Radio Warsan - Baidao

Radio Warsan - Baidao Warbaahinta Warsan Isha Wararka Koonfurta Soomaaliya

Shirka Toddobaadlaha ah ee Amniga Koonfur Galbeed.Baydhabo, 13 Agoosto 2026: Maanta magaalada Baydhabo waxaa lagu qabtay...
13/08/2026

Shirka Toddobaadlaha ah ee Amniga Koonfur Galbeed.

Baydhabo, 13 Agoosto 2026: Maanta magaalada Baydhabo waxaa lagu qabtay shirka toddobaadlaha ah ee amniga Dowladda Koonfur Galbeed Soomaaliya, oo uu shir-guddoomiyay Wasiirka Wasaaradda Amniga Gudaha, Mudane Isaag Maxamed Isaag (Korsaar), waxaana shirka qayb ka ahaa Wasiirka Wasaaradda Maaliyadda, Mudane Hussein Mohamed Hagi Hassan (El Hagi),iyo saraakiisha laamaha amniga.
Shirka waxaa looga hadlay xaaladda guud ee amniga deegaannada Koonfur Galbeed, xoojinta wada-shaqeynta hay’adaha amniga, kordhinta feejignaanta ciidamada iyo qorshayaasha lagu adkeynayo nabadda iyo xasilloonida.
Sidoo kale, waxaa si gaar ah looga hadlay nidaaminta dakhliga dowladda, habraacyada canshuuraha iyo kastamka, iyo nidaaminta soo gelinta iyo ganacsiga qaadka ee magaalada Baydhabo.
Kadib dood iyo falanqayn, shirka waxaa laga soo saaray go’aanno iyo awaamiir lagu xoojinayo amniga, nidaamka dakhliga dowladda iyo ilaalinta habraacyada canshuuraha iyo kastamka, kuwaas oo dhaqan galaya laga bilaabo maanta oo ay taariikhdu tahay 13 Agoosto 2026.

Guddoomiyaha Guddiga Madaxa-bannaan ee Xuquuqul Insaanka Qaranka (GMXIQ), Dr. Maryam Qasim, ayaa maanta Muqdisho kula ku...
13/08/2026

Guddoomiyaha Guddiga Madaxa-bannaan ee Xuquuqul Insaanka Qaranka (GMXIQ), Dr. Maryam Qasim, ayaa maanta Muqdisho kula kulantay Wakiilka cusub ee hay’adda UNDP ee Soomaaliya, Christophoros Politis, oo ay ka wada hadleen xoojinta iskaashiga u dhaxeeya labada hay’adood ee Guddiga iyo UNDP.
Guddoomiyaha iyo Wakiilka waxay si gaar ah diiradda u saareen kobcinta awoodda Guddiga, ilaalinta iyo horumarinta xuquuqda aadanaha, isku-duwidda iyo xoojinta isla shaqeynta hay’adaha kala duwan ee ku hawlan ilaalinta xuquuqul insaanka, iyo fursadaha lagu abuuri karo barnaamijyo wadajir ah oo bulshada wax loogu qabanayo mustaqbalka.
Kulanka oo ay sidoo kale ka qaybgaleen Agaasimaha Guud ee Guddiga Mustafa Axmed Maxamuud, iyo Madaxa Barnaamijyada Dowlad wanaagga UNDP, Evariste Sibomana ayaa qayb ka ahaa dadaallada Guddiga uu ku xoojinayo hawlihiisa, iskaashiga hay’adaha caalamiga ah ee ay wada shaqeeyaan iyo gudashada waajibaadkiisa qaran ee ilaalinta iyo horumarinta xuquuqda aadanaha Soomaaliya.

Guddoomiyaha Hay’adda Maareynta Musiibooyinka Qaranka Soomaaliyeed (SoDMA), Mudane Maxamuud Macallin Cabdulle, ayaa kula...
13/08/2026

Guddoomiyaha Hay’adda Maareynta Musiibooyinka Qaranka Soomaaliyeed (SoDMA), Mudane Maxamuud Macallin Cabdulle, ayaa kulan la yeeshay Agaasimaha Horumarinta Boqortooyada Midowday (UK), Mudane Chris Pycroft.
Kulanka waxaa looga hadlay xaaladda bani’aadannimo ee Soomaaliya, khataraha la xiriira isbeddelka cimilada iyo saadaasha El Niño, iyo sidii loo xoojin lahaa diyaar-garowga iyo awoodda Soomaaliya ee ka jawaabista musiibooyinka.
Agaasimaha Horumarinta UK, Chris Pycroft, waxuu xaqiijiyay in Boqortooyada Midowday ay ka go’an tahay sii wadidda taageerada Soomaaliya iyo bulshada nugul, gaar ahaan xilliyada ay dalka soo wajahaan xaalado bani’aadannimo iyo khataro ka dhasha isbeddelka cimilada.

Wasiirada Wasaaradaha Shaqada iyo Arimaha Bulshada Wasiirka Wasaarada Kaluumaysiga iyo Dhaqaalaha Buluuga iyo Wasiirka W...
12/08/2026

Wasiirada Wasaaradaha Shaqada iyo Arimaha Bulshada Wasiirka Wasaarada Kaluumaysiga iyo Dhaqaalaha Buluuga iyo Wasiirka Wasaarada Horumarinta Reer Miyaga iyo xalka waara. Ee Dowlada Koonfur Galbeed ayaa maatanta kulan miro-dhal ah la yeeshay Hay’adda IOM Soomaaliya, taas oo qayb ka ah dadaallada joogtada ah ee lagu xoojinayo xiriirka iyo iskaashiga hay’adaha horumarinta iyo samafalka, taas oo qayb ka ah mudnaanta wada shaqaynta Wasaaradahaan iyo Hay'adaha Samaafalka ee deegaanada KG ka hawlgala

Kulanka waxaa si gaar ah looga wada hadalay meelaha mudnaanta u leh Wasaaraadahaan oo ay ka mid yihiin ilaalinta bulshada, horumarinta nolol-maalmeedka iyo abuurista fursadaha shaqo, badbaadada iyo caafimaadka goobaha shaqada, iyo tababarrada xirfadaha farsamada iyo shaqooyinka.

