02/06/2026
Guddoomiyaha Degmada Doolow Mohamed Hussein Abdi Lafeey ayaa caawa booqasho dhiirrigelin ah ku tegay Dugsiga Farsamada Gacanta Mustaqbal ee Xeerada Barakaca Kabaso si uu u xoojiyo nabadda iyo horumarka deegaanka.
Guddoomiyuhu waxa uu bogaadiyey dhalinyarada hal-abuurka leh ee ku hawlan ganacsiyada iyo barashada xirfadaha kala duwan, isaga oo ku ammaanay dadaalkooda waxbarasho iyo sida ay uga faa’iidaysanayaan tababarrada farsamada gacanta ee ay helayaan barakacayaasha iyo bulshada deegaanka.
Guddoomiye Lafeey ayaa xusay in barashada farsamada gacantu ay tahay furaha shaqo-abuurka, isku-filnaanshaha iyo horumarka dhalinyarada deegaanka.
Maamulka Dugsiga Farsamada Gacanta ee Mustaqbal ayaa dhankiisa sheegay in dugsigu maalintii shaqeeyo, isla markaana hadda lagu soo kordhiyey fasallo habeenkii ah si arday badan loogu suurtageliyo inay bartaan xirfadaha farsamada gacanta.
Booqashada Gudoomiyaha waxaa ku wehlinayay Madaxa mashariicda iyo xiriirka Hay’addaha Doolow Abdiqani Hassan Uumiye iyo isuduwaha wasaaradda howlaha guud Jubbaland ee Doolow Mohamed Qani Kuusow.