်ပေးနိုင်ဖို့ စွဲချက်နှစ်ခုတင်ခဲ့တော့ ၃၇၆ ပုဒ်မတခုကိုထဲကိုပဲ ပြစ်ဒဏ်တွေ ထပ်ထပ်ချလိုက်တာ လို့သိရတယ်။ အဲဒါကြောင့် ပုဒ်မက တခုတည်းနဲ့ ထောင်ဒဏ် နှစ် ၆၀ ရှိသွားတာပါ။ အဖေဖြစ်ပြီးတော့ ကိုယ့်သားသမီးကို လုပ်ရက်တာ ၊ယုတ်မာလွန်းတာ ဒီထက်မက ကျသင့်တယ်။

ကိုယ့်သားသမီးကို ကိုယ်တိုင်ကာကွယ်ရမှာကို ခုလို လူမဆန်စွာလုပ်တာ သေဒဏ်တောင်ပေးသင့်တာပါ။ ခုလို နှစ် ၆၀ ချတာလည်း သူ့အတွက် ထောင်ထဲ သေဖို့ပဲရှိပါတယ်။ဒီလိုလူမျိုးကိုတော့ လွတ်ငြိမ်းတွေထဲ ဘယ်တော့မှ ထည့်မလွှတ်ပေးပါနဲ့လို့ တောင်းဆိုပါတယ်။ " လို့ တောင်ငူ ဒေသခံကပြောပါတယ်။

ဖြစ်စဥ်ကတော့ တောင်ငူမြို့နယ် ဒိုးအင်းကျေးရွာအုပ်စုမှာ ဇူလိုင် ၆ ရက်နေ့က ဖြစ်ပွားခဲ့တာဖြစ်ကြောင်း ၊ အသက် ၁၂ နှစ်အရွယ် သမီးနဲ့ ၁၄ နှစ် သမီးနှစ်ယောက်က ညဘက်မှာ နေအိမ်ထဲ အတူအိပ်နေချိန်မှာ ဖခင်ဖြစ်သူက သမီးအကြီးကို အဓမ္မပြုဖို့ကြံစည်ရာ မအောင်မြင်တဲ့အတွက် သမီးငယ်ကို ခေါ်ယူကာ အဓမ္မပြုကျင့် ခဲ့တာဖြစ်တယ်လို့ သိရပါတယ်။

" ကလေးတွေက အဓမ္မကျင့်ခံရတာကို သူ့အဖွားဖြစ်သူကို ပြောပြတော့မှ အဖွားက ရဲစခန်းမှာ တိုင်လိုက်တာ ။ ရဲတွေက အဖေကို ဖမ်းပြီး စစ်ဆေးတယ် ။ ကလေးတွေကိုလည်း လူမှုဝန်ထမ်းက တာဝန်ရှိသူတွေနဲ့ တွေ့ပြီး အခြေအနေ မေးမြန်းပြီး ရုံးတင်လိုက်တာပဲ ။ ကလေးအမေက မရှိဘူး ။အဖေနဲ့ပဲ နေကြတာ ။ ဒီလိုလူမျိုးက အဖေလို့ မခေါ်ထိုက်ပါဘူး ။ " လို့ ဖြစ်စဥ်သိသူ ဒေသခံက ပြောပါတယ်။

အဓမ္မပြုကျင့်ခဲ့တဲ့ တရားခံဖြစ်သူ ဖခင်ကိုတော့ ဖြစ်စဥ် ဖြစ်ပွားပြီးနောက်ရက်မှာပဲ သက်ဆိုင်ရာ ရဲစခန်းက ဖမ်းဆီးက စုံစမ်းစစ်ဆေးမှုတွေပြုလုပ်ခဲ့ပြီးတော့ ဖမ်းဆီးပြီး ၄ လကျော်အကြာမှာ ထောင်ဒဏ်ချမှတ်ခဲ့တာ ဖြစ်ပါတယ်။

တောင်ငူခရိုင်အတွင်းက အဓမ္မပြုကျင့်မှုတွေနဲ့ပတ်သက်ပြီး ကျူးလွန်သူ တရားခံတွေကို ခရိုင်တရားသူကြီးက သေဒဏ် နဲ့ ထောင်ဒဏ်တသက်လွတ်ရက်မရှိ၊ နှစ်ရှည်ထောင်ဒဏ်တွေ အသီးသီး အမိန့်ချမှတ်မှုရှိထား ပါတယ်။

ပြီးခဲတဲ့ စက်တင်ဘာလမှာ ဆိုရင် တောင်ငူခရိုင် ထန်းတပင်မြို့နယ်မှာ အသက်မပြည့်သေးတဲ့ ၁၂ နှစ်အရွယ် သမီးကို အဓမ္မပြုကျင်ခဲ့တဲ့ အဖေကိုလည်း တောင်ငူခရိုင်တရားရုံးက ထောင်ဒဏ် အနှစ် ၄၀ ချမှတ် ခဲ့ပါတယ်။

ဇူလိုင်လမှာလည်း တောင်ငူခရိုင်တရားရုံးက ပဲခူးမြို့နယ် မုက္ကလကျေးရွာကျေးရွာ အလက(ခွဲ) ကျောင်းမှာ ဖြစ်ပွားခဲ့တဲ့ ကျောင်းသား ၁၇ ယောက်ကို အလိုမတူဘဲ လိင်တူ အဓမ္မပြုကျင့်ခဲ့တဲ့ ကျောင်းဆရာသက်ဇော်အောင်ကို ထောင်ဒဏ်အနှစ် ၄၀ အမိန်ချမှတ်ခဲ့ပါတယ်။

