Dalab Media

31/08/2025

Casharka siyaasadeed ee arrinka Cabdirisaaq Khaliif.

Dhacdooyinka wax baa laga bartaa. Qiirada iyo caaddifaddana lagumasii negeedo. Shalay ilaa iyo maalinkii Khaliif Hargaysa kayimid isagoo Guddoomiyaa Baarlamaanka SL ah si dhaw ayaan isugu xidhay. Waxana iigasoo baxay:

1. Xukun iyo awood(power), inta aad haysato, ku fara-adayg si kasta oo akhlaaqda ay mararka qaar ugasoo horjeedi karto. Waa haddaad rabto in aad siyaasi sii ahaato, weliba markaad joogto Afrikada ilbaxnimadu ku yartahay.

2. Haddaad powerkaagii si qiiro ah u dhiibto oo akhlaaqda ka doorbiddo, waxii kusoo gaadha diyaar u ahaw, hana filan in lagugu abaalmariyo qiiradaadii aad awooddaadii siyaasadeed uga tagtay.

3. In aad saxantahay qudha laguma helo awoodda iyo maammulka, ee in aad xariif beerku madawyahay noqoto ayaa awoodda lagu kasbadaa. Waa falsafaddii Machaiville.

4. Wax aad cimrigaaga siyaasadeed kusoo bixisay ee ka shaqaynaysay, ilaasho. Haddii kale rag baad u tegaysaa aan toodii ka tanaasulin oo garoonkooda kugu karbaashi doona. Firdhiye 20kii sanno ee u danbeeyey SL buu dagaal kula jirey, sheeko SSC iyo Khaatumo ayuuna waday. Khaliif cagsigeeda ayuu ahaa. Doorasho cod iyo qof ah ayuu Laascaanood kagasoo baxay. Guddoomiye baarlamaan buu noqday. Waxaas oo tacab ah arrin akhlaaqi ah ayuu uga qiirooday. Garoon rag xaadhxaadheyna waa yimid. Waa loogu manna sheegtay, lagu caayay shaqadiisii h**e shalayna si weyn loogu karbaashey. Sidaa awgeed, tacabkaaga qiiro haw tuurin. Akhlaaqda iyo power kana mid dooro!

Faratoon, Koore iyo Canbaashe ayaa taas fahmay, Ina Canbaashe habeen uu hadlayay waxa uu yidhi ' Tacabkaygii ayaa la rabaa in la burburiyo' eeg waa waaqici e! Mana aha in uu nin xunyahay. Khaliif waa nin gob ah oo ka akhlaaq badan dad badan, se siyaasadda iyo awoodda edeb iyo saxsanaan keli ahi kuma anfacayso.

Faratoon, Koore iyo Canbaashe tub la yaqaan bay haystaan. Bidhaan, Timacadde iyo Qawdhanna tub kaloo layaqaan. Khaliifse meelna ma haysto. Waa intaas.

5. Midho geed saaran kuwo guntiga kuugu jira haw daadin.

Anigu sannad kahor ayaan xaqiiqsaday, in rag awood ku haysta Xamar oo xildhibaanno iyo wasiirro ahi qorsheeyeen in Laascaanood damacoodaas uun ay ku jaangooyaan. Hirshabeelle 2 na u noqoto!

Wasiir Bidhaan oo waagii dhawayd ee RW Xamse yimid Laascaanood gabadh dhallinyaro ahi waydiisay :
' Xildhibaan, doorashada 2026 xildhibaannada Khaatumo ma Laascaanood ayaa lagu soo xuli doonaa?‘

Inta uu dhoollacaddayn yar oo layaab yari kujiro muujiyay, ayuu yidhi ' Oo waxan oo dhan maxaannu u wadnaaba oo ka shaqaynaynaa'

U fiirso. Waa tabtaas oo cad. Waxan oo dhan kuraastaas baannu ku ilaashanaynaa buu afbuuxa ku yidhi! I noted it !

Aabbahaa iyo nimaan ku aqoonba, indhaa isagu qabo. Lol

Khaliif kursigiisii ka weynaa kuwooda ee uu codka tooska ah ku helay ayuu tolkii u sadqeeyey, waa akhlaaq sare, se qawaacidda awoodda siyaasadeed waa fashil weyn. Bidhaan baa ka haya halkaas.

