23/02/2024
Dowladda Turkiga oo sharraxada ka bixisay heshiiska ay la gashay Soomaaliya ee dhanka iskaashiga difaaca badda iyo dhaqaalaha ayaa sheegtey in heshiiskan hadda looga gol leeyahay in sare loogu qaado iskaashiga dhanka difaaca ee Turkiga iyo Soomaaliya.
“Haddii ay naga codsato Soomaaliya, waxaan gacan ka geysan doonnaa dhanka amniga badda, waxa aan ka caawin doonnaa sidii ay u horumarin lahayd awooddeeda si ay ula dagaallanto falalka sharci-darrada ah iyo kuwa aan caadiga ahayn ee ka socda baddeeda." - Ayey yidhaahdeen mas'uuliyiin u hadlay Wasaaradda Gaashaandhigga Turkida.