ဇွန် ၂၇ ရက်မှာဆိုရင်လည်း အုတ်တွင်းမြို့နယ်မှာ အသက် ၅ နှစ်အရွယ်ကလေးမလေးကို မွေးစားပြီး အသက်သေစေတဲ့အထိ ရေနွေးပူနဲ့လောင်း၊ လက်သီးနဲ့ထိုးပြီး အဓမ္မပြုကျင့်ခဲ့တဲ့ မွေးစားမိဘနှစ်ယောက်ကို ထောင်ဒဏ်တသက်လွတ်ရက်မရှိကျခံစေဖို့အပြင် နောက်ထပ်ထောင်ဒဏ် ၂၇ နှစ်ပါသီးခြားကျခံစေဖို့ တောင်ငူခရိုင်တရားရုံးက အမိန့်ချမှတ်ခဲ့ပါတယ်။

Credit to VOM

21/11/2025

မျိုးရိုးတူမှ ပေါင်းလို့ရတယ်ဆိုတဲ့ ရှေးရိုးစွဲ အစဉ်အလာတွေကို Google က Pixel ဖုန်းနဲ့ ရိုက်ချိုးပြပြီး Apple ရဲ့ iPhone အမာခံတွေကို အံ့အားသင့်စေခဲ့

Apple အချင်းချင်း အမျိုးတူမှသာAirDrop ကနေ ဖိုင်တွေ၊ ပုံတွေ ပို့လို့ရမယ်ဆိုတဲ့ ပညတ်ချက်ကို ရိုက်ချိုးပြီး Goolgle Pixel ဖုန်းကနေပြီး iphone ရဲ့ AirDrop ကို Quick Share ကနေ တိုက်ရိုက်ပို့လို့ရအောင် Google က စွမ်းဆောင်ပြလိုက်နိုင်ပြီဖြစ်ပါတယ်။

လောလောဆယ်မှာတော့ Google ရဲ့ မကြာခင်ကထွက်ရှိထားတဲ့ Pixel 10 ဖုန်းတွေမှာသာ ဒီ Feature လုပ်ဆောင်မှာ ဖြစ်ပါတယ်။ ဒါပေမယ့် မကြာခင်မှာတော့ Andriod အသုံးပြုတဲ့ ဖုန်းတွေ အားလုံးမှာ ဒီလုပ်ဆောင်ချက်ကို လုပ်ဆောင်နိုင်တော့မှာဖြစ်ပြီး အမြန်လုပ်ဆောင်နေတယ်လို့ ထုတ်ဖော်ပြောသွားခဲ့ပါတယ်။

Android အသုံးပြုတဲ့ ဖုန်းတွေ သုံးကြတဲ့ သူငယ်ချင်းတွေနဲ့ မိသားစုဝင်တွေဆီကနေ ဓာတ်ပုံတွေ ၊ ဗီဒီယိုတွေ ဖိုင်တွေလက်ခံဖို့အတွက် iPhone အသုံးပြုသူတွေဟာ သူတို့ရဲ့ AirDrop setting တွေကို “everyone for 10 minutes.” ကိုပြုလုပ်ထားရမှာဖြစ်ပါတယ်။

ပုံမှန် AirDrop ကနေ ဖိုင်တွေ လက်ခံပေးသလိုမျိုးပဲ၊ iPhone user တွေဟာ သူတို့ရဲ့ ဖုန်းမျက်နှာပြင်မှာ ပေါ်လာတဲ့ နာမည်ပေါ်မူတည်ပြီး incoming request ကို လက်ခံနိုင်သလို ငြင်းပယ်နိုင်ပါတယ်။

အခုရက်ပိုင်းမှာ Google ရဲ့ AI ဖြစ်တဲ့ Gemin ရဲ့ အသစ်အသစ်များစွာနဲ့ တိုးတက်မှုများကို ကြောက်ခမန်းလိလိတွေ့ရှိနေရပြီး ယခုအခါမှာလည်း မဖြစ်နိုင်ဘူးလို့ သတ်မှတ်ထားတဲ့ Andriod ဖုန်းတွေကနေ AirDrop ကို ဖိုင်တွေ ပုံတွေ ပို့လို့မရဘူးလို့ ဘူးခံနေတဲ့ အရာကို လုပ်ဆောင်နိုင်သည်ဆိုတာ ပြသခဲ့လို့ အိုင်ဖုန်းအသုံးပြု အချို့ကတော့ စိတ် မရွှင်မပြဖြစ်ခဲ့ရပါတယ်။

21/11/2025

ဖီဖာကတော့ ရော်နယ်ဒို ပရိသတ်တွေကို တမင်သက်သက်များ ရိနေသလားတောင် အောက်မေ့ရပြီး မက်ဆီပရိသတ်တွေကတော့ သဘောတွေကျခဲ့ကြပါတယ်။

မနေ့က ၂၀၂၆ ကမ္ဘာ့ဖလားပြိုင်ပွဲ ပိုစတာကို ဖီဖာဝက်ဘ်ဆိုက်က ထုတ်ပြန်ခဲ့ပြီး အဲဒီပုံထဲမှာ ပေါ်တူဂီအသင်းကိုယ်စားပြုကစားသမားနေရာမှာ ခရစ္စတီယာနို ရော်နယ်ဒိုကို ချန်လှပ်ခဲ့ပြီးတော့ ဘရူနို ဖာနန်ဒက်စ်ပုံကို ထည့်သွင်းထားခဲ့ပါတယ်။

ဒါကြောင့် ကမ္ဘာတလွှားက ရော်နယ်ဒို ပရိသတ်တွေက အုံနဲ့ကျင်းနဲ့ ဝိုင်းသမလိုက်လို့ နာရီပိုင်းအကြာမှာ ပုံကို ပြန်ဖြုတ်သွားခဲ့ပါတယ်။