Shacabka miyaa, waa xaabo meelay joogaanba, ninkii xariif ah uun baa ku adeegta ummadaha Afrikaanka ah.

Qiiro kale baa jirta oo leh, Dhulbahante waa bilaa abaal. Wax waa ka jiri karaan taas, ama ka jiraanba, se sartu halkaa k**a qudhmin. Ninka awooddiisii bixiyay ee Timacadde, Firdhiye iyo Bidhaan Laascaanood hoosgeeyey, in uu abaal sugo ma ahayn. Adaa bixiyay tacabkaagii.

Ha tilmaamin aakhiro, waxaad tacabtay baa yaal e.

FG: sax, khalad, tolnimo, wanaag iyo fiicnaan k**a hadlayo. Hay xiijin. Siyaasad waaqi ah( real Politics) iyo realism school of thought ayaan ka hadlayaa e. المدرسة الواقعية

WQ Xasan

30/08/2025

Meel ku qorta saadaalintayadan:--👇👏
1. Firdhiye waa Madaxweyne
2. Abwaankuna waa Madaxweyne-ku-xigeenkiisa

30/08/2025

FIRDHIYE WAA MADAXWEYNE
Marka la eego codadka ay u kala baahan yihiin si midkasta u noqdo Madaxweyne waxa cad in firdhiye guushu si fudud ku raaci doonto
Musharaxiinta wareega 2aad u gudbaya.

Firdhiye ayaa haysta 36 cod
Cabdirisaaq Khaliif 20 cod

Codadka ay ku tartamayaan waa musharaxiinta haraysa oo dhan isku darkooda dhan yahay 27 cod.

Firdhiye ayaa u baahan 6 cod, Cabdirisaqna wuxuu ubaahan yahay 22 cod.

30/08/2025

Faaleyn Hore👇👇👇 Dalab Media

MAXAY KA DHIGAN TAHAY DOORASHADA GUDOOMIYAHA AY DAWLADDU WADATAY EE WAQOOYI BARI

Iyada oo loo wada dhegtaagayo doorashada maamulka waqooyi bari, ayaa waxa maanta la doortay gudoomiyihii ay dawlada iyo kooxaha muxaafidku wateen, taasi oo ka dhigan in mucaaradkii iyo kooxihii isbeddel doonka ahaa loogu sii quus gooyey inta aan laysla gaadhin hoolka doorashada ee madaxweynaha.

Dhinacyada markiiba ay tani saamaynayso waxaa ka mid ah

1.Puntland oo iyadu haddeer u muuqata in laga awood badiyey, musharaxiintii ay quud-dareynaysay inay dhinaceeda usoo bixi karaan ayaana rejadoodii soo gaabanaysaa uu ugu horreeyo Cabdrisaaq Khaliif.

2. Dhinaca Somaliland oo iyana aan jeclayn sii joogisya firdhiye, iyada oo kasoo urinayso Xasan Sheekh iyo xitaa inuu taageero weyn u yahay xisbiga madaxweynaha Soomaaliya kana tirsan yahay. Sidoo kale Somaliland waxay daneynaysaa in qof cusub uu meesha yimaaddo si ay ugala xaajooto arrinka maxaabiista iyo soo af-jarista dagaalada.

3. Siciid Deni waxa uu qaadanayaa guuldarroo hor leh, sababtoo ah marka la eego damaciisa villa Somalia iyo dagaal siyaasadeedkii Xasan Sheekh. Waxyaabaha uu rabey waxa ka mid ah inuu helo qof daacad u ah inuu yimaaddo miiska sida khaliif oo kale; laakiinse sida lasii saadaalin karo saaaxiibkii khaliif maanta waxa uu qaatay oo la hoyanayaa guuldarro. Rejada Siciid Deni ee maamulkanina waa soo yaraatay.

4. Xasan Sheekh iyo Dawladda Federaalku waxay qaateen guul isku sidkan oo mar ninka guddoonka loo doortay waa Hawiye, taasi waxay dhibco u noqnaysaa Xasan, midda kale saaxiibkii firdhiye oo ay isku xisbi yihiin sidoo kale uu u adeegsanayo waran uu kula dagaalamo Puntland iyo Somaliland ayaa rejadiisu kor usoo kacday, iyada oo wakhti kasta wax isbedeli karaan.

