Sports Myanmar, 232A SIMS Avenue, Singapore (2025)

25/11/2025

BREAKING NEWS!
ကမ္ဘာ့ဖလားအဖွင့်ပွဲကို ပါဝင်နိုင်တော့မယ့် ရိုနယ်ဒို

အိုင်ယာလန်အသင်းနဲ့ world cup qualifier ပွဲစဉ်မှာ အနီကတ်ထိခဲ့တဲ့ ရိုနယ်ဒိုဟာ တပွဲပယ်ပြစ်ဒဏ်သာ ရရှိခဲ့တာကြောင့် လာမယ့် ၂၀၂၆ ကမ္ဘာ့ဖလားအုပ်စုအဖွင့်ပွဲစဉ်ကို ပါဝင်ကစားနိုင်တော့မယ်လို့ သတင်းထွက်ပေါ်လာခဲ့ပါတယ် ။

ရိုနယ်ဒိုဟာ မက်ဆီနည်းတူ ၆ ကြိမ်မြောက် ကမ္ဘာ့ဖလားကို ပါဝင်ကစားတော့မှာဖြစ်ပြီး ဂိုးသွင်းယူနိုင်မယ်ဆိုရင်တော့ ကမ္ဘာ့ဖလားပြိုင်ပွဲ ၆ ကြိမ်အထိ ဂိုးသွင်းယူနိုင်တဲ့ ပထမဆုံးကစားသမား ( မက်ဆီက ၂၀၁၀ မှာ မသွင်းနိုင်ခဲ့ ) ဖြစ်လာမှာပဲ ဖြစ်ပါတယ် ။

25/11/2025

မေဂျာလိဂ်ပြိုင်ပွဲရဲ့ အိမ်ရှေ့မင်းသားဖြစ်လာခဲ့တဲ့ ဆွန်ဟောင်မင်

ဆွန်ဟောင်မင်ရဲ့ LAFC ကစားသမားဘ၀ ပထမဆုံးဘောလုံးရာသီကတော့ အောင်မြင်စွာပြီးသွားခဲ့ပါပြီ ။ ဘောလုံးရာသီအလယ်မှ အသင်းသစ်ဆီ ပြောင်းရွှေ့လာခဲ့တဲ့ ဆွန်ဟောင်မင်ဟာ မေဂျာလိဂ်ရဲ့ စူပါစတားတယောက်အဖြစ်ကို လျင်လျင်မြန်မြန်ရောက်ရှိခဲ့ပါတယ် ။ ဆွန်နီရောက်ရှိလာမှုဟာ မေဂျာလိဂ်အပေါ် အာရှဘောလုံးဖန်တွေရဲ့ အားပေးမှုကိုလည်း ပိုမိုရရှိစေခဲ့တယ်လို့ ကြားသိရပါတယ် ။

ဆွန်ဟောင်မင်ဟာ LAFC အသင်းအတွက် ၁၃ ပွဲကစားပေးခဲ့ပြီး ၁၂ ဂိုးသွင်းကာ ၃ ဂိုးဖန်တီးပေးခဲ့ပါတယ် ။ ထူးခြားမှုကတော့ အသင်းသစ်အတွက် ပထမဆုံးသွင်းဂိုးကို ဖရီးကစ်ကနေ သွင်းယူခဲ့သလို နောက်ဆုံးသွင်းဂိုး ( လက်ရှိဘောလုံးရာသီအတွက် ) ကလည်း ဖရီးကစ်ကနေဖြစ်ခဲ့တာပါ ။

လာမယ့်ဘောလုံးရာသီမှာတော့ ဆွန်ဟောင်မင်တယောက် ပိုမိုကောင်းမွန်တဲ့ အောင်မြင်မှုတွေ ရယူနိုင်ချေရှိတယ်လို့ သုံးသပ်ထားကြပါတယ် ။