သိပ်မကြာခင်မှာပဲ ၂၀၂၂ ကမ္ဘာ့ဖလားပြိုင် ၃ နှစ်ပြည်အမှတ်တရဆိုပြီး ပိုစတာတစ်ခု တင်ခဲ့ပြီး ဒီတကြိမ်မှာတော့ ဖီဖာရဲ့ လုပ်ရပ်က ပိုလို့တောင် ဆိုးရွားခဲ့ပါတယ်။

ရော်နယ်ဒိုရဲ့ ပုံကို ‌အပေါ်ပိုင်းမှာ ထင်ထင်ရှားရှားပြသထားပေမယ့်လည်း ပေါ်တူဂီအသင်းကို ကမ္ဘာ့ဖလားပြိုုင်ပွဲကနေ ဖြုတ်ပစ်ခဲ့တဲ့ မော်ရိုကိုတိုက််စစ်မှူး အန်နက်ဆီရီ ခေါင်းတိုက်ဂိုးသွင်းဟန်ကိုပါ ထည့်သွင်းခဲ့တာကြောင့် ရော်နယ်ဒိုပရိသတ်တွေက ဒေါသပေါက်ကွဲခဲ့ပါတယ်။

ဒါ့အပြင် လီယွန်နယ် မက်ဆီက ကမ္ဘာ့ဖလားကြီးကို ကိုင်မြှောက်နေတဲ့ပုံကိုလည်း ကြီးကြီးမားမား ပြသထားခဲ့တာဖြစ်ပြီး ကြာသပတေးနေ့ညမှာ ဖီဖာက ပွဲတွေခံနေခဲ့တာပါ။

Photo credit to owner

20/11/2025

အလုပ်အရမ်းကြိုးစားတဲ့ ထိုင်းရောက် မြန်မာလူငယ်လေးတစ်ဉီး မတော်တဆမှုကြောင့် ကွယ်လွန်

ထိုင်းရောက် မြန်မာလုပ်သားတစ်ဦးအလုပ်လုပ်‌နေရင်း Plastic blender ထဲ၀င်သွားလို့ အကြိတ်ခံရပြီး ကွယ်လွန်သွားခဲ့တယ်လို့ သိရပါတယ်။

Ban Bueng နယ်မြေအတွင်းရှိစက်ရုံတစ်ရုံမှာ မြန်မာအမျိုးသားလုပ်သားတစ်ဦးပလတ်စတစ်အမှုန့်ကြိတ်စက်ထဲသို့ဝင်သွားပြီးကိုယ်ခန္ဓာ အပိုင်းပိုင်းကြေမွပြီး နေရာမှာတင် ပွဲချင်းပြီး ဆုံးပါးသွားခဲ့တာပါ။

ည ၁၁:၀၀ နာရီအချိန်လောက်တွင် Silam Samakhom ကယ်ဆယ်ရေးဖောင်ဒေးရှင်း၊ Khlong Kiew ဌာနခွဲကို စက်ရုံမန်နေဂျာက အကြောင်းကြားခဲ့ပြီး စက်ရုံတွင် အလုပ်နှင့်ဆက်စပ်သော လူသေဆုံးမှုတစ်ခု
ဖြစ်ပွားခဲ့တယ်လို့ အသိပေးခဲ့ပါတယ်။

ရဲတပ်ဖွဲ့၊ စေတနာ့ဝန်ထမ်းများက ဖြစ်စဉ်ကို စုံစမ်းစစ်ဆေးပြီး အလောင်းကို ပြန်လည်
ထုတ်ယူရန်ဆောင်ရွက်ခဲ့ကြပေမယ့် ပလတ်စတစ်အမှုန့်ကြိတ်စက်မှ ထွက်လာသော အပူချိန်က ပြင်းထန်တာကြောင့် အလောင်းကို ချက်ချင်း ပြန်လည်ထုတ်ယူရန်
ခက်ခဲတဲ့အတွက် တစ်ညထားခဲ့ရပါတယ်။

မနက်ပိုင်းမှ စက် အပူရှိန် မရှိတော့တဲ့အချိန်ကျမှ သေဆုံးသွားတဲ့ မြန်မာအမျိုးသားအလောင်းကို ပြန်လည်
ထုတ်ယူခဲ့ရပြီး ခန္ဓာကိုယ်အစိတ်အပိုင်းတွေကို ပလတ်စတစ်အပိုင်းအစများနဲ့ရောထွေးပြီး တွေ့ရှိခဲ့ရပါတယ်။

မတော်တဆမှုကြောင့် သေဆုံးသွားရတဲ့ မြန်မာလူငယ်လုပ်သားရဲ့နာမည်က ဇော်ကိုလို့ သိရပြီး အသက် ၂၄ နှစ်အရွယ်ရှိပြီဖြစ်ပါတယ်။

စီစီတီဗီမှတ်တမ်းတွေအရ ဇော်ကိုဟာ အလုပ်အလွန်ကြိုးစားသူဖြစ်ပြီး နာရီပေါင်းများစွာ မနားမနေ အလုပ်လုပ်တာကြောင့် အိပ်ငိုက်သလို သတိတချက်လစ်သွားရာကနေ ကြိတ်စက်ထဲကို ပြုတ်ကျခဲ့ပုံရတယ်လို့ သိရပါတယ်။

19/11/2025

ခရီးသွားတယောက်ရဲ့ JJ express Dream Bus Bad Review

"အဓိက ၂ ချက်ပါ။ ပထမအချက်က ယာဉ်မောင်းအမျိုးသမီးပါ
ကားမစထွက်ခင်ကတည်းက အရမ်းကိုနားငြီးပါတယ် ယာဉ်ကူကို စကားကောင်းကောင်းမပြောဘဲ ဆူဆဲပြောဆိုနေတာရယ် သူ့ပင်ကိုယ်အသံကိုက အောအောကြီးနဲ့ ကို အော်ဟစ်နေတော့အရမ်း annoy ဖြစ်ပါတယ်။