5. Firdhiye iyo Khaliifka ayaa iyaguna kala qaatay guul oo uu qaatay firdhiye iyo Khaliifka oo qaatay guuldaro iyo dhamaanba kooxaha isbeddelka u ololeynayey.

30/08/2025

Natiijada horudhaca ah👇👇
Wareegga Koowaad ee Doorashada Woqooyi-bari:
1.Firdhiye 37
2.Khaliifka 20.
Waxa hadhay; Jamaal, Guray & C.Macallin.

30/08/2025

Laascaanood – Sida ay qabaan falanqeeyayaal siyaasadeed oo ku sugan magaalada Laascaanood, ee xarunta Maamulka Waqooyi Bari, maanta waxa halkaasi ka dhici doona doorasho adag oo loollan xooggan u dhaxayn doona laba siyaasi oo miisaan culus leh: Wasiirkii h**e ee Qorsheynta Soomaaliya Jamaal Maxamed Xasan iyo Madaxweynaha hadda talada haya Cabdiqaadir Firdhiye.

Doorashadan ayaa lagu tilmaamayaa mid go’aamin doonta jihada siyaasadeed ee maamulka Waqooyi Bari, iyadoo labada musharrax ay kawataan taageero ballaaran oo isbarkan bulshada deegaanka.

Jamaal Maxamed Xasan – Siyaasi Khibrad Qarameed Leh

Jamaal Maxamed Xasan oo xilal muhiim ah kasoo qabtay dawladda federaalka Soomaaliya, gaar ahaan wasiirkii h**e ee qorsheynta, waxa lagu yaqaannaa siyaasi khibrad iyo aragti fog leh. Taageerayaashiisa waxay ku doodaan in uu yahay hoggaamiye mideyn kara maamulka, isla markaana xiriirkiisa siyaasadeed uu horseedi karo maalgashi cusub oo maamulku soo jiidata.

Cabdiqaadir Firdhiye – Hoggaamiye Kursiga Haya

Dhanka kale, Madaxweyne Cabdiqaadir Firdhiye oo kursiga hadda haya waxa uu isku dayayaa in uu sii wato hoggaanka, isagoo ku andacoonaya in uu degaanka ku soo kordhiyay xasillooni iyo nidaam dowladeed oo aan h**e uga jirin. Firdhiye waxa uu leeyahay taageero ballaaran oo ku saleysan xisbiga Villa Soomaaliya jooga iyo kooxaha siyaasadeed ee deegaanka, taas oo ka dhigaysa in aanu si fudud u lumin karin taageerada shacabka.

Aragtiyaha Falanqeeyayaasha

Falanqeeyayaasha ku sugan Laascaanood ayaa sheegaya in doorashadani ay noqon karto mid ka mid ah kuwii ugu adag ee soo mara maamulkan curdinka ah, maadaama ay isku arki doonaan laba siyaasi oo leh sumcad iyo miisaan siyaasadeed oo kala duwan.
Qaar ka mid ah falanqeeyayaasha ayaa qaba in haddii Jamaal Maxamed Xasan guuleysto, uu keeni karo isbeddel iyo fursado cusub . Halka kuwo kale ay ku adkaysanayaan in Firdhiye uu yahay qofka ugu habboon ee sii wadi kara maamulka, maadaama uu h**ey u dejiyey dhidibada maamulka hadda jira.

Doorashada maanta waxay noqon kartaa mid dib u qeexa khariidadda siyaasadeed ee Waqooyi Bari, waxayna saameyn toos ah ku yeelan doontaa mustaqbalka siyaasadda dad reer Waqooyi Bari.
Khaliifka ayaan rejo buuran illaa hadda lahayn maadaama kaadhka qabiilku shaqeynayo.
Maxay Kula tahay adiga

30/08/2025

Doorashada Khaatumo siday u saamaynaysaa Somaliland?

Doorashada Laascaanood ee berri waxa ku tartamaya saddex kooxood oo kala wata saddex tartame oo kala ah Firdhiye, Jamaal iyo Khaliif. Labad h**e Xamse iyo Xasan baa kala hoggaaminaya, ka danbana Garoowe ayaa saldhig u ah.