25/11/2025

ကိုင်စီဒို နဲ့ အန်ဇို ၊ ပက်ဒရီ နဲ့ ဒီယောင်တို့ရဲ့ ကွင်းလယ်အားပြိုင်မှုဟာ ချဲလ်ဆီး နဲ့ ဘာစီလိုနာတို့ဆုံတွေ့မှုရဲ့ အဓိကအဖြေဖြစ်လာနိုင်ပါတယ် ။ ချဲလ်ဆီးဟာ တကယ့်ထိပ်တန်းအသင်းကြီးတွေနဲ့ ကစားတဲ့ပွဲတွေမှာဆိုရင် ပုံစံကောင်းပြသလေ့ရှိပြီး အထူးသဖြင့် အန်ဇို နဲ့ ကိုင်စီဒိုတို့ရဲ့ ကွင်းလယ်ဟာ ပြိုင်ဘက်အသင်းကွင်းလယ်ကို လွှမ်းမိုးထားနိုင်ခဲ့ပါတယ် ။

ချဲလ်ဆီးအသင်းဘက်မှာ ကိုးလ်ပါးမား မပါဝင်နိုင်တာကတော့ အားနည်းချက်တခုလို့ဆိုရမှာပါ ။ ရှေ့တန်းမှာတော့ ဘာစီလိုနာက ပိုကောင်းတာ ငြင်းစရာမဟုတ်ပါဘူး ။

ဘယ်လိုရလဒ်ထွက်ပေါ်လာမလဲဆိုတာ စိတ်ဝင်စားဖို့ ကောင်းနေပါပြီ ။

25/11/2025

အကောင်းဆုံးသွင်းဂိုးဆု ရနိုင်တယ်လို့ နာမည်ကြီးနေတဲ့ ရစ်ချာလီဆင်

ပြီးခဲ့တဲ့ လန်ဒန်ဒါဘီပွဲစဉ်မှာ တော့တင်ဟမ်ဟော့စပါးအသင်းဟာ အာဆင်နယ်အသင်းကို ဂိုးပြတ်ရှုံးနိမ့်ခဲ့ပါတယ် ။ ဒါပေမယ့် ရစ်ချာလီဆင်ကတော့ သူ့ဘဝအတွက် အမှတ်တရဖြစ်စေမယ့် သွင်းဂိုးတဂိုးကို သွင်းယူနိုင်ခဲ့ပါတယ် ။

အာဆင်နယ်အသင်းကစားသမားဆီကနေ ရရှိလာတဲ့ ဘောလုံးကို ရစ်ချလီဆင်က ကွင်းတဝက်လောက်ကနေ အာဆင်နယ်ဂိုးသမား ဒါးဗစ် ရာဟာကို ကျော်ထည့်ခဲ့တာပါ ။ ဘောလုံးက ဂိုးထဲကို သာသာယာယာ လှလှပပ ဂိုးဝင်သွားခဲ့ပြီး အခုနှစ်ပရီးမီးယားလိဂ်ရဲ့ အကောင်းဆုံးသွင်းဂိုးတဂိုး ၊ တလတာအကောင်းဆုံးသွင်းဂိုးဆု ရရှိနိုင်လောက်တဲ့ သွင်းဂိုးအဖြစ် ချီးကျူးပြောဆိုခဲ့ကြပါတယ် ။

ရစ်ချာလီဆင်ဟာ ၂၀၂၂ ကမ္ဘာ့ဖလားတုန်းကလည်း ပြိုင်ပွဲရဲ့ အကောင်းဆုံးသွင်းဂိုးဆုကို ဆွတ်ခူးရရှိခဲ့ဖူးပါတယ် ။

25/11/2025

အာဆင်နယ်အသင်းရဲ့ အခုနှစ်ဘောလုံးရာသီ စွမ်းဆောင်ရည်

ကစားပွဲ - ၁၈ ပွဲ
နိုင်ပွဲ - ၁၅ ပွဲ
သရေပွဲ - ၂ ပွဲ
ရှုံးပွဲ - ၁ ပွဲ
သွင်းဂိုး - ၃၉ ဂိုး
ပေးဂိုး - ၆ ဂိုး

