RMN Somali tv

RMN Somali tv Contact information, map and directions, contact form, opening hours, services, ratings, photos, videos and announcements from RMN Somali tv, TV Channel, Mogadishu, Banaadir.

Warbaahinta (RMN SOMALI TV) Waxa aad Si Maalinle ah Uga Heli Kartaa Wararka Ugu xiisaha Badan
📺 RMN Somali TV | Raaso Media Network
🌍 Wararka Caalamka — Waqti Sax Ah
📡 Wararka Degdegga | Barnaamijyo | Wareysiyada
🔴 LIVE Maalin Walba
🌐 RmnSomalitv.com

Iiraan oo sheegtay in ay burburisay Maraakiib uu leeyahay Maraykanka.War kasoo baxay ciidanka Ilaalada Kacaanka Iiraan a...
11/09/2026

Iiraan oo sheegtay in ay burburisay Maraakiib uu leeyahay Maraykanka.

War kasoo baxay ciidanka Ilaalada Kacaanka Iiraan ayaa lagu sheegay in labo markab oo Maraykanka uu leeyahay la beegsaday isla markaana la burburiyay kaddib markii howlgal ku socday jiho saxan lagu bartilmaameedsaday.

Iiraan ayaa digniin u dirtay maraakiibta uu Maraykanka iska soo hormarinayo si ay u gudbaan Marinka Hormuz, waxaana ay ciidanka Ilaalada kacaanku shaaciyeen in ay ka war qabaan xogaha la xiriira dhaqdhaqaaqa dhinaca badda.

Tehran ayaa ku dhawaaqday in ay kordhisay howlgallada ka dhanka ah dhinaca badda iyada oo muujinaysa awooddeeda Marinka Hormuz oo horay Madaxweynaha Maraykanka, Donald Trump uu ku dhawaaqay in marinkaas uu yahay dhul kamid ah Ameerika.

Ma jiro war kasoo baxay Maraykanka oo lagu faahfaahiyay howlgalka lagu beegsaday labada Markab ee Iiraan ay shaacisay in ay burburisay, waxa ay tani kusoo beegmaysa saacado kahor markii Tehran ay sheegtay in ay burburisay diyaarado dagaal oo Washington ay leedahay.

Dowladda Ruushka ayaa heshiis dhaqaale la gaartay Iiraan si looga fududeeyo cunaqabateynta.Wasiirka Maaliyadda Iiran, Se...
09/09/2026

Dowladda Ruushka ayaa heshiis dhaqaale la gaartay Iiraan si looga fududeeyo cunaqabateynta.

Wasiirka Maaliyadda Iiran, Seyed Cali Madanisadeh, ayaa sheegay in Iran iyo Ruushka ay gaareen heshiis dhaqaale oo cusub, kaas oo sida uu sheegay furaya fursado cusub isla markaana kordhinaya awoodda Iran ay ugu adkeysan karto cunaqabateynta caalamiga ah.

Madanizadeh ayaa hadalkan ka sheegay magaalada Moscow, kaddib markii uu sheegay in labada dal ay sii xoojin doonaan heshiis dhaqaale oo ay h**e u gaareen.

Wasiirku wuxuu sheegay in dhowr heshiis iyo qandaraasyo la diyaariyey, kuwaas oo diiradda saaraya horumarinta marin ganacsi oo isku xiri doona Iran, Ruushka iyo dalal kale oo gobolka ah.

Mashruucan ayaa loogu talagalay in lagu fududeeyo isu-socodka badeecadaha iyo ganacsiga u dhexeeya waqooyiga iyo koonfurta.

Heshiiskan ayaa kusoo beegmaya xilli Iran ay wajahday cadaadis dhaqaale oo xooggan iyo cunaqabateyn cusub.

Mareykanka ayaa weli si adag u dhaqangelinaya cunaqabateynta Iran, iyadoo tallaabooyin dheeraad ah laga qaaday horraantii Sebtembar 2026.