ခရီးသည်တွေမှာ စိတ်အမျိုးမျိုးဖြစ်နေတဲ့လူတွေပါမယ် စိတ်ကြည်နေတဲ့သူပါမယ် စိတ်ရှုပ်နေတဲ့သူပါမယ် ဒါမယ့် အဲ့ဒီ အော်ဟစ်ဆူပူနေတဲ့အသံကြားတော့ တော်တော်အာရုံနောက်ပါတယ် , တလမ်းလုံးလည်း စကားတွေ အကျယ်ကြီးပြောလာတာ အင်မတန်စိတ်အနှောက်အယှက်ဖြစ်ပါတယ်။

နောက်ပြီးလမ်းမှာဘာအတွက်ကြောင့်မှန်းမသိရဘဲ ကားအကြာကြီးရပ်တယ်, ပြန်ထွက်တော့ ပုံမှန်မမောင်းဘဲ အသားကုန်အမြန်ကြီးမောင်းတာ ကားတစီးလုံးယိမ်းထိုးနေပြီး လူကလည်း တချက်တချက်မြှောက်တက်သွားတယ်
တော်တော်တာဝန်ယူစိတ်မရှိတဲ့လုပ်ရပ်ပါ။

ဒုတိယအချက်က သန့်ရှင်းရေးအပိုင်းပါ။ ဂျပိုးကိုက်ပါတယ်။ ဂျပိုးကိုက်လို့ ဖုတွေထလာလို့ စိတ်ညစ်နေတဲ့အထဲ ဓါတ်မီးထိုးကြည့်လိုက်တာ ပိုးဟပ်တွေ ဂျပိုးတွေ သွားလာနေတာ အများကြီးတွေ့လိုက်ပါတယ်။😱

သန့်ရှင်းရေးပိုင်းတော်တော်ညံ့တာ ပိုးဟပ်အကောင်တွေ အကြီးတွေရော် အသေးတွေရော် မြင်ပြီးမှ တကိုယ်လုံးယားလာလို့ နောက်တောင်မှီပြီးမထိုင်ရဲဘူး တလမ်းလုံး ရန်ကုန်ထိ ငုတ်တုတ်ထိုင်ပြီးလာခဲ့ရတာ။ အမြဲစီးနေကျကို အခုအခေါက်တော်တော်ကြီးအဆင်မပြေပါ။

credit

19/11/2025

အမေရိကန်သမ္မတ အိမ်ဖြူတော်ကို သွားရောက်လည်ပတ်ခဲ့ပြီး ညစာစားပွဲမှာ ဒေါ်နယ် ထရမ့်ရဲ့ တလေးတစား မိတ်ဆက်ပေးတာ ခံခဲ့ရတဲ့ ရော်နယ်ဒို😍

18/11/2025

အစားတလုတ်အတွက် မလေးရောက် မြန်မာအချင်းချင်း ဓားနဲ့ထိုးခဲ့လို့ အဖမ်းခံခဲ့ရတဲ့ မြန်မာ ၃ ဦး

စားသောက်ဆိုင်ပိုင်ရှင် အမျိုးသမီးတစ်ဦးဟာ ဆိုင်မှာ လာရောက်စား‌သောက်တဲ့ မြန်မာလူမျိုးတွေနဲ့ အစားအသောက် အရသာနဲ့ပတ်သက်ပြီး စကားများခဲ့ရာကနေ ဓားနဲ့ ရက်ရက်စက်စက် ထိုးခံခဲ့ရပြီးနောက် သေဆုံးခဲ့ပြီး သူ့ရဲ့ အမျိုးသားနဲ့ ‌စားပွဲထိုးအမျိုးသားတစ်ဦးကလည်း ထိခိုက်ဒဏ်ရာရခဲ့ပါတယ်။

ဒီကြောက်မက်ဖွယ် ဖြစ်စဉ်ဟာ ‌တနလ်ာနေ့ညက ဘူကစ် ဂျူရူလမ်းက ထိုင်းစားသောက်ဆိုင်မှာ ည ၉ နာရီအချိန်ဝန်းကျင်ခန့်မှာ ဖြစ်ပွားခဲ့တာဖြစ်ပြီး မြန်မာလူမျိုး စားသောက်ဆိုင်ပိုင်ရှင်အမျိုးးသမီးဟာ ဆေးအဖွဲ့ရောက်လာချိန်မှာပဲ သေဆုံးသွားပြီဖြစ်ကြောင်း အတည်ပြုခြင်းခံခဲ့ရတာဖြစ်ပါတယ်။

လူသတ်မှုအတွက် သံသယရှိမှုနဲ့ ဖမ်းဆီးခံထားရတဲ့ မြန်မာလူမျိုး အမျိုးသား ၃ ဦးဟာ အရက်နဲ့ စားသေသာက်စရာတွေကို ၈ နာရီခွဲဝန်းကျင်လောက်မှာ ရောက်လာပြီး မှာစားခဲ့ကြတာဖြစ်ပြီး အရက်သောက်ပြီးနောက် အစားအသောက်အရသာနဲ့ပတ်သက်ပြီး မကျေမနပ်ဖြစ်ခဲ့တာဖြစ်ပါတယ်။

ဒါကြောင့် ဆိုင်ရှင်လင်မယားကို စောဒကတက်ခဲ့ရာကနေ အကြီးအကျယ် စကားများခဲ့ပြီးနောက် အခုလို ကြောက်မက်ဖွယ်ရာ ပြစ်မှုကို ကျူးလွန်ခဲ့ကြတာဖြစ်ပြီး မလေးရှားနိုင်ငံသားတွေကတော့ ‌တရားမဝင် အလုပ်လာလုပ်ပြီး မကြာခဏ ရန်ဖြစ်၊ လူသတ်မှု ကျူးလွန်တဲ့ မြန်မာလုပ်သားတွေကို ရှာဖွေဖမ်းဆီးဖို့ တောင်းဆိုနေကြပါတယ်။