ဘိုင်ယန်မြူးနစ်အသင်းရဲ့ အခုနှစ်ဘောလုံးရာသီ စွမ်းဆောင်ရည်

ကစားပွဲ - ၁၈ ပွဲ
နိုင်ပွဲ - ၁၇ ပွဲ
သရေပွဲ - ၁ ပွဲ
ရှုံးပွဲ - မရှိ
သွင်းဂိုး - ၆၄ ဂိုး
ပေးဂိုး - ၁၅ ဂိုး

ဘယ်အသင်းကို ပိုကြိုက်လဲဗျ . . .

25/11/2025

ပေါ်တူဂီကိုနိုင်ပြီး ကမ္ဘာ့ချန်ပီယံဖြစ်ဖို့ အလားအလာများနေတဲ့ သြစတြီးယားအသင်း

လက်ရှိကျင်းပနေတဲ့ ဖီဖာယ-၁၇ ကမ္ဘာ့ဖလားပြိုင်ပွဲမှာတော့ သြစတြီးယားအသင်းနဲ့ ပေါ်တူဂီအသင်းတို့ဟာ ဗိုလ်လုပွဲအဆင့်ကို တက်ရောက်သွားခဲ့ကြပါပြီ ။ သြစတြီးယားအသင်းဟာ ပြိုင်ပွဲတလျောက် ပွဲစဉ်တိုင်းကို အနိုင်ကစားထားခဲ့ပြီး လာမယ့် ဗိုလ်လုပွဲမှာလည်း အနိုင်ရရှိမယ်လို့ အလေးပေးခံထားရပါတယ် ။

သူတို့ဟာ ရှုံးထွက်အဆင့်မှာ အင်္ဂလန်အသင်းကို ၄-၀ ၊ နာမည်ကြီး ဂျပန်အသင်းကို ၁-၀ တို့နဲ့ အနိုင်ကစားခဲ့သလို ဆီမီးဖိုင်နယ်မှာလည်း အီတလီအသင်းကို ၂-၀ နဲ့ အနိုင်ရရှိခဲ့တာပဲ ဖြစ်ပါတယ် ။

သြစတြီးယားအသင်းမှာ ကွင်းလယ်ကစားသမားလေး Johannes Moser အထူးခြေစွမ်းပြသနေပြီး သွင်းဂိုး ၈ ဂိုးနဲ့ ပြိုင်ပွဲရဲ့ ဂိုးသွင်းအများဆုံးကစားသမားအဖြစ် ရပ်တည်နေပါတယ် ။ အီတလီကို ၂-၀ နဲ့ အနိုင်ရခဲ့တဲ့ ဆီမီးဖိုင်နယ်ပွဲစဉ်မှာလည်း ၂ ဂိုးစလုံးကို Johannes Moser က သွင်းယူပေးခဲ့တာပါ ။

25/11/2025

အဆင့်မတက်တဲ့ မန်ယူနဲ့ တဆင့်ထပ်ကျသွားတဲ့ လီဗာပူး

ဒီနေ့ပွဲကို နိုင်ခဲ့ရင် အာဆင်နယ်အသင်းကို စိတ်ကူးနဲ့ ဖိအားပေးခွင့် ရှိနိုင်ပေမယ့် မန်ယူအသင်းဟာ အိမ်ကွင်းမှာ ဆယ်ယောက်တည်းနဲ့ မိနစ် ၈၀ နီးပါးကစားရတဲ့ အဲဗာတန်အသင်းကို အနိုင်မရခဲ့ပါဘူး ။ ဒီရလဒ်ကြောင့် အဲဗာတန်တို့ အဆင့် ၁၂ ကို ရောက်လာခဲ့ပြီး လီဗာပူးကတော့ ပွဲမကစားဘဲ အဆင့် ၁၃ ကို ရောက်သွားခဲ့ရပါတယ် ။

