LuAh

14/12/2025

🙂‍↔️

နောက်ပိုင်းကျ အရက်တိုက်ပြီးတော့ပဲ
စမ်းသပ်တော့တယ် ... 🙂‍↔️

Thedream

13/12/2025

ပျော်အောင်နေ ကိုယ့်ကိုယ်ကိုယ်ပျော်အောင်ထား
စကားနည်းနည်း နဲ့ အလုပ်များများ လုပ်
အပြုံးတွေမမေ့နဲ့ ..
နာကျင်ခြင်းတွေပေးခဲ့ဖူးတဲ့သူတွေကိုမမေ့နဲ့
ကိုယ့်ဒုက္ခတွေကို ကူထမ်းပေးခဲ့ဖူးတွေကိုမမေ့နဲ့
မျှော်လင့်ခြင်းတွေက အရေးကြီးတယ်
ချစ်ခြင်းမေတ္တာဟာ ဘဝရဲ့အသက်သွေးကြောပဲ
ခွင့်လွှတ်သင့်တယ်လို့ထင်ရင်
တစ်စွန်းတစ်စ မကျန်သေးသေးလေးကအစ
ခွင့်လွှတ်ပေးလိုက် ...

ဘဝကို မျက်တောင်တခတ်စာအတွင်းဘာမဆို
ဖြစ်ပျက်သွားနိုင်တယ်ဆိုတာသွေးကြည့်လိုက်
ပြီးရင် ကိုယ်ချစ်တဲ့လူတွေကို မနေ့ကထက်
ပိုဂရုစိုက် ...

ဒီလောက်ဆို လုံလောက်ပြီ ။

Thedream

#မမေ့နဲ့

13/12/2025

❤️

ကမ္ဘာကြီးနေမကောင်းပေမယ့်
မင်းကိုတော့ကျန်းမာနေစေချင်သေးတယ်
ကလေးရေ ❤️

12/12/2025

တခါတလေ … ပျော်ချင်တဲ့စိတ်ဇောနဲ့
ပျော်ရွှင်စရာတွေပြေးလိုက်ရှာပြီး
အပြန်လမ်းမှာ ဝမ်းနည်းစရာတွေသာ
ပြန်ပြီး ပါလာခဲ့တယ်…

ချစ်တဲ့စိတ်နဲ့ ချစ်တဲ့လူကို
ချစ်ရတဲ့ခံစားချက်တွေတနင့်တပိုးနဲ့
တမြတ်တနိုး ချစ်ခဲ့ရပြီးမှ
ဇာတ်သိမ်းမလှ လိုက်ပုံများ
တစ်ဘဝ စာလုံး နာကျင်မှုတွေသာကျန်နေခဲ့တယ်…

လူတွေက" ဝင်ကစွပ် " လိုကောင်တွေပါ
ကိုယ်နဲ့သဟဇာတ ဖြစ်မဲ့ ခရုခွံလေးတွေကိုပဲ
ရှာဖွေနေတတ်ကြသလိုပဲ
ကိုယ်နဲ့ကိုက်ညီမယ်လို့ထင်ရတဲ့
ရင်ခွင်တစ်ခုရဲ့ အနွေးဓာတ်လေးထဲကို
ဝင်ရောက် ခွေခေါက်နေချင်ကြတဲ့
သတ္တဝါ လေးတွေ …

ဘယ်ပဲသွားသွား ဒီရင်ခွင်လေးကိုပဲ
သတိရနေတတ်ကြတယ်ဆိုတော့
ဒီရင်ခွင်လေး ပျောက်ဆုံးသွားတဲ့နေ့မှာ
ဆောက်တည်ရာမရဘဲ
ရင်ကွဲနာကျနေရင်း ဖြစ်ချင်သလိုဖြစ်ပြီး
ပျက်ချင်သလိုပျက်နေခဲ့ကြတယ်…

လွယ်လွယ်ကူကူမရွေးချယ်တတ်တော့
များများစားစားလည်း မလိုချင်ပြန်ဘူး။

တစ်ခါ… တစ်ခါ
ရင်တွေနာနေရမှန်းသိပါတယ်
အချစ်တွေလည်း ကျန်နေတုန်းပဲ
အချိန်တစ်ခုရောက်ရင် နေတတ်သွားမယ်
ဆိုတာသိနေပေမဲ့
မုန်းလက်စနဲ့မုန်းဖို့ကြိုးစားပြီး
မေ့ပျောက်ဖို့ အတွက်
ဘာတွေဆက်လုပ်ရမှန်းမသိတော့တာ
တစ်ခုတည်းရယ်…