18/11/2025

လေတပ်က အကြီးဆုံးရဲ့သားဆိုပြီး တအိမ်လုံးကို အယုံသွင်းပြီး ရှိသမျှ အကုန်မသွားတဲ့ ကျားဖြန့်နဲ့ ကြုံတွေ့ခဲ့ရတဲ့ အမျိုးသမီးရဲ့ ဖြစ်ရပ်

"ဖြစ်ကြောင်း ကုန်စင်က ဒီလိုပါ။ အားလုံးကိုယ့်လိုမျိုး မဖြစ်ရအောင် ကိုယ့်အရှက််ကိုမငဲ့ဘဲ တင်လိုက်တာပါ။ ညီမခုလက်ရှိဖြစ်သွားတဲ့ အခြေအနေက ညီမနဲ့အဲ့ရဲရင့်ဆိုတဲ့တယောက်နဲ့ ဖေ့ဘုတ်မှာ စတွေ့ပီး သူဘက်က စပီး လာ add ပီး စကားတေပြောရာကနေ lineပေါ်မာတင် တွဲဖြစ်သွားတာပါ။ဒါမဲ့ ပထမဆုံးအပြင်မာတွေ့တဲ့ချိန်တုန်းက သူက first date မာတင် နှင်းဆီပန်းအပွင့် 365 ပွင့်လက်ဆောင်ပေးပီး ကော်ဖီဆိုင်မာ အပေါ်ပိုင်းတစ်ထပ်လုံး vip ယူပီး ညမနဲ့သူနဲ့ first date မာတင်ကို ပိုက်ဆံအရမ်းသုံးပြခဲ့ပါတယ်။

အစက သူကသူနောက်ခံတေကို ညမကမမေးထားလို့ မပြောပါဘူး ဒါမဲ့ နောက်ပိုင်းသိရတာက သူက နေပြည်တော့က လေတပ်က အကြီးဆုံးမာ သူအဖေက အကြီးဆုံးရဲ့အောက်က ဒုတိယအကြီးဆုံးဆိုပီး ပြောပါတယ်။ ညမသူငယ်ချင်းတေက သူနဲ့ညမပုံကို ရိုက်ပေးမယ်ပြောရင်လဲ မရဘူး သူအဖေရာထူးအခြေအနေတေကြောင့် သူ့က်ိုစောင့်ကြည့်နေတဲ့သူတေရှိလို့ မျက်နှာပါလို့မရဘူးလို့ ပြောပီးပုံတေ သိပ်အရိုက်မခံပါဘူးအဲ့မာ ညမက သေချာမစုံစမ်းမိဘဲ သူညမရှေ့မာ ညမတွက်နဲ့တင် first date မာတင် သိန်းဆယ်ချီစသုံးတာမြင်တော့ အမှန်တကယ်ထင်ခဲ့မိသွားတာပါ။

နောက်ပိုင်းတေလဲ ဒီကြားထဲ သူပျောက်သွားရင် စစ်ကိုင်းက ဝန်ကြီးများအိမ်ယာမာ ပွဲတေရှိလို့ လူကြီးပိုင်းတေနဲ့သူအဖေက စကားပြောဖို့လွှတ်ထားလို့ဆိုပီး စစ်ကိုင်းဘက်ကို သွားတယ်ဆိုတဲ့အကြောင်းပြချက်တစ်ခုနဲ့ အဆက်အသွယ်တေပျက်တာမျိုးလဲရှိပါတယ်။ညမတို့က တစ်ပတ်မာ 4 ရက်လောက်က တွေ့ဖြစ်ကျပါတယ်။ တွေ့ဖြစ်တဲ့နေ့တိုင်းမာလဲ ကားနဲ့အမြဲလာတွေ့ပီး အမြဲ ဒရိုင်ဘာယောင်ဆောင်ထားတဲ့သူတယောက်အမြဲပါပါတယ်။ သူက အဲ့လူတေကို သူအဖေကလွှတ်ပေးထားတဲ့ တပ်ထဲကလူတေ ထောက်လှမ်းရေးပိုင်းတေဆိုပီး လိမ်ထားပီး အကုန်လုံး ဒရိုင်ဘာတေကအစ လူလိမ်တေပါ။

အဲ့မာ မနက်စာစားမလား နေ့လယ်စာစားမလား သွားတိုင်းလဲ luxury လိုဆိုင်မျိုးတေသွားပီး တစ်နပ်စာတင်ကို 1 သိန်း 2 သိန်းအမြဲထုတ်ရှင်းနေကျပါ တစ်ခါခါသူကိုယ်တိုင်လဲ စျေးကြီးပါတယ်ဆိုတဲ့ ဆယ်ချီတန်တဲ့ brand တေ အဝတ်အစားတေဝယ်ပြတယ် ရေမွှေးတေဝယ်တယ် လုံးဝ ညမရှေ့မာတင်ဝယ်တာပါ။ လုံးဝ အစစ်အမှန်လို့ကို ထင်ရပါတယ်။ဒီကြားထဲ ညမမိဘတေကိုလဲ သူ့ကိုနေရာပေးအောင် သူနဲ့ညမကို သဘောတူစေချင်လို့ဆိုတဲ့အကြောင်းပြချက်နဲ့ အိမ်ဝင်အိမ်ထွက်တေလုပ်တယ် မနက်စာတေလဲ ညမ မိဘတေအတွက် အိမ်ကလူတေအတွက်ဆိုပီး အမြဲဝယ်လာတယ်။ ညမကို အိမ်ပြန်လိုက်ပို့တိုင်းလဲ အမြဲပါဆယ်ဝယ်ဝယ်ပီး ပေးပါတယ်။တကယ်ကို ညမကို လေးလေးနက်နက်ချစ်သလိုခံစားရအောင်ထိ သူလိမ်ညာခဲ့တာပါ

