Qardho Media

11/08/2025

Maxamuud Abdirishid oo kamid ah Dhalinta Boosaso ayaa qoray qoraalkan hoose👇

Maalmahan waxaa baraha bulshada ka socday kicin dadweyne iyo abaabul ka dhan ah shirkadda korontada ee Puntland Electric Power Company - PEPCO.
Balse, dadka arrintaas wada badankood waxay wataan qorshayaal meel kale laga soo abaabulay, oo aan sal iyo raad ku lahayn xaqiiqada adeegga shirkadda.

Runtii, shirkadda PEPCO wax ay bulshada reer Boosaaso ka hagratay majidho. Dadka leh “qiimuhu waa qaali” ma oga duruufaha adag ee shirkaddu ku shaqeyso — waqti adag oo shidaalkii qaali yahay, solarkii dowladdu ugu deeqday oo aan weli lagu wareejin shirkadda, iyo iyadoo aysan jirin wax taageero ah oo dowladeed.

Si kastaba ha ahaatee, PEPCO waxay dhexda u xiratay in dadka korontadu ka istaagin, waxayna si indirect ah qiimo-dhimis ugu sameysaa macaamiisheeda.
Tusaale ahaan, macmiilka hadda cabanaya waxaa loo sameeyay qiimo dhimis tii ugu jabnayd, oo gaareysa $350, iyadoo halkii kilowatt lagu dhuftey $0.48 halkii uu h**e ugu ahaa $0.79.

PEPCO mar walba waxay la jirtaa bulshada, waxayna ku dadaaleysaa in iftiinka magaalada Boosaaso uu mar walba shidnaado — xitaa marka xaaladdu adagtahay.

11/08/2025

Boosaaso Xaafada Bandar-qaasim ayaa maanta laga fuliyay olale nadaafadeed kaas oo kor loogu qaadayo bilicda xaafada iyo guud ahaan magaalada Bosaaso waxaa Shaqadaas hormuud u ahaa Gudoomiye Abdimahad Maxamed Ismaaciil Wayrax.

10/08/2025

Maamulka isbitaalka Guud ee Garowe oo ka hadlay war been abuur ah oo laga faafiyay.

Garoowe,10 Agoosto 2025: Beenin Wararka aan Salka lahayn ee ku saabsan Cisbitaalka Weyn ee Garowe.

Waxaa laga soo faafiyey warar aan sal iyo raad toona lahayn oo ku saabsan Cisbitaalka Weyn ee Garowe. Waxaa muhiim ah in bulshada loo caddeeyo in dhismaha qaybta Kalyaha uu dhammaaday, islamarkaana ay socdaan hawlaha xirxirka qalabkiisa, kuwaas oo ku dhow in gebi ahaanba la soo afjaro.

Sidoo kale, Qaybta CT-Scan-ka waxaa qalabkeeda keenay Hay’adda WHO, qalabkana waa la hayaa, waxaana weli socota dhismaha qaybta loogu talagalay, kaas oo aan weli dhammaan.

Wararka sheegaya in qalabka MRI lama keenin, lama uu socdo qalbka la keeney oo yaala cibtiaalka, qalabka yaala cisbitaalka waa ilaashan yihiin oo xifdisan yihiin.

Waxaan soo dhaweyneynaa qofkasta oo warbaahinta (media) ka socda oo doonaya xog saxsan oo hubsan in lala wadaago inuu noo imaan karo lanana soo xiriiri karo oo uu iska daayo boro bogaandada iyo beenta.

Qardho Media

10/08/2025

Gudomiyaha Dhalinyarada iyo Ciyaarah Gobolka Karkaar Yusuf Maxamed Maxamud Haankuduul Ayaaa Xilka Ka Qaaday Gudomiyaha Dh/Ciyaaraha Degmada Qardho libaan Axmed Cali (Dagele).

10/08/2025

Muuqaalka Maantay.