လက်ရှိအနေအထားကတော့ အာဆင်နယ်အသင်းကို ချဲလ်ဆီး နဲ့ မန်စီးတီးအသင်းတွေကသာ ဖိအားပေးနိုင်မယ့် အလားအလာကျန်ရှိတော့တာပါ ။ အကယ်၍ လာမယ့်ပွဲစဉ်မှာသာ ချဲလ်ဆီးကို အာဆင်နယ်နိုင်ခဲ့မယ်ဆိုရင်တော့ ဒီနှစ်ဟာ အာဆင်နယ်ရဲ့နှစ် ဖြစ်ပြီလို့ ပြောဆိုလာကြတော့မှာပါ ။

25/11/2025

အခုလာမယ့် ချန်ပီယံလိဂ်ပွဲစဉ် ( ၅ ) ကတော့ တကယ့်ကို စိတ်ဝင်စားစရာအပြည့်နဲ့ပါပဲ ။ အာဆင်နယ် နဲ့ ဘိုင်ယန် ၊ ချဲလ်ဆီး နဲ့ ဘာဆာတို့လို လက်ရှိပုံစံကောင်းပြသနေတဲ့ အသင်းတွေ ဆုံတွေ့ကြတဲ့အပြင် မာဆေးလ် နဲ့ နယူးကာဆယ် ၊ အက်သလက်တီကိုမက်ဒရစ် နဲ့ အင်တာမီလန် တို့ရဲ့ပွဲတွေကလည်း ဘောလုံးဝါသနာရှင်တွေကို ဆွဲဆောင်နေဦးမှာပါ ။

ဒါကြောင့် ဒီတပတ်ချန်ပီယံလိဂ်ပွဲစဉ်တွေကတော့ ကိုယ့်အသင်းပွဲစဉ်မရှိလည်း ကြည့်ရှုအားပေးသင့်တဲ့ရက်သတ္တပတ်လို့ ညွှန်းဆိုပါရစေဗျာ . . .

24/11/2025

၁၀ ယောက်တည်းနဲ့ အဲဗာတန်ကို ရှုံးခဲ့တဲ့ မန်ယူအသင်း

Premier League
Full Time :

Man Utd 0-1 Everton

ကိုယ့်အသင်းဖော်နဲ့ အချင်းများလို့ အဲဗာတန်ကစားသမား တယောက် အစောကြီး အနီကတ်ထိပြီး ဆယ်ယောက်တည်းနဲ့ မန်ယူအသင်းကို ကစားခဲ့ရပါတယ် ။ ဒါပေမယ့် ဧည့်သည်အသင်းဟာ မရှုံးနိမ့်ရုံသာမကဘဲ အနိုင်ဂိုးကို ထိန်းထားနိုင်ခဲ့ကာ အိုးထရက်ဖိုဒ့်ကနေ ၃ မှတ်ရယူသွားခဲ့ပါတယ် ။ မန်ယူအတွက်တော့ တကယ်နစ်နာတဲ့ ပွဲဖြစ်ခဲ့ပြီး အမှတ်ပေးဇယားထိပ်ပိုင်းကို ရောက်နိုင်မယ့်အခွင့်အရေး လက်လွှတ်လိုက်ရပါပြီ ။

24/11/2025

ဒန်နီ ဝဲလ်ဘတ်တယောက် ကမ္ဘာ့ဖလားမှာ ပါဝင်နိုင်မလား

အခုနှစ်ဘောလုံးရာသီမှာ ပုံစံကောင်းပြသနေတဲ့ ကစားသမားအချို့ရှိပါတယ် ။ အဲဒီအထဲမှာတော့ ဘရိုက်တန်အသင်းရဲ့ ဝါရင့်ကစားသမားကြီး ဒန်နီဝဲလ်ဘတ် ဟာ ဘောလုံးဝါသနာရှင်တွေ သတိပြုမိလောက်တဲ့ အနေအထားကို ရောက်ရှိလာခဲ့ပါပြီ ။