Hay’adaha Samafalka oo ka digay in dagaallada Baydhabo ka dhaca ay sababaan Barakac cusub.Wakiillo kala duwan oo katirsa...
05/09/2026

Hay’adaha Samafalka oo ka digay in dagaallada Baydhabo ka dhaca ay sababaan Barakac cusub.

Wakiillo kala duwan oo katirsan Hay’adaha Samafalka ayaa ka digay barakac cusub oo ka dhallan kara dagaallada kusoo noqnoqday Magaalada Baydhabo ee xarunta kumeel-gaarka ah ee Maamulka Koofur Galbeed.

Mas’uuliyiin katirsan dhowr Hay’ado oo arrimaha Bani aadamnimada ka shaqeeya ayaa sheegay in dagaalladii ugu dambeeyay ee Baydhabo ka dhacay ay sababeen Dhimasho, dhaawac iyo cabsi dadka rayidka ah ee lagu dul dagaalamay.

Waxa ay ka digeen sii xooggaysiga colaadaha iyo caga-juglaynta dhinacyada ku loolamaya siyaasadda ee ku xifaaltamaya gacan ku haynta Magaalada Baydhabo oo xarun kumeel-gaar u ah Maamulka Koofur Galbeed.

Hay’aduhu waxa ay carrabka ku dhufteen in ay jiraan qoysas ka barakacay Magaalada Baydhabo balse ma aysan sheegin tiradooda inta ay gaarsiisan tahay, meelaha ay degeen iyo xaaladda dhabta ah ay ku nool yihiin inkasta oo tirakoob uu ku socdo.

Taliska Booliiska Magaalada Baydhabo ayaa dhowaan sheegay in qoysaska ka barakacay Magaaladaas ay yihiin Xaasaska AS gaar ahaan xubnaha raacay Laftagareen oo ay ku eedeeyeen in ay ku milmeen AS sida hadalka loo dhiga.

Labo qof oo kamid ah Dadkii lagu waayay Daadadkii Nepal oo 9 cisho kaddib nolol lagu helay!Kooxaha Gurmadka ee loo xilsa...
05/09/2026

Labo qof oo kamid ah Dadkii lagu waayay Daadadkii Nepal oo 9 cisho kaddib nolol lagu helay!

Kooxaha Gurmadka ee loo xilsaaray raadinta dadkii lagu waayay daadadkii ku rogmaday Dalka Nepal ayaa soosaaray labo qof oo muddo 9 cisho ah ku xayirnayd god biyo mareen noqday iyaga oo nool sida ay hadalka u dhigeen.

Tani waxa ay dhalisay hadal hayn Bulsho isla markaana rajo gelisay qoysas horay uga quustay dadkooda oo nolol iyo geeri lagu waayay balse la xaqiiqiyay in ay daadadkii la tageen, waxaana ay dalbadeen in baaris lagu sameeyo dadkaas.

Dowladda Nepal ayaa mucjiso ku tilmaamtay waxa dalkeeda ka dhacay marka la eego hal guri oo daadadka ka badbaaday, duurjoog sida maroodi badbaadiyay Dad biyaha la tagay, geedo gabbaad u noqday dad badan iyo hadda oo labo qof nolol lagu helay.

Nepal ayaa raadinta Dadkaas la kaashatay Dalalka deriska la ah ee Shiinaha iyo Hindiya oo ku caawiyay khubarro ku takhasusay baadigoobka Dadka daadadku la tagaan iyaga oo bartilmaameed ka dhigtay meelaha biyuhu isugu tagaan.

DEGDEG: Taliyihii h**e ee Ciidanka Asluubta Soomaaliyeed, Mahad Cabdiraxmaan (Shub), ayaa dhaawac kasoo gaaray gantaal l...
03/09/2026

DEGDEG: Taliyihii h**e ee Ciidanka Asluubta Soomaaliyeed, Mahad Cabdiraxmaan (Shub), ayaa dhaawac kasoo gaaray gantaal lagu dhuftay guriga uu ka deganaa degmada Doolow ee Soomaaliya.