Qardho Media

09/08/2025

Waxaa Maqaalkan qoray Aqoon yahan Axmad Muuse Cali oo kamud ah hal doorka Reer PL👇

Musharixiita ugu cad cad W Bari.

Musharax Firdhiye mar hadduu u soo dul qaatay qalasyadii geesaha la baxay laba sano waa nin karmeed, hal baase lagaga maagay waa markuu xirtay maradii Xisbigii Xasan Sheekh.

Ampastor Jamal M Xasan
Waa nin leh karti hawl qabad markaan ku qiimeeyo mudadi uu xilalka ka soo hayey DFS.
Waxaanna is leeyahay ehelka deriska ahna waa isku wadi kara hadduu ka sariigto oo is ilowsiiyo Ciil qabki ka soo gaaray ku hungoobiddii Xildhibaanki DFS ee laga hor istaagey 2023.

Cabdirisaaq Khaliif
Musharax siyaasadda u bisil miisaan leh oo degan.
Halganki lala galay Jabhaddi beesha Isaaq ee SNM guusha ugu weyn iyo dhabar jabkii siyaasadeed ee gaaray hogaanka u ahaa
Dadku halganka la galo ma wada qiimayn karaan oo ninka xabbadda rida ee goobta dirirta dhex taagan oo keliya ayaa u muuqda oo ay qiimayaan, laakiin intaasi kuma filna in guusha la gaaro hilimo badan oo laga hago ayay leedahay.

Aniga iyo garashadayda:-
Reer la yiraahdo M S 25 sano ayay kursiga Mw Puntland farsamooyin kala duwan oo qaar Laaluush ay idin siiyaan ku qaadanayeen kursiga, taasi waxay u keentay Beeshaas Cuqdad iyo cadaawad loo wada qaaday oo meel kasta xumaan aanay abbaar u lahayn lagu tirayo, maxaa yeelay ma jirto cid gacmaha ka qabatay farsamooyinka ay maraan iyo Laaluushka ay bixiyaan ee aad ka gurataan uguna codaysaan(Hashi cuntee cabaaday)
Sidaas darteed ka digtoonaada midaasi inay idin ka dhex muuqato Dhulbahantow oo hareeraha aad u dhawra.

08/08/2025

Qardho rabshado iyo ismaandhaaf Galabtay ka dhashay Koobka kubada cagta Degmooyinka Gubolka Karkaar ayaa sababay in ay Dhalinyarada Magaalada isu dagalaan Xafad Xafad Ilaa Caawa.

Laamaha Amniga Magaalada ayaa Caawa sameyay roondo lagu soo qabanayo Dhalinta wada Dagaalka inta shaqada Caawa socotay Ciidamada ayaa dhawacay 2 Dhalinyara ah oo hada xaladooda laagu dabiibayo Isbitaalka Guutaale.

Mudadan waxaa Qardho ku soo badanayay Ciiyaal Weerada isu dagaalaya Xafad Xaafada iyaga oo ku hubaysan Mindiyo iyo Budad ama Ul.

Qardho Media

08/08/2025

Waxaa dib loo dhigay kulankii Galabta dhex maari lahaa Dagmooyinka Qardho iyo Rako-Raaxo Kadib markii Ciyaarta buuq ka dhashay.

Qardho Media

08/08/2025

Laascaanood Musharax Xilibaan Maxamed Nuur Cali Guul ayaa Maantay gudbisaday Sifigiisa Xilibaanimo Maamulka Waqooyi Bari waa Beesha Kaskaqabe

Qardho Media

07/08/2025

LAASCAANOOD: Guddiga Ansixinta Xildhibaanada Maamulka Woqooyi-Bari oo diwaangeliyey aqooyahan Halgamaa Jama Farah.