Thedream

12/12/2025

နွေးထွေးမှု
-----------

"သွေးထဲစီးတဲ့ဂရုဏာတရားနဲ့
မေတ္တာတွေတစ်ပွေ့တစ်ပိုက်နဲ့
ချစ်ရတဲ့လူတစ်ယောက်နဲ့အတူ
ဘဝတစ်ခုလုံး ဇာတ်မြုတ်ပြီး
အရိုးထုပ် ချင်တဲ့ စိတ်ဆန္ဒပါ "

Thedream

11/12/2025

ဒဏ်ရာတွေထဲမှာ
နေသားကျလာတော့
နာကျင်မှုတွေက အာသာမပြေဘူး

သတိတရနဲ့ အမှတ်တရတွေကို
ဆုပ်ကိုင်ပြီး ဖြန့်ခင်းလိုက်တဲ့ခဏ
ဝမ်းနည်းစရာတွေအများကြီးထဲ
ပျော်ရွှင်စရာတွေက နည်းနည်းလေး ။

အချိုးမကျလွန်းတဲ့ ပျော်ရွှင်ခြင်း
ဝမ်းနည်းခြင်းတွေပေါ့ ။

ဒါပေမဲ့ ဘယ်တတ်နိုင်မလဲ
ခံစားချက်တွေဆိုတာ ကိုယ်မပိုင်ဘဲလေ
မလိုချင်တာတွေ ရလာတဲ့အခါ
လက်ခံကြိုးစားသင်ယူဖို့
ခံနိုင်ရည်မွေးလိုက်ရတာပဲ …

ဘာမှ ပိုင်ဆိုင်ဖို့မရှိတဲ့ခဏ
စွဲလန်းခြင်းအာသီတတွေကို
ချွေချပြီး ပကတိ အတိုင်းနေထိုင်လိုက်ရင်
လူတွေရဲ့ မျက်နှာဖုံးတွေကို
မြင်ရတာပါပဲ …

လိုချင်တာတွေ ရနိုင်ဖို့အတွက်
အတ္တတွေရဲ့ မောင်းနှင်မှုအောက်မှာ
လူတွေက ပြေးလွှားနေကြတယ်
တစ်ခါတလေတော့ လည်း
တွေးကြည့်ဖြစ်တဲ့အခါ
ကိုယ့်မှာ ဘာမှမပိုင်ဆိုင်နေတာပဲကောင်းပါတယ်။

ပိုင်ဆိုင်မှုတွေနောက်မှာ
ပူလောင်ရမဲ့ဂုဏ်သတ္တိိတွေကို
ခံနိုင်ရည်မရှိရင်
ဆုံးရှုံးလိုက်ရတဲ့တစ်နေ့
ကိုယ်တို့ ဘဝ တွေက
ဒဏ်ရာအက်ကွဲကြောင်းတွေထဲ
ကျွံကျ နေရုံပဲပေါ့…

တစ်ခါတလေ …
ဘာကိုမှ မပိုင်ဆိုင်ထားရတာက
အကောင်းဆုံးပါပဲ …

Thedream

11/12/2025

တကယ်လို့များ စိတ်ထဲအရှိအတိုင်းပြောကြမယ်ဆိုရင်
ဒီကမ္ဘာကြီး ဘာဖြစ်နေမလဲ ဆိုတဲ့အတွေးတွေ
တွေးကြည့်ကြဖူးလား ..

ရင်ထဲမပါတဲ့ စကားတွေ
အသက်မပါတဲ့ အပြုံးတွေ
မသေရဲလို့ ရှင်နေရတဲ့ အသက်ရှင်သန်မှုတွေ
သွေးမထွက်တဲ့ စိတ်အနာတွေ
ရပ်တန့် ပြီး အော်ငိုချင်မိတဲ့အခိုက်အတန့်တွေ ကိုယ်စီနဲ့..

Thedream

09/12/2025

ဟယောင်ရေ 🥹

မနက်စောစော အဝတ်လျှော်ဖို့သွားအပ်တာ
ဆိုင်က ခွန်ထိုင်းက " အင်းကျီမှာ ဖမာ့စာ " ပါလာလို့
ငါ့ကိုဘာသာပြန်ခိုင်းတာ ... ငါဘယ်လိုပြန်ပေးရမှန်း
မသိဘူး .. အဲ့လောက်ကြီးကြ မပျော်တော့ဘူး ..🥹

