27/08/2026
🌺
"ပြိုလဲဖူးတာပေါ့ "
စကားလုံးလေးလှအောင်
ပြောပြတာပါ …
တကယ်တမ်း အားမနာကြေးဆိုရင်
အပေါ်ယံ ဟန်ဆောင်ပြီး
ကိုယ့်နောက်ကွယ်မှာ
ကိုယ့် အက်ကြောင်း လေးတွေကို
ဖြေးဖြေးခြင်း ဆားဖြူးပေးနေတဲ့
လူတွေကအများကြီး ………
ပြုံးနေတာလေးကို ကြည့်ပြီး
" အပြုံးလေးက လှ တယ်နော် " လို့
ပြောနေတဲ့လူတွေရဲ့ စကားလုံးတွေကလည်း
ကိုယ်မသိတဲ့ ထောင့်ချိုးကနေ
ကြားဖြစ်အောင် ပြန်ပြောတတ်ကြပါတယ်
" ကလေး ကလား ရုပ်နဲ့
စပ်ဖြဲဖြဲ လုပ်တတ်တဲ့ကောင်
မရင့်ကျက်တဲ့ ကောင် " လို့ သတ်မှတ်ပေးကြတယ် …
ကိုယ် စကားတွေပြန်ပြောဖြစ်တယ်
ဒါနဲ့ "ကိုယ် က မာန မရှိတဲ့ကောင် " ဖြစ်လာတယ်။
ကိုယ် နှုတ်ဆိတ်နေဖြစ်ပါတယ်
ဒါနဲ့ " မာန ကြီးတယ်" လို့
သတ်မှတ်ကြတယ်။
ကိုယ့် အဝတ်အစားတွေ
တောက်ပြောင်တဲ့နေ့မှာ "ငကြွားကောင်" ကြီးဖြစ်တယ်…
ကိုယ် မတောက်မပြောင်တဲ့နေ့မှာတော့
"ချို့ယွင်းချက်မျက်လုံးတွေ" နဲ့ကြည့်ကြတယ် …
တစ်ခါတစ်လေ ကိုယ့် ကိုကြည့်မယ်
"အရမ်းပိန်သွားတယ် နော် " လို့ပြောပြီး ဆေးစစ်ကြည့်
ဖို့ တိုက်တွန်းတဲ့ လူတွေရှိတယ် …
တချို့ရက်တွေကြတော့ "ဗိုက်ခေါက်လေးထွက်လာပြီဟေ့"
ဆိုပြီး လှောင်တဲ့လူတွေလည်းရှိကြတယ် …
ကိုယ် မကြိုက်လို့ လက်မခံတာတွေကိုတွေ့လို့
ဖွင့်ပြောမိတဲ့ အခါ "လူမှုရေးနားမလည်တဲ့ ကောင်"
အရိုင်းကောင်လို့ သတ်မှတ်ကြတယ် …
တခါတခါကြပြန်တော့ ချိုချိုသာသာလေးပြောဆို
ဆက်ဆံ တဲ့အခါ " ဆေးမှားသောက်လာတာလား" လို့
ပြောကြပြန်ရော …
အကူအညီတောင်းဖို့ ကြိုးစားတဲ့အခါ
တချို့လူတွေ ကညည်းထွားပြတယ်
သူတို့ အကူအညီလိုတဲ့အခါ
ကိုယ့်ကို "ကယ်တင်ရှင် " လိုလို ဘာလိုလို
အတောင်ပံတပ်ပေး ကြပြန်တယ် …
ကိုယ့်အကြောင်းနဲ့ကိုယ်မို့ သူတို့ကို
မကူညီနိုင်တဲ့အခါ
ကိုယ်က "ကိုယ်ချင်းစာစိတ်မရှိဘူး" လို့
နာမည်တပ် လိုက်ကြပြန်ကော …
ကြာတော့ လည်း
အများနဲ့ ကိုယ် ဟာ
သဟဇာတ မဖြစ်နေတော့
အမှန်တရားဟာ လူများစုရဲ့
နှုတ်ဖျား မှာ နေရာရလာတယ် …
အဲ့ဒီ မှာ ကိုယ်ဟာ နေရင်းထိုင်ရင်း
"ဗီလိန်" ဇာတ်ကောင် နေရာကနေ
အကယ်ဒမီ ရလာတာပဲ …
"ဖြောင်း… ဖြောင်း … ဖြောင်း …"
ကိုယ့် လက်ခုပ် နဲ့ကိုယ်ပြန်တီးပြီး
အားပေးဖြစ်လိုက်တယ်…
" ပြို လဲ တယ် ဆို တဲ့ စကားလုံးက
သိပ်လှ တာပဲ ဒါနဲ့ လူးလိမ့်ပြီး
ငိုရတာတွေ ဝမ်းနည်းရတာတွေကိုကြတော့
ဘယ်သူမ မသိခဲ့ကြဘူး
ဒါနဲ့ ……
မသိ ခဲ့ကြတာလည်းကောင်းပါတယ်
တော်ကြာ … စိတ်ဓာတ်ပျော့ညံ့ တယ်လို့
သတ်မှတ်ကြအုံးမှာပဲ " မဟုတ်လား …
Thedream