Qardho Media

07/08/2025

𝕋𝕒𝕒𝕣𝕚𝕚𝕜𝕙𝕕𝕒 𝕁𝕦𝕓𝕓𝕒𝕝𝕒𝕟𝕕 - ℚ𝕒𝕪𝕓𝕥𝕒 𝟛𝕒𝕒𝕕

Walaalayaal, Khariidada ama (Map-ka) aad kor ku soo aragteen ee ah Qaybtii 2aad Taariikhda Jubbaland, waxay idiin muujinaysay dhulka u dhaxeeya labada webi ee Webiga Jubba iyo webiga Tana. Sidaan h**e u soo sheegnay dhulkaasi wuxuu ahaa deegaan isku furan oo xuduud kala qaybisa lahayn, waxaana markaasi wada deganaa dad u badan Soomaali iyo qowmiyado kale ee Afrikaan ah.

Haddaba waxaa is-weydiin mudan waa maxay Webiga TANA ?

Webiga Tana

Webiga Tana waa webiga ugu dheer, uguna weyn dalka Kenya. Dhererkiisu waxaa lagu qiyaasaa 1000 km. Asal ahaan webigu wuxuu ka soo bilowdaa Buuraha Aberdare ee Galbeedka Nyeri. Wuxuu dhulka Kenya ka maraa Bari iyo Koonfur-Bari.

Webiga Tana wuxuu dhex-maraa oo keliya gudaha wadanka Kenya.Waana webi aad qiimo badan ugu fadhiya dalka Kenya, Magaalooyinka uu maro waxaa ka mid ah: Garsen,Mazuni, Hola,Nani, Korokora, Garissa, Saka iyo meelo kale. Qulqulka biyaha webiga Tana wuxuu u gudbaa Badweynta Hindiya oo uu ku shubo biyihiisa qiyaastii 50 km Koonfur-Galbeed meel ka xigta magaalada Lamu ee dalka Kenya.
Sidoo kale waxaa is weydiin mudan sidee ku dhashay webiga JUBBA? Webiga Jubba waxaa uu ka dhashay biyaha labada webi ee la kala dhaho: Webi Ganale Doria (Janale Dorya) iyo Webi Daua (Daawa).

Biyaha labada webi waxay ka soo qulqulaan buuralayda Itoobiya. Webiga Ganale Doria
Webiga Ganale Doria ama Janale Dorya waa webi mara koonfurta bari ee dalka Itoobiya. Wuxuu dalka Soomaaliya ka soo galaa Deegaanka Dooloow halkaasoo ay ku kulmaan ama ay isaga darsamaan webiga Daua ( daawa ).

Webiga Daua

Webiga Daawa waa webiga labaad ee laga helo Gobolka Gedo ee Dowlad-Goboleedka Jubbaland. Wuxuu dhulka Jubbaland ka soo galaa dhanka xuduuda dalka Itoobiya iyo Kenya. Webiga Daawa wuxuu ka soo qulqulaa buuraha dalka Itoobiya wuxuuna webiga Daawa wada maraa dalalka Itoobiya,Kenya iyo Soomaliya.

Dalka Soomaaliya, wuxuu ka soo galaa dhinaca Gobolka Gedo gaar ahaan magaalada Beled-Xaawo wuxuuna u sii gudbaa magaalada Dooloow. Halkaasoo uu kaga darsamo webiga Ganale Dorya. Dherarka webiga Daawa waa 40 km inta uu dhulka Soomaaliya ka maro. Biyaha webiga Daawa wuxuu ku darsamaa Biyaha webiga Ganale Doria waxayna ku kulmaan deegaanka Dooloow, markaasi kadib labada webi ee isku darsamay waxaa ka dhasha ama ka samaysma Webiga Jubba.

Webiga Jubba

Webiga Jubba waa webiga ugu weyn, uguna ballaaran,uguna biyaha badan labada webi ay Soomaaliya leedahay. Webiga Jubba waa webiga aan marnaba biyihiisa istaagin xilli kasta.
Webiga Jubba wuxuu Soomaaliya ka soo bilowdaa deegaanka magaalada Doolow. Dhererka webiga Jubba waxaa lagu qiyaasay 800 km.