မန်ယူ နဲ့ အာဆင်နယ်ကစားသမားဟောင်းကြီးဟာ နောက်ဆုံးကစားခဲ့တဲ့ ၅ ပွဲမှာ ၄ ပွဲဂိုးသွင်းနိုင်ခဲ့ပြီး စုစုပေါင်း ၅ ဂိုးအထိရှိခဲ့ပါတယ် ။ အခုနှစ်ဘောလုံးရာသီမှာဆိုရင်တော့ အမှတ်ပေးပြိုင်ပွဲသွင်းဂိုး ၇ ဂိုးအထိ ရှိလာခဲ့ပါပြီ ။ ဒါဟာ သူ့ရဲ့ အကောင်းဆုံးမှတ်တမ်းကို လိုက်မီဖို့ ၃ ဂိုးအလိုကို ရောက်ရှိလာခဲ့တာပါ ။

ဒန်နီဝဲလ်ဘတ် ဟာ ၂၀၁၄ နဲ့ ၂၀၁၈ ကမ္ဘာ့ဖလားပြိုင်ပွဲတွေမှာ အင်္ဂလန်အသင်းနဲ့ ပါဝင်ခဲ့ဖူးပါတယ် ။ လက်ရှိပုံစံကောင်းတွေကို ဆက်ထိန်းထားနိုင်မယ်ဆိုရင် ဝဲလ်ဘတ်တယောက် ကမ္ဘာ့ဖလားပြိုင်ပွဲကြီးကို တတိယအကြိမ် ပါဝင်နိုင်ဖို့ အလားအလာကောင်းတွေ ရရှိလာမှာပါ ။

24/11/2025

GOAT ဂုတ် ၂ ယောက်ရဲ့ သွင်းဂ်ိုး + ဂိုးဖန်တီး ( GA )

၁။ မက်ဆီ
ကစားပွဲ - ၁၁၃၅ ပွဲ
သွင်းဂိုး + ဖန်တီး - ၁၃၀၀ ကြိမ်

၂။ ရော်နယ်ဒို
ကစားပွဲ - ၁၂၉၈ ပွဲ
သွင်းဂိုး + ဖန်တီး - ၁၂၁၃ ကြိမ်

ပွဲကွာခြားမှု - ၁၆၃ ပွဲ

1298-1135=163

24/11/2025

ဖရန့်လမ်းပတ်နဲ့ ကိုဗင်ထရီစီးတီးအသင်းရဲ့ ပရီးမီးယားလိဂ်အိပ်မက်တွေကတော့ တဖြည်းဖြည်း ပေါ်လွင်လာပါပြီ ။ ပြီးခဲ့တဲ့ စနေနေ့က ကစားခဲ့တဲ့ ချန်ပီယံရှစ်ပွဲစဉ်မှာ ဝက်စ်ဘရွန်းအသင်းကို ၂-၀ နဲ့ ရှုံးနိမ့်နေရာကနေ ၃-၂ နဲ့ အနိုင်ကစားနိုင်ခဲ့ပါတယ် ။

လက်ရှိမှာ ကိုဗင်ထရီအသင်းဟာ ပွဲစဉ် ၁၆ ပွဲကစားပြီးချိန်မှာ ချန်ပီယံရှစ်ရဲ့ အဆင့် ၁ နေရာကနေ ဒုတိယနေရာကအသင်းကို ၇ မှတ်အသာနဲ့ ဦးဆောင်နေပါပြီ ။ လာမယ့်ပွဲစဉ်မှာတော့ သူတို့ဟာ အဆင့် ၂ နေရာက မစ်ဒယ်ဘရော့အသင်းရဲ့ အိမ်ကွင်းကို သွားရောက်ယှဉ်ပြိုင်ကစားရတော့မှာပါ ။

Sports Myanmar

25/11/2025

25/11/2025

25/11/2025

25/11/2025

25/11/2025

25/11/2025

25/11/2025

25/11/2025

24/11/2025

24/11/2025

24/11/2025

24/11/2025

Address

Website

Alerts

Shortcuts

Share

Category