08/12/2025

ငါ …
ထွက်ခွာသွားတဲ့
မနက်ဖြန်ကို သူ့နားရောက်အောင်
တစ်ခုခု မထည့် ပေးလိုက်ရဘူး ။

ခံစားချက်တွေ အသက်မဲ့လာတဲ့အခါ
လွမ်းသာလွမ်းနေရတာ
အဓိပ္ပါယ် ကမရှိတော့ဘူး…

ပြန်လာမယ်အထင်နဲ့
နွေဦးနဲ့စကားတွေပြောခဲ့တယ်
မင်း ပျော်နေတဲ့မြေကမ္ဘာက
စိမ်းလန်းနေတယ် လို့ကြားရတဲ့အခါ
ငါ့ ကိုဖြေသိမ့်ဖို့

" ငါ့ကိုငါလိုလာတယ်"

ငါ ပဲရှိတယ်
ငါ တစ်ယောက်တည်းပဲ
ပြီးတော့ ငါ့မျက်ရည်တွေကောပေါ့
အလွမ်းတွေကောပဲ
အိပ်လို့မရတဲ့အခိုက်အတန့်တွေ
စာအုပ်ပေါ်မှာ
ကဗျာလေးတွေရေးတယ် ။

ထင်မှတ်မထားတဲ့ အချိန်တွေ
ဆိုက်ရောက်လာတဲ့အခါ
ငါဟာ အထီးကျန်ရတာကို
လက်သင့်ခံလိုက်ရတာပဲ…

"အနည်းဆုံးတော့
သတိမရ ဘူးလို့ပြောပြီ
ခိုးခိုးကြည့်ရတာပဲ "

ပျော့ညံ့သူတွေ
သစ္စာရှိတဲ့သူတွေ ရဲ့ ကမ္ဘာမှာတော့
အမြဲတမ်း နာကျင်စရာတွေပဲ
ပေါက်ရောက် ရှင်သန်ပါတယ် ။

ဟော… ခုတောင်…
တစ်မြေကမ္ဘာလုံး
နာကျင်ခြင်းတွေ ဝေဆာနေတာပဲ ။

#အိပ်မပျော်တဲ့အခါကြယ်တွေကိုငေးပါ
11:02
Thedream

08/12/2025

ဒီနှစ်တွေထဲမှာ လူတွေကို
တော်တော်ကြီးခွင့်လွှတ်ဖြစ်ခဲ့တယ်ပေါ့
ကိုယ့်ဘာသာကိုလည်းအံ့သြမိပါတယ်
တစ်ခါတလေ ဒီလိုပါပဲ
ကိုယ်တိုင်က ကောင်းရဲ့လားလို့ပြန်မေးရင်း
တခြားလူတွေရဲ့ အပြစ်တွေကို
မြင်မနေတော့ဘူး ကျွန်တော်ကောင်းဖို့ပဲ
တွေးဖြစ်တယ်ပေါ့ ။

Thedream

07/12/2025

"ည ကိုတစ်ခြမ်းစောင်းတော့
စိတ်ဟာ နိမ့်ရာကိုစီးဆင်း
မနက်ဆိုက်မကပ်ခင်
ငါမျှော်လင့်တဲ့ အိပ်မက်လေးဟာ
လှမှလှပါ့မလား လို့
တွေးရင်း ငါအိပ်ဖို့ကြိုးစားခဲ့တာ
ညတွေသာနက်ရင်း
အချိန်တွေ ရွေ့လျားသွားလာ..

အချစ်ရေ.. ငါဟာ မင်းဆီရောက်ဖို့
သက်တန့်တွေပေါ်လမ်းလျှောက်နေတဲ့ကောင်ပေါ့..."

Thedream

07/12/2025

ဘယ်အရာမဆို
ဘယ်ကိစ္စမဆို အချိန်တစ်ခုရောက်ရင်
သူ့ဘာသာသူ ပြီးဆုံး သွားရတာပဲ
တိမ်မြုပ်သွားရတာပဲ
ပျောက်ကွယ်သွားကြတာပဲ
အရာအားလုံးကိုဖက်တွယ်ပြီး
ဆုပ်ကိုင်ထားတဲ့ သူကသာ
ပင်ပန်းနွမ်းလျပြီး ကျန်နေမြဲပါပဲ...

အဲ့ဒါကြောင့် ဒီနောက်ပိုင်း ဘယ်ကိစ္စမဆို
ဘယ်သူ့ကိုမဆို သိပ်ပြီး တပ်မက်ပြင်းပြတဲ့
စိတ်ဆန္ဒနဲ့ ချစ်နှစ်သက်ဖြစ်ဖို့ မကြိုးစားတော့ဘူး။

Thedream