17/04/2025
Maxaa u fududeeyay AS qabsashada Aadan Yabaal?
Shalay dagaal culus ayaa ka dhacay magaalada Aadan Yabaal. Dagaalka waxa uu billowday wax yar ka hor 6:00 subaxnimo, iyadoo kooxda AS ay weerar ugu soo qaadeen magaalada saddex jiho ah – Galharuur, Ceel Muluq iyo Al-Kawthar.
Wararka la helayo waxay sheegayaan in kooxda weerarka qaaday ay adeegsadeen ugu yaraan 12 oo ah kuwa waawayn ee ciidanka lagu daabulo iyo hub culus oo ay ka mid yihiin qoryaha Suuga loo yanaaqo ee Ruushku soo saaro.
Maalintii ka horreysay weerarka (April 15) roobab xooggan ayaa ka da’ay deegaanka, taasoo carqaladeysay hawlgallada cirka ee dabagalka iyo kormeerka dhaqdhaqaaqa AS. Tani waxay u suurtagelisay kooxda inay si qarsoodi ah ugu soo dhowaadaan magaalada iyagoo ka faa’iideysanaya la socod la’aanta dhaqdhaqaaga kooxda iyo xaaladda cimilada ee xun.
Milatariga Soomaaliya waxaa u suurtagashay in ay dhamaan saanadooda iyo dhawaacyada ka soo gaaray dagaalka ay banaanka ula baxaan, waxaana durba dhaawacyadii loo soo qaaday dhanka Muqdisho. Dowladu wali ma shaacin khasaaraha ka dhashay dagaalka balse baaritaanno ayaa wali lagu hayo khasaaraha rasmiga ah ee ka dhashay dagaalka.
Saraakiil sar sare oo dowladda ka tirsan sida Taliyaha Ciidanka Xoogga Dalka, General Odawaa Yuusuf Raage, Guddoomiyaha Maxkamadda Ciidamada, Colonel Xasan Cali Shuute, xildhibaano federaal iyo heer gobol, iyo mas’uuliyiin kale oo ku sugnaa Aadan Yabaal waqtiga weerarka ayaa dhammaantood hada ku sugan banaanka magaaladda waxa ayna abaabulayaan howlgal xooggan.
Dagaalkii dhacay iyo qasaaraha ayaa aad u kala fogaa, si ka duwan howlgaladii h**e ciidanku waxa ay maareeyeen in kooxdu gacanta ku dhigto saanad milatari. Ugu yaraan laba booyadood iyo gaari kuwa xamuulka ah oo ciladaysnaa ayaa looga tagay xerada kuwaas oo ay soo sawirtay kooxdu.
Khuburada milateriga ayaa sheegaya in xaaladda markan u baahan tahay in si degdeg ah loo qaato tallaabooyin adag, sida in si ku-meel gaar ah looga baxo saldhigyada h**e si loo yareeyo khasaaraha, ciidamadu u dib isu abaabulaan, islamarkaana xoogga la saaro difaacyo muhiim ah. Ciidanka, saraakiisha iyo siyaasiyiintu waxa ay diyaar u yihiin inay gaaraan go’aannada adag si looga hortago kooxda.
Qalad ay tahay in wax wax laga barta. Qadka isgaarsiinta ayaa wali go’an oo majiraan telofano gacanta ah oo la iskula xiriiro taasi waa dhacdaa markaste oo waa goob dagaal. Balse isgaarsiinta ciidanka isma wici karaan Aaladaha isgaarsiinta ee ay kala adeegsadaan Gor Gor iyo Danab. Tusaale qalabka isgaarsiinta ee Danad isticmaasha ma soo gali karaan qadadka saraakiisha ciidanka markala laga reebo ciidanka Danad ka tirsan oo kaliya. Gorgor sidoo kale waxa ay isticmaalaan isgaarsiin u gaar ah. Taasi waxa ay marwalba yaraysaa isku gurmashada ciidanka.
Wariye Haarun Macruuf ayaa leh in badan oo ka mid xuquuqda xogtaan.
