09/06/2026
Maxkamadda Darajada 1-aad Ciidamada Qalabka Sida iyo Danbiyada Culus Dowladda Puntland
Eedeysanayaasha waxaa ka mid ah Xidigle Qaasin Xasan Cabdullaahi, oo lagu eedeeyay inuu lacag laaluush ah ka qaatay Maxamed Cabaas Maxamed Wadne, kaas oo ku eedeysan falal la xiriira burcad-badeednimo, isla markaana uu ka fakiyay Saldhigga Booliiska Degmada Dangoroyo. Sidoo kale, Xidigle Cabdiraxmaan Shirwac Xasan ayaa lagu eedeeyay inuu ka qeyb qaatay fakinta eedeysanaha.
Dhanka kale, Maxamed Cabaas Maxamed Wadne ayaa wajahaya eedeymo la xiriira burcad-badeednimo, halka Cabdisataar Cabdishakuur Maxamed iyo Cabdulqaadir Ow Aadan Saciid lagu eedeeyay inay carqaladeeyeen hawl ay hay’ad samafal ka waday Degmada Dangoroyo.
Dhagaysiga Maxkamadda waxaa furay Guddoomiyaha Maxkamadda Darajada 1-aad Ciidamada Qalabka Sida iyo Danbiyada Culus, G/Dhexe Cabdixamiid Maxamed Saciid (Shakiib), oo si rasmi ah u bilaabay dhageysiga kiiska.
DHAMAAD