Ilo lagu kalsoonaan karo ayaa RMN Somali tv u sheegay in gantaalku ku dhacay gidaarka guriga, kaas oo qayb ka mid ah uu dumay. Taliyaha iyo dad kale oo la joogay ayaa la sheegay inay soo gaareen dhaawacyo fudud, waxaana loo qaaday goobaha caafimaadka.

Dhawaaqa gantaalka ayaa laga wada maqlay deegaannada ku hareeraysan degmada Doolow.

Wiilka uu dhalay Taliye Shub ayaa qoraal uu soo dhigay baraha bulshada ku sheegay in aabbihii uu nabad qabo, isagoo yiri: “Aabe wuu nabad qabaa, Qabaa Alle dila’a dhinto.”

03/09/2026

Weerarkii Baydhabo saaka maxaa kasoo kordhay? Maamulka Koonfur Galbeed ayaa ka hadlay.

WAR CUSUB :- Madaxweyne Ruto oo Amray in la Xiro Ganacsiyada Yaryar ee ay Leeyihiin Ajaanibta Ku Nool Kenya.Madaxweynaha...
03/09/2026

WAR CUSUB :- Madaxweyne Ruto oo Amray in la Xiro Ganacsiyada Yaryar ee ay Leeyihiin Ajaanibta Ku Nool Kenya.

Madaxweynaha dalka Kenya, William Ruto, ayaa soo saaray amar ku aaddan in la xiro goobaha Ganacsiyada yaryar ee ay leeyihiin dadka Ajaanibta ah.

Amarka Ruto ayaa saameynaya dadka aan u dhalan Kenya ee leh Ganacsiyada hareeraha waddooyinka iyo dukaamada tafaariiqda.

Madaxweyne Ruto ayaa faray in wixii ka dambeeya Isniinta soo socota ay hay’adaha amniga inay bilaabaan hawlgallo lagu xirayo ganacsiyada yaryar ee ay leeyihiin dadka aan u dhalan dalka Kenya.

Amarkan ayuu Madaxweynuhu ku sababeeyay in ganacsiyada yaryar ay xaq u leeyihiin Muwadiniinta Kenya, isla markaasna aysan la tartami karin dadka shisheeyaha ah.

Go’aankan ayaa la filayaa inuu saameyn ku yeesho kumanaan ajaanib ah oo muddo dalkaas ku leh ganacsiyo yaryar, kuwaasi oo ay kamid yihiin Soomaali.

Toogasho ka dhacday bartamaha magaalada Minneapolis ee dalka Mareykanka.Ugu yaraan labo qof ayaa ku dhintay, dhowr kalen...
03/09/2026

Toogasho ka dhacday bartamaha magaalada Minneapolis ee dalka Mareykanka.

Ugu yaraan labo qof ayaa ku dhintay, dhowr kalena waa ay ku dhaawacmeen, oo ay ku jiraan saddex askari oo booliis ah, ka dib markii nin hubeysan uu rasaas ku furay dhismo ku yaalla magaalada Minneapolis ee dalka Mareykanka.

Afhayeenka ciidanka booliska, Garret Parten, oo la hadlay warbaahinta ayaa xaqiijiyay in ninkii weerarka geystay uu isna dhintay, inkastoo aan weli la caddayn qaabka uu u geeriyooday.

Saddex sarkaal oo ka tirsan booliska Minneapolis oo dhaawac ah ayaa iyagana la dhigay isbitaalka Hennepin County Medical Center.

Laba ka mid ah askartaas ayaa qaba dhaawacyo rasaas ah, halka sarkaalka saddexaad uu qabo dhaawac fudud.

