Toosane

20/12/2025

Sargal caqli badan 😂

09/12/2025

Musharrax Zamzam Abdullahi Abayle

Musharrax Golaha Degaanka Degmada Yaaqshiid

Samsam Abdullahi Abayle waa shaqsi da’yar oo hufan, lehna aqoon iyo howl-karnimo ay ku dheehan tahay u adeegidda bulshada Yaaqshiid. Waxay u istaagtay doorashada Golaha Degaanka iyadoo ka go’an inay ka shaqeyso horumar dhab ah oo ku dhisan isla-xisaabtan, adeeg bulsho oo casri ah iyo ilaalinta xuquuqda muwaadiniinta.

Waxa ay diiradda saaraysaa:

Kobcinta adeegyada muhiimka ah
Dhiirrigelinta dhalinyarada si ay uga qayb qaataan ganacsiga, xirfadaha iyo shaqo-abuurka.

Horumarinta haweenka iyo in doorkooda hoggaamineed bulshada la xoojiyo.

Daahfurnaan iyo wadashaqayn joogto ah oo lala yeesho bulshada deegaanka.

Samsam waa astaan matasha codka haweenka, dhalinyarada iyo dhammaan dadka raba isbedel wanaagsan. Waxay ballan qaaday in ay noqoto codkii bulshada, ayna ilaalin doonto danaha deegaanka si daacadnimo iyo karti leh.

Reer Yaaqshiid Codkiina Ku Taageera Samsam Abdullahi,

06/12/2025

13/11/2025

12/11/2025

Kenya ayaa dadaal badan ku bixinaysa kursiga uu dhawaan iska casilay garsooraha Soomaaliga ah, Cabdulqawi Axmed Yuusuf ee maxk**adda dembiyada caalamiga ee ICJ, iyadoo Kenya ay booskaa oo maanta golaha guud ee Qaramada Midoobay ay cod u qaadayaan u doonayso inay buuxiso haweenay garsoore ah oo lagu magacaabo Phoebe Nyawade Okowa.

Sierra Leone, Nigeria iyo Ghana ayaa sidoo kale ka mid ah dalalka u tartamaya jagadan oo u baahan inay u codeeyaan golaha guud ee Qaramada Midoobay iyo golaha ammaanka.

Fiiro gaar ah;

Kenya , markii ay ku guul-darraysatay oo Soomaaliya uga adkaatay dacwadii badda ee lagu qaaday ICJ, waxay muhiimad u arkeysay inaysan ka maqnaan kuraasta sharciyada caalamiga ah, ma cadda hadda doonista badan ee kursigan ay ku bixinayso inay dooddo sharci ku raadinayso.

10/11/2025

‎Farqiga u dhexeeya E-Visa iyo ETA (Electronic Travel Authorization)
‎
‎E-Visa (Electronic Visa): Waa nooc dal ku gal oo digital ah, badanaa waxaa loogu talagalay dadka ku qasban iney fiiso u qaataan dalka ay u socdaan, sidoo kale waxaa loogu talo galay joogitaan dheer ama hawlo gaar ah, wuxuuna leeyahay hab codsi oo faahfaahsan.
‎
‎
‎ETA (Electronic Travel Authorization):
‎
‎Ma aha fiiso buuxa, waa ogolaansho safar oo loogu talagalay muwaadiniinta dalalka aan u baahnayn fiiso rasmi ah. Waxaa la xaqiijiyaa in aad u qalanto inaad safarto dal.
‎
‎Haddii dal uu soo rogo nidaamka ETA, qofka aan haysan ETA ansax ah: Lama siin karo Boarding Pass (kaarka kursiga diyaarada)
‎
‎
‎Si Kooban:
‎
‎E-Visa = Fiiso rasmi ah.
‎
‎ETA = Oggolaansho safar oo aan fiiso buuxda ahayn, balse lagama maarmaan ah si loo helo Boarding Pass-ka diyaarada.
‎
W/Q: Abdifitah Dahiye

09/11/2025

Dowladda Federaalka Soomaaliya ayaa qorsheyneysa in ay dhaqan geliso nidaamka cusub ee Electronic Travel Authorisation (ETA), kaas oo si buuxda u xakameyn doona socdaalka rakaabka ka duulaya ama u socda Soomaaliya oo ay ku jiraan dhamaan garoomada Caalamiga ah sida Muqdisho, Hargaysa, Garowe iyo Bosaso.

Nidaamkan oo bilaabanaya 27-ka Nofeembar 2025, ayaa si toos ah ugu xirnaan doona nidaamka duulimaadyada shirkadaha diyaaradaha (Departure Control System – DCS) iyo nidaamka xog isdhaafsiga rakaabka (API/PNR) sida uu muujinaayo documents ay aragtay Warbaahinta Inside Somalia.