FIRDHIYE
Kooxo kala duwan oo Xasan Sheekh hoggaaminayo, wadaaddo iyo ganacsatana doorka labaad leeyihiin ayaa isugu tagay. Xasan wuxuu ka arkay kalsooni uu danihiisa doorashada ku fushan karo iyo nin uu wax dhex marsan karo isaga oo labada garab ee sare ku xusan ay wakiil uga yihiin. Sidaas awgeed, waxa uu tamartiisa duldhigayaa Firdhiye oo leh dhaqanka naanystiisa. Murashaxan waxa guushiisa rejaynaya Hargeysa iyo Garoowe oo u arka ka ugu dhibaato yar marka loo eego saamaynta mustaqbalka Khaatumo. Sababtuna waa inuu jiho aan khatar ku ahayn oo jidkii Ceelasha Biyaha ah ula kacay masiirkii bulshada. Waa ninka ilaa hadda ugu xooggan marka lagu qiimeeyo xulistii Xildhibaannada wax dooranaya.

JAMAAL
Raysalwasaare Xamse oo ay weheliso safiirka Shiinaha oo ka wakiil ah dawladda Shiinaha ayaa hoggaaminaya kooxda garbaha haya. Fidinta maammulka iyo midaynta Badhan iyo Laascaanood ayaa u ah qodobka ololaha, kaas oo ah rejada keliya ee hanaqaadka maammulka. Waa run inuu Jamaal xukunka gaadhsiin karo Laasqoray, laakiin nasiibdarro reer Laascaanood kuma dhiirran karaan fursaddaas. Shiinaha heshiiskii macdaneed ee dhawaan lala galay maqaarsaar ayuu ahaaye, waxa uu doonayaa saldhig xeebta Laasqoray ah oo lagu cunaqabataynayo ka Maraykan uu ka rabo Berbera. Waxa uu ballanqaaday inuu dekedda Laasqoray dhiso iyo waddo xeebta iyo Laaska isku xidha. Kaabayaal kalana waa dheeryihiin. Waxa ayse ku xidhan tahay doorashada Jamaal. Xamse ayaa sidoo kale doonaya inuu ka tago Daarood oo maammul 3aad u dhisan yahay, taas oo aanu Xasan daacad ka ahayn. Haddii Jamaal la doorto, Puntland deegaannada Warsangeli way ka wareegayaan xoog ama xeelad, Somaliland na Sanaag uma degayso.
KHALIIF
Deni koox uu hoggaaminayo ayaa riixaya. Si niyada uma wadaan oo nin la aammini karo ma aha, laakiin Colka Wadhaf ma lagu dayay ayay ka tahay. Khaliif ma rumaysna Khaatumo madax bannaan; sidaas awgeed waxa uu qabaa in Harti lagu mideeyo Puntland. Taasi waa mid sir iyo caadba uga muuqata. Waxaa aragtidan la wadaaga qayb dhaqanka ka mid ah oo aragta in la qaaday waddo qallalan. Khaliif walow aanu rejo badan lahayn, haddana waa nasiib inuu qaddarku ku simo. Guusha Khaliif waa danta Garoowe, Somaliland na inay fursad kale ka hesho ayaa suuragal ah, laakiin Khaatumo waa dildillaacaysaa ama ku daynaysaa.

HADDABA
Fursadaha siyaasadeed ee Somaliland ay dayacday 15-kii sano ee u dambeeyey waa inay faragelin wayday doorashada Muqdisho. Runtii way fududayd inay soo saarto hadba Madaxweynaha ay doonayso oo danaheeda ka fushato. Dalalka dunidu waxa ay dal qaarad kale ku yaalla Saldhig ciidan uga samaystaan waa inay danaha qarankooda ka difaacaan kumannaan mayl meel u jirta. Sidoo kale, doorashada Laascaanood fursad weyn ayaa ku jirtay oo laga shaqaysan karo muddadii dhawayd. Walow ay iskeed shaxdu isaga fiicnaan doonto xagga Somaliland oo Firdhiye iman karo, haddana in laga hakado marnaba wax la garaysan karo ma ahayn maaddaama ay amniga Qaranka saamaynayso. Waxa aad mooddaa beryahan in wakhtigu la jiro Somaliland oo caqabad kastaa fursad isu beddelayso.

Ilaahay sidii roon ha ka dhigo.
Hero

29/08/2025

Cabdirisaaq Khaliif iyo Saaxiibkii Cirro maxaa ka dhexeeya?

