23/10/2025
Guddiga Madaxa Bannaan Ee Doorashooyinka Qaranka
Madaxweynaha jamhuuriyadda federaalka somalia mudnae Hassan Sheikh Mohamud
Raisulwasaaraha xukuumaddii danqaran mudane Hamza Abdi Barre
Madaxweynaha Dowladda goboleedka Hirshabelle State House mudane Ali Gudlawe Hussein
Xildhibaan Mohamed Ibrahim Moalimuu
Xildhibaan Hon Mohamud Abdirahman Beenebeene
Khalif Abdi Omar
Xildhibaan Mohamed Abdullahi Hassan - Nuux
Maqaal Baaritaan ah: Xildhibaan Nuux iyo Khilaafyadii Doorashooyinka Hirshabelle
Qore: Hillac Media Investigations
Goobta: Beledweyne & Jowhar, Soomaaliya
Taariikh:23 October 2025
Doorashooyinkii ka dhacay Soomaaliya sanadkii 2016 ayaa xasuus gaar ah ku reebay shacabka Hirshabelle, gaar ahaan magaalada Beledweyne, kadib markii xildhibaan Nuux uu ku kacay falal muran iyo qalalaase dhaliyay intii uu socday tartanka kursigiisa.
Markii codadkii ugu badnaa laga helay, Nuux wuxuu istaafkiisii ku amray inay damiyaan leedhkii hoolka, taas oo sababtay in goobta ay ka dhalato fowdo iyo jahwareer doorasho. Rasaas ay fureen istaafkiisa ayaa sababtay dhaawacyo soo gaaray ergadii iyo dad shacab ah, iyadoo halkaas uu si cad uga muuqday qorshe lagu carqaladeynayo natiijada doorashada.
Markii uu Muqdisho tegay, Nuux wuxuu bartilmaameed ka dhigtay odayaashii soo xulay ergada iyo ergadii codaysay, isagoo qaar ka mid ah cabsi geliyay, halka kuwo kalena ay si khasab ah uga carareen magaalada.
Inkastoo guddiyada doorashada 2016-ka ay si rasmi ah uga reebeen kursigaas, hadana Nuux wuxuu isku caleema-saaray gurigiisa magaalada Muqdisho, isagoo si sharci-darro ah ugu dhawaaqay inuu yahay xildhibaan. Weli ma uusan cafis ama wada-hadal la galin ergadii iyo odayaashii ka soo horjeeday, kuwaas oo ilaa maanta ka cabsi qaba falcelin siyaasadeed ama amni.
Markii la gaaray doorashadii 2021–2022 ee ka dhacaysay Beledweyne iyo Jowhar, Nuux wuxuu wajahay tartan adag oo ay ka qeyb galeen musharrixiin rag iyo dumar miisaan culus leh. Wuxuu markaas ogaadey inuusan kursiga ku soo laaban karin ilaa uu meesha ka saaro musharraxa ugu cadcad ee kula tartamayay.
Warbixino lagu kalsoon yahay ayaa muujinaya in Nuux uu fududeeyay weerar argagixiso oo lagu dilay musharrax xildhibaan Alle ha u naxariistee marxuum Dhayib Qanyare, kaas oo halkaas ku geeriyooday.
Sida caadada ahayd, Nuux wuxuu kursigaas markii dambe malxiisad uga dhigay gabar ay walaalo yihiin oo uu Muqdisho ka keenay, taasoo muujineysa heerka uu ku tagay si uu u sii hayo kursiga.
Intaas kuma eka. Sanadkii 2022, musharrixiintii kursigaas doonaysay qaar ka mid ah waxaa argagixisadu ku qarxisay magaalada Beledweyne, halka kuwo kale oo ka badbaaday weerarkaasi ay markii dambe ku dhinteen qarax kale oo ka dhacay hotel Xayaa ee magaalada Muqdisho.
Shacabka iyo indheergarad badan oo reer Hirshabelle ah waxay rumeysan yihiin in cadaaladda Alle ay imaan doonto, isla markaana taariikhdu xusi doonto wixii dhacay — si ay u noqoto cashar iyo digniin mustaqbalka siyaasadda Soomaaliya.
Hillac Media Investigations – “Runta waa hubka bulshada.”
Gugundhabe Community
Mowliid Haji Ali Shuuriye
Ibrahim Abdullahi - Daacad