Marka ETA la hawlgaliyo, lama oggolaan doono in rakaab loo saaro diyaarad ku socota Hargeysa ama meel kale oo ka mid ah Soomaaliya, haddii uusan oggolaansho ka haysan nidaamka ETA ee dowladda Soomaaliya.

Nidaamkan cusub ayaa siinaya dowladda Soomaaliya awood ay ku aragto xogaha socdaalayaasha oo ay ka mid yihiin:

-Magaca buuxa, taariikhda dhalashada iyo faahfaahinta baasaboorka

-Taariikhda safarka iyo fiisayaasha h**e

-Faahfaahinta tigidka iyo goobta uu ku socdo rakaabku

Khubaradu waxay sheegeen in nidaamkan ka adag yahay fiisaha elektaroonigga ah (E-visa), isla markaana uu saameyn weyn ku yeelan doono shirkadaha duulimaadyada sida FlyDubai iyo Ethiopian Airlines, kuwaas oo aan awoodi doonin in ay bixiyaan “boarding pass” ilaa oggolaansho laga helo nidaamka ETA ee Muqdisho.

Tan ayaa ka dhigan in Hay'adda socdaalka qofka ay doonto ka reebi karto diyaarada sidoo kale ay hayso dhamaan xogta dadka diyaarada saaran.

Tallaabadan ayaa loo arkaa mid amni iyo siyaasadeed oo Soomaaliya ku muujinayso in ay gacanta ku hayso hawadeeda iyo nidaamka socdaalka dalka, taasoo si toos ah u taaban karta cidkaste oo ka hor imaata.

Inside Somalia

03/11/2025

Dawladda Federaalka ah ayaa xoojisay amarkeeda ah in qof aan sidan dal ku galka Soomaaliya [eVisa] uusan u safri karin Soomaaliya. Boqolaal qof oo aan eVisa haysan iyo kuwo ku socday Somaliland ayaa ku xaniban madaarada qaar kamid ah dalalka Yurub.

Dhanka kale warqad Hay'adda Socdaalka ee Somaliland dadka qaar u samaysay ayaa la diiday oo shaqeyn weyday, keliya qofka sita kaadhka Dhalashada Somaliland bixiso ayaan la weydiinaynin eVisa Soomaaliya, dadkaas oo si caadi ah ugu safri kara Hargeysa.

Ilaa 9 ruux oo ka baxay dalalka Belgium, Sweden & Denmark kuwaaso sita kaadh dhalasho oo Somaliland ah iyo Passportkooda shisheeye una socday Hargeysa ayaan lagu xidhin shuruuda eVisa Soomaaliya si caadi ah ayayn u dhoofeen.

24 kii saacadood ee lasoo dhaafay Dawladda Federaalka ah ayaa shirkaddaha Diyaaradaha ee Itoobiya, Turkiga, Qatar, Fly Dubai iyo kuwa kale ee u safra Soomaaliya u kala dirtay amaro k**a dambays ah oo dhigaya in diyaaradii soo qaada qof aan dal ku galkeeda sidan ay ganaaxyo culculus wajihi doonto.

01/11/2025

Birmada 🇸🇴

27/10/2025

Weerar culus ayaa goordhow rag hubeysan oo ka tirsan maleeshiyaadka AS ku qaadeen degmada Kaxda gaar ahaan bar kontorool oo ciidanka dowladda ku sugnaayeen.

Weerarka ayaa ku bilowday qaraxyo iyo jug culus, kadibna rasaas kala duwan ayaa hadda laga maqlayaa gudaha degmada Kaxda

Dadka deegaanka ayaa soo sheegaya in dagaal culus uu dhexmarayo kooxda weerarka soo qaaday oo loo badinayo maleeshiyaadka AS iyo ciidamada dowladda.

27/10/2025

MADAXWEYNAHA DOWLADDA HIRSHABEELLE OO WAX KA BEDDEL KU SAMEEYAY QAAR KA MID AH GOLIHIISA WASIIRRADA

Jowhar, 27-Oktoobar-2025: Wareegto kasoo baxday xafiiska Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa wax ka beddel loogu sameeyay qaar ka mid ah Golaha Wasiirrada Dowladda Hirshabeelle.

Markii uu arkay Madaxweynaha qoddobada 56-aad iyo 57-aad ee Dastuurka Dowladda Hirshabeelle iyo sida ay muhiimad ugu leedahay in la helo wasiirro gudan karo waajibaadkooda shaqo.

Madaxweynaha Dowladda Hirshabeelle ayaa isbeddel ku sameeyay hoggaanka Wasaaraddaha Shaqadda, Tamarta, Warfaafinta iyo Maaliyadda.

Shaxda hoose ayaad ka arki karta wax ka beddelka qaar ka mid Golaha Wasiirrada Dowladda Hirshabeelle.

DHAMMAAD.