28/08/2025

Waa maxay Aragtida Khaliifka ee khusaysa Waddada Somaliland iyo Heshiiskeeda?

28/08/2025

Jabbuuti maxay ka damacsan tahay Awdal?

Siyaasad ahaan, dawlad ahaan, maalgashi iyo aqoonsiba si adag ayay xukuumadda Geelle uga soo horjeedday Somaliland. Xilligii MoU-ga Addis lala galay waxa uu dejiyay qorshihii ciidan uu Xasan soo diro Saylac laga soo gelin lahaa. Sannad goolaaftan ah ka dib waa tii Ankara faraqa la isugu xidhay Xasan iyo Abiy. Heshiiskaas doorkiisii lagama siin Geelle. Doorashadii ka dib, waa tii danta quwadaha dunidu Somaliland u soo jeedisay. fool Aqoonsi-diid ah oo ka xanuun kulul MoU-gii ayaa qabatay Xasan iyo Geelle. Xanuunkan dambe waa mid xaqiiq ku salaysan laakiin u kala hafeef kulul labadooda iyo Abiy.

Markii ay dacwo tageen, Abiy hawshan ka bax baa la faray, Geelle soo tasho baa la yidhi maaddaama uu ka duruuf duwan yahay Addis, Xasan isaga juuq looma odhan. Taasi waxa ay mar labaad isku sidigtay Xasan iyo Geelle. Halkaas bay Awdal ka soo gashay xaajada. Waxa la karkariyay siyaasad kulul oo mucaaradka Samaroon la dul dhigo xoog iyo xoolo. Kacdoonkii baraha bulshada iyo xisaabtii saamiga Awdal ayaa malmal lagu shiday. Waxa si dadban loo dhex maray dad cod leh laakiin daacad ah. Waxa lagu guulaystay in guux si wacan sare loogu maqli karo la shido. Taasi waxa ay dhaqaajisay awoodo kale oo dano badan ka lahaa gobolka. Waxa soo baxay khataro aan h**e looga tashan oo kuwa qorshaha wata waxyeelaya.

Si aan la filayn, mucaaradkii geelle ee dibadda ka soo hadli jiray ayaa gudaha ka gurxamay. Xanta markii la dabagalay waxa raadkeedii galay qasriga odayga. Geelle waa 77 jir xanuunno u dheer yihiin. Dastuurka dalku ma oggola in qof 75 ka weyn madaxweyne isu sharraxo. Hadduu caafimaad ku gaadho, markii 6aad si uu isu doorto sharciga ma beddelayaa mise xoog buu ku joogayaa? Yaa beddelaya hadduu dhinto ama tartami waayo doorashada 2026? Waa weydiimo xilli kale. Laakiin waxa hubaal ah in loo tashanayo. Weliba in maammulkiisa lagaga dhex tashanayo. Taasi waxa ay caddaysay, haddii Awdal furin noqoto in subaxa h**e lagu kala dhaqaaqayo Balbala iyo Guudka. Waxa ka daran Eritrea oo dhufayska ku soo jirta. Tan ugu halista badani se waa Canfarta oo saacadda tirsanaya. Mar qudha ayay sida filinka u daawadeen Jabbuuti oo loo kala boobayo sidii Sac waraabayaal raqayaan. Taasi waxa ay sababtay in waajibaadka ciidanka Jabuuti lagu daro ilaalinta gobolka Awdal. Imaanshaha Ugaaska in ka badan inta Hargeysa ka shaqaysay iyaga ayaa ka shaqaynayay.

Jabhad dumisa gobolka iska daaye Ciidamo madani ah oo degganaanshaha deegaanadooda ilaaliya ayaa la qorsheeyey haddii wax dhacaan. Halkaas bay Xasan iyo Geelle ku kala dhaqaaqeen. Taas baa sababtay in Jabuuti hoos timaaddo Madaxweyne Cirro. Abiy, isaga oo amarkii faraha ka qaad aan fulinin ee hoosta ka shidayay, tan Jabuuti baa cashar cusub u dhigtay. Eritrea oo waddada Tareenka ka fadhida bal sawiro. Sirmaqabe ilaahay baa u sahan ahe, waxa iskood isugu jabay lafihii maroodiga. Dhinaca kale, Xasan markii ay Ugaaska iyo Geelle dabkii biyo kaga shubeen, argagixisadii ayuu miciin biday. Waa sababta AS ay ugu halqabsadaan Fiqi iyo Xasan iyo qorshihii agaasimaha Nisa dib loogu soo celiyay muddo ka hor. Halkaas waxa isku beddelay qorshihii danta saddex-xagalka ah lagaga fulinayey buuraleyda taariikhdu xustay.