နောက်ပိုင်းသူနဲ့ညမတွဲတာ 2လလောက်အကြာမာ မိဘတေကလဲသူကို ယုံကြည်ပီး အိမ်ဝင်အိမ်ထွက်တေခွင့်ပြုလာပါတယ်။ ပတ်ဝန်းကျင်ကအစ သူ့ကိုသိလာမြင်လာနေကျဖြစ်အောင် သူကခနတိုင်းလာနေကျပါညမအိမ်ကို။ပြသနာက ဒီမာစတာပါ ညမကို သူက သူအဖေနဲ့ ပေးတွေ့မယ်ဆိုပီး လူကြီးချင်းစေ့စပ်ထားချင်လို့ပီး ညမမိဘတေစီမာလဲ လာပြောလာဝန်ခံပီး 11လပိုင်း 16ရက်နေ့မာ ညမမိဘတေကိုလဲခေါ်ပီး စားသောက်ဆိုင်တဆိုင်မာ သွားပီး သူအဖေနဲ့ပေးတွေ့ဖို့ဆိုပီး ညမနဲ့ ညမမိဘတေက နေ့လယ် 2 နာရီလောက်ထဲက သွားစောင့်ခဲ့ကျတာပါအဲ့မာ သူက သူအဖေက မလာသေးလို့ စာပို့တာလဲ မရောက်သေးလို့ လူကြီးလမ်းကြောင်းနဲ့လာမာအရမ်းလဲနောက်ကျနေလို့ဆိုပီး သူအဖေကိုသွားခေါ်တာပါဆိုပီး ထွက်သွားခဲ့တာပါ။

အဲ့မာ ညမအိမ်မာ ညမရဲ့ ညမလေးဘဲ ကျန်ခဲ့တာပါ။ အိမ်ရောက်တော့ အငယ်မကို အဖေက ပုဇွန်တေစားပီး သွေ၊းတိုးလို့ ဆေးရုံမာဆိုပီး အရေးကြီးတယ်လို့ပြောပီး အငယ်မရဲ့ဖုန်းပါယူထားပီး အငယ်မကို ဆေ၊းရုံမာ ထားခဲ့ပီး သူက အိမ်သော့ပါယူလာပီး အိမ်ကို ပြန်ရောက်နေပါပီ။ညမနဲ့ညမမိဘတေလဲ အဲ့ချိန်မာ စားသောက်ဆိုင်မာတင်သူ့ကိုစောင့်နေကျတာပါ 5:30 လောက်ကြာမှ အငယ်မစီက အဆက်အသွယ်ပြန်ရပီ အိမ်ကို အမြန်သွားခဲ့ကျတာပါ အိမ်က ခြံတံခါးတေဖွင့်ရက်နဲ့ ညမမိဘတေအခန်းထဲက သိမ်းထားတဲ့ ပိုက်ဆံတေရယ် စုထားတဲ့ရွှေတေရဲ့ သံပုံထဲထည့်ပီး သော့ခတ်သိမ်းထားတာပါသော့က ဘလိုမှဖျက်မရလို့ ပုံးလိုက်ကြီးမပီး ရှိသမျှပိုက်ဆံတေ ရွှေတေပါ မ သွားခဲ့တာပါ

အိမ်တစ်အိမ်လုံးလဲရှုပ်ပွနေပီး တန်ဖိုးကြီးပစ်စီးတေ အကုန် သူလွယ်အိတ်ထဲ ထည့်ရသလောက်သယ်သွားပီး ဟန်မပျက် ထွက်သွားတာပါ cctv မှတ်တမ်းတေလဲ အကုန်ရှိပါတယ်။သူညမနဲ့တွဲနေတဲ့အချိန်နှစ်လအတွင်းမာတင်ကို ညမတွက်ပိုက်ဆံ သူသုံးတာ သိန်း၅၀ကျော် ဖိုးလောက်ထိကိုသုံးခဲ့တာပါ သူလုပ်သွားတာက လုံးဝ ကျာ၊းဖြ၊န့်တေလိုမျိုးလုပ်သွားတာပါ ခုလိုမျိုး ညမလိုမျိုး အခြားမိန်းကလေးတေလဲ မခံရအောင် သင်ခန်းစာယူနိုင်အောင် ပြောပြရခြင်း ဖြစ်ပါတယ် စာရှည်သွားရင်တောင်းပန်ပါတယ်။"လို့ Wei Mei ဆိုတဲ့ facebook အကောင့်က လူမှုကွန်ရက်ပေါ်မှာ မျှဝေခဲ့တာဖြစ်ပါတယ်။

ခုခေတ်ကြီးမှာ ကျားဖြန့်တွေ အရမ်းပေါနေလို့ ဘယ်သူ့ကိုမှ အရမ်းမယုံဘဲ သတိထားဖို့ လိုပါတယ်။

#ကျားဖြန့်

18/11/2025

အွန်လိုင်းသုံးတဲ့ အသက်လတ်ပိုင်း အမျိုးသမီးများ သိစေရန်တင်ပြအပ်ပါသည်

သားကောင်ရှာနေတဲ့ ပိုင်းလုံးတွေ
အွန်လိုင်းမှာ အများကြီးရှိပါတယ်။
တချို့က မိန်းမပျိုအရွယ်တွေကို ရွေးပြီး ဖျက်ဆီးတာပါ။သူတို့က ကာမမုဆိုးတွေပါ။

