Murcanyo News

Home
Somalia
Bandar Murcaayo
Murcanyo News

Media News Company🎙||Submit interesting Programs And Local Aesthetics|| Based in Puntland Somalia

08/07/2025

Isimadda dhaqanka ee gobalada Sanaag iyo Haylaan ayaa kudhawaaqay in ay kamid yihiin Puntland, kana soo horjeedaan isku day kasta oo gobalkooda lagu sheeganayo.

War-saxaafadeedka isimmada Sanaag iyo Haylaan waxaa si cad loogu sheegay.

1- Gobalda Sanaag & Haylaan waxay kamid yihiin Puntland, oo ay wax ka dhisteen, wax isbedelayna aysan jirin.

2- Waxaanu caddaynaynaa in aanu jirin shir-siyaasadeed oo aanu go'aanno ka soo saarnay.

3- Waxaannu isimmada khaatumo & maamulkooda u caddaynaynaa in aanay jirin cid wakiil ka ah Sanaag & Haylaan oo aanu u dirnay shirka Laascaanood, qaybna k**a nihin wax kasta oo ka soo baxa.

4- waxaan isimmada walaalahayo ee Siciid Harti ka dalbanaynaa in ay raalligelin buuxda ka bixiyaan faragelinta beelaha Sanaag & Haylaan.

5- Beesha Caalamka waxaan u caddaynaynaa in aanu jirin shir aan yeelanay & maamul-dhisid cusub oo aanu cid la galnay ama la geleyno.

6- DFS waxaan ugu baaqaynaa in ay qabato wixii loo doortay kana fogaato isku-dirka beelaha walaalaha & deriska ah.

08/07/2025

Guddiga doorashada gudoomiyaha degmada Bosaaso ayaa soo saaray liiska rasmiga ah ee murashixiinta duqa degmada Bosaaso.

07/07/2025

: Ciidamo taabacsan wasiirka Ganacsiga dawlada federaalka ayaa makhribkii soo galay degmada Dhahar. Ciidamo jooga saldhiga degmada ayay goordhaweyd is xabadeeyeen wax khasaaro ah lama sheegin. Wasiirka ayaa la filayaa inuu booqdo degmada Dhahar maalinta berito sida wararku sheegayaan. Wasiirka ayaa kasoo jeeda deegaanka.

07/07/2025

Madaxweyne Deni "SSC-Khaatumo waxaan leeyahay Sool Iimaansada, haddaad idinku rabtaan inaad baxdaan gobol kale oo Puntland ah ma qaadanaysaan, Dawlada Federalka ah waxba kuma faa'iidi doonto qalalaaasaha ay wadaan".

06/07/2025

“Waa inuusan ka yarayn 25-Sano waana inuu haysto shahaado jaamacaded Waana inuu bixiyo $4000 ” Akhriso shuruudaha laga doonayo Duqa degmada Bosaaso.

05/07/2025

PUNTLAND: Xiisad ayaa ka taagan degmada Carmo ee gobolka Bari, halkaasi oo dhallinyaro aqoonyahanno ah oo loo tababarayey ciidannimo ay sameeyeen gadood, iyaga oo qaybtood ka baxday Kulliyada Booliiska Soomaaliyeed ee halkaasi oo lagu tabarayey.

Ciidanka ayaa la sheegey in ka cabanayaan mushar la'aan iyo muddada tababarka oo la kordhiyey, dowladdu se k**a aysan hadlin weli.

29/06/2025

BOOSAASO: Qaar kamid ah ciidamada dowladda Puntland ee ku soo dhaawacmay dagaalka Calmiskaad ayaa sameeyey isu-soo-bax; iyaga oo ka cabanaya daryeel la'aan.

26/06/2025

PUNTLAND: Duqii degmada Carmo ee gobolka Bari, Maxamed Cali Shire ayaa is casiley, isaga oo ka hor-dhacay mooshin xil-ka-qaadis ah oo ka dhan ahaa.