Waxa se hubaal ah, in daqiiqad kasta xaaladuhu isbeddelayaan. Sidaas awgeed waa in indhaha iyo dhegaha tamarta loo kordhiyo, maskaxdana la soofeeyo. Ninkii cadawgiisa irbadda ka xaday waxa laga reebay “Rag isgurayee”. Allahayoow na ammaanso.

Ex-Mayor Hero

27/08/2025

Madaxii h**e ee hay’adda sirdoonka Israa|l ee Mossad , Yossi Cohen ayaa soo bandhigay qorshe uu ku dhisayo xisbi siyaasadeed midig isbeddel doon ah, si uu meesha uga saaro Netanyahu oo uu ku sheegay in la joogo waqtigii siyaasadda laga saari lahaa, si uu u noqdo ra’iisul wasaaraha xiga, markaa oo uu isku xiray in ka bixitaanka siyaasadda ee Netanyahu iyo jiritaanka Israa|l ay hadda tahay wax muuqda inay isku xirantahay.

Isla markiiba go’aankan waxaa soo dhaweeyay hoggaamiyaha mucaaradka Israa|l , Yair Lapid oo ku sheegay surtagalnimada uu siyaasadda ku soo galayo Yossi Cohen inay tahay waxa kaliya ee kala jebin kara cododka kooxaha midigta ee gacanta ku haya Netanyahu , taa oo haddii ay dhacdo lagu burburin karo xukuumadda Netanyahu.

Muxuu yahay Yossi Cohen?

Marka la tixraaco sooyaalkiisa, waa nin ka caqli badan Netanyahu , balse sidoo kale ka naxariis darran, isagoo adeegsada siyaasad ku dhisan istaarijiyad wax burburiso, iyadoo qofna uusan ku dhiirran in laga hor yimaado, taa oo ka dhigtay mid laga jecelyahay gudaha Israa|l.

Yossi Cohen wuxuu ahaa mid ka mid ah madaxdii ugu saameynta badnayd ee hay’adda sirdoonka Israa|l ee Mossad, isagoo xilka hayay intii u dhaxaysay 2016 ilaa 2021.

Halkan hoose waxaa ku qoran qaar ka mid ah dhacdooyinkii ugu muhiimsanaa ee lagu tiriyo hoggaamintiisa:

•Dilalka Saynisyahannada Nukliyeerka Iiraan
Intii uu Cohen madaxda ahaa, Mossad waxaa lala xiriiriyay dilalka saynisyahannada Iiraan, gaar ahaan Mohsen Fakhrizadeh, oo ahaa ninka ugu muhiimsan barnaamijka nukliyeerka ee Iiraan, kaas oo lagu dilay duullaan qorsheysan oo dhacay November 2020 agagaarka Tehran. Weerarkaasi waxaa loo adeegsaday hub casri ah oo la sheegay inuu ahaa robot hubaysan oo meel fog laga hago.

Dilalkaasi waxay ahaayeen qayb ka mid ah ololaha Mossad ee lagu wiiqayo barnaamijka nukliyeerka Iiraan, waxayna muujiyeen in Cohen iyo kooxdiisa ay sare u qaadeen howlgallada ka dhanka ah Iiraan.

•Cohen ayaa la sheegay inuu hagayay hawlgallo badan oo qaraxyo iyo jabsiyo lagu fuliyay xarumaha Iiraan, sida qaraxii ka dhacay xarunta Natanz 2020 iyo 2021, taas oo dib u dhigtay horumarka Iiraan ee uranium-ka kobcinta.

Inkastoo inta badan warbixinaha si rasmi ah aan loo shaacin, waxaa jira ilo badan oo sheegaya in intii Cohen madax ka ahaa Mossad uu xoogga saaray weerarrada ka dhanka ah hoggaamiyeyaasha iyo shabakadaha hubka ee Xamaas iyo Xisbullah.

