16/04/2026
Qaylo-dhaan: Bulsho La Illaaway!
Maanta aduunka wuxuu marayaa heer uu qof walba hal gujis (click) ku gaadhi karo war kasta, meel kasta. Laakiin weli waxaa jira bulsho ku nool dhulka u dhexeeya Xiis iyo Kariin oo si buuxda uga go’an isgaadhsiinta casriga ah.
Bulshadan oo ah dhul ballaadhan oo ay degaan dad ka tirsan beesha Habar Jeclo, waxay u noolyihiin sidii dunida ka baxsan. Telefoon ma shaqeeyo. Internet ma jiro. Xog lama wadaagi karo.
Su’aal adag ayaa taagan:
Sidee bay bulsho dhan uga maqnaan kartaa horumarka dunida maanta?
Carruur waxbarasho doonaysa—waxay ka xiran yihiin albaabkii aqoonta.
Ganacsato rajo leh—waxay ka xiran yihiin suuqyadii casriga ahaa.
Qoysas—waxay ka go’an yihiin ehelkoodii iyo wararkii dunida.
Xaaladdu ma aha mid dabiici ah… waa mid la iska indho tiray.
Farta waxaa si toos ah loogu fiiqayaa shirkadda Telesom — shirkadda ugu weyn ee isgaadhsiinta Somaliland. Halka ay adeegyadeedu gaadheen inta badan dalka, haddana deegaannadan waxay weli ku sugan yihiin mugdi isgaadhsiineed.
Ma cadaalad baa in bulsho dhan laga reebo horumarka?
Ma la aqbali karaa in dadkaas loo daayo go’doon?
Waa wakhti la hadlo.
Waa wakhti la kaco.
Waa wakhti cod loo noqdo kuwa aan cod lahayn.
Bulshada ku nool inta u dhexaysa Xiis iyo Kariin waxay mudan yihiin:
Isgaadhsiin
Horumar
Fursad la mid ah tan dadka kale
Aamusnaantu xal ma aha. Qaylo-dhaantu waa bilowga isbeddelka.
W/Q Craxmaan Xidig