Ilaa hadda, boolisku ma bixin faahfaahinta ku saabsan ujeeddada ka dambaysay toogashadan ama aqoonsiga ninka weerarka fuliyay.

Dowlada Federaalka soomaaliya oo war ka soo saartay dagaalka maanta ka dhacay magaalada Baydhabo.Dowladda Federaalka Soo...
03/09/2026

Dowlada Federaalka soomaaliya oo war ka soo saartay dagaalka maanta ka dhacay magaalada Baydhabo.

Dowladda Federaalka Soomaaliya ayaa ka hadashay dagaal khasaare dhaliyay maanta ka dhacay magaalada Baydhabo ee xarruunta Kumeel Gaarka ah ee Dowlad Goboleedka Koofur Galbeed.

War-saxaafadeed ka soo baxay Wasaaradda Gaashaandhiga Soomaaliya ayaa lagu sheegay in Ciidamada Qalabka Sida ay fuliyeen howlgal magaalada Baydhabo looga difaacay Ciidamada taabacsan Laftagareen iyo Xubno ka tirsanaa AS.

“Ciidamada Qalabka Sida ee Soomaaliyeed ayaa saaka abaare 04:15 magaalada Baydhabo ku jabiyey maleeshiyaadka taabacsan Cabdicasiis Laftagareen iyo Khawaarijta Al-Shabaab oo isku milmay, kuwaas oo weerar ku soo qaaday magaalada” ayaa lagu yiri Bayaanka ka soo baxay Wasaaradda Gaashaandhiga.

Sidoo kale, Wasaaradda Gaashaandhiga Soomaaliya ayaa sheegtay in aan marna loo dulqaadan doonin in argagax lagaliyo Amniga magaalada Baydhabo.

Hadalka Dowladda Federaalka ayaa ku soo aadaya xilli dhawaan dowlad goboleedka Koofur Galbeed shaaciyay in ay si buuxda gacanta ugu hayaan magaalada Baydhabo ee gobolka Baay, isla markaasna ay soo afjareen xubnihii weerarka soo qaaday.

Dagaalka saaka ayaa ku soo aadaya xilli dhawaan Maamulka Koofur Galbeed uu Liiska Argagixisada ku daray Hoggaamiyihii h**e ee Koofur Galbeed, Cabdicasiis Laftagareen.

Dowladaha Soomaaliya iyo Shiinaha oo ka wada hadlay dagaal ka Dhan ah Al-Shabaab.Wasiirka Difaaca Soomaaliya, Axmed Maca...
03/09/2026

Dowladaha Soomaaliya iyo Shiinaha oo ka wada hadlay dagaal ka Dhan ah Al-Shabaab.

Wasiirka Difaaca Soomaaliya, Axmed Macalin Fiqi ayaa kulan gaar ah la yeeshay Safiirka Shiinaha u fadhiya Soomaaliya, Danjire Wang Yu.

Kulanka ayaa looga hadlay dagaalka AS iyo iyo iskaashiga difaaca ee u dhexeeya Soomaaliya iyo Shiinaha.

Sidoo kale, Safiirka Shiinaha ayaa xusay in ay Soomaaliya ka taageerayaan dib u dhiska Ciidamaa Qalabka Sida.

Wasiir Axmed Macallin Fiqi ayaa uga mahadceliyay Dowladda Shiinaha garab istaageeda midnimada, madaxbannaanida iyo wadajirka dhuleed ee Jamhuuriyadda Federaalka Soomaaliya.

Kulanka ayaa ku soo aadaya xilli Soomaaliya isku diyaar garoobeyso la wareegida mas’uuliyadda Amniga Dalka, ka dib bixitaanka Ciidamada AUSSOM.

Address

Mogadishu
Banaadir

Telephone

+252615141277

Website

, , ,

Alerts

Be the first to know and let us send you an email when RMN Somali tv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to RMN Somali tv:

Shortcuts

Share

Category