12/08/2026

“Markii aan dib ugu soo laabtay xilka sannadkii 2025, waxaan isbeddel weyn ku sameeyay Machadka Amniga iyo Istaraatiijiyadda Qaranka, oo maanta ay ka qalin-jabinayaan arday baratay arrimaha amniga" Agaasimaha Hay’adda Sirdoonka iyo Nabad-sugidda Qaranka (NISA), Mudane Mahad Maxamed Salaad.

12/08/2026

“Aad ayaan ugu faraxsanahay in maanta afar sano kaddib,aan dib u eegno waxyaabihii u qabsoomay Wasaaradaha Waxbarashada heer Federaal iyo heer Dowlad-goboleed.” Wasiiru-dowlaha Wasaaradda Waxbarashada XFS Nuura Mustaf Mukhtaar.

12/08/2026

Madaxweynaha JFS: “Waxaan u baahan nahay inaan dowladnimadeenna jiheyno, oo aan ku saleyno waxa deegaankeenna, dadkeenna iyo duruufahooda anfacaaya.”

Taliyaha Ciidanka Xoogga Dalka Soomaaliyeed, S/Guuto Ibraahim Maxamed Maxamuud iyo wafdi saraakiil sare ah oo uu hoggaam...
12/08/2026

Taliyaha Ciidanka Xoogga Dalka Soomaaliyeed, S/Guuto Ibraahim Maxamed Maxamuud iyo wafdi saraakiil sare ah oo uu hoggaaminayo, ayaa booqday Safaaradda Jamhuuriyadda Federaalka Soomaaliya ee magaalada Ankara.
Taliyaha iyo wafdiga uu hoggaaminayo waxaa Safaaradda ku soo dhaweeyay Safiirka Soomaaliya u fadhiya Türkiye, Danjire Fathudiin Cali Maxamed iyo qaar ka mid ah diblomaasiyiinta Safaaradda.
Booqashadan ayaa qeyb ka ah hawlaha iyo kulamada wafdiga Ciidanka Xoogga Dalka Soomaaliyeed uu ka wado dalka Türkiye, iyadoo labada dhinac ay ka wada hadleen arrimo la xiriira xoojinta xiriirka iskaashiga Soomaaliya iyo Türkiye, gaar ahaan dhinacyada amniga iyo difaaca.

12/08/2026

Guddoomiyaha Golaha Maalgashiga Koonfur Galbeed, Axmed Xaaji Xasan, ayaa ku dhawaaqay Guddiga Golaha Nabadaynta Koonfur Galbeed.

Guddoomiye Axmed Xaaji Xasan Malaaq [kaskey} ayaa sheegay in dadaallada lagu xoojinayo nabadda, wada-hadalka iyo midnimada bulshada Koonfur Galbeed ay muhiim u yihiin horumarka iyo xasilloonida deegaanka.

Garsooraha Soomaaliyeed ee heerka caalami Cumar Cabduqaadir Cartan ayaa caawa taariikh cusub ka sameynaya kubadda cagta ...
12/08/2026

Garsooraha Soomaaliyeed ee heerka caalami Cumar Cabduqaadir Cartan ayaa caawa taariikh cusub ka sameynaya kubadda cagta Yurub.

Cartan ayaa dhex-dhexaadin doona kulanka weyn ee UEFA Super Cup, kaas oo caawa 10:00 PM habeenimo ka dhici doona magaalada Salzburg ee dalka Austria, waxaana isaga hor imaanaya Paris Saint-Germain, oo ku guuleysatay UEFA Champions League iyo Aston Villa oo qaaday UEFA Europa League.

Garsoore Cumar Cartan oo 34 jir ah ayaa noqonaya garsoorihii ugu horreeyay ee aan Yurub kasoo jeedin ee dhex-dhexaadiya kulanka UEFA Super Cup, tallaabadaas oo ah guul taariikhi ah oo sharaf u ah Soomaaliya iyo guud ahaan qaaradda Afrika.

Cartan ayaa ku jira liiska garsoorayaasha caalamiga ah ee FIFA tan iyo sannadkii 2018. Sannadkii 2025-ka ayaa loo magacaabay Garsooraha ugu fiican Afrika, isagoo noqday mid ka mid ah garsoorayaasha ugu sarreeya qaaradda Afrika iyo guud ahaan caalamka.

Guddoomiyaha Xiriirka Kubadda Cagta Soomaaliya, ahna Madaxweyne Ku-xigeenka CECAFA Cali Cabdi Maxamed, ayaa guul weyn ku tilmaamay in Garsoore Cumar Cartan iyo labadiisa caawiye oo kasoo kala jeeda dalalka Bariga iyo Bartamaha Afrika, loo doorto inay dhex-dhexaadiyaan kulanka weyn ee UEFA Super Cup.

Address

Baidoa
Baydhabo

Telephone

+252615571720

Website

Alerts

Be the first to know and let us send you an email when Radio Warsan - Baidao posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Warsan - Baidao:

Shortcuts

Share

Category