Waxaa la tuhunsan yahay in Mossad uu qayb ka ahaa dilalka qaar ka mid ah hoggaamiyeyaasha Xamaas ee dibadda, gaar ahaan kuwa ku sugnaa Suuriya iyo Lubnaan, inkasta oo Israa’iil aysan si rasmi ah u qiran.

•2018, Yossi Cohen wuxuu hogaamiyay hawlgalkii lagu xaday xog sirdoon oo waaweyn oo laga soo qaatay magaalada Tehran. Dukumentiyo badan iyo caddayn ku saabsan barnaamijka nukliyeerka Iiraan ayaa la sheegay in si qarsoodi ah loo keenay Telaabiib. Hawlgalkan ayaa loo arkay mid ka mid ah guulihii ugu waaweynaa ee Mossad qarniyo badan.

27/08/2025

Soomaaliya waxa ay u janjeedhsatay dhinaca Shiinaha.

Waa arrin hadda uun bilow ah iyada oo ka fogaanaysa taageerayaashoodii soo jireenka ahaa ee reer Galbeedka.

Ra’iisul wasaaraha maamulka Muqdisho, Hamze Cabdi oo u dhashay Itoobiya ayaa waxa uu ku sugan yahay Beijing, caasimadda dal weynaha Shiinaha.

Booqashadiisa Shiinaha waxa ay wasaaradda arrimaha dibadda ee Shiinahu ku tilmaantay unkidda xidhiidh aan “dhalangeddismin xaalad walba” [all weather relationship] oo u dhaxayn doona PRC iyo maamulka Muqdisho.

Tallabadani ayaa u eg mid laga leeyahay laba u jeedo:

1) bareejaynta xidhiidhka istaraatiijiyadeed ee dhowaan sare loo qaaday ee u dhexeeya Jamhuriyadda Somaliland iyo Taiwan iyo 2) ka hortagga aqoonsi Somaliland ay ka hesho Maraykan xilli uu bilow yahay tartan ka dhexeeya awoodaha waaweyn (great power competition) ee ku loollamaya dhulkan juquraafi-siyaasadeed ahaan muhimka ee Somaliland dhacdo.

Waxa la filayaa in gargaarka reer Galbeedka uga iman jiray Soomaaliya uu yaraado iyo in la joojiyo taageerada maaliyadeed iyo militari ee ay bixin jireen sababo la xidhiidha daal ka yimid deeq-bixiyayaasha iyo la'aanta natiijooyin la taaban karo oo ka dhan ah AS oo iyagu hareereyay Magaaladda Muqdisho. 30 sano ka badan oo Soomaaliya naf laga eegayay, waxa muuqata in faras dhintay jeedal lala dhacayay. Shirkii golaha wasiirrada ee 25-ka August dhacay ayaa la faray wasiirrada inay isu diyaariyaan "gunti giijis" adag waayo lacagtii reer galbeedka ee kooxda Muqdisho helaysay meesha ayay ka baxaysaa.

Sidoo kale rejiimka Muqdisho waxa ay gorgortan la gelaysaa Maaliyadda iyo militariba leh noqonayana dayn, dalka Shiinaha oo ah mid aan weligii beddeli karin doollarkii canshuur bixiyeyaasha Mareykanka iyo reer Europe. China, falsafaddiisa dhaqaale iyo diblomaasiyaadeed kuma jirto bixinta sadaqad, ee waxa uu dhaqan u leeyahay dabinka dhaqaale diblomaasiyeed (debt trap diplomacy) sida maanta jabbuuti u tahay mid ku qaraqqantay daymaha Shiinuhu ku leeyahay oo debt to GDP ratio u noqday mid 80% gaadhsiisan.

Senator Ted Cruz iyo xildhibaanno kale oo Mareykan ah oo uu ka mid yahay Scot Perry iyo Sen James Reisch ayaa mar walba ku saxsanaa in Soomaaliya ay noqotay saldhigga CCP ee Bariga Afrika.

Hadda waxaa aad muhiim u ah in Mareykanka uu dib u aqoonsado Somaliland, si aanu u waayin saaxiib istaraatiiji [Somaliland] ah oo dhaca dhul istaraatiij ah.

Ambassador Hagoogane