နောက်တမျိုးက အသက်လတ်ပိုင်း
အမျိုးသမီးကြီးတွေကို ပစ်မှတ်ထားတဲ့သူတွေပါ ။
သူတို့က စောင့်ကြည့်နေတတ်ပါတယ်။
အခြေအနေနဲ့ ဥစ္စာဓနကို အကဲခတ်နေတတ်ပါတယ်။

ပိုင်းလုံးတွေဟာ တနည်းအားဖြင့် လူပါးတွေပါ။
လူကဲခတ်ကောင်းကြပါတယ်။ မိန်းမတယောက်ကို ကြည့်ပြီး လွယ်တယ်/မလွယ်ဘူး သိနိုင်စွမ်းရှိကြပါတယ်။

ဘယ်လိုကြည့်လဲ ..လွယ်ပါတယ်။
ပြောတဲ့စကားတွေနဲ့ FB မှာ တင်တဲ့
ဓါတ်ပုံတွေကတဆင့် အကဲခတ်နိုင်ပါတယ်။
ပြီးရင် CB ကနေ သွေးတိုးစမ်းပါတယ်။
အခြေအနေကိုလိုက်ပြီး စကားပြောတတ်ကြပါတယ်။

အချီကြီးကြံမယ့်သူတိုင်း စကားပြော အလွန်ညက်ပါတယ်။ဘလိုင်းကြီး ဘယ်တော့မှ မဝင်ပါဘူး။
စကားပြောယဉ်ကျေးပါတယ်။
ဗဟုသုတ အနည်းငယ် ပြည့်စုံပါတယ်။
အထင်ကြီးသွားအောင်ပါ ။

အချီကြီးကြံမယ့် သူတိုင်းမှာ တူညီတာတစ်ခုရှိပါတယ်။သူ့အကြောင်းမသိမချင်း စားနိုင်သောက်နိုင်
သုံးနိုင်ဖြုန်းနိုင်တဲ့ ဒီဇိုင်းဖမ်းထားကြတာပါဘဲ။

သက်လတ်ပိုင်းအမျိုးသမီးတွေကို ကြံရတာ ပိုလွယ်ပါတယ်။ဒီအသက်အရွယ်ဟာ အကျပိုင်းဖြစ်လာတဲ့အခါ အထီးကျန်တဲ့စိတ် ခံစားကြရပါတယ် life က
ဘောင်ကျဉ်းလာပါတယ်။ လူငယ်တွေလို ဖူးနုနေတဲ့
အလှတွေ မရှိတော့တဲ့အတွက် စိတ်ဓါတ်ကျစရာအလှကို နေ့တိုင်းရင်ဆိုင်နေရပါတယ်။

အဲဒီလိုအချိန်မှာ ကိုယ့်ထက် အသက်ထက်ဝက်လောက်ငယ်တဲ့သူက စိတ်ဝင်စားတာခံရရင်
ဖြစ်လာတတ်တဲ့စိတ်က စိတ်ဓါတ်တက်ကြွလာတာပါ ။သူနဲ့ရွယ်တူတွေကိုစိတ်မဝင်စားဘဲ ငါ့ကိုမှ
ကြိုက်ရလေခြင်းဆိုပြီး အေးခဲနေတဲ့ ရင်ခုန်သံတွေ ပူနွေးလာပါတယ်။

ငါ အလတ်ကြီးရှိသေးတယ်လို့ ခံစားရတဲ့အခါ
အလှတွေ ထပြင်ပါတော့တယ်။
မထော်မနှမ်းတွေ ဝတ်လာပါတော့တယ်။
ဒါဆိုတဖက်က သေချာသိပါပြီ။
သူ့ကျော့ကွင်းထဲ လည်စင်းပေးပြီး ဝင်လာတဲ့
သားကောင်ကို အသာလေး ခွေကနဲကျသွားအောင်
ဘယ်အညှာကို ကိုင်ရမလဲ မေးစရာမလိုတော့ပါဘူး ။

အဲဒီနောက်တော့ လူကိုယူတယ်။ ပစ္စည်းကို ချူ မယ်။အစာဝလို့ ဌာနပြန်တဲ့အခါ အမယ်ကြီးက မရတော့ပါဘူး၊တန်းတန်းစွဲနေပါပြီ။

မိန်းမဆိုတာ စိတ်ဆိုးရင် မဆင်ခြင်ဘဲ ရန်ဖြစ်လေ့ရှိပါတယ်။ငါ့ကို ထားခဲ့ရင် နင့်အကြောင်း လူတကာပြောမယ် ဘာညာဆိုတာမျိုး ခြိမ်းခြောက်တတ်ပါတယ်။ဒါ့ကြောင့် နောက်ဆုံး အသတ်ခံရတာများပါတယ်။

ဒီတော့ FB သုံးတဲ့အခါ ဘယ်သူ့ကိုမှ မယုံပါနဲ့
ဓါတ်ပုံကို လှအောင်ရိုက်လို့ရပါတယ်။
စကားကို ခိုက်အောင် ပြောလို့ရပါတယ်။

ကိုယ့်အသက်အရွယ်ကို ချစ်လွန်းလို့
ခင်လွန်းလို့ ပြောလာရင် တစ်ခုသတိရပါ။
ငယ်ရွယ်နုပျိုစဉ်က အလှကို ရခဲ့တဲ့
ကိုယ့်ယောင်္ကျားတောင် အခုချိန်မှာ
ကိုယ်နဲ့ ၁၈- နှစ်သမီး ဘယ်သူ့ရွေးမလဲဆို
၁၈- နှစ်သမီးကို လက်ညှိုးထိုးမယ်ဆိုတာ သတိရပါ

ဒီတော့ ကလေးတွေမွေးပြီး တင်တွေက ပြဲ
ရင်တွေက ရွဲကျလာတဲ့ ကိုယ့်လို အိုကြီးအိုမကို
မြတ်နိုးလွန်းလို့ပါဆိုတဲ့ သကောင့်သားကို မယုံကြည်ပါနဲ့။အချစ်စစ်ဆိုတာ တူတူအိပ်တာ မဟုတ်ပါဘူး။ကိုယ့်ကိုကိုယ် စောင့်ရှောက်တာပါ။

ကိုယ်ရတဲ့ဘဝကို တန်ဘိုးထားတာဟာ အချစ်စစ်စစ်ပါ ။
နေဝင်ချိန်မှာ ကိုယ့်အလှကို လက်ခံတာ အချစ်စစ်စစ်ပါ။
နောက်ဆုံးခရီးမှာ ဒါနနဲ့ သီလကို အထုပ်ကြီးကြီးထုပ်သွားတာ အချစ်စစ်စစ်ပါ။

Credit to အိုဘယ့်ခရီးသည်.

