28/05/2026
FARIIN KU SOCOTA DHALINTA DHUUSAMAREEB.
Waxaan arkay dhalinyaro badan oo reer Galmudug ah, gaar ahaan reer Dhuusamareeb, kuwaas oo aan markii h**e ku aqoon jiray aqoon, biseyl iyo jacayl deegaan. Laakiin maanta, markii ay soo cusboonaadeen arrimo siyaasadeed, waxaa muuqata in qaar badan ay isu beddeleen afhayeenno qabiil ama shaqsiyaad gaar ah u ololeeya.
Siyaasaddu sideeda ma laha meel ay ku ekaato, mana noqoto mar walba sida aad adigu rabto. Isbeddel iyo kala aragti duwanaansho waa qayb kamid ah siyaasadda. Balse shakhsiyadda qofka iyo mabda’a uu aaminsan yahay ma aha wax maalin walba is beddela ama lagu saleeyo xaaladda taagan ee waqtigaas jirta.
Qofka waxaa qiimeeya mabda’iisa, damiirkiisa iyo sida uu uga madax bannaan yahay eex, qabyaalad iyo dano shaqsiyeed. Siyaasaddu waa inay ka weyn tahay shaqsi iyo koox gaar ah.
Siyaasiga maanta jooga berri ma joogi karo, midka maanta doonayana laga yaabee inuusan helin waxa uu raadinayo. Laakiin waxa lama huraanka ah waa ilaalinta deganaanshaha, xasilloonida iyo wadajirka bulshada iyo deegaanka. Taasi waa “cawska jiilaal” ee aan la huri karin, waana waxa ay ummaddu ku badbaaddo marka ay siyaasadaha iyo danuhu is beddelaan.
Dhuusamareeb waa ka weyn tahay magaalo dano shaqsiyeed lagu burburiyo ama lagu kala fogeeyo bulshada. Waa caasimadda Galmudug State, waana magaalo ay wada leeyihiin dhammaan shacabka reer Galmudug. Sidaas darteed, ilaalinta xasilloonideeda, sumcaddeeda iyo wadajirka dadkeeda waa waajib saaran qof kasta oo reer Galmudug ah.
Waxaa nasiib darro ah in mararka qaar doodaha siyaasadeed loo adeegsado qaab qabiil ku dhisan, iyadoo la isku dayayo in magaalada loo sawiro meel ay cid gaar ahi leedahay. Taasi ma aha mid dhiseysa bulshada, mana waafaqsana qiimaha iyo karaamada caasimad dowlad goboleed.
It is a shame on those who try to make the city appear as if it belongs to one particular clan.” Sumcadda caasimadda yaan lagu ciyaarin.
Waxaa muhiim ah in qof kasta oo reer Galmudug ahi dareemo in Dhuusamareeb tahay magaalo uu leeyahay, laguna wada leeyahay nabad, wadajir iyo horumar. Caasimaddu waxay ku qurux badan tahay dadka mideysan, ee aan u kala harin dano siyaasadeed iyo kala qoqob bulsho.
Waxaa kaloo nasiib darro weyn ah in qaar sheegta inay deegaanka siyaasadda ku matalaan aysan awoodin inay hadlaan marka xaalad jirto, balse ay ka hormariyaan dantooda gaarka ah tan bulshada iyo masiirka deegaanka.
W/Q: gud.Abdulkadir Kamacle
Dhusamareb Media
![Ugaaskii Beesha CayrSanatarkii Beesha Cayr [C.Xakiin]Gudoomiyihii Siyaasada Cayr [Culusow]Gud.Maxkamadda İfka Xalane [Sh...](https://img5.medioq.com/419/333/1019172904193330.jpg)
