14/09/2025
Dastuurka dalka oo ah xeerka u sareeya wadanka oo fulintiisa iyo ku dhaqankiisu tahay waajib cid kaste saaran ayaa qeexaya hannaanka kale duwan ee masuulkaste oo la magacaabay xilka ula wareegi karo, dhaartiisa iyo ansixinta .
dastuurka wuu kala h**eysiiyey
Ansixinta , dhaarta iyo xil wareejinta.
Ansixinta Xubnaha Cusub
Qof kaste oo xil loo magaacabey waxa ku waajib ah in la ansixiyo ka hor intaanu la wareegin xilka cusub, balse taasi ma dhacdo badan oo masuul kaste markiiba xilka ayuu la wareega. Soddon (30) maalmood gudahood marka golaha Wakiiladu ansixiyaan magacaabidda Wasiir ama wasiir ku xigeen, waxa xilka u dhaarinaya guddoomiyaha Maxkamadda Sare iyada oo uu goob joog yahay Madaxweynaha ama ku xigeenkiisa. qodobka 94 Farqadiisa 3 ee dastuurku jsl.
Sido kalena madaxda hay’adaha madax bannaan ee dastuuriga ah magacabistood ka dibna waxaana oggolaanaya golaha
Wakiilada ka hor intaan xilka loo dhaarin. qodobka 114 ee dastuurku jsl.
Dhaarta Dastuuriga ah
Marka la ansixiyo dhamman xubnaha cusub ee la magacabo waa in ay isku diyaariyan dhaarta dastuuriga ah ka hor intaaney la wareegin xilka, guddoomiyaha Maxkamadda Sare oo isla markaana ah guddoomiyaha Maxkamadda Dastuuriga ah ayaa dhaarinaya cid kasta oo Dastuurku ku waajibiyey dhaartan Dastuuriga ah, ka hor inta aanu xilkiisa bilaabin ,qodobka 129 ee dastuurku jsl.
dhaarta dastuuriga ah ee ku waajibtey dhamman madaxda dawladda iyo kuwa madax bannaan badan waa la dhalaysada , waxad arkaysa masuul ka dib markii la ansixiyey ama ka hor la wareegey xilka wasaaradda ama hay'adda ka dibna dhaarta dastuuriga ah dambeysiinaya.
Xubin kaste oo la magaacabo waajib kuma ah marka laga reebo kuwa dastuuriga ah mooyane. maalinta la dhaariyo ayey u bilaabmeysa muddo xiloodka rasmiga ah.
Xil Wareejinta
Xil wareejintu waxay xalal noqota marka marxaladaha kale duwan la soo maro ee la ansixiyo lana dhaariyo xubnaha wasiirada iyo hay'adda madaxda bannaan . wixii ka h**eeya ee masuulkaste xilka kula wareego waa mid baal marsan sharciga dalka.
Haddaba waxa dhacda in hannaanka noocasi ah ee dastuurku jideeyey la iska indha-tiro ama wax weyn aan loo arag.
Mudane kaste oo qaabkaas xilka kula wareegin maaha kii uu aqoonsana dastuurku ee xilka loo igmaday, bulshadan u adeegayey.
qodobka kaste oo dastuurku tilmaamay waa in sida uu yahay loo fuliya sababta oo ah waa heshiis bulsho maaha wax cid gaar ah iska leedahay ama ay isticmaaleyso xilligey u baahato.
Waxan qoray Garyaqaan maxamed cali maxamed ( Beegsi )