#ပညာပေး

18/11/2025

နှစ်ခါပြန်မကြည့်ဘဲ နေလို့မရနိုင်တဲ့ ဓာတ်ပုံတွေ တကယ်ရှိလားဆိုရင် ဒီပုံတွေကို ပြလိုက်ပါ။

16/11/2025

အကျင့်ပျက်ခြစားပြီး သန်းကြယ်သူဌေး ဖြစ်လာတဲ့ တောင်ဆူဒန်စစ်သားဟောင်းရဲ့ ကမ္ဘာကျော်မေးခွန်း

၂၀၁၁ ခုနှစ်မှာ လွတ်လပ်ရေး ရခဲ့တဲ့ တောင်ဆူဒန်နိုင်ငံမှာ အကျင့်ပျက်ခြစားမှုကိစ္စတွေက နိုင်ငံရဲ့ အဓိက ပြဿနာတစ်ရပ် ဖြစ်နေခဲ့ပြီး တောင်ဆူဒန်စစ်သားတစ်ဦးဟာ စစ်တပ်နဲ့ နီးစပ်တဲ့ ရာထူးတစ်ခုမှာ ရှိခဲ့ပြီး နေ့ချင်းညချင်းဆိုသလို ချမ်းသာလာခဲ့ပါတယ်။

ဆင်းရဲတဲ့ သာမန်စစ်သားတဦးက အချိန်တိုအတွင်း သန်းကြွယ်သူဌေး တစ်ဦးအဖြစ် ရုတ်တရက် ချမ်းသာလာခဲ့ပြီး သူ့ရဲ့ ပိုင်ဆိုင်မှုတွေထဲမှာ ဇိမ်ခံကားတွေ ငွေသားများစွာနဲ့ အခြား လျှို့ဝှက်ပိုင်ဆိုင်မှုတွေရှိခဲ့ပါတယ်။

သူခိုးရွှေရ တပြပြလုပ်နေတဲ့ စစ်သားကို တောင်ဆူဒန် အစိုးရရဲ့ အကျင့်ပျက်ခြစားမှု စုံစမ်းစစ်ဆေးရေး အေဂျင်စီတွေက သတိထားမိလာခဲ့ပြီး ဒီပိုင်ဆိုင်မှုတွေဟာ ဘယ်လိုနည်းလမ်းနဲ့ ရရှိလာတယ်ဆိုတာကို စစ်ဆေးဖို့အတွက် စုံစမ်းစစ်ဆေးမှု စတင်လုပ်ဆောင်ခဲ့ပါတယ်။

အဲဒီအချိန်မှာပဲ သန်းကြွယ်သူဌေး စစ်သားဟောင်းဟာ တိုင်းပြည်ကနေ ထွက်ပြေးတိမ်းရှောင်သွားခဲ့ပြီး သူ ပိုင်ဆိုင်တဲ့ ငွေသားတွေနဲ့ ယူဆောင်သွားလို့ရနိုင်တဲ့ ပစ္စည်းတွေအားလုံးကို ယူဆောင်သွားခဲ့ပါတယ်။

ထွက်ပြေးလွတ်မြောက်သွားပြီးတဲ့နောက် အဲဒီစစ်သားဟောင်းရဲ့ ပြောစကားက တွေးစရာတွေအများကြီးဖြစ်စေခဲ့ပြီး "ကျွန်တော် ဆင်းရဲနေတုန်းက ဘာလို့ စုံစမ်းစစ်ဆေးမှု မလုပ်ခဲ့ကြတာလဲ" ဆိုတဲ့ မေးခွန်းကို မေးမြန်းခဲ့တာဖြစ်ပါတယ်။

ဒီစကားဟာ အစိုးရအာဏာပိုင်တွေဟာ ဆင်းရဲသားပြည်သူ‌တွေကို ဂရုမစိုက်ဘဲ ချမ်းသာလာမှသာ မျက်စိစပါးမွေးစူးပြီး စစ်ဆေးတာက မမျှတဘူးဆိုတဲ့ ပုံစံမျိုးနဲ့ လှောင်ပြောင်ခဲ့တာဖြစ်ပါတယ်။

ဒီဖြစ်ရပ်ကြောင့် စစ်တပ်နဲ့ နိုင်ငံရေးသမားတွေက တိုင်းပြည်ရဲ့ သယံဇာတနဲ့ နိုင်ငံတော် ရန်ပုံငွေတွေကို ဘယ်လောက်တောင် ခိုးယူထားပြီးကြပြီလဲလို့ ပြည်သူတွေကြားမှာ မေးခွန်းထုတ်မှုတွေ ပိုမို မြင့်တက်လာစေခဲ့ပါတယ်။

Knowledge Bee

22/11/2025

22/11/2025

21/11/2025

21/11/2025

20/11/2025

19/11/2025

19/11/2025

18/11/2025

18/11/2025

18/11/2025

18/11/2025

16/11/2025

Address

Website

Alerts

Shortcuts

Share

Category