Kalfadhiyada Golayaasha Deegaanka Puntland ayaa furistoodu socotaa todobaadkan, iyada oo degmooyinka qaar u guuxayaan isbeddelo.

26/06/2025

🚨Madaxweynayaasha Puntland iyo Jubbaland ayaa maanta soo saaraya war-murtiyeedka shirar u socday maalmihii la soo dhaafay; iyada oo isla maanta Madaxweyne Madoobe uu dib ugu laabanayo Kismaayo — Waxa ay qaadacayaan wax-ka-beddelka dastuurka & hannaanka doorashooyinka tooska ah ee ay waddo DFS, iyaga oo ku baaqaya shirweyne Soomaaliyeed oo wadatashi.

War-murtiyeedkoodu wuxuu imanayaa xilli Madaxtooyada & Madasha Mucaaridka ay shalay sheegeen in ay isku raaceen in ay shirar ka yeeshaan; Doorashooyin toos ah oo heshiis lagu yahay & wax-ka-beddelka dastuurka.

24/06/2025

Wasiirka Qorshaynta Puntland: "Baanka Adduunku wuxuu dalka ka wadaa 24 mashruuc annaga 6 keli ah ayaan haynaa, Midowga Yurub waxay wadaan 82 waxaan haynaa 11 keli ah."

24/06/2025

: Yuusuf Maxamed Maxamuud Hankuduul ayaa loo magacaabay gudoomiyaha dhalinyarada iyo ciyaaraha ee gobolka Karkaar ka dib digreeto ay soosaartay wasiirka dhalinyarada iyo ciyaaraha Puntland Hodan Said.

Yuusuf mudo dheer ayuu ku jiray ciyaaraha, isagga oo soo noqday masuul sare oo ka tirsan xariirka kubada cagta Puntland, macalin kooxeed ilaa ciyaaryahan, hadana waxa uu ku biiray masuuliyiinta wasaarada ciyaaraha iyo dhalinyarada Puntland.

24/06/2025

GAROOWE: Madaxweynayaasha Puntland iyo Jubbaland, Siciid Deni & Axmed Madoobe ayaa yeeshey shirar doceedyo ay si weyn isugu afgarteen in ay iskaashaadaan isla markaasna ay isku mowqif ka noqdaan; siyaasadda dalka, doorashooyinka & dastuurka, iyaga oo soo saaraya dhawaan war-murtiyeed wadajir ah oo ku aadan siyaasadda dalka ayna kaga soo horjeedaan tallaabooyinka Villa Somalia ee doorashooyinka qof & cod iyo wax-ka-beddelka dastuurka.

Madaxweyne Deni oo markale loo hadal-hayo u baratanka Madaxweynaha JFS ayaa garabsanaya Jubbaland mar kale; halka DFS ay weli haysato KGS, Galmudug & Hirshabeelle oo ay u samaysay muddo-kordhin iyo SSCKhaatumo oo ay siisey aqoonsi maamul-goboleed — Dhinacani waxay dhammaanrood doonayaan doorasho qof & cod ah, inta ay la gaadhaba.

Siyaasiyiinta Mucaaridka Muqdisho oo ay hor-kacayaan madaxdii h**e oo la ballansan Madaxweyne Xasan Shiilh; iyagu ma doonayaan doorashada qof & cod ee Villa Somalia mana doonayaan in lagu laabto doorashadii Dad-banayd ee 2022, waxay ka shaqaynayaan doorasho aysan gacanta ku hayn Villa Somalia & Dowlad-goboleedyada midna — sida ay shalay sheegeen.

Maxaa xal u aragtaa adigu?

Address

Bandar Murcaayo

Telephone

+252702003719

Website

https://twitter.com/Murcanyonews?t=7PzItYdskceQzMyAMC_Thw&s=09, https://youtube.com/channel/UCzsfJmAPOv5WqQG5fwXmCvg

Alerts

Be the first to know and let us send you an email when Murcanyo News posts news and promotions. Your email address will not be used for any other purpose, and you can unsubscribe at any time.