15/12/2025
AAR KA DAAYA.
SIDDAY SARRIIRAHA UGU LADAYAAN KUWAYAGA DHAAWACA AHI MARKAY ARKAAN IDINKOO LA IDIIN KALLA ABTIRINAYO?
HOOYADA CURRADKEEDII IYO CURRADEEDII WAYDAYNA U SABRAYSAA?
(وَلَا تَنَٰزَعُواْ فَتَفْشَلُواْ وَتَذْهَبَ رِيحُكُمْ ۖ وَٱصْبِرُوٓاْ ۚ إِنَّ ٱللَّهَ مَعَ ٱلصَّٰبِرِينَ)
(Ha Mormina Waydun fashilmaysaan,Kadibna waxaa Taggi Xoogiina e)
waa Goorma goortaad Is Khillaafaysaan,ee la idiin kalla sheekaynayo La idin kalla shirinayo,Lana idiin kalla qoqobayo.
waa goorma goortaad kalla bax baxaysaan eed kalla sheeganaysaan eed is hiifaysaani.
waa goorma goortaad iskalla saaraysaan eed iskalla jufa jugaynaysaan,ee la rabbo in cadow idinka faa,iidaysto.
kuwiinii la xassuuqay ee la laayay ee dhintay iyo kuwayaga dhaawaca ahi ma danno noo gaar ah ayaa lanoo beegsaday oo lanoo laayay?
Tolkayow maanta maaha maalintii kalla irdhowga iyo kalla qoqobida.
Maanta maaha maalintii Siyaasi iyo Dad danno gaar ah wataayi ay idiin kalla waramayeen.
Maanta maaha Maalintii Cid walba oo midnimadiina iyo is jacaylkiina diidan aad dhagaysanayseen e,
waa maalintaad gacmaha is qabsanayseen,eed mid wadda ahaanayseen.
waa Maalintii aad dhulkiina Loo soo Bu,anayo aad Meel uga soo wada jeesan lahaydeen eed wadda difaacanahaydeen.
waa maalintaad Xaqiijin lahaydeen kuwayaga dhaawaca ah iyo Kuwiinii dhintay waxay U dhinteen oo Qadiyadeena ahayd.
siday Sariiraha ugu ladayaan kuwayaga dhaawaca ahi markay Arkaan idinkoo la idiin kalla Abtirinayo,Idinkoo la idiin kalla waraabaynayo oo la isku kiin dirayo.
Sidday u illaawaysaa Hooyadii Curadkeeda iyo Curadeeda iyo gabadhii iyo wiilkii ay dhashay godka lagu hubsaday ee waliba lahayd qadiyada dadkaaga ayay u dhinteen,Markay Aragto idinka oo la idiin kalla Abtirinayo?😰
Tolkayow yaannu idinku duulin siyaasi Callooshii u shaqayste ah iyo mid danno gaar ah wata iyo War xumo tashiil la idinku soo dhex tuurray e,
illaashada is jacaylkiina isku duubnidiina,is ahaanshuhiina,Alle Ayaa idinka Abuuray oday kali ah e, ha kalla irdhoobina e,Midnimaan idinku ogahay.
Hablaha iyo Haweenkuna waa kuwii idiin hagar baxay ee dhaawaceena qaadayay ee Maydkeena xambaarayay ee biyaha iyo Cuntada idin dabba waday ee S***n aan idinka seexan iyakoo Curradadoodii iyo Cawo badanooyinkoodii waayay e,
u dhago nuglaada oo Hadday wax ka khaldamaan Si farxad iyo tudhaalle leh ugu saxa( Gacmo geel jirre hoos baa loo dhaqaa e).
waligeed Lama sheegin dagaal uu Haween ka maqanyahay oo guullaysta,Sooyaalka islaamka iyo ka Gaallada mudna kuma taallo e,
tolkayow Halka Intayada dhaawaca Ahi aanu ka dhiman waynay waa haweenka iyo dhalinyradaas isku duubnayd e,Aar ka daaya hadimada oo aynu isku dhaanno sidan.
Tabantaabaday Laba Gacmood,Tamar ku yeeshaan e
Haday midigtu Kaligeed tahuun,Tallo Ma goyseen e
tusbaxuba intuu Tidic yahuu,Toosni leeyahay
hadduu Kalla Tarbaxo malaha,Tooko iyo Khayr e
Talladii lakalla leexsada,Taabbo Laga waaye
Dhurwaaguba ma Cunno Tulludyadii,Toosan waligood e
Ma tasawdo Taladii midnimo,Looga Taliyaaye
Ma Tanaado ummaddii midnimo,Toos U Dhaawacdiye
Tamashlana Ma yeeshaan,Dadkaan Tallo is waydiin e
Aboorkuba Wuxuu Taaggo waad,Wada taqaaniin e
kali kuma Tollee tallo midduu,Taash u galiyaaye
Markaasbuu Duntubo Taallo leeg, Tamar u yeeshaaye
haddii uu mid qudha yahuun,Baydh ma taraxeen e
qundhaanjadu Tubmidabay,Dhamaan isku Timaantaaye
hadday kalla Tagaan way luntaa,Wayna Tacabtaaye
shinniduna Waxay Tamar lahayd,Goortay tu ka yeeshay
wataas Malab tayo leh dhitayn,toosna loo cuniye
Duulkii Tawaawaca bartaa,Tiriig ma yeeshaan e
dhalintii Tagtee leeday gabi iyo Kuwaas Taahi
Gabigood Tu kaliyay wadeen,Tallo midaatuun e
Midna Tabasho gaar ahi ma dhigin,toogta uu Maray e
Tolkayow midnimaddaan ku nahay,Tamar Aduunyaad e
Haddaan kalla Tawaawacnona waa,Tallo xumaanteen e
ka Tagaay Tafaraaruq waa,Fashil Tubtiisiiye.
Ust: Mohamed Abdullahi Ali(Mahdi)
