03/10/2026
βQARDHO: Guddoomiyaha Degmada Qardho, Cabdi Siciid Qaal, iyo Taliyaha Taraafikada Puntland, G/Sare Cabdifataax Siciid Suleymaan, ayaa ka wada hadlay sidii magaalada Qardho loogu sameyn lahaa boosteejo ama goob gaar ah oo loogu talagalay gaadiidka u kala goosha gobollada iyo degmooyinka ku dhow magaalada Qardho.
β
βKulanka ayaa diiradda lagu saaray sidii loo heli lahaa Ciidan Taraafik ah oo si joogto ah uga howlgala magaalada si loo xoojiyo nidaamka iyo maamulka isku socodka gaadiidka. xalna loogu helo ciriiriga wadooyinka, gadiidka ciladaysan ee shaqaynaaya iyo gadiidka indhaha solarka ah leh, dhammaan arimahaan oo badqabka Bulshada waxyeelaynaaya.
β
βWaxaa sidoo kale laga wada hadlay sidii mooto Bajaajta magaalada loogu sameyn lahaa calaamad ama midab gaar ah, si loo helo nidaam lagu kala aqoonsan karo Bajaajta ka howlgasha magaalada.
β
β
βMasβuuliyiinta ayaa sidoo kale isla eegay qaabka loo wada shaqeyn lahaa, iyadoo la xoojinayo iskaashiga u dhexeeya maamulka degmada, ciidamada Taraafikada iyo bulshada, si magaalada Qardho looga hirgeliyo nidaam gaadiid oo hagaagsan, ammaan ah, isla markaana waafaqsan baahida bulshada.
β
β
βKulanka waxaan ka Soo qaybgalay taliyaha hogaanka xiriirka Bulshada iyo booliska G/sare Xuseen Cali Maxamud, Gudoomiye Ku xigeenka Degmada Maxamed Cabdullaahi Siciid, Taliyaha Taraafikga Gobolka karkaar iyo Qaarka mid ah Agaasimayaasha dowladda hoose Degmada Qardho.