Webiga Jubba wuxuu maraa oo keliya magaalooyin ka tirsan sedexda Gobol ay ka kooban tahay Dowlad-Goboleedka Jubbaland. Waa ( Gobolka Gedo, Jubbada Dhexe iyo Jubbada Hoose ) magaalooyinka uu maro webiga Jubba waa magaalooyin leh Dhulbeereed fiican barwaaqo badan, waxaana laga helaa khayraad badan oo kala duwan, oo leh kuwo dalka lagu isticmaalo iyo kuwo dibadda loo iib geeyo.

Webiga Jubba wuxuu waxtar badan u leeyahay dadka iyo xoolahaba. Magaalooyinka iyo Degmooyinka uu maro waxaa ka mid ah:-

1-Doolow. 5-Bu’aale
2-Luuq. 6-Jilib
3-Burdhubo. 7-Jamaame iyo
4-Bardheere. 8-Goobweyn

Webiga Jubba wuxuu leeyahay taariikh dheer eek u saabsan xadaradihii soo maray deegaanka Jubbaland ee ka ganacsiga wax soo saarka beeraha iyo horumarinta beeraha ee xilligii Boqortooyadii Ajuuraan ee ka jirtay Geeska Afrika.

Waxaa kaloo jiray xilligii Gumaystaha in webiga Jubba lagu beeri jiray dalagyo loo dhoofin jiray dalka dibadiisa waxaana ka mid ahaa: Muuska, Suufka iyo dalagyo kale.

Dalagyada ka baxa webiga Jubba waxaa lagu sheegay:-

-Muuska ( Mooska ). -Canbaha. -Babayga.
-Qasabka (Sonkorta). -Gallayda -Naarajiinta
-Bariiska -Nocyada digirta. -Looska
-Sisinta. -Suufka(Cudbi). -Liinmacanta
-Bambeelada -Liin-dhanaanta -Qaraha
-Nocyada Batatada. -Noocyada Basasha. -Yaanyada
-Nocyada(bocorka iyo Batiiqa). Iyo Nocyada khudarta oo dhan.

Khayraadka uu leeyahay Webiga Jubba waa fara badan yihiin Halkan laguma soo koobi karo.
Webiga Jubba, wuxuu dalka Soomaaliya ka soo galaa deegaanka magaalada Doolow.Qulqulka biyahiisa wuxuu ku dhamaadaa deegaanka Goobweyn halkaasoo uu kaga darsamo badweynta Hindiya Meesha la dhaho JUBBO, oo ka tirsan deegaanka Goobweyn ee u jirta Kismaayo qiyaastii 15km.

Walaalayaal, sida aad la socotaan Qoraallada aan uga hadlaynno taariikhda Jubbaland waxaan ugu talagalnay in aan ka hadalnno:Taariikhda, Juqraafiga, Deegaanka, Arrimaha Bulshada, Dhaqanka, Dhaqaalaha, Horumarka iyo Siyaasadda Jubbaland.

Waa qoraallo la rabo in ay ka faa’iidaystaan dadka Soomaaliyeed ee jecel Taariikhda dalkooda, kadibna u gudbiyaan jiilasha soo koraaya ee u baahan in ay bartaan taariikhda dalkooda.

Soomalidu waxay tiraahdaa:

Dad aan aqoonin tagtadoodii h**e, sidee bay uga talinaayaan

Timaadadooda maantay, hadayan baran taariikhdii soo martay dalkooda iyo dadkoodaba.

La soco Qaybta 4aad

𝗪/𝗤. 𝗣𝗿𝗼𝗳:𝗠𝗮𝘅𝗮𝗺𝗲𝗱 𝗔𝗯𝘀𝗵𝗶𝗿 𝗖𝗮𝗹𝗶

𝗦𝘂𝗹𝗱𝗮𝗮𝗻: 𝗦𝗵𝗶𝗿𝘄𝗮𝗰𝗜𝘀@𝗴𝗺𝗮𝗶𝗹.𝗰𝗼𝗺

06/08/2025