Saeed

02/09/2026

ابوظہبی میں نئے تعلیمی سال کا آغاز بچوں کے لیے خوشگوار یاد بن گیا، اسکول واپسی کے موقع پر ابوظہبی پولیس اہلکاروں نے طلبہ اور والدین کا استقبال کیا، جہاں بچوں کو تحائف دیے گئے اور سڑکوں پر حفاظت سے متعلق اہم پیغامات بھی دیے گئے، ٹریفک اور سیکیورٹی پٹرولز ڈائریکٹوریٹ کی جانب سے کی جانے والی اس مہم کا مقصد اسکولوں کے اطراف ٹریفک نظم و ضبط بہتر بنانا اور طلبہ کی حفاظت کو یقینی بنانا تھا، پولیس حکام نے کہا کہ تعلیمی سال کے آغاز پر فیلڈ موجودگی بڑھا کر بچوں اور والدین کو محفوظ ماحول فراہم کرنے کی کوشش کی جا رہی ہے۔

02/09/2026

❤️

02/09/2026

سعودی عرب کے شہر ریاض میں مقیم ایک پاکستانی نوجوان کی محنت اور لگن کی شاندار مثال سامنے آئی ہے، جس نے چار سال تک کسی اور کی گاڑیوں کی ڈیکوریشن کی دکان پر ملازمت کی اور اس دوران کام کو مکمل طور پر سیکھا۔ آج اسی تجربے کی بنیاد پر اُس نے اپنی خود کی گاڑیوں کی ڈیکوریشن کی شاپ قائم کر لی ہے، جو نہ صرف اُس کے لیے ایک کامیاب کاروبار بن چکی ہے بلکہ اس نے 15 دیگر افراد کو بھی روزگار فراہم کیا ہے۔ یہ کہانی ثابت کرتی ہے کہ محنت، صبر اور مستقل مزاجی سے انسان اپنی قسمت خود بدل سکتا ہے، اور بیرونِ ملک محنت کرنے والے پاکستانی نوجوان کس طرح اپنی صلاحیتوں سے نہ صرف خود کو بلکہ اپنی کمیونٹی کو بھی فائدہ پہنچا رہے ہیں۔

02/09/2026

دو سال قبل روزگار کی تلاش میں یو اے ای آنے والے اس ڈلیوری رائیڈر نے سائیکل سے اپنا سفر شروع کیا اور آج موٹر سائیکل پر محنت کر کے اپنے خاندان کی کفالت کر رہا ہے۔ اس کا کہنا ہے کہ یو اے ای نے اسے آگے بڑھنے اور محنت کرنے کے مواقع دیے، اسی لیے جو لوگ یہاں ایمانداری اور مخلصی سے محنت کرتے ہیں، یو اے ای بھی انہیں آگے بڑھنے کے مواقع فراہم کرتا ہے۔ رائیڈر نے اپنے تجربے کو بیان کرتے ہوئے کہا کہ اس ملک نے اسے بہت کچھ دیا اور وہ اپنی محنت کو ہمیشہ قدر کی نگاہ سے دیکھتا ہے۔

02/09/2026

02/09/2026

کراچی میں جاری ورلڈ کلچر فیسٹیول میں شرکت کے لیے پاکستان آنے والی سویڈن کی معروف وال پینٹر ڈومی فاریسٹ نے پاکستانیوں کی روایتی مہمان نوازی کی کھل کر تعریف کی ہے۔
اپنے پہلے دورۂ پاکستان کو ایک سحر انگیز اور محبت سے بھرپور تجربہ قرار دیتے ہوئے انہوں نے کہا کہ یہاں کے لوگوں کی مثالی شفقت نے انہیں بے حد متاثر کیا ہے۔ اپنے قیام کے دوران وہ دو بڑی علامتی دیواریں پینٹ کر رہی ہیں، جن میں سویڈن کی قدیم نورڈک دیومالائی کہانیوں کو پاکستانی ثقافت کے رنگوں میں ڈھالا جا رہا ہے۔ ان کے یہ منفرد فن پارے انسانی رشتوں، اتحاد اور طاقت کی خوبصورت عکاسی کرتے ہیں۔

02/09/2026

سعودی ہاتھوں نے انسانیت کو نئی زندگی دے دی

ہنگری میں سعودی طبی ٹیم نے انسانیت کی ایک خوبصورت مثال قائم کرتے ہوئے یوکرینی پناہ گزینوں کے لیے 21 مصنوعی اعضا نصب کر دیے۔

یہ تمام طبی خدمات مفت فراہم کی گئیں اور اس کے عوض کسی قسم کی مالی معاوضہ وصول نہیں کیا گیا۔ سعودی طبی ماہرین کی اس کاوش کو متاثرہ افراد کی زندگی میں دوبارہ خودمختاری اور امید بحال کرنے کی جانب اہم قدم قرار دیا جا رہا ہے۔

انسانیت کی خدمت، سرحدوں سے بالاتر ہوتی ہے۔

02/09/2026

سعودی عرب کے شہر ابہا کے شمالی علاقے میں پکنک منانے والے افراد کو اچانک موسم کی شدید تبدیلی کا سامنا کرنا پڑا۔ علاقے میں بارش کے ساتھ ژالہ باری شروع ہوگئی، جبکہ شمالی سمت سے آنے والی ٹھنڈی ہواؤں نے موسم مزید سرد کردیا۔ اچانک ہونے والی بارش اور ژالہ باری کے باعث پہاڑی علاقے نے ڈرامائی منظر اختیار کرلیا، جس کی ویڈیوز اور تصاویر سوشل میڈیا پر توجہ حاصل کر رہی ہیں